مشاهدة النسخة كاملة : خيمة الدوبييييييييييت
مهيرة
10-03-2005, 12:15 AM
عجبتني الفكرة من العزيز
aadarob
ورأيت أن يكون هذا الإرث الراقي الشعبي في متناول المنتدي ونحن منطقة غزيرة الانتاج شرقا وغربا وجنوبا 00 رحبوا بهذه الفكرة ونبدأ برائعة أدرووب
قال طه :
أخوك يا ريا وكت الخيول بدبكن
أخوك يا ريا وكت الرماح يتشبكن
اخوك جبل الثبات وكت القواسي بحبكن
كم بكيت وكم قشيت دموع الببكن
قالت ريا
وراك اسود علي ما نمت اسع طيب
قل طه
بسم الله قولي اخوك طيب
نصيح وشديد حاضر قلبي ماهو مغيب
إلا الشفتو في النوم من هوايله يشيب
الزول في الصحي مخدوم عليه شقاهو
وإن غمض شويه تجي الهموم لاحقاهو
الصف ابلبوس انا ما بخافو لقاهو
ياليت الحلم في صحيا كان بلقاهو ...
كان خيرولا شر بلقاهو ما بهم بالى
وحارسنى السبات من الكبار قبالى
وكت هسع صحيت وشفتك سالمه قاعده قبالى
ان اتلخبت الكون مانى مبالى
قالت ريا
كعب نوم النهار أمس العصير كنت نايمه
رأيت قدام الفريقنا أشوف صقوراً حايمه
كبيرن غار علي من نومي تبيت قايمه
صحيت مهجومه لا مفصل ولا في القايمه
قليها طه :
وانتي كمان رأيتي صقور عباره غريبه
علامتا كافية ظنيت الحكايه قريبه
هاك مني الصحيح الما بتدخلو الريبه
هادي الحله بي عيني أشوف تخريبه
قالت ريا
تف الشينه ليه فاجعني ليه يا طه
انت الدغري وانت الكاشفه ياك غطاها
كان الدنيا هادي العقبة تتخطاها
ما بضلل سماها وما ابتشيلني وطاها
وقعدت ريا تبكي
رد عليها طه وقال
ما بفيد البكاء وكلامي احسن تنسي
قالت ليه ريا
كيف ما ابكي وكيف افوت مراتع انسي
افقد كل شي عزي ورجالي وانسي
تطلق فوقي نار عقبان تقول لي انسي ..قال طه :
فال الخير أخير ما شفنا شيناً جدت
كلا لشفنا أحلام في طريقه إتعدت
قبل الليلة إيد لحمان قطْ ما اتمدت
ما بنهد شرفنا لو السماء إنهدت
قالت ريا :
خير إنشاء الله خير والخير مساك وصباحك
والفال السمح فالك يضوي مراحك
بالضيفان أشوف عامر تملي مراحك
شينك ما أشوف وأشوف هناك و أفراحك
قال طه :
خير الزول يقول مهما الامر يتهول
قالوا الناس علي فالو الحلم يتأول
غاية الحي فناه إن كان قرب إن طول
يترك ذكرو والناس الوري بتتقول
قالت ريا :
وريني الحلم التورك مزهول
قال طه :
أصبري لي أروق حبل الفكرمبهول
احكيلك شنو الشفتو والله مهول
شفت الوحده شفت النار وشفت الهول
أحكيلك تمام الشفتو ما بتغابه
جايين العصير أنا وإنتي من الغابه
سايقه ليك بهم قدامي بي رقابه
بينا والفريق إتولعت تقابه
قدر ما نشوف بعيد قدامنا نلقي حريق
وقت النار علت ما شفنا تاني فريق
باصرنا المروق ما لقينا لينا طريق
تشكي من عطش واخوك يابس ريق
فترتي قعدتي ,انا محتار جلست وراكى
حاقبه الدرقة ختيت سيفي فوق أوراكى
وكت بعد البهم لى قسعو قمتى براكى
غسعتي وجيتي ومعاك كور صقور تبراكى
تبت بي عجل شافنى جفلن و طارن
غابن من عيوني وفي اللعوت اتضارن
ما غابن كتير جن يقدلن يتبارن
قدامن كبيرن عينني وغارن
سل السيف ولاقاهن أخوك يالضامره
تور عنز أم هشيم الفي المجامع دامره
سيل تلوى اندفق فوقو السحائب هامره
حجر الصاقعه فرتاك الصفوف العامره
بادرني الكبير ديك إستعدن وقفن
ما مهلتو طار راسو وجناحي يرفن
طارن ديك وقت بي ريشو رقد اتكفن
قالت له ريا :
عارض ومات خلاص لي الليلة يمكن عفن ..
نحمد ربنا الليلة مات عارِضنا
وان كان عمروا طال يا ريا كان قارضنا
يلحقوا بي عجل ديش همنا المارضنا
نبدا زواجنا بكرة منو البيجي يعارضنا
بطال البعيش في الدنيا اصلوا غناه
ان كان مالو راح غير اهله مين يدناه
سمح الفوق اساس ابواتو تمه بناه
والزول دون قبيله غناه شن معناه
ما بنفرح بي مال ونقول كفانا ورثنا
نفخر بالرجال في الحارة يبقوا ترسنا
نجمع ناسنا هيلنا من الكبار حارسنا
يحضروا اهلنا فرحانين يباركوا عرسنا
كل بطحاني يفرح بي عرسنا مناه
ساعة جمعتن بيتنا يتم بناه
عذاب عيش العزب يا ريا مر ضقناه
سمح الزول صبي يلد ويربي جناه
مهيرة
10-03-2005, 12:18 AM
وأولي المشاركات :
أنا بريدك بريد جيرتك
بريد اليوانسني يجيب لي سيرتك
أسمح من حلاوة ريا فوق تصويرتك
لي مكرب الحزامه واردة ضفيرتك
نبيل عبد الله
10-03-2005, 12:29 AM
شكرا كثيرا يامهيره والله انا كنت ببحث لى هزه القصة زمن ياريت تواصلى القصة لو امكن وما تقيفى
وما القصة بس يريت كل الدوبيت وشكر ا مرتا اخرى
aadarob
10-03-2005, 12:57 AM
االرئعة مهيرة
فكرة جميلة سوف ابحث عن كل جميل و ارسله لكم
مهيرة
10-03-2005, 12:57 AM
شكرا عزيزي نبيل عبد الله
ونحن في انتظار اثراء الخيمة بكل ما هو مبدع من هذا التراث الشعبي الأصيل
أختكم مهيرة
مهيرة
10-03-2005, 01:05 AM
ونحن في انتظار ابداعك
يا aadarob
ياسايق الفيات يا ابن الشرق الأصيل
وهاك الجدعة دي :
وكذب القال ينافس لى اصولنا يضارع
ابناء عز واعظم دوحة مــجدنا فارع
نحنا قبيلة منبت كل عالـــم ووارع
اقطاب دين واسياد طين جـزر ومشارع
أبوريلان
10-03-2005, 02:01 AM
هااااااااااااااااااااااااااااااااااااااااااااااااا اااااااااااااااااااا
أبشرى بالخير يا مهيرة :D :D :D
طبعا فيها شبال دى :D :D :D
ابراهيم
10-03-2005, 03:18 AM
مرحبتين الاخت مهيرة
أحيي الفكرة
المابيك ساكت من غير سبب ما تسكو
واشطب اسمو من آخر ضميرك حكو
شتتو في الخلا وعكس الهبايب فكو
وادد من يوادك والبدكك دكو
ولكم أطيب التحايا
ياسر فقيري
10-03-2005, 04:54 AM
الرائعة مهيرة .. تسلمي يا ستي على هذه الفكرة الراقية والرائعة .. وبإذن الله أدور في ذاكرتي عن بعض الأوتاد القديمة عشان أساهم معاك في بناء خيمة الدوبيت ..
http://www.wadmadani.com/up/pic/waew.gif
وجاري البحث عن أوتاد للخيمة
http://www.wadmadani.com/up/pic/waew1.gif
مهيرة
10-03-2005, 06:00 AM
YRELAN
وأبراهيم
وياسر فقيري
لكم جميعا معزتي وفخري بكم يا أهل النّمة وأخوان فاطمة
وشبال بناتكم وصفات الغنا ووصفات النسمة في ريحة الدعاش
حبابكم :
الخُمرية في غاية الكدر هي وسيدا
بدُّور أب عَلال الباهتا ما بزيدا
الشاقا المارقدا قوزّن المرميدا
زي البرعي ما بريد الحرم بتريدا
waheeb
10-03-2005, 07:20 PM
الأخت العزيزه مهيره...
حركت فينا كل الشوق لهذا الارث الجميل... واهنئك علي هذه الاطلاله الرائعه ..
وأقول ليك..
أبشري مهيره بت عبود...
اكيد لينا عوده ان كان في العمر بقيه..
aadarob
10-03-2005, 08:19 PM
هاكم الرمية دي
الازاني وخلاني انضم كُتُر كـتُر
جدي الريل اب سفنجاتاً .... خُدُر
تبري انتي من مشي الكرعين
.....وتبري انتي من دق الكُدُر
مهيرة
10-03-2005, 08:22 PM
الطمبور وهو من أهازيج أهل الوسط وجنوب النيل الأزرق ويؤدي بطريقة جماعية وترقص البنت أو البنات في الحلقة وتؤديها المجموعة من الرجال مع ترديد الكلمة الأخيرة الحركة الدائرية ويسمي بالطمبور الجابودي
ومن هذه النماذج :
:
قاعدين في خلانا
متونسين برانا
فوقك تقيل يا مطرق الخيدرانة
****
جدياً دابو قرم
يرعىَ العسين والبرم
شعرو سواد شبه الليل الضلم
aadarob
10-03-2005, 08:55 PM
وقت العيش طلبه حر
لوريه بالسكه كرة
وقت العيش بقي معدوم
فتح ديوانه ستة خشوم
وقت العيش بقي بالقبض
النعيم حاشاه ما جحد
فتح ديوانه وقعد
aadarob
10-03-2005, 09:06 PM
انا ما عارف الفرق بين الدوبيت والمسدار أخوكم طبعا هدندوي داير زول يشرح الفرق
دايراك يا على تكبر تشيل حملى
الجار العشير الكان أبوك بيدى
والغنى والفقير الكان أبوك حامى
السولب من العلج الحرير أكسى
aadarob
10-03-2005, 09:53 PM
انا شايف نفسى بكتب كتير الناس لازم تدخل عشان يسخن شوية
ا
لناس في العروض .. لا تقيسها بي تيبانا
لا يغرك لباسهم والعروض عريانة
ديل حراس رِزِق .. مِتلَ التكنِّي أمانة
زي إبل الرحيل .. شايلة السُقى وعطشانة
مهيرة
11-03-2005, 07:32 PM
تسلم يا أدرووب
وسـط الدارة نزلـن من قصورن
عامـن شوقـن قلبـي البـدورن
هج وضج في ود عينـي نـورن
وطابت روحي من نفحـة عطورن
madaniboy
11-03-2005, 11:30 PM
يسلموووووووووووووووووووووووو
aadarob
12-03-2005, 05:04 AM
حليل أهلى البشابيلن تقول مفطوم
حليلن هم كل ما أطش أشوفن فى
سمايا غيوم
و فارقنا أعز الناس
مهيرة
12-03-2005, 07:16 AM
الله يا أدرووب علي النسمات الحلوة دي
وشكرا ليك يا فاقدالحنان علي المرور ودايرين مشاركتك الفعلية
مهيرة
12-03-2005, 07:18 AM
قمر السبعتيـن قدلت حمـامـة
غطـت جملتن متـل الغمـامـة
محزوز جيدها فوق بانة قوامـه
مجروح ريدها وين يلقى السلامة
أبوبكرحامد
13-03-2005, 09:58 PM
الأخت الغالية مهيرة......................تحياتى
مبادرة رائعة تستحق الإشادة ، وقد كانت الفكرة على بالى ، فإذا بى أطالع خيمة الدوبيت التى ستظلنا من هجير العولمة ، أشكر لموقع مدنى هذا التناغم الجميل بين الأعضاء وهذه المودة التى ترفرف على الجميع .
بين يدى كتاب عن الشاعر الهمباتى الطيب البطحانى ، سأقوم بتلخيص أهم ماورد به وسيكون هديتى لك ولأدروب على هذا التميز والتألق.
مع أكيد التقدير
ود الماذون
ابوبكرعيكوره
13-03-2005, 11:42 PM
التحيه للأخت مهيرة
بعد ما كت ميقن وصبري مني موفر
طريت العهدو لي ومن سواي متنفر
هفالي المضى وموجة دموعي تدفر
بقيت متجرسا،لي اليتيمه تغفر
محمد عبد القادر الحاردلو
مهيرة
14-03-2005, 04:53 AM
كاتب الرسالة الأصلية أبوبكرحامد
الأخت الغالية مهيرة......................تحياتى
مبادرة رائعة تستحق الإشادة ، وقد كانت الفكرة على بالى ، فإذا بى أطالع خيمة الدوبيت التى ستظلنا من هجير العولمة ، أشكر لموقع مدنى هذا التناغم الجميل بين الأعضاء وهذه المودة التى ترفرف على الجميع .
بين يدى كتاب عن الشاعر الهمباتى الطيب البطحانى ، سأقوم بتلخيص أهم ماورد به وسيكون هديتى لك ولأدروب على هذا التميز والتألق.
مع أكيد التقدير
ود الماذون
أهلا بيك عزيزي أبوبكر في خيمة الدوبيت
وفي انتظار ابداعاتك في هذا التراث الممتع
مهيرة
14-03-2005, 04:56 AM
كاتب الرسالة الأصلية ابوبكرعيكوره
التحيه للأخت مهيرة
بعد ما كت ميقن وصبري مني موفر
طريت العهدو لي ومن سواي متنفر
هفالي المضى وموجة دموعي تدفر
بقيت متجرسا،لي اليتيمه تغفر
محمد عبد القادر الحاردلو
ود العيكورة 00 متكأ النيل الأزرق وشرفات ودمدني 00 أهل الترحاب
والبشاشة وسباتات رمضان وكرم أهل بلدي
حبابك في خيمة الدوبيت ونرجو المزيد من الابداع
مهيرة
14-03-2005, 05:01 AM
من دوبيت قيسان ود المحمية
في كلام ود الشهلوب ( البطانة ) !
مسك القبلة في كوع الشمال براقك
وقشط سدرو في عامر سحابو وساقك
تبوتك قرنن والسيل دهك شقاقك
الضايق نشوقك حار عليهو فراقك
ابوبكرعيكوره
14-03-2005, 07:24 AM
الأخت مهيره
غالب أصدقائي في فترة الجامعة كانو من الشكرية ، وقد اخذت منهم القليل من هذا الفن الراقي
(ملحوظه: أحفظ واروي ولا اكتب). وأحدهم (محمد عبد القادرأحمد الحاردلو-حفيد الحاردلو) شاعر شاب ، مجيد ، من أرق الناس شعرا وحديثا. وبقيتهم رواه
ألا نضر الله أيام سمرنا تلك
بالله تأملي - والسادة أعضاء المنتدى - روعة هذا التصوير لمشهد دخول الليل على الفريق :
ثبت المال ، مسك مرحاتو،رست العجه
صقر الليل فرد جنحاتو غمت الفجه
مبيخراتن صغار ولع جمرهن وج
ريحة الشاف مع الباشندي وقفت قجه
(للأسف لا أعرف إسم الشاعر)
مهيرة
14-03-2005, 07:41 PM
تسلم يا ود العيكورة
وفعلا وصف مذهل
مهيرة
14-03-2005, 07:44 PM
من ود الشهلمة
علي لسان قيسان ود المحمية :
وذلك في وصف بداية الخريف في البطانة !!!
بعد دور الجفاف قام عِفرتِك مِتباري
وسحابِك نيلتو زرقة وبرقك يلفح فاري
إتكسا بالخدار وجهك الكان عاري
وإنعقدن رواينك يام نداياً تاري
مهيرة
15-03-2005, 06:53 AM
قلبي الحصر تفكيرو
في زول ما بيحاسبو ضميرو !!
جزء من مقطع دوبيت !
