كاتب استمتع به جدن...

[ZANOON]

ســــــــلك...

ﺍﻟﻴﻜﺲ ﻓﻲ ﺩﻓﺎﻉ ﺍﻟﻌﺠﺎﺋﺐ!!

* ﻗﻠﺖ ﻟﻲ ﺍﺳﻼﻡ ﺗﻌﺎﻟﻲ ﻫﻨﺎ ﻳﺎﺑﺖ
* ﻗﺎﻣﺖ ﺟﺎﺕ
* ﻗﻠﺖ ﻟﻴﻬﺎ ﻣﻮﺵ ﻗﻠﺘﻲ ﻛﻮﺭﺓ ﺍﻟﺠﻤﻌﻪ ﺑﺘﻨﺘﻬﻲ ﺍﺗﻨﻴﻦ ﻻﺻﺤﺎﺏ ﺍﻻﺭﺽ؟؟
* ﻗﺎﻟﺖ ﻟﻲ ﻭﺍﻧﺘﻬﺖ ﺍﺗﻨﻴﻦ ﻻﺻﺤﺎﺏ ﺍﻷﺭﺽ
* ﻗﻠﺖ ﻟﻴﻬﺎ ﻣﻮﺵ قلتي ﻛﻮﺭﺓ ﺍﻟﺴﺒﺖ ﺑﺘﻨﺘﻬﻲ ﺍﺗﻨﻴﻦ ﻻﺻﺤﺎﺏ ﺍﻻﺭﺽ ﻗﺎﻟﺖ ﻟﻲ ﻣﺎﻗﻠﺖ.
* ﻗﻠﺖ ﻟﻴﻬﺎ ﺩﺍﻳﺮﻩ ﺗﺘﻌﻠﻤﻲ ﺍﻟﻜﻀﺐ ﻳﺎﺑﺖ
* ﻗﺎﻟﺖ ﻻ ﻭﺍﻟﻠﻪ ﻣﺎﻗﻠﺖ ﻛﺪﻩ ﻳﺎﺑﺎﺑﺎ
* ﻗﺎﻟﺖ ﻟﻴﻬﺎ ﻃﻴﺐ ﻗﻠﺘﻲ ﺷﻨﻮ ﻓﻲ ﻛﻮﺭﺓ ﺍﻟﺴﺒﺖ ؟؟ ﻗﺎﻟﺖ ﻟﻲ ﻗﻠﺖ ﺑﺘﻨﺘﻬﻲ ﻋﺸﺮﻳﻦ ﻻﺻﺤﺎﺏ ﺍﻷﺭﺽ
* ﻗﻠﺖ ﻟﻴﻬﺎ ﻭﻣﺎ ﺍﻧﺘﻬﺖ ﻋﺸﺮﻳﻦ
* ﻗﺎﻟﺖ ﻟﻲ ﺍﺻﺤﺎﺏ ﺍﻻﺭﺽ ﺟﺎﺑﻮﺍ ﻗﻮﻥ ﻭﺿﻴﻌﻮﺍ ﺗﺴﻌﻄﺎﺷﺮ ﻗﻮﻥ ﺿﻤﺎﻥ ﺍﻧﻔﺮﺍﺩ ﻛﺎﻣﻞ
* ﻭﺍﺣﺪ ﺯﺍﻳﺪ ﺗﺴﻌﻄﺎﺷﺮ ﺑﻴﺴﺎﻭﻱ ﻛﻢ ؟؟
* ﻗﻠﺖ ﻟﻴﻬﺎ ﻋﺸﺮﻳﻦ
* ﻗﺎﻟﺖ ﻟﻲ ﻭﺩﻩ ﻛﻼﻣﻲ ﺍﻻﻧﺎ ﻗﻠﺘﻮ
* ﻗﻠﺖ ﻟﻴﻬﺎ ﻟﻜﻦ ﺗﺴﻌﻄﺎﺷﺮ ﺿﺎﻋﻮﺍ ﻛﻴﻒ؟
* ﻗﺎﻟﺖ ﻟﻲ ﺳﻤﻌﺖ ﻳﺎﺑﺎﺑﺎ ﺑﺎﻟﻴﻜﺲ ﻓﻲ ﺑﻼﺩ ﺍﻟﻌﺠﺎﺋﺐ ؟؟
