بكره نسمع ذنون يجهش بالبكاء

[روبش]

الحاصل شنو يا شباب الجماعه في الايام المباركة ده (يبكوا) الباشا يبكي وابراهومه يبكي .. الحاصل شنو ورونا
بكره نسمع انو ذنون مصعب ما جاب البضاعه ليهو يبكي .. ما ديل المريخاب طبعهم كده
عسع البخلي الباشا يبكي شنو ..
والبخلي ابراهومه يبكي شنو ...
قايتو جنس كسير تلج للوالي ...
يا ذنون اوعه تبكي في المريخ الجماعه ديل ما بستاهلوا ..
بالامس طلعوا بيان قالوا جبره مدربا للمريخ طبعا ده قبل المباراة ب 24 ساعة عشان يكتلوا قلب جبره ..
لكن جبره مسكين وعليكم الله عسع جبره ده يدرب الهلال معقوله يا جماعه شخص غير مؤهل عاملين ليهو ضجه اعلاميه في التدريب..
عسع كده ورونا نسأل منو ..
كده نسأل العضو حبيبنا محمد الخليفة قالوا مشرف منتديات المريخ عن بكاء الباشا وابراهومه ...
يا محمد خليفه ورينا الحاصل شنو ... عشان نبكي معاكم
يا ذنون لقيت ليك فرده محمد خليفه ده امسك فيهو قوي بس ما تبكي معاهو ..
اقول ::: محمد خليفة مشرف منتديات المريخ ده اخر خبر وصلنا
اقول :: في بيتنا رجل
اقول :: متين نرجع للاشراف عشان نشوف لينا شغله معاهم

[الامين عبدالقادر]

نوديك سيد البلد ياودالبلد والبكاء بقى معروف والنيران مولعة وعاوزين مساعدة للاخماد ونحن بقول بعد كاس الكاف ياروبش

[روبش]

بإذن الله يا الامين الكونفدرالية محمدانا

[ZANOON]

الحاصل شنو يا شباب الجماعه في الايام المباركة ....دعوات سااااااايي ...ده (يبكوا) الباشا يبكي وابراهومه يبكي .. الحاصل شنو ورونا...دي تمارين للبكاء احتفالا بالكاس ....
بكره نسمع انو ذنون مصعب ما جاب البضاعه ليهو يبكي ...(ابوووووك يامصعب... ما ديل المريخاب طبعهم كده....العزه فينا...
عسع البخلي الباشا يبكي شنو ..هو بالله انت ماعارف...؟؟؟
والبخلي ابراهومه يبكي شنو ...دا انشاءالله يجيهو شلل اطفال..قايلك قلتا ريكاردو..
قايتو جنس كسير تلج للوالي ...هو انت من زمن الوالي بكسرو ليو تلج
يا ذنون اوعه تبكي في المريخ الجماعه ديل ما بستاهلوا ..هو كان ما الزعيم بستاهل البستاهل منو...؟؟
بالامس طلعوا بيان قالوا جبره مدربا للمريخ طبعا ده قبل المباراة ب 24 ساعة عشان يكتلوا قلب جبره ..
لكن جبره مسكين وعليكم الله عسع جبره ده يدرب الهلال معقوله يا جماعه شخص غير مؤهل عاملين ليهو ضجه اعلاميه في التدريب..عندكم ولد زيو..ساق الاولمبي سواقه العدو..
عسع كده ورونا نسأل منو ..(اسال مجرب...)
كده نسأل العضو حبيبنا محمد الخليفة قالوا مشرف منتديات المريخ عن بكاء الباشا وابراهومه ...
يا محمد خليفه ورينا الحاصل شنو ... عشان نبكي معاكم
يا ذنون لقيت ليك فرده محمد خليفه ده امسك فيهو قوي بس ما تبكي معاهو ..(دا بكا الفرح يامان....)
اقول ::: محمد خليفة مشرف منتديات المريخ ده اخر خبر وصلنا
اقول :: في بيتنا رجل...(وانت ح تكون مع البرير ولا الارباب....بين نارين وانا فرحااان...
اقول :: متين نرجع للاشراف عشان نشوف لينا شغله معاهم

بعد مانشيل الكاس انا خايف شغلنا يبقي نفتش ليك...
رمضان كريم وتصوم وتفطر علي خير ...
وكل سنه انت والاسره بالف خيريارب...

[روبش]

الحبيب الصهيوني ذنون
اديك العافيه
ورمضان كريم
رغم أنني مأخذ منك شويه (عتاب ولوم) ولكن في هذا الشهر الفضيل كل شيء يهون
اقول :: كأس شنو يا حبيب البتشيلوه ببكاء بتاعكم ده

[wadyousif]

الباشا خلاك انت تبكي ^___*