ابوبكرعيكوره
15-03-2005, 07:29 AM
ود شوراني قال
لا آيات الله لامال لا عرف لا فوايد
أبن ما يحلحلن عقد أم وضيبا قايد
أنا وياكي يام خيرا موفر وفايض
نختر ختره يات من فينا ما يجي عايد
دي أسمها علي وعلى أحبـــائي
ابراهيم
15-03-2005, 03:12 PM
واليكم قول الشاعر الفحل محمد أحمد أبوسن - الحردلو:
البارح كلام الناس بدور يفرقنا
كله مرق كضب بعدين صفينا ورقنا
الدعجة أم شلوخا سته مالكة عشقنا
تتمايح مثل قصبة مراتع الحقنه
مهيرة
15-03-2005, 08:03 PM
كاتب الرسالة الأصلية ابوبكرعيكوره
ود شوراني قال
لا آيات الله لامال لا عرف لا فوايد
أبن ما يحلحلن عقد أم وضيبا قايد
أنا وياكي يام خيرا موفر وفايض
نختر ختره يات من فينا ما يجي عايد
دي أسمها علي وعلى أحبـــائي
ود العيكورة هذا المستحيل بعينه 00 وتشاءم ود الشوراني كثيرا بدليل اختار العدم لهما والزوال :
((
نختر ختره يات من فينا ما يجي عايد ))00 ؟؟؟
تسلم
مهيرة
15-03-2005, 08:10 PM
كاتب الرسالة الأصلية ابراهيم
واليكم قول الشاعر الفحل محمد أحمد أبوسن - الحردلو:
البارح كلام الناس بدور يفرقنا
كله مرق كضب بعدين صفينا ورقنا
الدعجة أم شلوخا سته مالكة عشقنا
تتمايح مثل قصبة مراتع الحقنه
------------------------------------------------------------------------
------------------------------------------------------------------------
ما أجمل هذا الوصف من ود أبوسن بعد الصلح مع الحبيبة وصفاء الأمور بعد الفتنة التي كادت أن تفرق بينهم :
(( البارح كلام الناس بدور يفرقنا )) ؟؟
وبعد الصلح والصفاء الفرحة جاءت في كلمات غزل فريدة :
(( تتمايح مثل قصبة مراتع الحقنه )) !!!!
تتمايل زي قصبة رويانة في مرتع ماء 00 خضرة وماء ووجه حسن
00 وصف بديع !!
تسلم يا أبراهومة 00
مهيرة
15-03-2005, 08:13 PM
من روائع تراثنا الشعبي أيضا
--------------------------
يوم قسمو الجمال أدوكي روحو وقلبو
وأدوني السهر جفني الغميدة تغلبو
في التلت الاخير الواعي يعبد ربو
وانا فتشت وين ابن الملوح دربو
ابوبكرعيكوره
16-03-2005, 07:14 AM
الأخت الرائعه مهيره
أكثر من 90% من دوبيت الغزل هو عباره عن ( عنكوليب ونسه ساكت) لذا تجديهم يطلبون الغريب من المعاني . ويكون للمجاراه (المباراه) الدور الأكبر في ذلك
مثلا:
أرسل عطيه ود أب ريش هذا المربع من السعوديه ( قبل حكاية عمره وزوغه دي ) إلى الصادق ود آمنه :
أنا يا أب آمنه الغميض جفا عيني ماطلاها
وحركة سير شراييني الضغط شلاها
زهرة أرقو اللوضيب تلاها
حظي نقلني بي طايره ووراي خلاها
فرد الصادق :
قول لي عطيه قوتنا الرشيد قالاها
إلا الحاله شافع الأمه يتولاها
أحاكي الضفدعه الوابل العين بلاها
لامن عقدة الليل الحمار حلاها
في رأيي أن الصادق أبدع في الرد ولا اظن إن احدا قد سبقه إلي القول بأن لليل عقدة يحلها إحمرار شمس الشروق. بالإضافه لتشبيهه لنواحه على المحبوبه بنقبق ضفادع الخريف الذي لا يهدأ إلا في الصباح.
بقي أن نعرف أن الصادق لم يحب هذه (الرشيد )ولم يسهر لأجلها حتى ساعه . ,ان (الرشيد ) هي إحدى الإماء اللائي كانو يجتمعون عندهم لشرب (الجبنه ) والسمر.
أخيرا
هناك 3 فقط من شعراء البطانه قد أحبو بحق
(أكان الله أدي عافيه الونسه بتجيبهم )..............
وللك التحيه على الإبداع المتواصل
مهيرة
16-03-2005, 09:59 PM
شكرا الأخ أبوبكر علي هذا الوصف والمجادعة الرائعة من الدوبيت 0
مهيرة
16-03-2005, 10:01 PM
ود الشلهمة للبطانة :
نار وجهِك خلاس وأصبح عريسك باش
وسيلِك بالمعالي وبالمراتِع كاش
نفسِك من سماحتو تحلى جابلو دعاش
وعربِك لي جفافُن جبدو البرّاش
أبوبكرحامد
18-03-2005, 10:02 PM
الفارق بين الدوبيت والمسدار
الدوبيت أو المربع أو الدوباى هو ضربٌ من الفن الشعرى الذى يأتى فى أربع شطرات تتفق فى القافية .
أما المسدار فيأتى غالباً فى عدد من المربعات قد تختلف فى القافية ، والمسدار لغةً من سدر أى سار فى طريقه لايلوى ، وهو يعنى رحلة الشاعر البدوى فى رحلته للصيد أو للغارة أو للمحبوبة ، مثل مسدار الصيد للحاردلو ، ومسدار النجوم لودشورانى ، ومسدار القضارف ورفاعة لأحمد عبد الكريم أبوسن .
هذه مقدمة مختصرة للتفرقة بين الدوبيت والمسدار ، ولنا عودة .
أبوبكرحامد
18-03-2005, 10:06 PM
قراءة فى كتاب : الشاعر الهمباتى الطيب ود ضحويه – حياته وشعره :
المؤلف : شرف الدين الأمين عبد السلام
الطابع : مطبعة جامعة الخرطوم
التاريخ : 2000 م
استهل الكاتب برموز كتابة النصوص العامية كمعين على قراءة النص ، وربما نوردها لاحقاً .
ثم تأتى مقدمة الكتاب شارحةً لفظ الهمباتة ودلالته على جماعة من البدويين كانت تمارس نهب وسلب الإبل فى ربوع البادية السودانية .
والهمبتة هى طريقة فى الحياة تقوم على نهب وسلب الإبل ، ويختلف الهمباتة عن نظرائهم صعاليك العرب فى العصر الجاهلى الذين يتعرضون للقوافل التجارية ، بيما اقتصر نشاط الهمباتة على نهب الإبل دون سواها ، ويعتبرون من ينهب مادون الإبل حقيراً وسارقاً ويعدون فعله حراماً .
أشهر الهمباتة هم الطيب ود ضحوية وطه الضرير.
وتحت باب أشهر القبائل فى الهمبتة وأشهر الأفراد يوضح الكاتب أن أشهرها فى بادية البطانة هم البطاحين والشكرية والكواهلة ورفاعة والجعليين ، وفى بادية كردفان توجد قبائل حمر ودار حامد وكاجه والكبابيش الزيادية والقريات الهواوير والهبانيين .
أما عن نسب الشاعر ومولده فيبين الكاتب أن الطيب ود ضحوية ولد فى النصف الثانى من القرن التاسع عشر .
واسمه كاملاً : الطيب الحاج عبد القادر بن سليمان بن ضحوية ، تقول بعض الروايات أن الإسم ضحوية هو لجد له ، بينما تذهب روايات أخرى للضحواب أنفسهم أن ضحويه هى جدته والدة سليمان وقد ولدت فى لحظة كان المطر ينهمر غزيراً وذلك عند الضحوة وهى فى اللغة إرتفاع النهار بعد طلوع الشمس.
ولد الشاعر بقرية الضِيِقه وهى إحدى قرى الجعليين المنتشرة على طول الضفة الشرقية لنهر النيل وترقد فى أحضان جبل أم على .
والده مسندابى وأمه سرورابية ، والمسنداب والسروراب ينسبون إلى الجعليين العالياب.
كان والده ثرياً ، ولذلك لم يكن ود ضحوية يسعى من نشاط الهمبتة للكسب المالى بل استهوته المغامرة والمخاطرة ، إضافةً لإعتبار الهمبتة ضرباً من الفروسية والبطولة .
حرصت أسرته على تعليمه فألحقته بخلوة أخواله السروراب حتى أكمل حفظ القرآن ، وتزوج فى سن مبكرة .
تلك كانت لمحات مختصرة لما ورد بالكتاب وسنعود بشئٍ من التفصيل للموضوعات التى نظم فيهاً ود ضحوية شعره وعلاقته برفاقه الهمباتة .
مهيرة
18-03-2005, 11:43 PM
شكرا للرائع أبوبكر ( ود المأذون )
لتفصيل والشرح الوافي للدوبيت والمسدار
وشكرا أيضا لتطرقه لدوبيت الهمباته وعلي رأسه الطيب ود ضحوية وسيرته ونسبه وأصله وهو يملأ الدنيا ضجيجا بفن الدوبيت الذي سيتحفنا به الرائع أبوبكر 00
شكرا لك ود المأذون ونحن في انتظار ابداع الدوبيت والهمباته
أبوبكرحامد
19-03-2005, 12:36 AM
ابشرك وزوار خيمة الدوبيت بإنضمام الطيب بشير للمنتدى وهو حافظ للكثير من الدوبيت والمسادير فأرجو استنطاق قلمه وحتماً ستندهشين .
aadarob
19-03-2005, 03:47 AM
للرائع أبوبكر ( ود المأذون
كم انت رائع لك كثير الشكر
الأخت مهيرة نرجو ان تسخنى شوية
مهيرة
19-03-2005, 04:35 AM
نرحب بالأخ الطيب بشير
في خيمة الدوبيت
ونتمني للخيمة كل الإزدهار بأقلام المبدعين
وهاك يا أدروووووب :
وهاك من أحمد عوض الكريم أب سن
رفاعة الربة قافاها البليب طربان
ناطح المنو ميثاق قلبي مو خربان
فوسيت السواقي البي اللدوب شربان
بلودو بعيدة فوق في بادية العربان
أبوبكرحامد
19-03-2005, 05:54 AM
طه الضرير
هو طه محمد أبوزيد ويقال له " طه ود أب زيد كما يكنى ب " أبو الزينة " وهى ابنته :
أبوك يالزينة عكَّاهِن قَبَض فى روسهن
الهُوى والشرِق فوق العواتى بكوسهن
أمسَى الليله فى الغوب الكتير جاموسهن
نوى العودة للغالى ورفيع ملبوسهن
وينتمى طه الضرير لمجموعة البطاحين أبوه من فرع العلاماب وامه من العركشاب ، مات الضرير بمنطقة " أبو دليق " حيث كان يعيش عن عمر ناهز الثمانين .وقد ترك العمل بالهمبتة فى الأربعينيات من هذا القرن بعد أن ضعف بصره حيث كان يعانى من ضعف البصر منذ شبابه الباكر وسبب لقبه الضرير الذى صحبه منذ الصغر أنه لايرى فى الهاجرة ولكنه يرى على ضوء القمر مالايراه فى الشمس .
تميز بمعرفته بالدروب والنواحى ، ويقال أنه كان يعرف المكان الذى هم فيه بشم ترابه ، ولعل ذلك يصلح سبباً لتقديمهم فى حملات الغزو حيث كان خبير الحملات ودليلها ومن ذلك قول الطيب ود ضحوية :
بيوم السبت من الدُّمُر سافرنا
قام بينا الضرير قبض الدَّهس واسهرنا
أحكو لها السريع ياموصِّلنُّوا خبرنا
قولوا للبقيت نَوَن جِمالنا خَتَرنا
ومنه قوله :
واحدين غير نفيلة ممكنين هدّاَمُهم
قطعوا التّبه والزول أب عوارض لامهُم
اندرجوا الصناديد والضرير قِدَّامهُم
نووا العوده للماسكات عِداد أيَّامهم
ومنه مايصف فيه الطيب رفيقه طه بأنه مقدام فى ساحة الوغى :
قَجَّ السادرة فى الوادى أب نِعاماً دكَّك
وضايق سوقها قبال الضرير يتمكك
أنا أخو النايرة إن خِرِب الحديث واتلَكَّك
إت قدَّامى ماك ورَّانى مقطوع شكَّك
تلك ملامح سريعة عن طه الضرير وسنعود لاحقاً لشاعرنا الطيب ود ضحويه والموضوعات التى عالجها بشعره.
مع تقديرى
ود الماذون
Tayeb Bashir
19-03-2005, 05:23 PM
الأخـت مهيرة و الأستاذ بكري حامد
تحياتي ..
من فرط اعجابي بالدوبيت ، كتبت فيه بعض محاولات سأحاول انزالها هنا ، و أديكم هسي واحدة ـ قطـع أخـدر ـ :
ناس مدني العزاز متجمعين في سيرة
فيهم بكري حامد و الزعيمة مهيرة
و الدوبيت مع النمـة السمح جرجيرة
ناقصانا الزغاريد عرضتا .. و .. بشـيرة
مهيرة
19-03-2005, 09:14 PM
أيوووووووووووووووووي
وأبشر
(( رحبوا معي بالعملاق 00 الطيب بشير ))
الكسب الكبير لخيمة الدوبيت 00 ومبروك أيها المبدع أبوبكر ود المأذون
في حضور الدوبيت الزاهي في زمن الضل الوقف مازاد !!
مرحبا أخي :
Tayeb Bashir
مهيرة
19-03-2005, 09:25 PM
في الحقيقة مثلما لدي الأخ أبوبكر والطيب جزء هام من هذا التراث الذي سوف يبدعون به قد يتساءل البعض لماذا مهيرة مهتمة بهذا النوع من التراث !!
وللحق أقول كانت جل اهتماماتي في الجامعة بالذات كلية الآداب جامعة الخرطوم التراث الشعبي وانعكاساته علي المواطن السوداني 00
وكان احتكاكي بالصحفية اللامعة ( آمال عباس ) تشجيع للغوص في هذا المضمار
وكان منتدانا الأدبي لا يخلو أبدا من هذا النوع الذي أذهل الجميع وقتها 00 وقدبدأ الكسل يدب فينا فترة من الوقت الا أن جاءت هذه السانحة الرائعة في منتدانا ودمدني لنبدأ هذا المشوار بمساعدة الجميع ولي وعد أن أوثق هذا العمل اذا تم له النجاح 00
مع تحيات أختكم مهيرة 00
مهيرة
20-03-2005, 06:58 AM
http://www.albayan.co.ae/images/gotop.gif
مهيرة
21-03-2005, 07:21 AM
ويييييييييييييييينكم ياناس النمة ؟
ود الشهلمة علي لسان
ود المحمية (( قيسان )) :
إتطمطم سماكِ الليلة وعاتم
وبراقِك مع فم السحابة بلاطم
إنشبكن تعولِك نازلات هواهن كاتم
وديانك لفض سيلن سماحن خاتم
Tayeb Bashir
21-03-2005, 03:53 PM
و لكي نثبت معاصرة الدوبيت ، هذه بعض شقاوات الجامعة :
دس البسمـة بي ايدو اليمين لـمـاها
و نور الوجـنة بهـر القاعـة طـب عـماها
غايتو الزول أكان كـرف الخدود شـماها
يشهق يموت عدييييل و شهادتو ما تماها
ابراهيم
21-03-2005, 07:55 PM
هي رمية من ذات القوس في مجلس خليفة المهدي تحدث ود ابو سن فرد عليه احدهم تهكماً" ده" فما كان من شاعرهم الا وان قال الرائعة التي يبتدر بها الكابلي مزاميره ......
ده ان اداك وكتر ما بقول اديت
ابو درق الموشح كــله بالسوميت
ابو رتوة البكــر حـجر شراب سيتيت
كاتال في الخلا وعقـبال كريم في البيت
يا أهل الخيمة ارجو منكم شاكراً توضيح الكلمات (سيتيت، سوميت، ابو رتوة)
لكم تحياتي
ابوبكرعيكوره
21-03-2005, 11:52 PM
سلام إبراهيم
سيتيت نهر عطبره
السوميت نوع من الخرز يستخدم في صنع التمائم
أب رتوه (والصحيح أب رسوه) من ألقاب التمساح
وصحة الأبيات :
دا الإن أداك وكتر ما بيقول أديت
أب درقه الموشح كلو بالسوميت
أب رسوه البكر حجر شراب سيتيت
كاتال في الخلا وعقبان كريم في البيت
مهيرة
22-03-2005, 05:08 AM
كاتب الرسالة الأصلية Tayeb Bashir
و لكي نثبت معاصرة الدوبيت ، هذه بعض شقاوات الجامعة :
دس البسمـة بي ايدو اليمين لـمـاها
و نور الوجـنة بهـر القاعـة طـب عـماها
غايتو الزول أكان كـرف الخدود شـماها
يشهق يموت عدييييل و شهادتو ما تماها
تجريييييييييييييييييييسة عدييييل
ونعم الشقاوة
وتسلم أستاذ الطيب بشير
ونحن في انتظار المزيد من الابداع
مهيرة
22-03-2005, 05:11 AM
يا أهل الخيمة ارجو منكم شاكراً توضيح الكلمات (سيتيت، سوميت، ابو رتوة)
لكم تحياتي
غايتو يا ابراهيم دخلتنا مدرسة عديل
لكن ود العيكورة أنقذنا والحمد لله
وتسلموا يا رايعين
مهيرة
22-03-2005, 05:16 AM
ود الشهلمة
والبطانة
ولسان ( قيسان ود المحمية )
الارض والجبال بقن خُدر في الشوف
أخلوا الدكة قصدوها البطامنو الخوف
عشوهِن لبن تبر غزير الدوف
بتضارى من كشح صقت الندايا أم فوف
Tayeb Bashir
23-03-2005, 03:18 PM
أهل الخيمة ارجو منكم شاكراً توضيح الكلمات (سيتيت، سوميت، ابو رتوة)
مهيرة مرحبتين ..
