المريخ يسجل كرنقو في كرنقو

[روبش]

ياعالم هوووووي قلنا انو الناس العندها قروش ما بتعرف في الا في مجال القروش فالرياضة تريد فهم اداري رياضي على مستوى عال من الثقافة ومتابعة ما يجري في الساحة الرياضية والنظره الثاقبة للمستقبل ...
بالامس تم تسجيل عبدالرحمن كرنقو واليوم شطبوه معقوله بس مالو ود صغير وامامه مستقبل...
اليوم تم تسجيل اسحق كرنقو اخوه الكبير اعارة لستة شهور عشان شنو بس عشان يلعب الكونفدرالية مثلا طيب اصلا وقت الوالي ده عنده قروش محرقه روحه يمشي يجيب ليهو لاعب بمواصفات عاليه جدا عشان يجيب ليهو كأس ...
اقولها كرنقو او غير كرنقو اولا الدوري محسوم خلاص عرشنا على كدا ولا شنو يا الجندي
ثانيا من ناحية الكونفدرالية ده برضو محسومه وحدكم المباراة الجاية بس ...
عسع سا ذنون مصعب عمر صاحبك ده مالو بس عيبو لي ود صغير وحريف ..
ولا اقول انتو لسه عندكم عشم في صواريخ كرنقو لكن بس الحضري ما لاعب معاكم ...
احتمال الجماعه ديل جايبين كرنقو مفتكرين الحضري حارس مرمى الهلال ..
والله ناس عجيبه جدا
ضلنا قلت لا اها بعد ده نقول ليكم شنو
افيدونا يا صهاينه

[ايمن عبد الله]

انت خايف من كراعو الشمال دي ولا شنو
مالو كرنقو اخير لينا من موسى عيزومة

[روبش]

اقول يا ايمن
لكن الحضري بلعب معاكم يعني يشوت في الحضري ولا شنو

[الامين عبدالقادر]

اى لاعب ابدع بالهلال اصحابنا جارين وراه طمبل كلتشى كرنقو وولدنا مهند راحت وين ياروبش وياايمن الجن البتعرفو احسن من المابتعرفو وبكرة بتقول عيزومة احسن ولكم تحياتى

[روبش]

اقول يا الامين قالوا عايزين يسجلوا قودين .. اها رأيك شنو

[ايمن عبد الله]

اقول يا ايمن
لكن الحضري بلعب معاكم يعني يشوت في الحضري ولا شنو


جايبينو للتمارين والتقسيمات
انت حارق جازك مالك

[ايمن عبد الله]

اى لاعب ابدع بالهلال اصحابنا جارين وراه طمبل كلتشى كرنقو وولدنا مهند راحت وين ياروبش وياايمن الجن البتعرفو احسن من المابتعرفو وبكرة بتقول عيزومة احسن ولكم تحياتى

يا ريس .. المواضيع دي كلها من مدربكم الفاشل ريكاردو هو القال عايز طمبل وجيمس جوزيف وكرنقو وقودوين داير يرجع الماضي والماضي ولى زمان بحلم وهو صاحي لانه زول فاشل ما بقدر يكتشف ويطور لعيبة جديدين بفتش للنجحو معاو صدفة زماااان والزمان ما برجع ما عارف الناس ديل عجزو وكمال قال عايز باولينو لانه قال الضربة الثابتة عندو زي ضربة الجزاء قون مضمون اخير من ناس الطرمبة ديل ..

[الامين عبدالقادر]

صدقت ياايمن المشكلة فعلا اختيارات المدربين الفاشلة وكنت اتمنى ان ينجح المريخ فى صفقة ايلتون البرازيلى لاعب الفتح ممكن تستفيد منة الكرة السودانية والمريخ وريكاردو فشل مع الهلال كيف ينجح مع المريخ وما الجديد الذى يحملة نقول تخبط وكان الله فى عون المريخ

[روبش]

يا ايمن ما عايزين البرير

[ايمن عبد الله]

صدقت ياايمن المشكلة فعلا اختيارات المدربين الفاشلة وكنت اتمنى ان ينجح المريخ فى صفقة ايلتون البرازيلى لاعب الفتح ممكن تستفيد منة الكرة السودانية والمريخ وريكاردو فشل مع الهلال كيف ينجح مع المريخ وما الجديد الذى يحملة نقول تخبط وكان الله فى عون المريخ


بيني وبينك التون ذاتو ماسورة .. تفتكر لو كان فيه نفع كان ناس النصر خلو ؟
وانت عارف الفرق السعودية ومنافستها القوية التي تجعلهم لا يفرطون في اي لاعب يرجى منه ..
وغير كده تفتكر واحد جاء لعب هنا ح يرضى يمشي يلعب مع موسى وبلبل ..

[ايمن عبد الله]

يا ايمن ما عايزين البرير

هو قال عايزنا ؟

[الريح الحسين]

زمن التخبط والعشوائيه والغوغائيه والشنو ئيه ( دي طبعا من عندي ) تركنا لهم الكوره