المساعد الشخصي الرقمي

مشاهدة النسخة كاملة : السحاب لو اصلو خصامنا وتعب



ابراهيم
29-02-2004, 02:02 AM
السحاب لو اصلو
خاصمنا ... و تعب
و الرياح الفي الدرب
شتّتتْ فرح القوافي
و بّددت حزن المنافي
مددت بعد المنافى
برضو ريدك فينا باقي
ريدك انتى فينا باقى
في الحنايا ..وفى الزوايا
في عيون أطفال بتكتب بالدوايا
في المشاوير والحكايا
و جّوه ثابت في القلب
************
يا سمحه ما غابت مدينة
يا سمحه ما بموت الفريق
و لابينهش في غناوينا الحريق
و الوتر دايماً بغني ..
للقوافل الجاية من وجع الطريق
*******************
و السحاب برضو بيعود
ويجينا بي بريق البشارة
بينا بينك لا موانع لا سدود
بيناتنا بس تبقي الجسارة

114
03-03-2004, 05:48 AM
بديع يا ابراهوما

القدال
03-03-2004, 01:14 PM
القاك وين كان الفرح قفل مساما ت التعب
واديني احساس بالامل
وكل ما تباعد بينا عوارض
والله يخارجنا

HAMADTO
05-03-2004, 11:03 AM
بسم الله الرحمن الرحيم

و السحاب برضو بيعود
ويجينا بي بريق البشارة
بينا بينك لا موانع لا سدود
بيناتنا بس تبقي الجسارة

http://a3rak.jeeran.com/Eye-12.gif

بيناتنا بس يبقي الانتظار لنيل المزيد من الابداعات
سلمت يا تلش