سيتيت ، اسم لرافد مائي (خور ، رهـد) و هذا الفارس حـجــر شرابه أي منع الورود للماء الا باذنه لقوته و بطشه .. أب رسـوة ـ بالسين ـ لقب لأكثر من زعيم في أكثر من منطقة و تشير الى كونه مهابآ .. السوميت أظنه ، و لا أجزم ، شيء أحمر اللون من لوازم الزينة و أعتقد أنها أرادت أنه موشح بالدم كدليل على البسـالة ..
ود الشلـهـمـة ، أظنك أوردته بتقليب الحروف خطآ
مهيرة
24-03-2005, 05:28 AM
مشكور أستاذنا
الطيب بشير علي هذا الشرح الوافي ونحن في انتظار المزيد
هذا الارث الابداعي
وتقبل كل التقدير والاحترام
ومنتظرين النّمة !!
أختكم مهيرة
مهيرة
24-03-2005, 05:54 AM
(( وليك يا البطانة ))
وجهك نادى تِبرك رِبا ومِتقيل
وضِعنِك لف بي جابر المهاوي مميل
برقك لاوا في الزيف الوشامو منيِّل
وفش غبينتو فيك سحابك المتحيِّل
(( أرجو من الأخ الطيب بشير شرح معني : تبرك ربا ومتقيل )) ؟
ومشكور عل تصحيح مناداة ود الشلهمة بدلا من تقديم الهاء علي اللام
Tayeb Bashir
24-03-2005, 07:30 AM
(( أرجو من الأخ الطيب بشير شرح معني : تبرك ربا ومتقيل )) ؟
مهيرة ، شكرآ ليك على الثقة ، أظن أن رواة المربع المذكور نسوا شيئآ ، اذ لا أجرؤ على اتهام شاعر مجيد كهذا بأنه مفارق للوزن ..
أما (( معني : تبرك ربا ومتقيل ))
فأظنه اشارة لبداية تكوين الصدر ، تستعمل كلمة (ربا) و ربيتي / ربيتو ، كثيرآ في الدارجة وتعني استدارة النهدين كأهم مرحلة تحول للطفلة لتصبح محط غناء و غزل الشعراء ..
ومتقيل .. دي ما لقيت ليها دبارة ..
و معك نتساءل عن تفسيرات أخرى ..
مهيرة
24-03-2005, 10:10 PM
عزيزي الطيب 00 صبحك الله بالخير !
حقيقة يأتي شرحك مكافأ من جهد المغني لتصوير المعني في مخيلة المتلقي !
وبداية النشأة عند الفتاة أو أي كائن حي ترافقها النضارة والبهاء والألق الذي يسحر الشاعر 00 وفي البطانة دائما ما تسحر الطبيعة 00 وكانت بدايات الخريف
وشب العشب الأخضر وجمال البطانة تعشق عشب معين اسمه (( التبر )) وهذا التبر مزهر بشتي ألوان الطيف وغذاء رئيسي للابل في موسم الخريف
وجهك نادى تِبرك رِبا ومِتقيل
بمعني الأرض مفروشة بالخضرة والندي وعشب التبر الاخضر المزهر شبّ في ري
وظل 00 والمقيل هنا الاستقرار في ظل السحاب او ماء المطر او نضارة الخضرة والينعة والصفرة 00
واليك هذا المقطع الذي يعني ذلك :
الارض والجبال بقن خُدر في الشوف
أخلوا الدكة قصدوها البطامنو الخوف
عشوهِن لبن تبر غزير الدوف
بتضارى من كشح صقت الندايا أم فوف
وأقصد هنا (( عشوهن لبن تبر غزير الدوف )) بمعني لبن الابل الشبعانة من عشب التبر
وهذا لا يتنافي مع شرحك الوافي الجميل
وتسلم ياغالي
مهيرة
25-03-2005, 07:19 PM
وإليك أخي العزيز / الطيب بشير
لوحة أخري :
طبل العز ضرب هوينة فى البرزة
غير طبل ام كبان أنابشوف عزه
إن طال الوبر واسيه بالجزة
وإن ماعم نيل ما فرخت وزه
ابوبكرعيكوره
25-03-2005, 11:27 PM
الأعزاء مهيره/الطيب
لقد راجعت الشاعر محمد عبد القادر الحاردلو ، وهذا ملخص إفادته :
سيتيت : خور / رافد لنهر عطبره
أب رسوه تطلق على التمساح والأسد ( ويرجح أن المراد هنا الأسد لأن التمساح لا يكر)
ولا خلاف بيننا حول السوميت مع اضافة أنه أحمر اللون.
وهذا لمقتضى الأمانه الأدبيه
ولكم جزيل الشكر وموفور المحبه
ابوبكرعيكوره
25-03-2005, 11:35 PM
الرائع الطيب
لدي موضوع بعنوان ( سيد الرايحه ) الرجاء الإطلاع عليه
وكلي أمل في أن أجد ( الرايحه عندك)
ولك الود
مهيرة
26-03-2005, 04:56 AM
في وصف ساحات القتال والصيد :
بادرني كبيرن ديلك استعدن وقفن
ما مهلتو طار راسو وجناحينو يرفن
طارن ديك وقت بي ريشو رقد اتكفن
مهيرة
27-03-2005, 06:38 AM
مطر الريد رشع وأنا وإنتي إترشينا
وإتشابينا فوق ضهر السحاب ومشينا
وشك قوس قزح يا السمحة يوم تغشينا
سارحين في الخصل وجوا العيون طشينا
ابوبكرعيكوره
27-03-2005, 06:58 AM
الصادق ود آمنه قال:
الليل حيلو روح ، ونجمو كلو اتوقع
ومعشوق ليلى أبى في نومو ما يدقع
حسس الفرو تبر البطانه الفقع
شرم قلبي شرما يخربو مابترقع
مهيرة
27-03-2005, 07:13 PM
أبشر بالخير يا ود العيكورة
وهاك من : شوية من الحردلو /
زينب في البنات مي داب سماحة الزي
شن تشبـه بـلا الأدتو أمو ودي
فيهـا تلات خصـال تب ما حواهن حي
الصبا و الجمال عقب اللهيج الني
ابوبكرعيكوره
28-03-2005, 02:58 AM
يا وحة القلب المعاي قديمه
أبت ما تنفعك شربة حكيم لا عزيمه
القدر إن وقع داير رجاله صميمه
والخاتر بعيد ما بتنفعو التقديمه
وأسألونا عن إحساس الواحد لما يدخل الكاونتر بتاع الجوازات وأحبابو المودعنو يقبلو صادين
للأسف ما متأكد من إسم الشاعر لكن أظن إبراهيم ود علي سليمان
مهيرة
28-03-2005, 07:31 PM
إتلمينـا يـوم سكة غـرام جـامعانـا
مـن شدّة فرحـنا الدنيـا ما سايعانـا
إتكت النجـوم لـيك غـززت كيعانـا
واسـدلت الخـمار ودر ضياك لمعانـا
تتناجى العيون والروح صحت سامعانـا
يالفي بالـنا يوت سـاكن قلوبنا معانـا
ياسر فقيري
29-03-2005, 03:04 AM
والله أخيراً قدرت ألقى لي وتد أتدقوا معاكم في خيمة الدوبيت بس المرة دي بالصوت هدية لي عيون الغالين من ناس مدني
.. اسمعوا على هذا الرابط وإن شاء الله يشتغل إذا الرابط ما اشتغل أنسخوه وألصقوه في صفحة جديدة بعدين بعمل ليك داون لود وبعد داك بشتغل بس لازم ِأكون عندك برنامج الريل بلير real player
http://www.wadmadani.com/up/pic/dopeet.ra
مهيرة
29-03-2005, 07:51 PM
تسلم أخي ياسر فقيري
وياريت لو نسختو لينا كتابة نسبة لعدم توفر برنامج ال Real Player
للكثير من الأعضاء
وتكون قد أسديت لنا بوست هائل
وتقبل مني اكيد الودوالتقدير
أختك / مهيرة
مهيرة
29-03-2005, 07:56 PM
من ود السني :
فص الماز مركَّب فوق مجمَّر
فص عينيكِ يا أم خشماً متمَّر
فوق بستان .. تِحِت سالك مَضمَّر
جليدك .. طاقة الكيدي المنمَّر
مهيرة
31-03-2005, 12:21 AM
ود الشلهمة 00 والبطانة جهة أبو دليق
نار وجهِك خلاس وأصبح عريسك باش
وسيلِك بالمعالي وبالمراتِع كاش
نفسِك من سماحتو تحلى جابلو دعاش
وعربِك لي جفافُن جبدو البرّاش
ياسر فقيري
31-03-2005, 04:37 AM
أختي مهيرة والله بعتذر عن عدم مقدرتي لكتابة النص المسوع .. كمان ممكن الناس تنزل برنامج الريل بلير من العديد من المواقع .. والبرنامج تجدونه على الرابط التالي ..
http://www.moon15.com/index.php?action=file&id=2127
Tayeb Bashir
01-04-2005, 02:55 PM
ومن شقاواتنا زمااااان أهديكم ..
خايفة الجاهلة من حـر الشـميش الـلاحـت
و جــرت توبـا مـن لفـح السـمـوم الـفـاحـت
ضـاروها الخدود و الشـامة في التوب راحـت
ان خـلوهـا بي شوف متـلي كانت سـاحـت
بت مدني، وبت الدرجة دي حابت الكلام ده كلو من وين؟
نحن الأكبر منها ما حافظين الحاجات دي!!
والله انتي موسوعة يا مهيره، ما شاء الله عليك
انا ما حافظ إلا بيتين الهمباته ديل، وما عارفن اذا كانن يدخلن ضمن الخيمة دي واللا لا
الهمباته اصلنا نحن معروفين * بلا حق الرجال ما عندنا تعيين
الشي ما بندبالو * بنشيلو حمرة عين
وشكرا برضو للشباب الذين اثروا البوست
ابوبكرعيكوره
02-04-2005, 08:08 AM
ود شوراني قال:
البارح مساهر ومايقي طرفو لجوج
أحسب في النجوم والعاصي حولي يسوج
جسم المنو لي جمر الكمبن مفجوج
دهب برتا وحرير نافشا وقطن محلوج
مهيرة
03-04-2005, 07:49 AM
كاتب الرسالة الأصلية 114
بت مدني، وبت الدرجة دي حابت الكلام ده كلو من وين؟
نحن الأكبر منها ما حافظين الحاجات دي!!
والله انتي موسوعة يا مهيره، ما شاء الله عليك
انا ما حافظ إلا بيتين الهمباته ديل، وما عارفن اذا كانن يدخلن ضمن الخيمة دي واللا لا
الهمباته اصلنا نحن معروفين * بلا حق الرجال ما عندنا تعيين
الشي ما بندبالو * بنشيلو حمرة عين
وشكرا برضو للشباب الذين اثروا البوست
--------------------------------------------------------------------------------
من كتابات الاخ : علاء الدين شاموق في الحوار المتمدن :
ذكر أن الدوبيت لا يقتصر على أبناء البادية، فمثلا بنونة سليلة الملوك، لاتنتمي للبادية بأي صورة من الصور، وإن كانت قبيلة الجعليين التي تنتمي إليها بنونة تراوح بين البداوة والحضارة وذلك لموقعها الجغرافي ما بين بادية البُطانة بمراعيها الخصبة النادرة في الجنوب، وبين حوض النيل العظيم في الشمال، الذي تقطن أغلب القبيلة على ضفتيه. ولكن الدوبيت في السودان لا يرتبط مطلقاً ببادية أو بحاضرة، بل هو فن نابع من القلوب. وللشايقية في أقصى شمال السودان حيث تنعدم المراعي تماماً وتختفي معها حياة البداوة، إلا في أضيق الحدود، ولا تشابه بحال من الأحوال حياة الرعي والبداوة المؤسسة في سهل البُطانة ومراعي الغرب الرحيبة، ورغم ذلك كان للدوبيت نصيب، وإن كان قليلاً، منه ما غنته مهيرة بنت عبود لفرسان الشايقية تستحثهم على النهوض ومقاومة الأتراك قبل غزوهم لديار الشايقية، ورغم ان القافية في أبيات مهيرة غير موحدة، إلا أن ما قالته هو دوبيت بشكلٍ أو بآخر ..
لك المعزة
أخي / Awooda.com 114
مهيرة
03-04-2005, 07:53 AM
كاتب الرسالة الأصلية Tayeb Bashir
ومن شقاواتنا زمااااان أهديكم ..
خايفة الجاهلة من حـر الشـميش الـلاحـت
و جــرت توبـا مـن لفـح السـمـوم الـفـاحـت
ضـاروها الخدود و الشـامة في التوب راحـت
ان خـلوهـا بي شوف متـلي كانت سـاحـت
عزيزي الطيب بشير :
بطل كسل !!
-----------------------------------------------------------
دقيـت اليميـن انـو القمـر إتدلى
في نص النهار سارح يحوم في الحله
غيمت السما وشـرقت نجـوم تتجلى
وانبهرت عيون عاجـباها خـلقة الله
مهيرة
03-04-2005, 07:57 AM
كاتب الرسالة الأصلية ابوبكرعيكوره
ود شوراني قال:
البارح مساهر ومايقي طرفو لجوج
أحسب في النجوم والعاصي حولي يسوج
جسم المنو لي جمر الكمبن مفجوج
دهب برتا وحرير نافشا وقطن محلوج
أبشر يا أبو بكر
وشكرا علي المجادعة والنمة :
وهاك من علي ود السني همباتي الحب والهيام :
كضاب البقول أنا قلبي قط ما حبَّ
وما ستهرت يوم دمع العيون ما اتكبا
كيف الناس تعيش من غير حنان ومحبة
غير زولاً فقد مجــــــــــــنون وما بنطبا
ابومحمد
04-04-2005, 12:22 PM
مهيرة ست البنات من زمان لى هسة
والبشوف رماشك كلامو امرق همسة
بنــت قبايـــل والبصـــمة ليك بالخمسة
******
يا فريــع البان مـــالك انت بس والنمة
يا ناقة البشــــارى شوفتك تفرج الغمة
نهامـــك موزن خاتى مـــن كل ذمــة
******
نحن ناس شرق والاصيل اكيد بنعرفو
من بين الدنــــاكر ديمة طـــالق عرفو
والرهد المستف من بخاف من سـرفو
******
مهيرة يا بت الاكرمين مالك على هبيتى
جبتيلى ريح البطانة الفيها خـــلى وبيتى
اشاشـــى فى غربة فيها طالـــــع زيتى
******
يا كتاحة البطانة شوفى مهيرة شن بتجيب
يا نحـــــــاس النفير وينو منى حـــــبيب
يا مـــــرض القـــــليب المالقيتلو طــبيب
مهيرة
05-04-2005, 05:11 AM
كاتب الرسالة الأصلية ابومحمد
مهيرة ست البنات من زمان لى هسة
والبشوف رماشك كلامو امرق همسة
بنــت قبايـــل والبصـــمة ليك بالخمسة
******
يا فريــع البان مـــالك انت بس والنمة
يا ناقة البشــــارى شوفتك تفرج الغمة
نهامـــك موزن خاتى مـــن كل ذمــة
******
نحن ناس شرق والاصيل اكيد بنعرفو
من بين الدنــــاكر ديمة طـــالق عرفو
والرهد المستف من بخاف من سـرفو
******
مهيرة يا بت الاكرمين مالك على هبيتى
جبتيلى ريح البطانة الفيها خـــلى وبيتى
اشاشـــى فى غربة فيها طالـــــع زيتى
******
يا كتاحة البطانة شوفى مهيرة شن بتجيب
يا نحـــــــاس النفير وينو منى حـــــبيب
يا مـــــرض القـــــليب المالقيتلو طــبيب
شكرا ليك ياود الدناقلة
وأنت تحاور جمالايات البطانة
وعرض شرق النيل هو دائما يشرأب برأسه للبطانه 00 انها البدايات وشرفات البطانة 00 والسدرة والقنيص 00 أنتم أهلنا يا أبو محمد وأرحب بك في صدر خيمة الدوبيت وعايزاك تكون همباتي بطانة 00 جد !!
الخـــبر الأكــيد قالـــــــو البطانة اتـرشت
وســاقــيتن تنقـــط طــول النهار مانفشت
وهـــاج فحــل المنــايح وام صريصر بشت
وبت أم ساق علي حدب الفريق واتعشت
ابراهيم
05-04-2005, 04:56 PM
شاعرنا الحاردلو وصف في شعره جمال البادية، وتغني بالشجاعة والكرم، أما في الكرم فيقول:
ما أكل حلو بيتو والمعاه جيعان
وما لبس الرفيع والمعاه عريان
مامون السجايا اليستودع النسوان
ضباح الخلايا .......عشا الضيفان
الرائعة مهيرة
جئناك نحمل معك رموش الدوبيت 00 سيحملنا الوقت اليك لنقول سلام للابداع الآسر 00 لقد تهنا كثيرا في تشاويق السفر وآن الينا العودة اليكم في هذا المتكأ
الذي حملتنا اليه جميل الصدف بأن نضيء الدروب معا في تشاويق الزمن
أهنيك علي هذا العمل الرائع وذكراك الصاخبة في حائط الجامعة بمقالاتك الملتهبة 00 مازال لها طنين
اهنيك مرة أخري
مهيرة
07-04-2005, 12:08 AM
الأخ نادر
والله أشكرك علي الحضور وانه لشرف عظيم أن تكون بيننا في المنتدي وخاصة الخيمة فسوف تجد نعم الاخوة
نجد أن للدوبيت استخداماً آخر وهو الرثاء، حيث أن للدوبيت مقدرة عجيبة على إيصال المعاني الإنسانية بسهولة، وأن يجعل المتلقي يعيش حالة الشاعر ذاته، وقد رثا ود البنا (الفرجوني) أطال الله عمره في رثاء صديقه المرحوم شيخ قبيلة الشكرية (حسان أبوعاقلة أبوسن)، ورغم طول القصيدة وجمالها إلا أن هذا البيت كان بليغاً جداً، حيث يتساءل الشاعر فيه عن فارس الصف وطاهر الكف (صديقه حسَّان) ما خبره الليلة، لماذا لم يلاقيه بابتسامته التي عهدها عليه، ويدعو البروق أن تبكي عليه وأن تنهمر سيلاً لأن الذي يعدل (الحال المائل) قد رقد في قبره ..
