جوليا الشاعر
30-08-2012, 06:45 AM
يا موت خلاص محتاج شديد في الدنيا ما لقيت غيرُ هو
كان خليتو بس شويه ولا كان خيرتنا
أنت بس شغال تجرح في القلوب وطعنا
يا موت حرام تاخد معاذ من جنبنا
كان لمبة بـ تضوي الفريق لكل زول في حينا
يا موت حقيقة محتاج شديد
ولا شلتوا غيرا وحسد
عشان عارف فرحتنا بيو بنكملا
وأنت عاوز بس تزعل أي زول في سكتك
ذي كانو بينك والزمن تارآ قديم دائر تشيلوا من الفرح
بس معاذ ذنبوا إيه كان تسيبوا
نحن البنشعر بالفرح لمن نشوفو
حيرتنا يا موت شديد في قصتك
وجاي تقول حكم القدر
(2)
أقدار شنو الجايا تزعل من معاذ
هو معاذ متين بعرف يزعل حاجة كان
الشي الوحيد في الدنيا ما كان بعرفو كلمة زعل
شوف ليك حجة غيرا يا موت بررا
معاذ جوانا بالإحساس
أنت شلتو جته ساكت
لسه كل ما نحس فرح نذكرو
وبرغم دا مبروك عليك ..
قدرتا تاخد كل فرحنا . . و حزنتنا طول العمر
يا موت خلاص
إن شاء الله بس حققتا غايتك يا قدر
سالت دموعنا عليك بحر
(3)
غاب السرور بعدك رحل
و الكان زمان شايفنو فيك سابنا وجفل
غررتا تمشي مع القدر ولا القدر اجبر خطاك على المشي
كان تعتذر
ولا القدر ما بقدر إحساس العزر
دائما برضي على هواه لا هموا دمعة ولا عزر
دائما أناني وغير بقطع في القلوب ما بهوى شي
يا ربي ما معترضة لا
بس كان قضاك بالجد صعب
كان الفراق أصعب قدر
(4)
إهداء إلى روح اخي الغالي معاذ التجاني الراحل المقيم في قلوبنا لن ننساك مهما باعدت بيننا الاقدار فذكراك تعطر اروحنا.... لقد افتقدنا حضورك بيننا كثيرآ ...
رحمك الله اخي الحبيب وجعل قبرك روضة من رياض الجنة وجمعنا واياك في جنان الخلد إن شاء الله...
كان خليتو بس شويه ولا كان خيرتنا
أنت بس شغال تجرح في القلوب وطعنا
يا موت حرام تاخد معاذ من جنبنا
كان لمبة بـ تضوي الفريق لكل زول في حينا
يا موت حقيقة محتاج شديد
ولا شلتوا غيرا وحسد
عشان عارف فرحتنا بيو بنكملا
وأنت عاوز بس تزعل أي زول في سكتك
ذي كانو بينك والزمن تارآ قديم دائر تشيلوا من الفرح
بس معاذ ذنبوا إيه كان تسيبوا
نحن البنشعر بالفرح لمن نشوفو
حيرتنا يا موت شديد في قصتك
وجاي تقول حكم القدر
(2)
أقدار شنو الجايا تزعل من معاذ
هو معاذ متين بعرف يزعل حاجة كان
الشي الوحيد في الدنيا ما كان بعرفو كلمة زعل
شوف ليك حجة غيرا يا موت بررا
معاذ جوانا بالإحساس
أنت شلتو جته ساكت
لسه كل ما نحس فرح نذكرو
وبرغم دا مبروك عليك ..
قدرتا تاخد كل فرحنا . . و حزنتنا طول العمر
يا موت خلاص
إن شاء الله بس حققتا غايتك يا قدر
سالت دموعنا عليك بحر
(3)
غاب السرور بعدك رحل
و الكان زمان شايفنو فيك سابنا وجفل
غررتا تمشي مع القدر ولا القدر اجبر خطاك على المشي
كان تعتذر
ولا القدر ما بقدر إحساس العزر
دائما برضي على هواه لا هموا دمعة ولا عزر
دائما أناني وغير بقطع في القلوب ما بهوى شي
يا ربي ما معترضة لا
بس كان قضاك بالجد صعب
كان الفراق أصعب قدر
(4)
إهداء إلى روح اخي الغالي معاذ التجاني الراحل المقيم في قلوبنا لن ننساك مهما باعدت بيننا الاقدار فذكراك تعطر اروحنا.... لقد افتقدنا حضورك بيننا كثيرآ ...
رحمك الله اخي الحبيب وجعل قبرك روضة من رياض الجنة وجمعنا واياك في جنان الخلد إن شاء الله...