* ﻗﻠﺖ ﻟﻴﻬﺎ ﺳﻤﻌﺖ
* ﻗﺎﻟﺖ ﻟﻲ ﺍﻣﺲ ﺍﻧﺎ ﺷﻔﺖ ﺍﻟﺠﺰﺀ ﺍﻟﺘﺎﻧﻲ
* ﺍﻟﻴﻜﺲ ﻓﻲ ﺩﻓﺎﻉ ﺍﻟﻌﺠﺎﺋﺐ...ﺯﻭﻝ ﻳﺤﺎﻭﺭ ﺍﺗﻨﻴﻦ ﺍﺗﻨﻴﻦ ﻭﺗﻼﺗﻪ ﺗﻼﺗﻪ
* ﻭﻳﺤﺎﻭﺭ ﺧﻠﻴﻔﺔ ﻣﺮﺗﻴﻦ ﻣﺮﻩ ﻳﻌﻤﻠﻮ ﺧﻠﻴﻔﻪ ﻭﻣﺮﻩ ﺧﻔﻴﻔﻪ
* ﺍﻟﻴﻜﺲ ﺩﻩ ﺑﺠﻲ ﻣﺎﺷﻲ ﻓﻲ ﻋﻤﺮ ﺑﺨﻴﺖ ﺳﺎﺍﺍﺍﻱ
* ﻻﺑﺤﺘﺮﻡ ﻓﺎﺭﻕ ﺍﻟﺴﻦ
* ﻭﻻ ﺑﻘﺪﺭ ﺍﻧﻮﺍ ﺍﻟﺰﻭﻝ ﺩﻩ ﻧﺴﻴﺐ ﺳﻴﺪ ﻧﺎﺱ ﺭﻭﺷﺎ
* ﻭﻻﺑﻬﺘﻢ ﺑﻤﺸﺎﻛﻞ ﺳﻴﺪ ﻧﺎﺱ ﺭﻭﺷﺎ ﻭﻻﻫﺎﻣﻴﻬﻮ
* ﻳﺠﻲ ﻣﺎﺷﻲ ﺍﻟﺘﻘﻮﻝ ﻣﺎﺷﻲ ﻓﻲ ﺷﺎﺭﻉ ﺍﻟﻨﻴﻞ
* ﺯﻭﻝ ﺑﻌﺘﺮ ﻟﻴﻬﻮ ﺳﺎﻱ ﻣﺎﻓﻲ
* ﻳﺠﻲ ﻣﺎﺷﻲ ﻻﺑﺮﺍﻋﻲ ﻟﺸﻌﻮﺭ ﻓﻄﻮﻣﻪ
* ﻻﺑﻘﻮﻝ ﺑﺎﻟﻄﺮﻳﻘﻪ ﺩﻱ ﺑﺤﺮﺟﻬﺎ ﺑﺲ ﻳﻤﺸﻲ ﺳﺎﺍﺍﺍﺍﺍﻱ
* ﻏﻴﺎﻳﺘﻮ ﻳﺎﺑﺎﺑﺎ ﺍﻟﻴﻜﺲ ﺩﻩ ﺍﻣﺲ ﻓﻲ ﺩﻓﺎﻉ ﺍﻟﻌﺠﺎﺋﺐ ﺳﻮﺍ ﺍﻟﻌﺠﺎﺋﺐ
* ﻗﻠﺖ ﻟﻴﻬﺎ ﻳﺎﺑﺘﻲ ﻧﻘﻮﻝ ﺷﻨﻮ ﻋﺎﺩ
* ﻗﺎﻟﺖ ﻟﻲ ﻭﻛﻴﻒ ﻣﺎﺗﻨﺘﻬﻲ ﻋﺸﺮﻳﻦ؟
* ﻗﻠﺖ ﻟﻴﻬﺎ ﺫﻱ ﻣﺎﻗﺎﻟﻮﺍ ﺍﻫﻠﻨﺎ ﺍﻟﻤﺼﺮﻳﻦ
* ﺁﺩﻱ ﺍﻟﻠﻪ . ﻭﺍﺩﻱ ﺣﻜﻤﺘﻮﺍ ﻟﻜﻦ ﺑﻴﻨﻲ ﻭﺑﻴﻨﻜﻢ ﺗﺴﻌﻄﺎﺷﺮ ﻗﻮﻥ ﺗﻀﻴﻊ!!!
