آلاء عبد الرحمن
01-06-2012, 03:46 AM
اخرج ساندويتشه اخيرا ونظر الي ساعته ليجدها تشير الي الثالثه صباحا لينفض عنه تعب يوم مرهق قضاه في الحوداث وينتهز فرصه خلوها ليتناول وجبه عشاؤه اخيرا ولكن نداء الراحه كان اقوي من نداء بطنه ليتهالك نائما علي التربيزه امامه ممسكا بساندويتشه في يده...
وبينما هو بين اليقظه والاحلام إذ يلمح نمله تحاول ان تقطع ماتقتات به من ساندويتشه ليقول:-
-مافيني حيل زاتو انفضك، اكلي تاكلي الحمت رمت
-شنو يازميل... مافي روح زماله اصلو الزمن ده!!!!!!؟؟؟؟؟
فيرد عليها مندهشا:-
-زميل!!!!!! لاياختي سماعتك شايفا تلخم ولابكوتك مكوي ونضيف
-يعني الا اكون دكتوره حتي تكون زميل ياطيره!!!!
-طيره حبوبتك، كمان نمله قليله ادب!!!!! قال زميل قال!!!! هملنا والله مافاضل الا النمل كمان
-انت بس اسمعني وبتفهم
-اها يامدام كوري!!!! اشرحي
-شوف ياحبه،،، نحنا عندنا ملكه وزكور وجنود وشغالات
-اها
-الملكه دي زي وزارتكم... انتو تشتغلو وهي تاكلم وتاكل حقكم ... انتو تتعبو وهم مرتاحين في مكاتبم يصرفوا بالملاين... صاح!!!!
-صاح والله
-والذكور ديل زي الاخصائين الكبار... بيشتغلو في السنه مره... مره لقاء ومره مؤتمر وقاعدين مرطبين عند اهلم
-فهم برضو
-اها والجنود ديل الخاتنهم يمغسو فيكم وكده المدرا الطبيبن وناس إداره الامتياز وناس الالزاميه والذي ديل
-علي بالطلاق انتي انشتاين الا خط
-اها نجي للشغالات ديل نحن وانتو... انتو تشتغلو اليوم كلو وتساهروا وتتعبو ومايدوكم البيبل ريقم كان هوواوويس ولا ميدكلات ولا رجسترارات... اها زميل ولا مازميل!!!!!!!
-زميل ونص وخمسه... علي بالطلاق مفروض نقريك طب اسي دي
-بري ياود امي اخير لي اقعد شغاله كدي زي ما انا لافي بوص ينهزرني ولا ببيت جعانه ولا في عيان يشاكل ولانقه رفير ولا جري توزيع ولاهم خدمه.....
-علي بالطلاق انتي افهم نمله شفتها مايغلي عليك السندويتش شيلي العايزاهو...
وبعد انا تناولت قضمه قالت:-
-اسي نقتك دي كلها في طعميه .... علي بالطلاق كان عارفاها طعميه ولا كان وجعت خشمي بالكلام معاك... بلا يخمك
ثم ذهبت ليستيقظ فزعا ينظر الي السندويتش باحثا عنها دون جدوي ليقاطعه الرجسترار قائلا:-
-لا اتصور مع السندويتش بعد ده.... كان ماسندويتش طعميه...... امشي العنبر فوق العيانه بتاعتك ركب ليها ان جي تيوب وجارت للفايتل ساين كل ساعتين
فخرج قائلا:-
مابلقي لي عقد عمل شغاله في اي جحر!!!!!!!
يامعشر الشغالين والشغالات
إبتسمو
فغد قد لاتجدون فرصه للابتسام
منقول
وبينما هو بين اليقظه والاحلام إذ يلمح نمله تحاول ان تقطع ماتقتات به من ساندويتشه ليقول:-
-مافيني حيل زاتو انفضك، اكلي تاكلي الحمت رمت
-شنو يازميل... مافي روح زماله اصلو الزمن ده!!!!!!؟؟؟؟؟
فيرد عليها مندهشا:-
-زميل!!!!!! لاياختي سماعتك شايفا تلخم ولابكوتك مكوي ونضيف
-يعني الا اكون دكتوره حتي تكون زميل ياطيره!!!!
-طيره حبوبتك، كمان نمله قليله ادب!!!!! قال زميل قال!!!! هملنا والله مافاضل الا النمل كمان
-انت بس اسمعني وبتفهم
-اها يامدام كوري!!!! اشرحي
-شوف ياحبه،،، نحنا عندنا ملكه وزكور وجنود وشغالات
-اها
-الملكه دي زي وزارتكم... انتو تشتغلو وهي تاكلم وتاكل حقكم ... انتو تتعبو وهم مرتاحين في مكاتبم يصرفوا بالملاين... صاح!!!!
-صاح والله
-والذكور ديل زي الاخصائين الكبار... بيشتغلو في السنه مره... مره لقاء ومره مؤتمر وقاعدين مرطبين عند اهلم
-فهم برضو
-اها والجنود ديل الخاتنهم يمغسو فيكم وكده المدرا الطبيبن وناس إداره الامتياز وناس الالزاميه والذي ديل
-علي بالطلاق انتي انشتاين الا خط
-اها نجي للشغالات ديل نحن وانتو... انتو تشتغلو اليوم كلو وتساهروا وتتعبو ومايدوكم البيبل ريقم كان هوواوويس ولا ميدكلات ولا رجسترارات... اها زميل ولا مازميل!!!!!!!
-زميل ونص وخمسه... علي بالطلاق مفروض نقريك طب اسي دي
-بري ياود امي اخير لي اقعد شغاله كدي زي ما انا لافي بوص ينهزرني ولا ببيت جعانه ولا في عيان يشاكل ولانقه رفير ولا جري توزيع ولاهم خدمه.....
-علي بالطلاق انتي افهم نمله شفتها مايغلي عليك السندويتش شيلي العايزاهو...
وبعد انا تناولت قضمه قالت:-
-اسي نقتك دي كلها في طعميه .... علي بالطلاق كان عارفاها طعميه ولا كان وجعت خشمي بالكلام معاك... بلا يخمك
ثم ذهبت ليستيقظ فزعا ينظر الي السندويتش باحثا عنها دون جدوي ليقاطعه الرجسترار قائلا:-
-لا اتصور مع السندويتش بعد ده.... كان ماسندويتش طعميه...... امشي العنبر فوق العيانه بتاعتك ركب ليها ان جي تيوب وجارت للفايتل ساين كل ساعتين
فخرج قائلا:-
مابلقي لي عقد عمل شغاله في اي جحر!!!!!!!
يامعشر الشغالين والشغالات
إبتسمو
فغد قد لاتجدون فرصه للابتسام
منقول