رساله اليك يا والدي...

[waheeb]

هذه قصة واقعيه صورتها طالبه تزوج أبوها مره ثانيه عبرت فيها عن الم

البعاد والحرمان الذي عاشته في غياب الاب الحنون.. وصاحبة هذه القصيده موسوعه من الادب

والشعر والنثر رفضت ان يكتب اسمها .. أعجبتي هذه القصيده المعبره جدا لذا نشرتها هنا علي امل ان

تطلق لنا صراح قصائدها الاخري او تسعدنا بالاشتراك في المنتدي..

رساله اليك يا والدي...

رساله اليك يا والدي رساله لكل من فاتوا..

رساله مدادا من قلبي تصور ليك عذاباتو..

رسالة الود مع الاخلاص عشان تسمع مناداتو..

عشان تعرف بعادك كيف بقرب الهم ولوعاتو..

رساله تصور الحرمان وكيف عشناهو بي ذاتو..

عشان تصحي لي قلبك وتسمع من قليب محسور

برسل ليك مقالاتو.
**************.
رساله اطول من ليالي الحسره في بعادك

دا لو تدري...

وأغزر من دموع فاضت

من عينين بتبكي عليك من بدري..

وأعمق من حزن قابع

مكبل لي ثنايا الروح....

وأمام كلماتي في شخصك صغر قدري..

منو البعدك معانا يواصل المشوار...

ولو تاهت خطانا وراك...منو الغيرك عرف دربي...

وأنا الصابر وما صابر وكيف اصبر..

وبين ساعات الحسره والالام ضاع عمري..

ولو تعرف مرارة الوحده يالغايب..

وتدرك ليَ تبقي نديم تخفف لي جمر احزان...

وحزن الدنيا لو جمعو امام حزني بدق تعظيم...

*****************

ولو مره الكلام ساقني بديت أحكي عن الاحزان

وما ادراك ما الاحزان...

وحاتك ما اسيب لي زول وأرجـف كل قليب انسان..

عشان الشفتو ما شويه...

ولو الفايده ليك تعم

عزابي قسم دا ما حنيه..

بدعو ليك بقلب جامد,خطا الواثق وفم مليان..

أبوي الغالي لو تسعد تعيش هاني..

من الالام زيدني كمان وكمان...

وفي اخر الرساله بقول..

بدعو ليك واقفه براي,تلاقي الخير محل قبلت...

ولي بنيه حزينه تحن تكون طراي...

وترجع لي عش الهنا الاول..

قلوبنا حزينه ليها ابوي تكون سراي..

ليها ابوي تكون سراي...

[aborawan]

لك كل الشكر ابا اشرف والتحية للشاعرة صاحبة القصيدة ولا اذاقها الله طعم اليأس ونتمنى من الوالد العودة الى احضان هذه الاسرة المبدعة التي ولدت هذه الشاعرة المبدعه المرهفه الحس كما نتمنى ان تكون احد لؤلؤات هذا العقد الفريد عقد منتديات ودمدني

[ابراهيم]

ياااااااااااه لهذه الكلمات التي تثور لها المشاعر

اخي وهيب حقيقة إنها رسالة تعبر عن حزن عميق وتعبر عن شفافية ورهافة كاتبة الحروف .. ويا لها من كاتبة .. بديعة في تصوير احاسيسها بحيث تلامس الافئدة وتدخلها متعمقة بلا استئذان ... حقيقة انها موسوعة من الاحاسيس والكلام الطيب والجواب باين من عنوانه ...


ولو مره الكلام ساقني بديت أحكي عن الاحزان
وما ادراك ما الاحزان...
وحاتك ما اسيب لي زول وأرجـف كل قليب انسان..


ولك ولها مني خالص التقدير

[waheeb]

الاخ ابو روان تشكر علي المرور.. وحقا انها مبدعه ونسأل الله ان يجعاها شعيده وسط أسره متماسكه

محبوبه لدي الجميع..

[waheeb]

أخي ابراهيم .. نعم لهذه القصيده لمحة حزن واضحه ولعلها من مرارة اللحظات التي عاشتها ... وهي

انسانه مرهفة الاحساس.. ولها قصائد رائعات نرجو ان تنضم الينا وتتحفنا بهن..

وألف شكر ليك علي مرورك واحساسك المرهف يا غالي...

[أبوبكرحامد]

تشكر ياوهيب على القصيدة التى تشبه لحد كبير أغانى الشايقية بكل ماتحويه من روعة ومقدرة فائقة على التصوير .

[aadarob]

ألأخ وهيب كنت أظنك رائع ...................لكن انت نجمة في الروعة

[waheeb]

الأخ ابو بكر حامد ..

بمرورك اذددنا القا... فعلا القصيده تشبه قصايد الشايقيه.. الكاتبه اصلا

من بنات البطانه ولكن استقر بها الحال هناك.. لذلك اظنها تأثرن بهذا اللون من الشعر..

أخي أدروب..

ا لابداع سمه تلازمكم دوما.. لك الشكر علي مرورك و تحيه خاصه للصغير عبد الله

[ابوقيس]

تسلم يارائع

وعلي الزوق الجميل

[madaniboy]

كاتب الرسالة الأصلية aadarob
ألأخ وهيب كنت أظنك رائع ...................لكن انت نجمة في الروعة

[waheeb]

أبو قيس ..

انت دائما تسعدنا بمرورك .. لا يسعني هنا شكرك.. الف مرحب بيك أخي..


الاخ العزيز فاقد حنان..

بك يذداد المنتدي ألقا.. فلا تحرمنا من ذلك..