* ﺩﻱ ﻏﺮﻳﺒﻪ ﺷﺪﻳﺪ
* ﺃﻗﻮﺍﻥ ﺍﻣﺲ ﺍﻟﻀﺎﻋﺖ ﺩﻱ ﻛﻠﻮ ﻟﻮ ﺟﺎﺕ
* ﻛﺎﻥ ﺑﻘﻲ ﻫﻼﻝ ﺍﻟﻤﻼﻳﻦ ﺟﺪ ﺟﺪ
* ﻏﺎﺭﺯﻳﺘﻮﺍ ﺣﻴﺮﻧﺎ .. ﻟﻌﺐ ﺑﺨﻤﺴﺔ ﻣﺪﺍﻓﻌﻴﻦ
* ﻭﺧﻤﺴﻪ ﻣﻬﺎﺟﻤﻴﻦ
* ﺧﻄﺘﻮ ﺯﻱ ﻓﺴﺘﺎﻥ ﺍﻟﺮﻗﻴﺺ ﺑﺘﺎﻉ ﺍﻟﻌﺮﻭﺱ
* ﻧﺺ ﻣﺎﻓﻲ
* ﺍﻟﺼﺪﺭ ﻻﺻﻖ ﻓﻲ ﺍﻟﻜﻠﻮﺵ ﻃﻮﺍﻟﻲ
* ﺧﺎﺗﻲ ﻧﺎﺱ ﺳﺎﺩﻭﻣﺒﺎ ﻓﻲ ﺍﻟﺼﺪﺭ
* ﻭﻧﺎﺱ ﺧﻠﻴﻔﺔ ﻓﻲ ﺍﻟﻜﻠﻮﺵ
* عشان كده اقل حركة من العروس بيتنفش الكلوش ويظهر المستور
* واهل العروس مابرضو
* يقومو يعملو الرقيص في صالة مغلقة ويمنعوا التصوير
* رجال مافي حتى ولو اخوان العروس
* الموبايلات ما بخلوها تخش
*يجن البنات المعزومات بي كروتن
* وبي عباياتن .. ويدخلن الصالة
* يفتشوهن تفتيش شخصي
* ويطلعن ليك العبايات
* جنس حكايات .. انس بس
* ﺍﻟﻤﻬﻢ ﺗﺼﻮﻳﺮ ﻣﺎﻓﻲ
* ﻋﺸﺎﻥ ﻛﺪﻩ ﻳﺎﺭﻭﺷﺎ ﺍﻣﺲ ﻛﺎﻥ ﺗﻤﻨﻌﻮﺍ ﺍﻟﺘﺼﻮﻳﺮ
* ﺑﺪﻝ ﻳﺘﻨﻔﺶ ﺍﻟﻜﻠﻮﺵ ﻭﺗﻨﻜﺸﻒ ﻋﻴﻮﺑﻜﻢ ﺍﻟﺒﺘﺨﺠﻞ ﺩﻱ
* ﺍﻟﻤﻬﻢ ...
