المساعد الشخصي الرقمي

مشاهدة النسخة كاملة : نهاية حكاية الغربة والحملان



عبدالرحيم
27-02-2004, 03:56 AM
سرحت وسرحت رحت بيت ناس عمي في الغبشان
وطريت كلام ضوء القمر الرزينة ست فريق ودعثمان
وضحكاتا وحديثه ليا لما اجيها حردان وزعلان
تزيل البي ياريت تطير عيشة الغربة ياحبان
ومن وقتها لفحت عصاتي وكشيت الضان
وفد عصره ماوقفت الا في دار الحفيان
ولقيتو اوسم في الحملان
قام قال لي خبارك جيت بدري ياحميدان
لعلك ما مرضان ولا رايح لاخوك سلمان
قلتو لا انا داير اسافر لاهلي الحنان
ومن بكره اركب الباخره ام دخان
وما شرط ان كنت مقرش او فلسان
ماداما ماشي لوطني بلد الحبان
ازرع بلادي وادق عيشي وهن جاب كتير او قليل ما قمحان
واكلولها بي مويه او بروب او حتى قروض بس ماجيعان
واقدل في الفريق واجلس فوق القيزان
وساعد الببني في بيتو واطلع فزعه مع الصبيان
ودا كله احسن لي من ريالات الحفيان

والختام جلسه تحت شجرة نيم وجبنة طين ومعها فنجان

القدال
03-03-2004, 01:08 PM
والله حلوه والله يرجعنا بلدنا ونضوق الحلوه وننسي المر واكيد راجعين حتي لو ما الليله بكره
والله كريم
الله كريم

HAMADTO
05-03-2004, 11:10 AM
بسم الله الرحمن الرحيم

السلام عليكم ورحمة الله تعالى وبركاته

تمنيت أن لا تصل حكاية الغربة والحملان للنهاية
ولكن لكل بداية نهاية ..........
وننتظر منك المزيد يا عبده



http://a3rak.jeeran.com/4.gif

سمل الحلفاوى
11-02-2021, 03:51 PM
يا اخي متظرينك