فارس الصف، وطاهر الكف، خبارو الليلة ؟
ما لاقانا بيتبسم لَزومَ الشيلة
أبكَنْ يالبروق .. كُبَّنْ دموعكن سيلة
رقَدَ البِسند الهاكعة وبعدل الميلة
ابومحمد
10-04-2005, 09:00 AM
[QUOTE]كاتب الرسالة الأصلية مهيرة
[B]
شكرا ليك ياود الدناقلة
وأنت تحاور جمالايات البطانة
وعرض شرق النيل هو دائما يشرأب برأسه للبطانه 00 انها البدايات وشرفات البطانة 00 والسدرة والقنيص 00 أنتم أهلنا يا أبو محمد وأرحب بك في صدر خيمة الدوبيت وعايزاك تكون همباتي بطانة 00 جد !!
كيفن اكون همباتى ورفاعة القليب سالباهو
ما شفـــــت مســــــلوبا يخلى حقو بــراهو
لــــــكن ام ضمير عافنــــــلها الشـــايلاهو
مهيرة
12-04-2005, 04:39 AM
ياكا المحرية فيك ياعشا الضيفان
ود الدناقلة
http://p.webshots.com/ProThumbs/79/40379_wallpaper280.jpg
ابومحمد
12-04-2005, 12:54 PM
أخوك يا مهيرة جالتبو الظروف لى برة
هايـــم فى البـــــلود ذى طــــويرة الفــرة
ما بتـــــقافى الشـــرق إلا المعيشـة المرة
***
مشــــتهى البطــــــانة الفيها ود ضحوية
وشـــــــيخ العرب حلاف ضيوف المية
ويا حـــليلو البطـــــــان ولعبة الصقرية
***
لدار ابـــــورخـــــــــم لا بد لى من تــرة
وكلب القنيص ما بشـــــيل غداو من برة
ونحن ناس عزا قديم وفينا سابلة الشكرة
مهيرة
12-04-2005, 07:33 PM
كاتب الرسالة الأصلية ابراهيم
شاعرنا الحاردلو وصف في شعره جمال البادية، وتغني بالشجاعة والكرم، أما في الكرم فيقول:
ما أكل حلو بيتو والمعاه جيعان
وما لبس الرفيع والمعاه عريان
مامون السجايا اليستودع النسوان
ضباح الخلايا .......عشا الضيفان
تسلم يا ابراهومة
وعايزين حضورك المستمر
مع شكري ،،،
مهيرة
12-04-2005, 08:20 PM
للخريف معان ثرة في بوادي السودان واريافه فقدومه يعني الخير للانسان باخضرار الارض ووفرة الكلا والمرعي للانعام المختلفة من ضان وابل وبقر وبادية البطانة التي يسكنها الكبابيش والبطاحين والشكرية تحتفي بقدوم الخريف في اشعارها ومواويلها حيث يرتحلون بمواشيهم وصوت الحادي يرن علي مسمع الابل 00
ومعروف ان ارض البطانة تمتاز بسحرها الفاتن في الخريف وهذا الافتنان الساحر اخذ بمجامع قلوب شعراء البطانه فابدعوا في الوصف ومن اكثرهم ثراء في هذا الجانب الصادق ود آمنه من قبيلة الشكرية وطه ود الشلهمة من اللحويين وعثمان ودجماع ومحمد ودنائل من البطاحين ولكي نعطي صورة حقيقية لاهتمام اهل البطانة بالمطر يحسن ان نسير قليلا مع احد الشعراء وهو يصف حالتهم وحالة ارضهم صيفا ايام الجفاف ثم بعد هطول الامطار حيث يقول:
الصيف دخل ليلو القصير والانا
بي مد النهار طول الهجير قلانا
فك سمومو وحت الزهرة من اغصانا
وفي اخرو الهبايب حسرت مرعانا
مهيرة
13-04-2005, 06:45 AM
مقاطع
فرح
أسوقها
لإدارة ومشرفي ومراقبي
منتديات ود مدني
وأخص بالشكر الأعزاء : أبوبكر ( ود المأذون ) , والأخ 114
إشراف 00 المنتدي الثقافي
لتثبيت هذا العشق الشعبي
http://muhammadanism.org/monotheism/bird_01.jpg
أبوبكرحامد
14-04-2005, 12:59 AM
بت ملوك النيل ........مهيرة بت عبود .............. نحن الأولى بإزجاء التهنئه لك على هذه الإبداعات التى تعطرين بها منتدياتنا وتفرحين بها ليالينا ، فياسعدانا بك مهيرة والدعوات بأن يحفظك المولى من شر خلقو .
ود الماذون
ابراهيم
16-04-2005, 07:45 PM
الأخ الغالية مهيرة أهنئك لتثبيت بيت الدوبيت ونأسف عن تأخير التهنئة وكنتي السباقة في تهنئتنا ... واشكر المشرف على هذه اللفتة فالدوبيت فن وتراث ولما كانت الشعوب لا تنسجم إلا مع فنونها وتراثها كان الدوبيت من صميم تراثنا وفنونا التي نعشقها ونستنشقها حتى الثمالة ، فالدوبيت له احساسه الخاص لانه يخاطب مكمن البداوة فينا شكراً لهذا التميز اختنا مهيرة وكل من أثرى هذا البوست...
مواصلة ===================================>
هذه لوحة فنية صور لنا فيها الشاعر الحاردلو جفلة معيز البطانة في وقت الأصيل، صور لنا احاسيسه ومشاعره والحسرة تملأ نفسه، والحرقة تلهب عواطفه المشبوبه عن مدى تشوقه إلي منظر المعيز، تلك الظباء التي تعود أن يلتقي بها في وقت الأصيل يستأنس بجمالها الخلاب
الليلة المعيز ماظنى أنا ملاقيهن
ناطحات البطين أدن قليلة قفيهن
سمعن طنت الشادى وكتر صنفيهن
وعند اللاصفرار جلفن بشوف لصفيهن.
مهيرة
19-04-2005, 09:30 PM
منتهي الروعة عزيزي ابراهيم
وفي انتظار المزيد
مهيرة
19-04-2005, 09:40 PM
من دوبيت الحردلو :
الليلة الصعيد طراني بلدا زينة
مريودة امها البي الخمرة رشو قرينة
ان جيت للجمال زي الريال يا عينا
لكن يا خسارة الفلسة حاصلة علينا
ابومحمد
20-04-2005, 01:04 PM
بسم الله الرحمن الرحيم
الى كل الاحباء بمنتدى مدنى كل عام وانتم بخير بمناسبة ميلاد نبى الرحمة والهدى سيدى رسول الله صلوات الله وسلامه عليه
ايام ميلادو جاتنا وبيها طاب مجلسنا
قول فى الحبيب وبالعشـــــق جرسنا
فــــوح بعطورو وزكى لينـــا نفسنا
مهيرة
20-04-2005, 10:40 PM
وينك يا ود الدناقلة ( أبو محمد )
---------------------------------------------------------------
الرائعون
كالأحجار الكريمة
لا نصنعهم
ولكن نبحث عنهم لنهنيهم
بحلول مولد المصطفي عليه افضل الصلاة والتسليم 00 اعاده الله عليكم بالخير والبركات وكل عام وانتم بخير 00
أحبتي جميع اعضاء المنتدي
ابراهيم
24-04-2005, 05:57 PM
وانتي بخير اختنا الرائعة مهيرة .. وجميع الرائعين بالمنتدى
اعاده الله علينا وعليكم بالخير والبركات
.....................................
يقول الشاعر العظيم (ود ضحوية) في نقده لظاهرة اجتماعية بدأت في الظهور في وقته، وهي عادة التبطل واللا عمل، وينتقد فيها الولد الشاب الذي لا يسافر (لقطع الطريق) إلى أن ينقضي الشهر ويهل هلال الشهر الجديد ولا يرد البحر يعطن ويبل (شنانه) في مائه، ولكنه رغم خموله وكسله حينما تمر الفتيات أمامه فإنه يراهن كالصقر ويمشي أمامهن مشية الغرور والفخر (القدلة)، ويختمها بوصف هذا الشاب بالخيبة والمذلة ..
ولداً ما سَفَر لمن شهيرُو يهلّ
ما وَرَدَ البَحَر .. عطَّن شنانُو يَبلّ
وكت الشوف .. يشوف متل الصقير يقدل
وا خيبةً علي ولداً يعيش بالذل
مهيرة
25-04-2005, 07:07 AM
كاتب الرسالة الأصلية ابراهيم
وانتي بخير اختنا الرائعة مهيرة .. وجميع الرائعين بالمنتدى
اعاده الله علينا وعليكم بالخير والبركات
.....................................
يقول الشاعر العظيم (ود ضحوية) في نقده لظاهرة اجتماعية بدأت في الظهور في وقته، وهي عادة التبطل واللا عمل، وينتقد فيها الولد الشاب الذي لا يسافر (لقطع الطريق) إلى أن ينقضي الشهر ويهل هلال الشهر الجديد ولا يرد البحر يعطن ويبل (شنانه) في مائه، ولكنه رغم خموله وكسله حينما تمر الفتيات أمامه فإنه يراهن كالصقر ويمشي أمامهن مشية الغرور والفخر (القدلة)، ويختمها بوصف هذا الشاب بالخيبة والمذلة ..
ولداً ما سَفَر لمن شهيرُو يهلّ
ما وَرَدَ البَحَر .. عطَّن شنانُو يَبلّ
وكت الشوف .. يشوف متل الصقير يقدل
وا خيبةً علي ولداً يعيش بالذل
----------------------------------------------------------------------
هذه ابداعات وترجمات في معني صهيل الدوبيت
ود ضحوية ملف ومجموعة من هذا الإرث الشعبي
وسلمت أخي إبراهيم
ابومحمد
26-04-2005, 11:16 AM
[QUOTE]كاتب الرسالة الأصلية مهيرة
[B]وينك يا ود الدناقلة ( أبو محمد )
---------------------------------------------------------------
انا فى البطانة وممطورين تب وانت عارفة يا بت ابوى لمن تجى الرشة وتقوم القشة بالبطانة عموم والضرع اسمن وتمرق ام مساير شايلة القرعة على المراح بتعم الفرحة دار صباح , حسن ود النعيم يقرع فى الالبل ود طير الدخن اشاشى ويغازل فوق اسيا المعرسة ليها سنين وذى ما قالت حاجة التومة يا حليلو الغبيان. هملت قدام الحلة ودخل لجوه عمى النعيم يعدد فى العين من النترة للطرفة البكاية ويشمشم فى الدعاش ويقول الليلة صابة على رفاعة وان جات ريح شمال باذن الله بنمطر معاهم وجرة النمة.
نسام دار شمال هفهف وليهو دبيب
وقبلى الخيارى ما ظنى فيهو بخيب
جفلن نوق مقدم والمزنة ليها نحيب
مهيرة
26-04-2005, 08:00 PM
كلام
سمح
بلحيل
http://www.55a.net/images/7/073/Clip_121.jpg
ابراهيم
28-04-2005, 02:58 PM
يقول طه ودأبو زيد البطحاني المعروف باسم «طه الضرير» وهو من الهمباتة المشهورين
ابوك يا الزينة عكاهن قبض في روسن
الهوج والشرق فوق العواتي بكوسن
يقول لابنته «الزينة» ان أباك كم استولى على الإبل وقاده وانه يجوب الغرب «الهوج» والشرق بحثا عنهن «بكوسن» .. وقد وردت في اشعار ود ضحوية وطه الضرير واضرابهما من وسط السودان اسماء مناطق في الشرق والحدود الحبشية والبحر الاحمر وفي الشمال عند الحدود المصرية:
كم عتمر تبن فوق قجة العبادي
وكم غوصتلن من الدنادر غادى
فكم من ابل قادها عبر صحراء العتمور في الشمال وهو يمتطي جمله المنسوب لقبيلة العبابدة اصحاب الابل الجيدة، وكم ابعد وتوغل «غوص لهن» في البحث عن ابل الى ابعد من نهر الدندر عند ا لحدود الحبشية.
مهيرة
30-04-2005, 04:26 AM
تسلم يا إبراهيم
الليله النّفس أمسَت حزينة وعامدة
وما بَتْسلّى بي بُرقُع حميده وحامدة
فارْقَنا أبان قلوبا جامدة
ناس طه اللّحو ضو القبيله الخامدة
http://www.albayan.co.ae/albayan/culture/2001/issue82/photos/50.gif
almaknemer
02-05-2005, 03:13 AM
يا هُدى الناس الحيارى
يا ندى الفجر الببلِّل نور عِوينات الفقارى
جايى ليك يا نورة
آفة .. للسوس البنقـِّر
عود عِشيماً داخرو فيك
أصلى لمـّن أدور أجيك .. بجيك
لا بتعجّزنى المسافة
ولا بقيف بيناتنا عارض
لا الظروف تمسك فى إيدى
ولا من الأيام .. مخافة
يا نفس فجر القصايد
ما ضِهِبْ فى بعدى عنـِّك
أصلى متغرِّب عشانك
راضى بى الجايينى .. منـِّك
مهيرة
03-05-2005, 12:26 AM
كاتب الرسالة الأصلية almaknemer
يا هُدى الناس الحيارى
يا ندى الفجر الببلِّل نور عِوينات الفقارى
جايى ليك يا نورة
آفة .. للسوس البنقـِّر
عود عِشيماً داخرو فيك
أصلى لمـّن أدور أجيك .. بجيك
لا بتعجّزنى المسافة
ولا بقيف بيناتنا عارض
لا الظروف تمسك فى إيدى
ولا من الأيام .. مخافة
يا نفس فجر القصايد
ما ضِهِبْ فى بعدى عنـِّك
أصلى متغرِّب عشانك
راضى بى الجايينى .. منـِّك
----------------------------------------
مشكور يا مك
ودوبيتك النوع الراقي بتاع المدن ولا شنو ؟؟
مهيرة
03-05-2005, 05:14 AM
أهلك ياأم همج منك بفرجوا الهمّ
في كبد المحاصات فارسُن مانذّم
وصدُورُن والشنّوبه ملطخات بالدمّ
http://rds.yahoo.com/S=96062883/K=sudan+old+battle/v=2/SID=w/TID=I035_84/l=IVI/SIG=1290mtjke/EXP=1115215910/*-http%3A//www.og15s.com/images/color/Sudan_Campaign2.jpg
ابومحمد
06-05-2005, 01:07 PM
كاتب الرسالة الأصلية مهيرة
أهلك ياأم همج منك بفرجوا الهمّ
في كبد المحاصات فارسُن مانذّم
وصدُورُن والشنّوبه ملطخات بالدمّ
http://rds.yahoo.com/S=96062883/K=sudan+old+battle/v=2/SID=w/TID=I035_84/l=IVI/SIG=1290mtjke/EXP=1115215910/*-http%3A//www.og15s.com/images/color/Sudan_Campaign2.jpg
وبعقب على بت عبود:
اخو أم شلاخ قليبوا ما كركاب
ما لاج يوم دواس للعنيد ركاب
شباع الصقير للرويس سكاب
ابراهيم
06-05-2005, 02:44 PM
وانت فى اللالوبة مشنقة الوليدات
ناس نجومى ومحبس النفس الرهيف
بطنك كرشت غى البنات نافى
دقنك حمست جلدك خرش مافى
waheeb
08-05-2005, 04:14 AM
أختي مهيره ربنا يحفظك ان شاء الله.. حقيقه خيمتك رحيبه تسع الجميع وكل من يتذوق هذا الفن
الاصيل يجد همبريبكم ضارب يجلس معاكم من حر الشمس القاتل...
مذيدا من الابداع وما شاء الله الخيمه مليئه بالمبدعين...