* ﺍﺳﻼﻡ ﺑﻌﺪ ﺳﺎﺩﻭﻣﺒﺎ ﺟﺎﺏ ﻗﻮﻧﻮ ﻗﺎﻟﺖ ﻟﻲ ﻧﺎﺱ ﺍﻟﻬﻼﻝ ﺩﻳﻞ ﻻﺑﺴﻴﻦ ﻟﻮﻧﻬﻢ ﺍﻟﺰﻱ ﺍﺑﺮﻭﻝ ﺍﻟﻄﻠﻤﺒﺎﺕ ﺩﻩ ﻭﻗﺎﻋﺪﻳﻦ ﺳﺎﺍﺍﻱ
* ﺣﻘﻮ ﻳﺎﺑﺎﺑﺎ ﻳﺒﻴﻌﻮﺍ ﺳﺎﺩﻭﻣﺒﺎ ﻭﻳﻘﻠﺒﻮﻫﻮﺍ ﻃﻠﻤﺒﻪ
* ﺑﻴﻊ ﻳﺎﺭﻭﺷﺎ
* ﻃﺒﻌﺎ" ﺳﺎﻧﻴﻪ ﺍﻣﺲ ﻣﺎﻛﺎﻥ ﻻﻋﺐ...ﻟﻮﻛﺎﻥ ﻻﻋﺐ ﻛﺎﻥ ﻋﻤﻞ ﺷﻲ
* ﻣﻮﺵ ﻗﻠﺖ ﻟﻴﻜﻢ ﺳﺎﻧﻴﻪ ﺩﻩ ﺑﻠﻌﺐ ﻓﻲ ﺻﻔﺤﺎﺕ ﺣﺒﻴﺐ ﺍﻟﺒﻠﺪ !!!
* ﻭﻓﻲ ﺍﻧﻐﻮﻻ ﻃﺒﻌﺎ ﻣﺎﻓﻲ ﺣﺒﻴﺐ ﺑﻠﺪ
* ﻋﺸﺎﻥ ﻛﺪﻩ ﻗﻌﺪ ﺳﺎﺍﺍﺍﺍﺍﻱ
* ﺑﺮﻃﻊ ﺍﻟﻤﺪﻳﻨﻪ ﻣﺎﻗﺼﺮ .. ﺍﺟﺘﻬﺪ
* ﻟﻜﻦ ﺍﻟﺒﺮﻃﻌﻪ ﻗﻄﻌﺖ ﻗﻠﺒﻮ
* ﺍﻟﻤﻬﻢ
* ﻧﺎﺱ ﺭﻭﺷﺎ ﻭﻭﻓﺎﺀ ﻟﻠﺒﺮﻧﺲ ﺻﻠﻮﺍ ﺍﻟﺠﻤﻌﻪ ﻓﻲ ﻣﺴﺠﺪ ﺍﻟﻬﻼﻝ
* ﺗﺨﻴﻠﻮﺍ .. ﺍﻟﻤﺴﺠﺪ ﻓﻲ ﺍﻟﻨﺎﺩﻱ .. ﻭﺍﻟﻨﺎﺩﻱ ﻣﻐﻠﻖ ﻟﻠﺼﻴﺎﻧﻪ
* ﻭﺍﻟﻤﺴﺠﺪ ﺑﻔﺘﺢ ﻳﻮﻡ ﺍﻟﺠﻤﻌﻪ
* ﻗﺎﻣﻮﺍ ﺳﻤﻮﻫﺎ ﺟﻤﻌﺔ ﺍﻟﻮﻓﺎﺀ
* ﻭﺍﻟﺒﺮﻳﺮ ﻇﻬﺮ
* ﻗﺎﻟﻴﻬﻢ ﺍﻟﺠﻤﻌﺔ ﺍﻟﺠﺎﻳﻪ ﺍﻟﻤﺴﺠﺪ ﺫﺍﺗﻮﺍ ﻓﻲ ﺍﻟﺼﻴﺎﻧﻪ
* ﻃﺎﻟﻤﺎ ﻛﺪﻩ ﻳﺎﺭﻭﺷﺎ ﺍﻟﺠﺎﻳﻪ ﺍﻋﻤﻠﻮﻫﺎ ﺟﻤﻌﺔ ﻟﺤﺲ ﺍﻟﻜﻮﻉ
* ﻭﺍﺗﻠﺤﺴﻲ
* ﻟﻜﻦ ﺍﻟﻴﻜﺲ ﺳﻮﻩ ﺍﻟﻌﺠﺎﺋﺐ ﻓﻲ ﺩﻓﺎﻉ ﺍﻟﻌﺠﺎﺋﺐ
* ﻣﺴﺎﻭﻱ ﻳﺠﻲ ﺟﺎﺍﺍﺍﺭﻱ
* ﺍﻭﻝ ﻣﻦ ﻳﻠﻘﻲ ﺍﻟﻌﻨﺪﻭ ﺍﻟﻜﻮﺭﻩ ﺍﻟﻴﻜﺲ ﻳﻘﻴﻒ
