aadarob
09-03-2005, 09:50 PM
شوفو جنس الجرسة دي الواحد يريد لدرجة العنف النفسي ودي قصيدة شايقية
لناس مدنى الحنينيييييييييييييين
حبي أنا ليك كان زادي كان جوه الحنايا دفين
كنت بضاريهو من الناس وخايفه عليهو من العين
عليها أنا كت بصوم وأفطر عليهو بكابد النارين
كنت بحسب سنين الغربة لما تعود تجيني متين
كنت برجاك فوق النار لما وكت لقانا يحين
نونس في براءة أطفال من الحب نروي ننهل زين
وكل يوم يزيد البينا لما بقينا غاب قوسين
أتاري أنا كنت فيك مخدوعة وكم من زي مخدوعين
ما قايلاك حبيب آلاف وقلبك قبلة للضالين
ما قايلاك تنسى حبيب صبر راجيك تسع سنين
كيفن هان عليك تنساه زولاً كان عليك حنين
وتشغل بالك الأشواق لمن تزبل الياسمين
كنت دايراك بسمة عريضة في وش الزمان الشين
وكنت دايراك ساعة الحارة تبقى لي دخري خزين
وكنت دايراك مقنع حوبة وكتين المضاري يبين
وكت دايراك فارس أحلام تشاركني ونتم الزين
وكنت بحلمبك إنت معاي مجرتق بالعديل والزين
وأنا الأبحرت راكبه الموج أكيد مرساي بين موجتين
وداعاً يا سراب خداع محال ما بيروي عطشانين
وداعاً يا حلم عابر يسعد ويفرح النايمين
وداعاً يا كلام معسول حدو ومكمنو الشفتين
وداعاً يا قلب قساي لا بيحن لا بيلين
وداعاً يا سحابة صيف شايله مطر ضليل ورهين
تبشر بي خريف جايينا يا ما الناس رجوه سنين
كل زولاً يفكر فيها ما معروفة تنزل وين
وألف سلامة ليك يا قلبي مسالم وديمه طبعو حنين
يتاورو الشوق ويلعب بيهو تنخر في حشاه السنين
تواردو الزكرى تنخر جوه وحالو يحنن المسكين
وأخيراً ليك ألف سلام قبل ما تجف دموع العين
بخيت وسعيد عليك إن شاء الله يبقى لك عمار وبنين
وقلبي أنا خلّي في أنّاتو بعدك يا ما راجي أنين
لو كان يا قلبي حبيت بعدو بعد حلفت يمين
إن شاء الله ما يتم ليك مراد لا تضوق حلو لا زين
وعمرك ما تجيك سعادة ما تتهنا قول أمين
تاني الحب عليك حرمان وعد الحر أمانة ودين
لناس مدنى الحنينيييييييييييييين
حبي أنا ليك كان زادي كان جوه الحنايا دفين
كنت بضاريهو من الناس وخايفه عليهو من العين
عليها أنا كت بصوم وأفطر عليهو بكابد النارين
كنت بحسب سنين الغربة لما تعود تجيني متين
كنت برجاك فوق النار لما وكت لقانا يحين
نونس في براءة أطفال من الحب نروي ننهل زين
وكل يوم يزيد البينا لما بقينا غاب قوسين
أتاري أنا كنت فيك مخدوعة وكم من زي مخدوعين
ما قايلاك حبيب آلاف وقلبك قبلة للضالين
ما قايلاك تنسى حبيب صبر راجيك تسع سنين
كيفن هان عليك تنساه زولاً كان عليك حنين
وتشغل بالك الأشواق لمن تزبل الياسمين
كنت دايراك بسمة عريضة في وش الزمان الشين
وكنت دايراك ساعة الحارة تبقى لي دخري خزين
وكنت دايراك مقنع حوبة وكتين المضاري يبين
وكت دايراك فارس أحلام تشاركني ونتم الزين
وكنت بحلمبك إنت معاي مجرتق بالعديل والزين
وأنا الأبحرت راكبه الموج أكيد مرساي بين موجتين
وداعاً يا سراب خداع محال ما بيروي عطشانين
وداعاً يا حلم عابر يسعد ويفرح النايمين
وداعاً يا كلام معسول حدو ومكمنو الشفتين
وداعاً يا قلب قساي لا بيحن لا بيلين
وداعاً يا سحابة صيف شايله مطر ضليل ورهين
تبشر بي خريف جايينا يا ما الناس رجوه سنين
كل زولاً يفكر فيها ما معروفة تنزل وين
وألف سلامة ليك يا قلبي مسالم وديمه طبعو حنين
يتاورو الشوق ويلعب بيهو تنخر في حشاه السنين
تواردو الزكرى تنخر جوه وحالو يحنن المسكين
وأخيراً ليك ألف سلام قبل ما تجف دموع العين
بخيت وسعيد عليك إن شاء الله يبقى لك عمار وبنين
وقلبي أنا خلّي في أنّاتو بعدك يا ما راجي أنين
لو كان يا قلبي حبيت بعدو بعد حلفت يمين
إن شاء الله ما يتم ليك مراد لا تضوق حلو لا زين
وعمرك ما تجيك سعادة ما تتهنا قول أمين
تاني الحب عليك حرمان وعد الحر أمانة ودين