ابومحمد
12-05-2005, 08:19 AM
وينا مهيرة وينا الفارسة يوت غبانا
عزازة البطانة البى النضم مطرانة
علها عافية وانشاء الله ما تطرانا
مهيرة
14-05-2005, 05:07 AM
منتدي ودمدني
وخيمة الدوبيت
وأبومحمد
وهيب
وأبراهيم
والجنا ( أدروب )
ما سألت منكم شينه :
لهفـــــــت بسمــــــــاتي للقـــــــاك سبقتني
وتســـــــــــارع دقـــــــــــات قلبي لخطالك نادتني
الابكيت بصمـــــــــت ودمعتنــــــــــــــي حرقتني
بعد ماشالتني الامال وفي احضان عيونك رمتني
وماعرفت اني منك ولا اشواقــــي هي العلتني ؟؟
مهيرة
14-05-2005, 05:11 AM
وهاكم
من شيت البطانة :
مبسوطة البطانة وقاستا النقّاعة
دور خبر الرحيل اتباشروبو جماعة
قاصداك أريل الفودة البضوي شعُاعة
أحمت عيني تغمد عقربا اللطّاعة
ابراهيم
19-05-2005, 06:13 PM
ان الهمباتة هم رجال صناديد يتمتعون بصفات نفسية وجسدية تهيئهم لهذه الحياة الخطرة التي يجابهون فيها الموت والمخاطر والاهوال والصعاب ويتميزون بقدرة فائقة على تحمل المشاق .. ذلك ان الشجاعة هي اوضح سمات الهمباتى، لان طبيعة الهمبتة تجعله في حالة خطر دائم من جراء نهب الابل حيث ان اصحاب الابل المنهوبة «يفزعونها» سعيا لارجاعها ، ويطاردون الهمباتة وتقع بينهم معارك بالاسلحة التقليدية والنارية .. يقول ود ضحوية:
الناس أل على «الساحر» بيشقوا الصى
أمسو الليلة فوق راياً نجيض مانى
ناس أب تَرمَه جاموس النحاس أب دى
عقدوا الشوره ميعادهم جبال كربى
مهيرة
23-05-2005, 05:48 AM
أنا بريدك بريد جيرتك
بريد اليوانسني يجيب لي سيرتك
أسمح من حلاوة ريا فوق تصويرتك
لي مكرب الحزامه واردة ضفيرتك
الحالة :
لو الجيره جار كنت جرت من جورك على
وخوفتى من طلك على زى خوف الحمامه من الحدى
الزمن المريح
24-05-2005, 06:08 AM
اولا سلام جاكم اهل تقيلة ووارف
و عندنا رمية ما بنخاف فى قولها و اليابها ليه ما بنوالف ،،،
دحين اسمعو القول العديل الجارف و اختوا زعلنا من قاعد و اقف ،،
(دية مدخلنا ليكم فى الخيمة اها بتقبلونا و لى بتزعلونا و تتحملوا )
المشاركة ::
يا ريح الصبا الجيتينا من اب سالف و كيف سبيل خيولا سيدا
عابد و كالف .
السبب الخلانى فوق نيران جهنم خالف
حار بالحيل فراق الزول بعد ما يوالف
و كان ولفنا على الخيمة ما بنفارقها ،، و فى انتظار النتيجة ،،،
مهيرة
24-05-2005, 07:16 AM
كاتب الرسالة الأصلية الزمن المريح
اولا سلام جاكم اهل تقيلة ووارف
و عندنا رمية ما بنخاف فى قولها و اليابها ليه ما بنوالف ،،،
دحين اسمعو القول العديل الجارف و اختوا زعلنا من قاعد و اقف ،،
(دية مدخلنا ليكم فى الخيمة اها بتقبلونا و لى بتزعلونا و تتحملوا )
المشاركة ::
يا ريح الصبا الجيتينا من اب سالف و كيف سبيل خيولا سيدا
عابد و كالف .
السبب الخلانى فوق نيران جهنم خالف
حار بالحيل فراق الزول بعد ما يوالف
و كان ولفنا على الخيمة ما بنفارقها ،، و فى انتظار النتيجة ،،،
((( حار بالحيل فراق الزول بعد ما يوالف )))
يافرحتنا بيك
عزيزي الزمن المريح
واهلا بالفارس في الخيمة 000
ابومحمد
24-05-2005, 09:23 AM
كاتب الرسالة الأصلية الزمن المريح
اولا سلام جاكم اهل تقيلة ووارف
و عندنا رمية ما بنخاف فى قولها و اليابها ليه ما بنوالف ،،،
دحين اسمعو القول العديل الجارف و اختوا زعلنا من قاعد و اقف ،،
(دية مدخلنا ليكم فى الخيمة اها بتقبلونا و لى بتزعلونا و تتحملوا )
المشاركة ::
يا ريح الصبا الجيتينا من اب سالف و كيف سبيل خيولا سيدا
عابد و كالف .
السبب الخلانى فوق نيران جهنم خالف
حار بالحيل فراق الزول بعد ما يوالف
و كان ولفنا على الخيمة ما بنفارقها ،، و فى انتظار النتيجة ،،،
حبابو والزول الكلس بنعرفو من القافية
فى راكوبة المهيرة الديمة لينا مصافية
ابشر خير وهاك النمة اللى قليبك شافية
الزمن المريح
25-05-2005, 04:50 AM
سرساب سرب من سى ،،
بندور نشكر الزول المرق فى الصى
فوق الفحل مشاقق يكرم ضيفه و يحلف المبيت فى الحى
مشكورين على الترحاب الاخ ابو محمد و الاصيلة بنت البلد المافى متيلة مهيرة ،،
درق مدادى و جف قلمى على اعتابكم رهبة من حضرة البلاط العاجى فلم اجد الا هذه الاسطر مسدار اهديكها اختى مهيرة فى مطلع الغيم فقبليها ،، على بساطتها ،،
للشاعر الوافر المسدار محمد بادى العكودابى و هى تؤكد ان الدوبيت ليست حكرا على اهل البطانة و اهل الرعى فقط ،،
زمنك كله تاكل بادرة ما ضُق شر
وزمنك كلو نحن نعوم وانت تغني ماسك البر
وزمنك كله فوق القارغة فوق ريح المدن منجر
الخير انسرق من دارنا لا حسيتو لا نحاس القبيلة نقر
ولينا سنين خلانا سموم وما شربت حصايبو مطر
منيحة الشافع اللماتو (جمع ام ) غابن في شموس الحر
صقور الباشا فطرن فيها ما لقن البقولها جر
والباشا الغشيم في ذاتو .. قعقع ومن كبادا فطر
لا ولداً يقولو انتر .. ولا مهيرتن توقولو فشـر
- ويا الباشا الغشيم قول لى جدادك كر -
لكن مهيرتنا لكل باشا بتقول لو فشر فشر فشر ،،
ابراهيم
28-05-2005, 05:34 PM
يا الزمن المريح مرحب وجيداً جيتنا
الخيمة فرحت بيك .. غنت منور بيتنا
ارمي الرمية ما تتواني في تتحيفنا
ولكم الغالين وهيب ، ابو محمد ، وهيب
سلامي واحتراماتي
والدوبيت يستخدم أحياناً لوصف رحلة ما أو منطقة من المناطق أو ظاهرة طبيعية، ومن أكثر الشعراء الذين وصفوا الطبيعة في شعرهم شاعر البُطانة الشهير (الحاردلو)، وهو من الشعراء الذين وصفوا فأجادوا الوصف، والكلام عن الحاردلو ذو شجون ولا ينتهي أبداً، ولكن نكتفي بهذه الصورة التي نقلها لنا عن رحلة عودته من أحدى مناطق السودان إلى أهله في منطقة البُطانة، حيث يقول أن هناك خبراً أكيداً وصله وهو أن البُطانة قد رشها مطر الخريف، وأن السحاب ينزف فوقها حتى مطلع الفجر لا يتوقف، وأن حشرة (أم صريصر) قد هاجت فُحولها استعداداً لموسم التكاثر وبدأت في غنائها الشبيه بالنواح، ويصف ناقته (بت ام سايق) بأنها أسرعت حين أحست بهذا الفرح الجميل في أرض البُطانة، فلم تتناول عشاءها إلا بالقرب من فريقهم في البُطانة ..
الخبر الأكيد .. قالوا البُطانة اترشَّت
ساريةً تبقبق للصباح ما انفشَّت
هاج فحل أم صريصر والمنايح بشَّت
وبت أم سايق علي طرف الفريق اتعشت
ابو الرجال
29-05-2005, 02:05 AM
الاهل الا حباب مازلت في معية الدهشة لما رايت من جميل الحديث وحلو المسدار
واني الاراكم جميعاكواكب ولعلمي بكرم الخيمة اتيتكم دونما موعدوكلي ثقة بترحيبكم لي
عمك تنقو
31-05-2005, 05:03 AM
http://www.al-wed.com/pic/5652.gif
ألف مرحب بأبو الرجال
حباب أخوي في ضل الخيمة
تفضل وحرم كمان معزوم معانا علي الكشكول بي هناك
مع تحيات
عمك
مهيرة
01-06-2005, 08:34 PM
http://www.monsterdistributes.com/300_wide/bro-town_300w.jpg
تسلم
ولك التحية عمك تنقو
ومرحب بأبو الرجال 000 مرحب
مهيرة
01-06-2005, 08:37 PM
أعلم لولا ما طرفك للبيض الرقاق شاهر
إنسان عيني كاد يغرق في ماء خدك الزاهر
نورك يتوقد لعيون الخلوق جاهر
كل شيء ظاهر..
وإشراق الفجر يشهد على طرفي العليل ساهر..
(( أبو صلاح ))
باسم الدولية
02-06-2005, 07:49 AM
ولتعلمي أختي مهيرة أن مسرحية المك نمر من نسج خيال الشاعر العبادي لخلاف له مع بعض الشكرية ولا يوجد في التأريخ السوداني أي دليل لهذه الواقعة المختلقة والتي تسئ إلي السوداني في بعض من جوانبها وليس الشكرية علي وجه الخصوص فهذه قبيلة عالية النسب ولها مآثر في الشجاعة والكرم والمرؤة وقد قام الشكرية وقت عرض هذه المسرحية الإعتراض علي عرضها وتم وقفها لأنها كادت أن تؤدي إلي نعرات قبلية وإحياء العصبية التي الان نكتوي بنارها في كل السودان .
ليس هذا دفاعا عن الشكرية فهم قد دافعوا علي أنفسهم ولو لا أيماني بالمحافظة علي وحدة السودان وعدم إحياء القبلية لأوردت لك ما قالوه والذي جعل من قبلية العبادي شيئا مضحكا ومخزي فالشكرية في الفصاحة والبلاغة لم أجد من هم في مثل إجادتهم إلا أهلي الكواهلة .
إذن ليس هذا من أجل أن نتوقف عن المسادير والدوبيت ولكن هي دعوة للبحث عن ما هو مفيد ويمثل القيم السمحة بعيدا عن التعصب والقبلية العمياء .
ورجائي عدم الإستجابة لرغبات البعض بإكمال هذه القصيدة للعبادي لأن القادم منها سيكون فيه إساءة لكل السودانيين .
ولك تحياتي ,إعجابي بالفكرة ونسلم عليكم
قال المحلق :
أنا الجنب التعيس سويت بإيدي
في كلمة مزاح قليت غميضي
فواطر أم قبيل ملح الرشيدي
تاجوج ما أتلقت يا خملة زيدي
الجنب : الشوم
فواطر: الثنايا
أم قبيل : الجميلة
الخملة : الهم
صائغ الحروف
07-06-2005, 10:37 AM
انا المامون على بنوت فريقو
انا الدابى الرصد
للزول بعيقو
دابى الخشه تمساح
لجة الموجات
مهيرة
08-06-2005, 10:15 PM
كاتب الرسالة الأصلية صائغ الحروف
انا المامون على بنوت فريقو
انا الدابى الرصد
للزول بعيقو
دابى الخشه تمساح
لجة الموجات
نقطة ضوء من ود المأمون
عشق وشلالات النّمة
في حصن الخيمة
ترحب بك شعرا ونثرا وكلاما
مرحبا بالكرام
مهيرة
08-06-2005, 11:06 PM
كاتب الرسالة الأصلية باسم الدولية
ولتعلمي أختي مهيرة أن مسرحية المك نمر من نسج خيال الشاعر العبادي لخلاف له مع بعض الشكرية ولا يوجد في التأريخ السوداني أي دليل لهذه الواقعة المختلقة والتي تسئ إلي السوداني في بعض من جوانبها وليس الشكرية علي وجه الخصوص فهذه قبيلة عالية النسب ولها مآثر في الشجاعة والكرم والمرؤة وقد قام الشكرية وقت عرض هذه المسرحية الإعتراض علي عرضها وتم وقفها لأنها كادت أن تؤدي إلي نعرات قبلية وإحياء العصبية التي الان نكتوي بنارها في كل السودان .
ليس هذا دفاعا عن الشكرية فهم قد دافعوا علي أنفسهم ولو لا أيماني بالمحافظة علي وحدة السودان وعدم إحياء القبلية لأوردت لك ما قالوه والذي جعل من قبلية العبادي شيئا مضحكا ومخزي فالشكرية في الفصاحة والبلاغة لم أجد من هم في مثل إجادتهم إلا أهلي الكواهلة .
إذن ليس هذا من أجل أن نتوقف عن المسادير والدوبيت ولكن هي دعوة للبحث عن ما هو مفيد ويمثل القيم السمحة بعيدا عن التعصب والقبلية العمياء .
ورجائي عدم الإستجابة لرغبات البعض بإكمال هذه القصيدة للعبادي لأن القادم منها سيكون فيه إساءة لكل السودانيين .