* ﻭﻳﺘﻨﻲ ﺭﻛﺒﻮ .. ﺗﻠﻘﻲ ﺍﻟﻜﺮﺍﻉ بي ﺠﻬﻪ
* ﻭﺍﻟﺸﻨﻜﺎﺭ ﺑﻲ ﺟﻬﻪ .. ﻳﺒﻘﻲ ﺫﻱ ﺍﻟﻌﺠﻠﻪ ﺍﻡ ﺗﻜﺎﻻﺕ
* ﻋﺸﺎﻥ ﻣﺎﻳﻘﻊ .. ﺑﺎﻗﻲ ﺍﻟﻴﻜﺲ ﺍﻟﻌﺠﺎﺋﺐ ﺩﻩ عجيب
* ومساوي ضاق ورورة الركشه قبل كده
* ينزل التكالات ويقيف .. ياخ اليكس ده امبارح اثبت انو
* ﻻﻏﺎﺭﺯﻳﺘﻮ ﻧﺎﻓﻊ ... ﻭﻻﺩﻓﺎﻉ ﺍﻟﻬﻼﻝ ﻧﺎﻓﻊ
* ﻭﻻﺧﻼﻑ ﺍﻟﺒﺮﻧﺲ ﻧﺎﻓﻊ
* ﻭﻻﻛﻼﻡ ﻧﺎﺱ ﺭﻭﺷﺎ ﻋﻦ ﺳﺎﻧﻴﻪ ﻧﺎﻓﻊ
* ﺗﺴﻌﻄﺎﺷﺮ ﻗﻮﻥ ﺑﺎﻟﺘﻤﺎﻡ ﻭﺍﻟﻜﻤﺎﻝ ﺭﺑﻚ ﺭﺏ ﺍﻟﺨﻴﺮ ﻗﺎﻝ ﻣﺎﺗﺠﻲ
* ﺳﺘﺮﻩ ﺳﺎﺍﺍﺍﻱ ﻟﻠﺸﻌﺐ ﺍﻟﻄﻴﺐ ﺩﻩ
* دي فضيحة كان ناس الجزيرة بي شماراتهم دي دوروها شهر لي قدام
* ﻟﻜﻦ ﺣﻈﻚ ﺳﻴﺊ ﻳﺎﺑﺮﻧﺲ
* تسعة من التسعتاشر ديل لو دخلو
* ﻛﺎﻥ ﺍﻟﻠﻴﻠﻪ ﺍﺻﺒﺤﺖ ﺍﻧﺖ ﺍﻟﺮﺋﻴﺲ
* ﻭﺍﻟﻜﺎﺑﺘﻦ .. ﻭﺍﻟﺠﻤﻬﻮﺭ
*ﺍﻟﺸﻌﺎﺭ ﺍﻟﻜﺴﺒﻮ ﺍﻟﺰﻭﻝ ﻓﻲ ﺍﻟﻤﺤﻜﻤﻪ
* ﻛﺎﻥ ﺍﺩﺍﻙ ﻟﻴﻬﻮ .. ﻛﺎﻥ ﺍﻻﺳﺘﺎﺩ ﺑﻘﻲ ﺣﻘﻚ
* ﺗﺄﺟﺮﻭﺍ ﻣﺨﺮﻃﻪ ﻭﺗﻘﺒﺾ ﺁﺧﺮ ﻛﻞ ﺷﻬﺮ
* ﺣﻈﻚ ﺳﻴﺊ ﻳﺎﺍﻣﻴﺮ ﻳﺎﺑﺮﻧﺲ .. ﻟﻜﻦ ﻣﺎﺗﺸﻔﻖ
