ليبيا فتحت ....... كلاكيت تانى مره !!

[ودسمير]

المواطن السودانى هو الوحيد فى العالم لا مرتاح جوه بلدو لا فى بلاد الغربه !!

داخل السودان الكل عاوز يهاجر والسفارات العربيه والاجنبيه تشهد على ذلك ، خارج السودان ( ممكونين وصابرين ) على الغربه ونيرانها !


كثير من الدول العربيه قفلت ابوابها ( يعنى معليش ما عاوزين ) فى وجه الاجانب ، لكن لسان حال السودانين ( الحمد لله فرجت ) وليبيا فتحت تانى والسفر

ساهل بس جهز ( 3 مليون بالقديم وحق التزاكر ) تلقى نفسك فى طرابلس .. يعنى برضو ح نرجع للمربع الاول !!

والتاريخ سيعيد نفسه وتانى برنامج ( مراسى الشوق ) (وفلان سافر ما رجع واولادو كبرو وامو وابوهو ماتو بى شوقو ) !!!!!!!!!!



ويايمه رسلى لى عفوك ينجينى من جور بلدى ..............

[الجندي المجهول]

تحياتي ود سمير ،،،،
الساقية لسه مدورة ........

بلد يحمل كل مقومات النجاح ( ولا ينجح)

تخريمة : اجمل خبر زفه لي صديقي وفردتي ( طارق المدني) من قلب امدرمان ان لهم جار ( كووز) ومعروف انه منشار ( طالع نازل) ماكل (حتى السكر الذي تم توزيعه في الحي استولى عليه) قام بشراء عمارة تتالف من 3 طوابق ( وسمع ان الناس تتحدث عن انه حرامي ولص وليس له اي ثروة ليشتري عمارة بهذا الثمن) فما كان عليه إلا ان زينها وضربها جير وكتب عليها في المدخل ( عرق الجبين) .... مجموعة من الشباب (العاطلين) عن العمل والزهجانين من هذا ( المتملق الانتهازي) كتبوا بجوار (عرق الجبين ) احااااااااااا ......صاحبك مشى فتح بلاغ في قسم الثورة (ضد شباب الحي) وكسب عدائهم (الاصلا موجود) ...يعني انت لو عارف انو العمارة حلال ما محتاج تكتب عليها ولا محتاج تشاور اي انسان لكن نعمل شنو ( عاوزين يقنعونا بالقوة ) والحلال بين والحرام بين ( ولا شنو !!!)
ويا سلام لما تنوم وانت عارف ( انو لقمة الفول او اي لقمة غيرها دخلت إلى جوفك وهي حلال وخالية من اي محرمات)
واحااااااااااا على كدا ( على وزن اعرش)