ولك تحياتي ,إعجابي بالفكرة ونسلم عليكم
قال المحلق :
أنا الجنب التعيس سويت بإيدي
----------------------------------------------------------
عزيزي الغالي باسم
تهجدات مرافيء الدوبيت ليس لها علاقة بمشكلة القبائل
وأنا معك هناك تداخلات والمقصود منها التحرشات
ولكن الدوبيت انتشال مشاعر علي الطبيعة بدون اجتهاد من القائل
انها كوميديا الواقع والذات
في موال شعبي
وارث جميل يتنفسه من في البادية والحضر
لك شكري علي هذه الاشارات المضيئة
وما اجمل هذا القول :
في كلمة مزاح قليت غميضي
فواطر أم قبيل ملح الرشيدي
تاجوج ما أتلقت يا خملة زيدي
الجنب : الشوم
فواطر: الثنايا
أم قبيل : الجميلة
الخملة : الهم
صائغ الحروف
09-06-2005, 12:10 PM
حقا انكم رائعون زملائى ومزيد من الابداع
الزبير محمد عبدالفضيل
09-06-2005, 02:10 PM
الرائعه مهيرررررررررره الفكره جميله جدا ونتمني ان تستمر
الامام وفي انتظار الجديد
ربي اغفر لي ذنبي
مهيرة
11-06-2005, 07:21 AM
كاتب الرسالة الأصلية السفير
الرائعه مهيرررررررررره الفكره جميله جدا ونتمني ان تستمر
الامام وفي انتظار الجديد
ربي اغفر لي ذنبي
وعايزين مشاركتك يا سفير
وشكرا علي المرور
aadarob
13-06-2005, 11:24 AM
فـــارس الــســــاحــة جــيــَاب الـحــقــــوق للـنـــاس
سـنــــَاد الــضــعــيــف وكــت الــضـعـيـف يـنــداس
يـا جـبـــل الـــدهـــب انـــت الـــوضـــعـت الـســاس
ومــا اتـزحـزحــت يــــوم وضـعوا الحبل فى الراس
aadarob
13-06-2005, 11:27 AM
أســـــد الـــخــــلا الــنـتــر ودر جــسـارة الـفـيـل
أب نـــــــاراً تــتـــقــــــب لـى ضــــيــــــوف الـلــيـل
مــا بـيــمـــيـل يــمــيــن لــو مـــالــت جــمــال الشيل
تـفــــداك الــنـــفــــوس يـــا ود بـــلـــــدنــا أصــــيــل
aadarob
13-06-2005, 11:29 AM
الــزول الأصــيـل مـن كـلـمـة واحـــدة تـعـــرفــو
مـن أدبـــو وســمـــاحـــتــو ومـن تـعــــابــيـــر وشــو
وكــت الـجــــود كـــريــم دايــمــا مـخــــدر جــــرفــو
شـــيـــَال الـهـــمـــوم لـلـــشـــيــلـة جـــاهــــز كـتــفــو
صائغ الحروف
15-06-2005, 09:02 AM
شيال التقيل الزول ده
دايما اعرفو والعارفنو
كتار فى الكرم والجود
مافى زولا عابو
الزبير محمد عبدالفضيل
19-06-2005, 01:35 AM
الرائعععععععععععه والجميله في مواضيعها الاستاذه مهيرررررررررررررره
وربي دي فكره في منتهي الروعه ياروعه فعلا لتجميع التراث السوداني الاصيل
وهذه قصه حقيقيه حصلت في امدرمان كان في قبطي اسمه حنا وحنا
ده عنده دكان بيع الاقمشه وكمان عنده أثنين عمال تيمان واحد اسمه
حسن والثاني حسين وبنت حنا كانت بتشتغل في الدكان محاسبه
جاء زبون ودخل الدكان والزبون ده من عرب الكبابيش وشاف المنظر في
والدكان ويله قعد يدوبيت : وقال
حسن حسنين وايضا حنا الجدي حننوه وفي خناصروه الحنه
قلبي هرتيه تب قلبك علي ما حنه
يا شاتل الورد اشتل معاه الحنه
الزبير محمد عبدالفضيل
19-06-2005, 01:50 AM
الفجر طلع والفقراء قاموا صلوا والسادر سدر واهل الخضار ادلوا
امونه
أم شليخ تنسل قرينه تسلوا روحي أشحتفت ريقي البحر ما بلو
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $
همرت ابوك الرجال لويعه أنت أن كان كبرت كعبا تقلب البيعه
########################################
اليوم تختلف الغني عند اللقاء وتخوض فيه الخيل كالعقباني أني مقلل
فارسا يوم الوقاء وأبي مخارق قاتل الشجعاني
مهيرة
20-06-2005, 05:31 AM
كاتب الرسالة الأصلية aadarob
الــزول الأصــيـل مـن كـلـمـة واحـــدة تـعـــرفــو
مـن أدبـــو وســمـــاحـــتــو ومـن تـعــــابــيـــر وشــو
وكــت الـجــــود كـــريــم دايــمــا مـخــــدر جــــرفــو
شـــيـــَال الـهـــمـــوم لـلـــشـــيــلـة جـــاهــــز كـتــفــو
أدرووب
يديك العافية
وده كلام قمة في فن الدوبيت
الــزول الأصــيـل مـن كـلـمـة واحـــدة تـعـــرفــو
مـن أدبـــو وســمـــاحـــتــو ومـن تـعــــابــيـــر وشــو
وكــت الـجــــود كـــريــم دايــمــا مـخــــدر جــــرفــو
شـــيـــَال الـهـــمـــوم لـلـــشـــيــلـة جـــاهــــز كـتــفــو
تسلم
مهيرة
20-06-2005, 05:34 AM
كاتب الرسالة الأصلية صائغ الحروف
شيال التقيل الزول ده
دايما اعرفو والعارفنو
كتار فى الكرم والجود
مافى زولا عابو
الله الله علي الكلام الجميل
وهذه خصال اهلنا بالفعل
وتسلم اخي صائغ الحروف وفي انتظار المزيد
مهيرة
20-06-2005, 05:43 AM
كاتب الرسالة الأصلية السفير
الفجر طلع والفقراء قاموا صلوا والسادر سدر واهل الخضار ادلوا
امونه
أم شليخ تنسل قرينه تسلوا روحي أشحتفت ريقي البحر ما بلو
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $
همرت ابوك الرجال لويعه أنت أن كان كبرت كعبا تقلب البيعه
########################################
اليوم تختلف الغني عند اللقاء وتخوض فيه الخيل كالعقباني أني مقلل
فارسا يوم الوقاء وأبي مخارق قاتل الشجعاني
شكرا لهذه السياحة الجميلة جدا في فن الدوبيت والجديدة كمان في البوست الفائت دلالة علي ان الدوبيت فن تراثي
مهيرة
20-06-2005, 05:43 AM
كاتب الرسالة الأصلية السفير
الفجر طلع والفقراء قاموا صلوا والسادر سدر واهل الخضار ادلوا
امونه
أم شليخ تنسل قرينه تسلوا روحي أشحتفت ريقي البحر ما بلو
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $
همرت ابوك الرجال لويعه أنت أن كان كبرت كعبا تقلب البيعه
########################################
اليوم تختلف الغني عند اللقاء وتخوض فيه الخيل كالعقباني أني مقلل
فارسا يوم الوقاء وأبي مخارق قاتل الشجعاني
شكرا لهذه السياحة الجميلة جدا في فن الدوبيت والجديدة كمان في البوست الفائت دلالة علي ان الدوبيت فن تراثي شامل لكل الاجناس ولكم تغني الشعراء في مثل هذا المزيج
حسن وحسين وحنا .. دي لوحة كاملة
والأروع هذا المسدار لأمونـــــــــــــــــــــــــــــــــة :
الفجر طلع والفقراء قاموا صلوا والسادر سدر واهل الخضار ادلوا
امونه
أم شليخ تنسل قرينه تسلوا روحي أشحتفت ريقي البحر ما بلو
تسلم اخي السفير
ابراهيم
25-06-2005, 02:26 PM
من قول الشاعر سيد احمد الحردلو ---------->
بس يا سلام سلم
زول يستحق القول
والحمد والتبجيل
محمود جنا طه
ملك وملكو علم
وفقير وفقرو علم
ويمين يمين الله
لو عندي أيد لاحقه
أديهو تاج الرجال
وابنيلو في الخرتوم
فوق البحر تمثال
لكن خسارتي انا
الماعندي أيها حال
ياسر فقيري
26-06-2005, 04:05 AM
أن جلست معاهن مجلسا يضيقن
وإن دخلت في الرقيص في نصهن ديفن
القايم من مكة للحجاز جايي قلبن
والفاهم العلم من دينوا سلبن
**********
ياسر فقيري
26-06-2005, 04:07 AM
كترت الطلة البلا قانون
بتجيب ربا للحاجب المقرون
عدم القرش بقى حنضلون
إن صادف الرملة وختا الماعون
الزبير محمد عبدالفضيل
26-06-2005, 08:38 PM
أشكرك مهيره كل الشكر وفي انتظار الجديد من عندك
لقيت الدوبيت ده حائم بره الخيمة قلت أخير أدخلوا مع رفقاتو جوه الخيمة...
{الا خت مهيرة والاخوة الكرام بخيمة الدوبيت مشرفنا علي اليمين وزايدين طولنا اشبار واتمني ان ترحبو بنا وبمشاركاتنا البسيطة.ولكم من ديارنا البطانة هذة
المشاركة
الخبر الاكيد قالو البطانة اترشت
وساريتاً تجبجب للصباح ما انفشت
نبيح فحل ام صريصر والممانح بشت
وبت امساق علي طرف الفريق اتعشت
عذرا فرحتي بكم وبمعرفت منتداكم غيبت عنا التركيز ولكن يبقي الوعد لي يوم بكرة انشاء اللة
--------------------------------------------
ابوالرجال}
اميمه عشريه
30-06-2005, 01:22 PM
تحياتي مهيره .........
وشكرا كتير رجعتينا لتراثنا انحنا المتربينا بره
اكان الزول بعد اكتر يقول قليبو ليه فره
شكرا دمت ابدا انا حاقعد اعاين بعيوني واتمتع من بره بره
يا جماعةادونا معاكم فرقة
دي محاولة كده كتبتها على نسق الدوبيت شوفوها
العز اهل والزول عزيز بي ناسو
بي قبيلتو مكرم ودايما معلج راسو
والبعد ان جبر لى طالب الرزق كواسو
لا بد من يعود لى عشيرتو منبت ساسو
مهيرة
03-07-2005, 07:43 AM
ابراهيم رفيق الشعر
ياسر فقيري - الحاضر الغائب - وحشتنا
السفير ... وجيه الحرف المكتوب
114 زميل الاشراف مرفوع القوي 2
وعزيزتي أميمة
والأخ العزيز - الكاظم
شكرا لتواجدكم وتواصلكم في خيمة الدوبيت
أختكم / مهيرة
الزبير محمد عبدالفضيل
05-07-2005, 03:29 AM
لكي التحيه مهيررررررررره واشكرك جزيل الشكر علي المدح وربنا يقدرنا
علي موكافاتك وجزيل شكرك ولازلنا في انتظار الجديد من الدوبيييت
فعلا خيمة الدوبييت تعكس البيت والعادات والالانسان السوداني خلال
المسدار وبيت الشعر والقصائد
اكرررررررررر شكري وامتناني لكي مهيره والي الاماااااااااااااااااام
ربي زدني علما
ابو الرجال
06-07-2005, 10:23 AM
جيت غاشي الفريق قلتة النبل شوفي
وجرت مقنع الحشمة الحرقت جوفي
بنوت الفريق براك يامنضرت شوفي
سون لي طمامة وكترن عوفي
بنوت الفريق قالن علي انا خفتة
قشاش غبارن المن صباي ماهبتة
انا بي سيفي غير ملاقات الاسود شن شفتة
انا كم جب جمالن بعد مافوق سيادن طفتة
وانا كم جب مراحن للفريق شافنة
وكم جرس رجالاً علي اليتيم ماحنو
ياسيفي طيع قطع الشكرنة
ويا قلبي اصبر علي القالنو
ويابدر السماء ايامنا طالن وقصرت
وعيونا ملجلجات من التوسل فترت
وين الما حامت كبد الانادي وسكرت
وين الليلة رواق دمانا العكرت
الزبير محمد عبدالفضيل
13-07-2005, 11:13 PM
وكمان مطلوب قصائد ومن الشعر الحلمنتيشي وبعض الشعر القديم حتي نكون
لوحه لتراثنا الغالي
الزبير محمد عبدالفضيل
03-08-2005, 10:35 PM
النسيم هبلي سقيطو كبس الهم علي من يومكم القفيتو
وقل للحلوه بلحقكم كان جكيتوووووووو
aadarob
19-08-2005, 07:13 AM
الاخت مهيرة
لك الف تحية هذه هدية لناس مدنى
aadarob
19-08-2005, 07:22 AM
هدية طه ودكين
أجمل التحايا لك أختي مهيرة
يسعدني كثيرا ان أكون سوداني جدا ويسعدني اكثر ان تقبلوني صديقا للخيمة صديقا قارئاً وليس كاتبا حيث اننى احب كثيرا هذا الدوبيب وتصيبني القشعريرة عندما اصادف احد المربعات او اسمعة ، وتتجازبني المشاعر وانا اقرا كل انواع الدوبيب السوداني 0
تحياتى لجميع المشاركين وبالمناسبة يا اختي ان أخى وصديقي أبوبكر عبد الله الطيب (عيكورة ) تربطني به صلة رحم قوية فهو أبن خالي 00 وهو معي خاليا بمدينة الرياض 00 لم التقي به قريبا فهو موسوعة في الدوبيت والشعر السوداني القديم ارجو للجميع الاستفادة منه ومن دراساته ومواهبه المتفردة
ولك دوام التقدم اختي مهيرة 000
رافع محمد الحاج
الرياض حاليا وقريبا الرجعة للبيت القديم في العيكورة
عبدالرحيم
24-08-2005, 12:02 PM
السلام عليكم انا الجديد القديم وعايز اواصل هل ياترى اقبل عندكم عندى شعر خاص بالعامية السودانية البداية الايام القادمة وشكرا
مهيرة
20-09-2005, 09:03 PM
للجميع التحية وللجميع أبدي أسفي نسبة لظروفي الخاصة جدا ونواصل معكم بكل الود والمحبة التي جمعتنا اخوة في هذا المنتدي الرائع
ابراهيم
30-09-2005, 01:39 AM
الاخت مهيرة ...
بركة الشفناك طيبة
افتقدناك كثيراً
عوداً حميداً
aadarob
03-10-2005, 05:58 AM
الاخت مهيرة
حمدلله على السلامة ماطولى الغيبة وبعدين المنتدى
دى واحة يجب ان تكون وارفة بكم.
waheeb
15-10-2005, 06:28 PM
رمضان كريم..
طولنا منكم ومن مساديركم..
ان شاء الله يعجبكم المسدار ... والله وجدته في احد المواقع اعجبني فأحببت ان أدخل به خيمتكم العامره..
[خِف لينا يا " الرهيو" وإتسرع
وأخطف الفجر ببارد النهار وإتضٌرع
سٍتات الشَقيق ألل رصانه مفرع
بعيدة بلدهِن تِعِل النحاس الكَرٌع
خِف لينا يا "الرهيو" وأكسب الفجرِيه
قُدامك حجر بُقعة واطَاتو شقيه
سِتات الشَقيق المشطَن قادريه
بِدني بَعيدهِن الما همْتو السفريه
waheeb
15-10-2005, 06:30 PM
البارح ... أنا وافقة مدامع السيل
في ونسة وضحك ... لمان .. قسمنا الليل
وكتين النعاج ... إتشقلبن بالخيل
لا بخلن .... ولا جادن علي بالحيل
فدوى الحسن
19-10-2005, 02:51 PM
بسم الله إبتديت
يا شباب وييييييييييين مشيتو ؟؟؟؟؟؟؟؟؟؟
أنا جنيت والجن من جناني جنيتو .......
مجنون ليلى عند قاضي الغرام جانيتو ..........
والشي المجنني لو شفتوهو كان جنيتو
فدوى الحسن
19-10-2005, 02:53 PM
أول باب سلام يا ملكة الجيل الأبوك الشيخ ...............
تاني الباب سم يا السادة مربوع مشيك مليخ ...................
تالت الباب سلام يا العندكم قوانين الأدب تاريخ ............
رابع الباب سلام البعدك الجيل كلو مسيخ .................
مع تحياتي //
فدوى الحسن
26-10-2005, 03:12 PM
يا جماعه الحكايه شنو ،،،،،،،، رمضان خلاص بقى في العضم ،،،،،،
وين تواصلكم ،،،،،،،،،،،،
لو كان الزمن عهد السعادة بعيدو ،،،،،،،،،،،،،،،،،،
كان أفرحنا بزولاً صحيح بنريدو ،،،،،،،،،،،،،،،،،،
القمح كلابي وكفي أبت ما تصيدو ،،،،،،،،،،،،،،،،،،،
جمالو تمانيه في عشرين حروفو يزيدو ،،،،،،،،،،،،،،
مهيرة
06-11-2005, 11:39 PM
شكرا لك غاليتي فدوي
ونحن موجودين بكثرة
وسنواصل معكي فقط نلرجو بقائك معنا
اكرر شكري لهذه الطلة البهية
كل سنة وانتي طيبة
كندشة
07-11-2005, 02:52 AM
ديل أهلي البقيف في الدراة
وسط الدارة..... وأتنبر
وأقول للدنيا ديل أهلي
عرب ممزوجة بد م الزنوج الحارة
ديل أهلي
ثصور كيف يكون الحال
لو ما كت سوداني
وأهل الحارة ما أهلي
لكم التقدير جميعا
وخالص الشكر على الاهتمام
بالأصالة والتراث
الذي لاغنى لنا عنه
وفي انتظار الاروع
دراكولا
03-12-2005, 11:45 PM
فكرة رائعة وان شاء الله ربنا يوفقك في المزيد من الابداع
waheeb
09-12-2005, 03:32 AM
الادب الرفيع دارساه بدري دراسة
والذوق والظرف من امهاته وراثة
الا معاي دايما قوة راسه
فدوى الحسن
10-12-2005, 03:59 AM
أنا ما بقدر صدودك ولا أبتعادك عني ،،،،،،
أزيد أشواق وبصدك تزيدي تجني ،،،،،،،،
وحاتك يا الغرامك فوق شكوكي وظني ،،،،،
بيك مجروح وآهاتي الشديده بلني ،،،،،،،،
ظبي التاكا عينيهو الدغس شاقني ،،،،،
أنا فارقتو مجبور الظروف خانني ،،،،،،،
الفي بعدو بي الحيل الفؤاد حنني ،،،،،
صادق حبو ما خيب شعوري وظني ،،،،،
نرجو التواصل،،،، ولكم دائماً ود لا ينقطع ،،،،،،،،
مهيرة
25-12-2005, 07:11 AM
http://hawaaworld.net/files/5215/ramadannnnnnn3.gif
التيمان
29-12-2005, 02:22 PM
وانت بالف خير مهيره
aadarob
01-01-2006, 11:22 AM
الاخت مهيرة ست الدار مهيرتنا
حبابك عشرة الواحد ليهو مدة مشغول شديد
لكن دعواتنا معاكم
ا
فدوى الحسن
02-01-2006, 09:58 AM
عاجباني السودان وقلبي ليها بقدّر ،،،،،،
وليها بترخص الروح والبدن متحضّر ،،،،،
للصيد المقفر يانعه صيفه مخدّر ،،،،،،
وسمحه فيها خيرات للدول بتصدّر ،،،،،،
لكم كل التحيه والسلام التام ،،، ونرجو التواصل ،،،،ولي قدام
مهيرة
03-01-2006, 04:24 AM
وانت بالف خير مهيره
عطركم فواح يا أولاد التيمان
:d
لك كل الود في أريج مدني الفواح
مهيرة
03-01-2006, 04:26 AM
عاجباني السودان وقلبي ليها بقدّر ،،،،،،
وليها بترخص الروح والبدن متحضّر ،،،،،
للصيد المقفر يانعه صيفه مخدّر ،،،،،،
وسمحه فيها خيرات للدول بتصدّر ،،،،،،
لكم كل التحيه والسلام التام ،،، ونرجو التواصل ،،،،ولي قدام
فدوي ياغالية
التحية لك من علي البعد
وشكرا للتواصل
مهيرة
03-01-2006, 04:31 AM
الحردلو :
هبن لي هبايب عكرن صافيني
الليلة السما اصبح مزركن رايب
دخلوا العروب خلونا في مصايب
ياربي الكريم
جيتك
مصلي وتايب
تجمع شملي بالمربوع
وشكله عجايب
نواصل .....
مهيرة
04-01-2006, 07:04 AM
الليلة النفس امست حزينة وعامدة
وما بتسلى بي برقع حميدة و حامدة
فارقنا الرباعة ابان قلوبا جامدة
ناس حيدر فدوس ضو القبيلة الهامدة ..
