مازدا يختار هيثم مصطفى على قمة المنتخب الوطني ..

[ايمن عبد الله]

عقد المدير الفني لمنتخبنا الوطني الاول لكرة القدم مؤتمر صحافي انتهى قبل قليل بقاعة محمد الشيخ مدني بمقر اتحاد الكرة بالخرطوم 2 وذلك لاختيار قائمة صقور الجديان التي تخوض مباراة الفريق الاولى في التصفيات الافريقية المؤهلة لنهائيات كاس العالم بالبرازيل والمباراة ضد المنتخب الزامبي بالخرطوم بطل النسخة الاخيرة من الامم الافريقية التي شارك فيها منتخبنا الوطني بغينيا الاستوائية والجابون ووصل فيها الصقور حتى الدور الثاني وغادر على يد ذات المنتخب والمباراة تلعب يوم الجمعة الاول من يونيو القادم ويلعب منتخبنا مباراة ودية يوم الجمعة القادم ضد منتخب توجو الذي يلعب وديا ضد المنتخب المصري اليوم باستاد المريخ، وجاء كابتن الهلال هيثم مصطفى على رأس المجموعة المختارة وأكد المدير الفني لمنتخبنا ان إختيار اللاعب لانه كابتن المنتخب ويجب تواجده بالمنتخب وهي فرصة لمواصلة اعداده وأكد مازدا ان هيثم مصطفى سيشارك في بطولة كأس العرب بالسعودية وهو غير جاهز فنيا للمشاركة في مباراة زامبيا القادمة وخلت القائمة من عمر بخيت،سعيد السعودي وعبد اللطيف بويا وجاء الاختيار كالآتي: ،المعز،اكرم،الدعيع،محمد ادم ،مصعب،معاوية بشير (فداسي)،نجم الدين،الزومة،مساوي،صالح الامين،عمر سليمان من الجريف،بلة جابر،صدام ابوطالب من شندي،طارق الحاج من الموردة،نزار،الشغيل،علاء الدين يوسف،مهند الطاهر،مرتضى كبير،قلق،رمضان عجب،حمودة بشير،كاريكا،بكري المدينة،محمد عنكبة،نصر الدين جوجو.فيصل موسى،محمد عبد الله من اهلي مدني
وسينطلق اعداد الفريق منذ يوم الغد وسيدخل الفريق الى المعسكر المغلق استعدادا لمباراة زامبيا في تصفيات كاس العالم القادمة منذ الساعة الثانية من يوم غدا بفنقد هوليدي فيلا

المصدر : كفر ووتر .

[ZANOON]

سياسه يا حبيب...
زعزعه الهلال اكتر واكتر...
عفيت منك ااا مازدا....

[الامين عبدالقادر]

حبيبنا ابورونق عندو مقولة وهى اشغلوا ماذدا باى حاجة وختوه لينا المريخ ونقول نحن بعد ياحبيب ختوه لينا السودان ومع انة مدرب مؤهل وناسو ماعاوزنو الا معتصم جعفر واتحادة وربنا يجيب العواقب سليمة ياايمن

[النويري]

الثانية من يوم غدا بفنقد هوليدي فيلا

أسألك بالله يا أيمن دي أشكال هوليدي فيلا

نفس البرنامج ومازدا الفاشل بخسرو في السودان قروش وأعصاب قال يتأهلو قال ياخ كرة القدم دي قلنا ليك خلوها خلينا في الجري وباقي ألعاب القوة ما محتاجة عقل .

[ايمن عبد الله]

الثانية من يوم غدا بفنقد هوليدي فيلا

أسألك بالله يا أيمن دي أشكال هوليدي فيلا

نفس البرنامج ومازدا الفاشل بخسرو في السودان قروش وأعصاب قال يتأهلو قال ياخ كرة القدم دي قلنا ليك خلوها خلينا في الجري وباقي ألعاب القوة ما محتاجة عقل .

والله خسارة قروش ساااي هو غايتو زامبيا في الخرطوم بغلبوها لكن عندك غانا في غانا وزامبيا في زامبيا ومستحيل السودان في المجموعة دي يجي اول ولا تاني من هسة الشغلة واضحة وفريق مازدا ده ما اظن يأكل عيش مع الناس ديل .. وزي ما قلت ودار قريشات سااااي ..

[الامين عبدالقادر]

النويرى صادق لوشفنا ناس العاب القوى والمناشط الاخرى طائرة تنس وصرفنا عليهم بيكون احسن من هدر المال والضياع الحاصل ياايمن والشغلانية من المدارس السنية المعدومة والمراحل التى يمر بها كل لاعبى كرة القدم الافى السودان تدفع المليارات والنمر ورقى

[هيثم عبدالعال]

ياخي قول هيثم مصطفى يختار مازدا
أبقى ليك زي الدسيس وأحكي ليك قصه بس حا أغير الأسم عشان واقعية
عبد السميع كان مكره الجماعه بي ثقالتو وكل يوم بجي النادي وهو أصلاً مطرود من نادي تاني ، أها زولنا ده غاب كم يوم ، واحد قام سأل إنتو عبدالسميع وين ليهو كم يوم مختفي .. واحد من الجماعه رد قال ليهو عبد السميع عيان عندو ملاريا ، نط ليهو واحد شامي عبد السميع قال ليهو ياخي قول الملاريا عندها عبدالسميع

[ايمن عبد الله]

ههههههههههه
لكن الدسيس ما بحكيها كده يا هيثم !!!

الدسيس بحندكها وبجندلها وبخليها تفقع المرارة .. هو قالو ليك زي مساخة الدسيس دي بتتقلد ؟

[الامين عبدالقادر]

ان شاء الله هيثم يفرض سيطرتة وحكمة على ماذا ويورية نجوم النهار حتى يتادب ويعرف يختار فى المياة العكرة دائما وتحياتى لكم اخوتى وسودانا دائما فوق بماذا اوبغيرة

[الريح الحسين]

اها سواها ولي مساوي باصاها