مكتول مدنى
20-01-2006, 11:33 AM
وهاكم المشاركة البسيطة دى
كان ما جوز الحمام الخاته عندك امانه
مابرجعك تانى كان انضرب جبخانة
قليلة الادب المابتسمع كلام وليانه
شاحد الله الكريم اشوف رفسانّة
ياسر فقيري
29-01-2006, 11:17 AM
أخوتي في الخيمة .. كتاب أكثر من رائع للدكتور إبراهيم القرشي .. عنوانه .. بين الأميرين الشاعرين أمرئ القيس والحاردلو .. فيه مقاطع رائعة من الدوبيت استميحكم واستميح الدكتور إبراهيم القرشي في نشر بعض المقاطع مما قاله الحاردلو ..
///***///***///***///***///***///***///***///***///***///***///***///***///***///***///***///***///***///*-**///
قال الحاردلو ..
فرديقة تلين تحت السدر ما اتعتت
بي الداداب لمحتو وعقلي ماهو أشتت
وكت راقت معاي وبي أب سحالي أتغتت
زرقت قلبي بي فتاً سنين وملتت
///***////***///***///***///***///***///***///***///***///***///***///***///
وقد وصف محبوبته باللين والرضا بعد الدلال ، وقال أب سحالي هو نوع من أنواع الثياب السودانية يكون مخطط
///***////***///***///***///***///***///***///***///***///***///***///***///
* ملحوظة : الشرح هو ما أورده الدكتور إبراهيم القرشي ... ولكن بتصرف ..
ياسر فقيري
30-01-2006, 11:33 AM
ويقول حسن التوم ..
وخر ود بشارة والودي مسعود
طِراً سِت ريدي فرغ وكمل المجهود
إنت كلاك شيوم ست الصبا المعنود
وأنا جنني كزّيم البراطم السود ..
///***///***///***///***///***///***///***///***///***///***///
وقد شرحه الدكتور إبراهيم القرشي في كتابه ..
أنت كلاك يعني إنت أكلك الشيوم وهو السير إلى المحبوب الصغير السن وأنا أذهب عقلي تقبيل الشفاه السود ..
مهيرة
01-02-2006, 06:10 AM
مكتول مدني
ياسر فقيري
يديكم العافية
وتواصــــــــــــــــــــــــــــــــــــل
ياسر فقيري
03-02-2006, 11:16 PM
ويقول الحاردلو ..
البارح أنا وقصبة مدالق السيل
في ونسة وبسط لامن قسمنا الليل
***///***///***///***///***///***///***///***///***
يشبه صاحبته بقصبة منفردة نمت في منحدر السيل فيصل إليها الماء كثر أو قل فتكون خضراء لدنة
ياسر فقيري
03-02-2006, 11:19 PM
وقال ود شوراني ..
ريق الفاها مِزر الهاطل السراي
عنكوليب حلاتو بتشرق النقاي ..
///***///***///***///***///***///***///
هذه المرأة ذات الشفاه الزرق مثل زرقة السحاب الذي يسري ليلاً ، ريقها حلو مثل قصب العنكوليب الذي يشرق من حلاوته من يقوم بتنقيته من القشر ..
مهيرة
05-03-2006, 06:50 AM
شكرا عزيزي /
ياسر فقيري لتحديث الصفحة والبوست الكسلان
ياجماعة وين التراث ده
ونكون اولاد جزيرة كيف والعرب قدامنا وورانا
ياناس الكريبة
والشرفة
والشبارقة إنتو وين ؟
أهلك ياأم همج منك بفرجوا الهمّ
في كبد المحاصات فارسُن مانذّم
وصدُورُن والشنّوبه ملطخات بالدمّ
ودخيرى
14-03-2006, 07:56 AM
ا
الدرب انشحط واللوس جبالو اتناطن
والبندر فوانيسو البيوقدن ماتن
بنوت هضاليم الخلا البنجاطن
اسرع
قودع
امسيت المواعيد
فاتن
ناس مدنى تحايتى وحروف الشوق من دواعى السرور ان ابدا معكم في مجال الدوبيت
وياريت اخت مهيرة ان تتطوفى على الحردلو ومربعاتةو
سلام مطبوق
مهيرة
20-03-2006, 04:55 AM
ا
الدرب انشحط واللوس جبالو اتناطن
بنوت هضاليم الخلا البنجاطن
اسرع
قودع
امسيت المواعيد
فاتن
ناس مدنى تحايتى وحروف الشوق من دواعى السرور ان ابدا معكم في مجال الدوبيت
وياريت اخت مهيرة ان تتطوفى على الحردلو ومربعاتةو
سلام مطبوق
عزيزنا ود خيري
مشكور علي هذه الطّلـــة
وأهلا بيك كتير في الخيمة
ودخيرى
20-03-2006, 05:58 AM
اهل الخيمة هاكم ولكن قبل تحاتى وحروف الشوق
لتيبة مسايسة ومفروقة
بين التقنتين كتح الخبيرماروقة
كان فوق قيد الحياة و ود دوقة
نما مو ملتق كان بجدعو فوقة
Tayeb Bashir
26-03-2006, 05:52 PM
ناس الخيمة كيف حالكم مع الدوبيت
و انا كاتلني الضهب طوّلت من البيت
كلمة سرّي راحت منّي و انسدّيت
كان ما بكري حامد شافني كان طشّيت
مهيرة
28-03-2006, 06:49 AM
أستاذنا الطيب بشير طولتك غابت وحرمتنا من ابداعات كثيرة نحن ننتظرها نرجو التواصل
تحياتي ..
مهيرة
28-03-2006, 06:58 AM
اهل الخيمة هاكم ولكن قبل تحاتى وحروف الشوق
لتيبة مسايسة ومفروقة
بين التقنتين كتح الخبيرماروقة
كان فوق قيد الحياة و ود دوقة
نما مو ملتق كان بجدعو فوقة
شرفت الخيمة كتير
والله يا ود خيري كلامك السمح ده ياهو نزرع نتيرب نحصد قمحنا ذاتو
نرجو شرح هذه المفردات الجميلة
اللتيبة
المسليسة
المفروقة
التقنتين
ماروقة
ود دوقه
عوفوقة
مع تحياتي
AMARGANY79
17-04-2006, 05:32 AM
ليك الف تحيه عزيزي اشرف وعلي
كتاباتك الجميله بالله اتحفن من شعر الباديه
وخاصه منطقه البطانه
وبهدي ليك ابيات
للوزر المعاك الليله ماكه مرفق
وجات حالتك بلا الدقش البليبه يصفق
شن جابرك علي الوكر الدبيبو يشفق
من غير زولا وشيهو من الملاحه يدفق
AMARGANY79
17-04-2006, 05:33 AM
محمد ميرغني ادم
AMARGANY79
17-04-2006, 05:43 AM
واقف براك والهم عصف ريحا كسح زهرة صباك
ليلا فتح شرفت وجع قمرا رحل فارق سماك
مطر الحزن عاود هطل جدد عزاب الارصفه
ضي المصابيح البعيده اتعب عيونك وانطفا
لمتين مواعيدك سراب والريد شقي وحرقه وجفا
*********************************************
واقف براااااااااااااااك
بعد المشاوير البقت ممدوده في نبض التعب
بتعود وتلقي رجاك زولا حفظ الوداد زما صعب
والباقي من ليل الهوي وعطر الصبابه المانسكب
والباقي من كل الغني وسيل الكتابه المانضب
*********************************************
واقف برررررررررررراك
AMARGANY79
17-04-2006, 05:44 AM
التحيه للشاعر الراقي مدني النخلي
وللعملاق مصطفي سيد احمد
محمد ميرغني
AMARGANY79
17-04-2006, 05:50 AM
اهدي هذه الابيات من كلامات الفنان مصطفي سيد احمد
حتي الفصول صابه الجفاف لاغيمه لا زفة هرع
والسنبر البفرح صفيرو غشانا واتقاطر رجع
وشجرنا من لفح السموم قصنه الرقص رويان وقع
لا شابه لريحة دعاش لا هشه لبرقنا لمع
انت الخريف يرسم معالم الخضره والخير والعشم
انت الربيع يغزل شباك الريد ياروح الطعم
اتعب بيادرنا الجفاف والخضره لفاها العدم
ابسم عليك احلي الكلام خلي المواسم تبتسم
وتحياتي محمد ميرغني
AMARGANY79
17-04-2006, 06:43 AM
من اشعار الهمباتي الطيب ود ضحويه
عندما كان علي فراش الموت في الدقائق الاخير وهو يقاوم في
رهبة الموت عند خلروج الروح
فقال ابيات جميله فيها كثير من التحدي والثبات حتي في وجه الموت
يوم بنداور البكره ونمصرو ثديها
ويوم بشق عتاميرا بعيده وتيها
يانفس السود المتعه كملتيها
الزمي السبات وكتين القرعه وقعت فيها
تحياتي *****محمد ميرغني
ابراهيم
04-06-2006, 01:02 PM
شرفت الخيمة كتير
والله يا ود خيري كلامك السمح ده ياهو نزرع نتيرب نحصد قمحنا ذاتو
نرجو شرح هذه المفردات الجميلة
اللتيبة
المسليسة
المفروقة
التقنتين
ماروقة
ود دوقه
عوفوقة
مع تحياتي
ود خيرى نحن متابعين وفي رجاك ...
تشرح لينا الكلام الفوق دة
تحياتي
مهيرة
21-08-2006, 05:34 AM
http://wadmadani.com/vb/image.php?u=56&dateline=1156119645
الليلة لقيت لي ضيف حايم بي هنا !! :D
حبابو عشرة
مهيرة
21-08-2006, 05:35 AM
الليلة لقيت لي ضيف حايم بي هنا !! :D
حبابو عشرة
aadarob
22-08-2006, 04:07 AM
والله ياناس مدني الواحد لوغاب سنة مافى زول يكركب بابه
عوض صقير
22-08-2006, 05:21 AM
فكرة أكثر من رائعة ... وخيمة عامرة أن شاءالله
ابراهيم
23-08-2006, 05:56 AM
http://wadmadani.com/vb/image.php?u=56&dateline=1156119645
الليلة لقيت لي ضيف حايم بي هنا !! :D
حبابو عشرة
يا جمال دنيا يا ناس:D
الزبير محمد عبدالفضيل
02-09-2006, 03:06 AM
يابت ملوك النيل ويا اخت البدر اتحفتينا بابداعك الرائع ياااااااااا اروع مهيرررررررره لكي التحيه
abu_ola
04-09-2006, 05:48 AM
سلام أهل النم و الدوبيت و الغناء
سلام أهلي الطيبين
سلام آآآ الجوة ... مافي زول و لا شنو
خدو مني دي عربون محبة و بجيكم صاااد
مازيني السحي الما شال رماد وأترمد
ومازيني القنايتو عديله ما هو مكمّد
وحات رب العباد بجاه نبينا محمد
بقّ شعاعو في ود عيني لمن غمّد
مهيرة
04-09-2006, 06:26 AM
أهلا بالرائع
أبـــــــــــــو علا
ديل حراس رزق متل التكنو امانه
زي ابل الرحيل شايله السقا وعطشانا
مهيرة
04-09-2006, 06:28 AM
أدروووووووووووووب
عوض صقير
ابراهـــــــــــــــــــــــــــيم
واستاذنا السفير
لكم محبة النمة وشبال بنات الفريق
اهلا بيكم
abu_ola
04-09-2006, 06:40 AM
مهيرة .. لكي المحبة و المودة و الوفاء على هذا البوست الرئــــع
أهديك هذه المربعات الرائعة و للأسف و لفرط جهلي لا ادري من هو قائل هذه الأبيات
ما أرجتك زعيلانه ووجيها مشحّط
وما لبست نعيلاته ونشيطه ورحّت
قصبت منصح الوادي أب رعتن نحّت
منك ضارع العشنوق سراتو ألحّت
مهيرة
04-09-2006, 08:34 PM
أبو علا
إنت رائع بالفعل
وتأتي بنمات البنات
لناس الصي الراكبين الخلا !
وهاك نفس المعني لنفس المسدار :
إستحمت أوشالت البراية
طالعة عظمة قدامه ووراها مرايا
أضاني طرشت ما بتسمع كلام هدايا
إلا يبلو لي ريقها يسوهو لي محايا
راشد خضر
12-09-2006, 08:24 PM
ديل حراس رزق متل التكنو امانه
زي ابل الرحيل شايله السقا وعطشانا
مهيرة والبوست التراثي الرائع ، وللدلالة علي أصالة هذا التراث ، هنالك بيت مرادف لما جئتِ به وهو :
كالعير ِ في البيداءِ يقتلها الظمأ * * والماءُ فوق ظهورها محمول ُ
وأسمحي لي بمشاركة متواضعة :
عييييك الولد الخاااايف القبيلة تلومو * * خااالف رجلو فوق تيسا ً رقيييق قدومو
مهيرة
17-09-2006, 05:45 AM
شكرا أستاذ راشد للتعقيب لمرادفة المسدار والتعقيب الرائع .
مهيرة
17-09-2006, 06:14 AM
مسدار الصيد
في تاني الشهور قالوا الوحم خالفاهو
وشن تشبه بلا الجدي البنوم في عفاهو
الفوق الفنيدة تجدعو وتنفاهو
كم مالن كتير من العمر تالفاهو
abu_ola
25-09-2006, 09:48 AM
ماها بنية عرب سرحت بي غنم بالوادي
وماها بنية مدن كل يوم تصابح القاضي
ايديك حرير مجدول
ونهدك مسك الفوق الرمال متسادي
دغمة خشمك الضحوة المزرقنة غادي
ماها بنية عرب سرحت تشيل ماعونها
وماها بنية مدن بتصابح الطابونة
في قليبنا شتلوها زي عرجونة
نحن نبكي والقبالنا يبكو أرجونا
ranfiy
27-09-2006, 11:29 PM
الاخوة الاعزاء
الاخت مهيرة
كل سنة وانتم طيبين
سلامى وكل احترامى
الصادق حمد الحلال
حسايساً بقن فى جوفى مضارات
افشاهن فضيحة واكتمن حارات
الجرعنى بقق الحنضل المرات
لذيذأً فوقو ابكار النحل وارات
عوض الكريم ود الحلال
بدور البل بدور فعل الهدودة
بدور ضاناً برق ضاربلو فودة
بدور اولاد عم متل الاسودة
وبدور شرع الله فى النايرات خدوده
محمد عبد القادر الحاردلو
الرهو المسافر فى سمانا مشرق
ازجى تحية للدوحة الخميلة مورق
على سخط الزمان الـ لى قلوبنا محرق
نخشى يكون قدر دايماً حياتنا تفرق
رانفى
عليك مبروك دخولك فى عوالم الفرحة
على جور الليالى والكبد منجرحة
عليك البهجة طلت والنفس منشرحة
على بقيت شبر ضاقت الوطا المنطرحة
عذراً اخوتى للطلة المشاركة المتأخرة
ومعكم نتواصل
اخوكم رانفى
abu_ola
08-10-2006, 10:41 AM
طلع نجم الغفر المسمى بالميزان
هبّ نسيمو جاب ريحة جناين اسوان
البسماتو تطرِب تفرِح الحزنان
ظرافة وزوق.. نهداً حاكى الرُمان
abu_ola
08-10-2006, 10:43 AM
الليلة السحاب فوق البطانة منيِّل
وولّع جمرة القلْب الـ قبيــل متحيِّل
طريت ست الصبا الـ ما جالسوها العَيِّل
جمالها يفوق على قدر العقل ما يخيِّل
abu_ola
08-10-2006, 10:50 AM
يا رهوا تحج تارك جناك وراك
إزنك لحظة عندي وصية شيلها معاك
حاجة خفيفة ما تأثر عليك في علاك
حبي وشوقي لزولا عزيز وملاك
abu_ola
08-10-2006, 10:53 AM
يالمرداء الممارنة ماشة بهجة و زينة
فى صيك كتير رحلن حسان فى ضعينة
فيك صيد الخلا البرعام خلقتو حسينة
دعج الريل وجديانا مرادة عسينة
كم يا بطانة بى سحرك كتير تسبينا
فى وصفك بنكتب ليك قوافى رصينة
سينا الشوق مرافئ والمحنة سفينة
نبحر فيك لامن بالغرام تاخدينا
نحن ترانا غاتسين فى غياهب (قينة)
ذكراك فى العقل لا تقولى فارقتينا
بهجة روحنا طيفك يوم يطل ويجينا
تراك اصبحت وجدانا ومعشعشة فينا
* قينة بالقاف المعطشة اسم منطقة فى اليمن
******
الشاعر ابو النذير
الزمن المريح
10-10-2006, 12:42 AM
سلام عليكم
و الله جابنى الدرب قلت اقيف و اسلم
سلام على فرسان الفريق الثائر
سلام على ستات الفريق النوائر
سلام على اهل الحى جداد والعوامر
الزبير محمد عبدالفضيل
10-10-2006, 12:43 AM
الغاليه مهيره مشكوره علي هذه الطروحات وهذا مسدار
الفجر طلع والفقراء قاموا صلوا ************* والسادر سدر واهل الخضار أدلوا
امونه أمشليخ تنسل قرينه تله ************* روحي أشحتفت ريقي البحر ما بلوا
النسيم هب لي سقيطو كبس الهم علي ******** من يومكم القفيتو وقول للحباييب
بلحقكم كان جكيتو
حسن حسنين وايضا حنا ************** الجدي حنننوه وفي خناصره الحنه
قليبي هرتيه تب ************* قلبك علي ما حنا
يا شاتل الورد اشتل معاه الحنه
ودكبوشيه
19-10-2006, 08:01 PM
الاخت مهيره : لكن ماتقول لي ابداع حاجه كده والله يديك العافيه ويزورك مكه قولي امين يارب وتسلم الانامل الرقيقه وهاك النمه دي : الليله واحد واربعين بنت الامين عثمان لاحامت فريق لاجالست صبيان وشوفتك تسند الراقدسرير عيان
ranfiy
20-10-2006, 11:17 PM
قالوا فى البطانة
ضهريك سابق السارية وصبيبو انحتا
قبليك ساوق ام برد البيرمى سقطا
سحبك دودا فوق علاو ضهورك ختا
جبالك جبد كجر التعول واتغطا
ranfiy
20-10-2006, 11:29 PM
قال محمد ود حسب الله ود الشريقاوى فى البطانة
فوق ريرة ام قلوت صح منزل الوبال
من فودة قنيص جاب همبريب النال
مليق جمعة املئ وخور المساكين سال
وحراث القشيش سوا اللبن قلال
******************************
الخط المحنتت دوروا الرحال
واحدين هدموا واحدين ضعنهن شال
عازلين للعطف نيباً تقول فيال
سايقين سوق نعم نزه وسرورة بال
****************************************
فوق تب الملح ختا الفريق توتال
بانيين دوبلى وكاجرين بروش وشمال
قارنيين المحنة العم شريك الخال
فوقهن هيبة مبسوطين بنونة ومال
المكاشفى
02-11-2006, 08:43 AM
مااروعك يامهيره لقد اثرت فينا شجونآ دومآ للامام
ومزيدآ من التقدم ومزيدآ من التحف
المكاشفى
06-11-2006, 10:41 AM
ياناس الخيمه انا جييييييييييييتكم
كبس الهم علي ليلى ونهارى مسرح
بطنى إشيمطت قلبى البفر متجرح
الصايدنى كان صاد الحجار بتمرح
لا كين رحمه الله الوسيعه تفرح
bager
09-11-2006, 05:40 AM
جيتك بامتثال صــاحبي المــتـممْ كــيفي
ابو الغائب ثبات عقلي ودرقتى وسيفي
مطمورة عشاي مؤنة شتاي وصيـفي
سترة حالي في جاري ونسائي وضيفي
المكاشفى
09-11-2006, 08:43 AM
وين يا اصحاب الخيمة
هاكم دى........
الشم خوخت بردآ ليالي الحره
والبراق برق من منه جاب القره
تلقاها أم خدود الليله مرقت بره
شوف عينى الصقير بجناحو كفت الفره
* * *
تعرف لى مشاهيد الرقاد والفره
فلاخ المصب بيه تبين تتورى
ابعراق فتق قرنو المبادر شره
والباشندى عمت مهاششيب الدره
ranfiy
21-11-2006, 08:29 PM
اخرتو امتثال صاحبى البتمم كيفى
ابراهيم سند عقلى ودرقتى وسيفى
مطمورة غلاى مؤنة خريفى وصيفى
سترة حالى فى جارى ونساي وضيفى
ود اب شوارب
يمدح / ابراهيم بك ابو سن
ranfiy
21-11-2006, 08:35 PM
بطانة من شكير لا عند ( محمد ) هادا
ضايقين فيها موتاً حرو غارق العاده
حدودنا من الحبش لا عند سراويل مادا
بردناها بالسيف للمصع عقــاده
abu_ola
23-11-2006, 01:01 AM
نـــاس قدر الله قاعــدين في الفريق ما بخترو
من كبــــى وكشف حــال الحريــم مــابفترو
أنـــا البختـر براي اسد الرضيمــة بنترو
صاحبــي إن ضلا ما بفشــاه ديمه بســترو
ماستر
29-11-2006, 02:22 AM
تسلممممممممممممممممممو
ماستر
29-11-2006, 02:22 AM
111111111111111
111111111111
11111111111
11111111
111111
1111
111
11
1
حسن السيد
13-03-2007, 06:24 PM
شال سحابك وفوق جبالك كوع
براقك شلع وبي ماهويك بوع
اتفقع سماك وصب صبيبو منوع
وشقاقك شبع في الموية لا من توع
بورتبيل
15-03-2007, 01:56 AM
سلام عليكم
في مقدمة كتاب ضو البيت الاديب الرائع الاستاذ الطيب صالح كان هذا المدخل
الدرب انشطح واللّوس جبالو اتناطن
والبندر قوانسيو البيوقدنّ ماتن
بنوت هضاليم الخلا البنجاطنّ
اسرع, قودع , امسيت .. والمواعيد فاتنّ
حسن السيد
19-03-2007, 01:55 PM
يالصديق أخوي مالك مدندن هام
والسمبر على بلد الدرادر حام
كان زولا بقيفولوا الملوك خــدام
يبقى يطرانا ويتخازز بعد ما نــام
بورتبيل
20-03-2007, 05:12 AM
القطر قطر انقليز منو قطر فلاته
شاحن قرمصيص والباقي كلو رحاطه
دي البت البتخذذ وسط خلاتا
االشافا كلو صلى الرقيبة تلاته
مهيرة
20-03-2007, 07:43 PM
الأعزاء مبدعو الخيمة :
abu_ala
ranfy
الزمن المريح
السفير
ود كبوشية
المكاشفي
ماستر
بورتبيل
شكرا لابداعاتكم في تراثنا الشعبي الأصيل وها أنا أعود اليكم
خرزة نمّة تدفع الهمة وتدر الفرح
لكم كل الود ،،،،
احمدمحمدعلي
21-03-2007, 02:28 PM
نحنا الما بسمونا العريب وين جيتو نحنا بنركب الدرشي البجابد خيتو نحنا عشيرنا ما بنخونوا نخرب بيتو نحنا عدونا بنعصروا ونطلع زيتو********************************************** ******************************مع خالص تحياتي للاخت مهيره ************************************************** **********رنده محمد علي*
حسن السيد
23-03-2007, 03:00 PM
الزول الصديق بي اسمه ماهو صديقك
لكن الصديق الشاركك في ضيقك
عن ساعة الصعاب تلقاه ديمه رفيقك
الناس تتوهم تقـول أخوك شقيقك
ود ام تريبات
26-03-2007, 07:08 AM
قال طه البطحاني :
انا السمتان جليس الردفولا عقوده
حد السيف يقطع عقدتو المعقوده
انا ما اوقدته ناراً انتو توقوعو فيها
ناري وبراي مدفيها..
قال شيخ العرب ود دكين :-
اتعبت الزمل ياطه ووراك مسبقه
احسن ليك تفوت ريه وتحل الرفقه ..
طه قال :-
اكان كل القبايل جات علي منطبقه
افوت ريه كيف ياشيخ العرب ما بتبقى
قال عمر تابع ود دكين :-
ياود حسين اتغلاب خلاس بقيت زول ميته
من تركتك كفاي انا بركب اب سوميته ( اب سوميته جمل طه )
طه قال :-
ابسوميته خليهو الليلة سيدكم اعقرو
كيف الراي وكتين صقيرو يتلب
**** طه يقتل شيخ العرب ****
طه :-
ترى شيخ العرب مسك الرمح من تجرو
اتوسد تقيلة انشاء الله ثابت اجرو
انتو الشوره كيف صتقعو ده السماء بطيرو ولا بتجرو
اركب ياعمر تراك سافرته
قبيل وكت الكلام زي الاسد طفرته
مالو دمك بهت زي التقول جفرته ؟
عمر قال :-
ابرز ياحسن في الدرقة ساسك بالغ
حين قال :-
شوف ده الخشيم دايماً تنط متشالق
ماتبرز ات ماك بالغ ؟
طه :-
اسمعو ياطمش ان كان مايجيني مبارز
واحد منكم بضرب طرف مافارز
انا حالف يمين ان كان بقيتو سريه
منكم انتهي قبال تجي العصريه
******
كلهم رمو السيوف وقالو :-
هاديل سيوفنا واقعين وراك ياريه !!
طه قال :-
يا خدرتاً مفرهده فوق جروفها نديه
على الواقع وراك انا كيفٍ بمد ايديا
حت ان كان كتلني انا عافي ليهو الدية
نفسي ومالي فداك واقبليه هديه
ريه قالت :-
رجال التابا انتو الستره تب مي فالكم
قومو شيلو جمالكم
حت مال ود دكين شيلوهو يتبع مالكم
نحنا نروح في حالنا وانت تمشو في حالكم ..
*****************************
ود ام تريبات
26-03-2007, 07:15 AM
طقال طه البطحاني :
انا السمتان جليس الردفولا عقوده
حد السيف يقطع عقدتو المعقوده
انا ما اوقدته ناراً انتو توقوعو فيها
ناري وبراي مدفيها..
قال شيخ العرب ود دكين :-
اتعبت الزمل ياطه ووراك مسبقه
احسن ليك تفوت ريه وتحل الرفقه ..
طه قال :-
اكان كل القبايل جات علي منطبقه
افوت ريه كيف ياشيخ العرب ما بتبقى
قال عمر تابع ود دكين :-
ياود حسين اتغلاب خلاس بقيت زول ميته
من تركتك كفاي انا بركب اب سوميته ( اب سوميته جمل طه )
طه قال :-
ابسوميته خليهو الليلة سيدكم اعقرو
كيف الراي وكتين صقيرو يتلب
**** طه يقتل شيخ العرب ****
طه :-
ترى شيخ العلاب مسك الرمح من تجرو
اتوسد تقيلة انشاء الله ثابت اجرو
انتو الشوره كيف صتقعو ده السماء بطيرو ولا بتجرو
اركب ياعمر تراك سافرته
قبيل وكت الكلام زي الاسد طفرته
مالو دمك بهت زي التقول جفرته ؟
عمر قال :-
ابرز ياحسن في الدرقة ساسك بالغ
حين قال :-
شوف ده الخشيم دايماً تنط متشالق
ماتبرز ات ماك بالغ ؟
طه :-
ان كان مايجيني مبارز
بضرب طرف مافارز
انا حالف يمين ان كان بقيتو سريه
منكم انتهي قبال تجي العصريه
******
كلهم رمو السيوف وقالو :-
هاديل سيوفنا واقعين وراك ياريه !!
طه قال :-
يا خدرتاً مفرهده فوق جروفها نديه
على الواقع وراك انا كيف بمد ايديا
حت ان كان كتلني انا عافي ليهو الدية
نفسي ومالي فداك واقبليه هديه
ريه قالت :-
رجال التابا انتو الستره تب مي فالكم
قومو شيلو جمالكم
حت مال ود دكين شيلوهو يتبع مالكم
نحنا نروح في حالنا وانت تمشو في حالكم ..
*****************************
طه قال :-
رقد دكين اسد القبيله الراعي
اكان ما ضايقني هو ما كان اضقتو ضراعي
ريه قالت :-
تتأسفو ليش كان داير يجز بوراعي
والنعلات حرام ماضوقه تاني كراعي
طه قال :-
موت المتلو نقصان للعرب في الجمله
هو البعد العاده وهو البقود الحمله
اطرى فعايلو جفني يجف بعد ما يمله
****************************
ابودجانه العباس
27-03-2007, 05:24 AM
الأخت والأستاذه مهيره والله إبداع
دخلت الخيمه من أمس ما طلعت منها إلا الليله
وقريتها من أولها لاخرها أقول شنو وأخلي شنو
لكي كل الشكر أنت ومن شاركك في تثبيت دعائم
هذه الخيمه التراثيه الرائعه بروعه أهلنا في مدني
وفي السودان عموم. لا أعرف الكثير عن الدوبيت
أو بالاصح كنت لا أعرف لكن بعد ما دخلت الخيمه
وجدت الكثير والمفيد ويديك ألف ألف عافيه أنت وكل
الذين شاركوك وهذه هديه بسيطه مني لك:
زي قمراً سطع في سماه كمل دوره
لاح وعم الفريق وضاح جبينك نوره
أنا مكتول هواك وقربي ليك بدوره
وشوفتك منها الحزنان بيلقي سروره
أبو الخاتم
05-04-2007, 11:09 AM
صلاح أحمد إبراهيم
الشاعر الدبلوماسي المعروف والأديب المرموق
قلبي مع الشهيد تحت التراب دافننو
وقلبي مع السجين بين الحديد رامنو
قلبي مع المواطن الحر أذى ملاحقنو
ديل سودانا ديل والباقين يمين ما منو
يا طير إن مشيت سلم علي حباني
جيب خبر الوطن إمكن قليبو طراني
جيب نسام زلالو المنو مرة رواني
جيب نفحات جمالو الأصلي مو براني
عرج من جبال كرري وتوخى يمينك
وفي أطراف مقابر البكري أحني جبينك
وسلم لي علي الدايماً بيسأل وينك
أدخل ليهو بالباب الصغير دامع
وفي حوش التراب أسجد تحية جامع
أخلع بين إيديهو الفي ضلوعك ساجع
وقدم إعتذارك قولو جيتك راجع
مجكن في الأرض تحيكلو محني الرأس
ما شغلتني عنك تب بلاد الناس
وما شاقتني من غيرك مغاني وكاس
ولا وسوس بقلبي إلهامي بيك وسواوس
محمد حنّ في يثرب لأنفاس مكة
هل معقول صلاح في الغربة ما إتشكى
يا طير إن مشيت قول لي صديقة مكة
ما بننساك تب حت لو الأرض تندكا
بت العزازة
06-04-2007, 10:15 PM
الاستاذة مهيرة رائع ما اتيتنا به نستجم به من هجير الغربة وحرها الذى الهب قلوبنا
لك كل التجلة ووقفات الاحترام
من أجمل المرثيات ما قاله الشاعر الراحل صلاح أحمد إبراهيم يرثي صديقه الشفيع أحمد الشيخ بعد إعدامه من قبل النظام المايوي عقب الانقلاب العسكري الذي مُني بالفشل وراح ضحيته الشفيع ورفاقه في الحزب الشيوعي، حيث وصفه بجبل الذهب واضع الساس الذي لم يهتز ولم يتزحزح حين التف حبل المشنقة ودُرِعَ حول عنقه ..
فارس الساحة جيَّاب الحقوق للناس
سنَّاد الضعيف وكت الضيف ينداس
يا جبل الدهب .. إنتَ الوضعتَ الساس
وما اتزحزحتا يوم درعوا الحبل في الراس
ولى عودة لهذه الخيمة الرائعة كونوا بخير زوار الخيمة
ود ام تريبات
07-04-2007, 06:44 AM
هاكم النمة دي
تغني ليك ام شلخ جيبي القول فوقو صح
يامستور مابتنفضح واستحبس في الخزنة ام ضبح
تغني ليك ام جود يامستر العروض
هيلك نسل من الجدود والعمر لليوم الموعود
تغني ليه المتبشقرة يوسف شقه الوكرا
ياخلي تسلم من بلا وسام الروح سبلا
ماجرى وشق الميع
ابو التاية ابضرباً منع
أبو الخاتم
08-04-2007, 07:04 AM
صلاح أحمد إبراهيم ــــ الدبلوماسي الرائع يكتب الدوبيت كأنه ردف مع الحاردلو أو ود شوراني
سردبنا وتحملنا ونفوسنا هنيــــــــة
ومن لحم المسيكين ما أكلنا الشية
ما اتكرفنا جردل شايلو ود بانديــــة
وآخرتها كوم تراب والذكرى تصبح حية
سردب يا جمل مالك عراك وجوم
الليل شايفو طول في بــلاد الروم
ما حيلتنا كان سألونا يا أخو القوم
غير العنكبوت في البيب نسجلو هدوم
أبو الخاتم
08-04-2007, 07:23 AM
أدخل الطيب ود ضحوية السجن فوجد همباتي قبض عليه .. فبادر الهمباتي الطيب بالسؤال
أها يا الخو إت جابوك في شان شنو ، فصمت الطيب ولم يرد ، وسأله الرجل ثانية ،
فقال الطيب أنا خليني إت مالك فأجاب الرجل عن سبب سجنه وذكر أنه قبض
في حاجة بسيطة (صفايح زيت) وبادره الطيب برد سريع
وقال ليهو :
نحنا من ناساً إن سوى ما بقول سويت
واشهد الله إن كان يوم السؤال قريت
إن بردن بكار مال البخيــــــل كشيت
وإن حرن كمـان ماهن صفايح زيت
وتجادع طه الضرير والطيب ود ضحوية : الطيب قال لي طه :
تاكل باردة ما ضق حارة
درق الباشا جاييك ذي السحابة الكارة
أطرى الليلة ياطه أم حمد والسارة ..
فرد طه :
باكل حارة ماضق باردة ماك داريني
واسأل مني ربعاي البجيبو قريني
حس الدوشكا والقربين دوام باريني
أنا أخو العازة كان إبقى الكلام عانيني
أبو الخاتم
10-04-2007, 09:55 AM
واحد من ودحسونة
بعد الشيب ربت في الهامة أخير تتيقن
ونيران الدغس كل ساعة أشوفن بقن
الزول الديسو غزير وما هـــــو ملقـن
داير ليمو لكــــــن بي شــراي محقــن
Powered by vBulletin® Version 4.2.5 Copyright © 2025 vBulletin Solutions, Inc. All rights reserved, TranZ by Almuhajir