* الله في .. واهلي شندي في .. والمريخ في .. وناس اليكس ديل ذلتهم في .. وحاتشوفهم في امدرمان .. وانا في .. وانت في
ﺍﻳﻬﺎ ﺍﻟﻨﺎﺱ
* ﺍﻟﻴﻜﺲ ﻗﺎﻟﻮﺍ ﻗﻌﺪ ﻣﻊ ﺍﻟﻮﺍﻟﻲ
* ﻭﺍﻟﺒﻘﻌﺪ ﻣﻊ ﺍﻟﻮﺍﻟﻲ ﻣﺎﺑﻘﻮﻡ
* ﻳﻌﻨﻲ ﺍﻟﺴﻨﺔ ﺍﻟﺠﺎﻳﻪ
* اﻟﻴﻜﺲ ، ﻭﻛﻠﺘﺸﻲ ، ﻭﺳﺎﺩﻭﻣﺒﺎ
* ﺃﻳﻴﻴﻴﻴﻴﻴﻴﻴﻴﻴﻴﻳﻴﻴﻴﻴﻴﻴﻴﻴﻴﻴﻴﻴﻚ
* ﻫﺠﻮﻡ ﺫﻱ ﺳﻼﺡ ﺍﻟﺠﻮ ﺍﻻﻣﺮﻳﻜﻲ
* ﺍﻳﻬﺎ ﺍﻟﻨﺎﺱ
* ﻧﺤﻨﺎ ﺑﻄﻞ ﺍﻟﻤﺠﻤﻮﻋﻪ ﻭﺍﻟﺒﺎﻗﻲ ﻃﻴﺶ
* ﻧﻘﺎﻃﻨﺎ ﺃﻛﺘﺮ ﻣﻦ ﻧﻘﺎﻁ ﺍﻫﻠﻲ ﺷﻨﺪﻱ ﺯﺍﻳﺪ ﻧﻘﺎﻁ ﺍﻻﻧﺘﺮ
* ﻧﻘﺎﻃﻨﺎ ﺍﻛﺘﺮ ﻣﻦ ﻧﻘﺎﻁ ﺍﻟﻬﻼﻝ ﺯﺍﻳﺪ ﻧﻘﺎﻁ ﺍﻻﻧﺘﺮ
* ﺍﻟﻬﻼﻝ ﻭﺍﻻﻧﺘﺮ ﺍﺟﻤﻌﻬﻢ ﻣﻊ ﺑﻌﺾ ﻧﺤﻨﺎ ﺃﻛﺘﺮ
* ﺍﻫﻠﻲ ﺷﻨﺪﻱ ﻭﺍﻻﻧﺘﺮ ﺍﺟﻤﻌﻬﻢ ﻣﻊ ﺑﻌﺾ ﺑﺮﺿﻮﺍ ﻧﻘﺎﻃﻨﺎ ﺍﻛﺘﺮ
* ﻣﻮﺵ ﻗﻠﺖ ﻟﻴﻜﻢ ﻧﺤﻨﺎ ﺑﻄﻞ ﺍﻟﻤﺠﻤﻮعة ﻭﺍﻟﺒﺎﻗﻲ كلو ﻃﻴﺶ
* ﻭﺍﺗﻄﻴﺸﻲ
* ﺃﻫﺎ
* ﻧﺠﻲ ﻟﺸﻤﺎﺭﺍﺕ ﻭﺍﻟﻲ ﺍﻟﺨﺮﺗﻮﻡ
* ﺃﻣﺲ ﺍﺟﺮﻧﺎ ﺍﻟﺰﻳﺖ
* ﺣﻤﺮﻧﺎ ﻓﻴﻬﻮ ﺍﻟﺒﺼﻠﻪ ﻭﺭﺟﻌﻨﺎﻫﻮ ﻟﻠﺪﻛﺎﻥ
* ﺗﺪﺑﻴﺮ ﻳﺎﻭﺍﻟﻴﻨﺎ .. ﻭﻛﺎﻥ ﺷﻔﺖ ﻳﺎﻭﺍﻟﻴﻨﺎ
* ﺟﻴﺮﺍﻧﺎ ﻋﻨﺪﻫﻢ ﻛﺮﺍﻣﻪ .. ﺿﺒﺤﻮﺍ ﻣﺎﺟﻲ
* ﻛﺎﻥ ﺷﻔت ﻳﺎﻭﺍﻟﻴﻨﺎ ﺍﻟﻤﺎﺟﻲ ﺩﻱ ﺩﻣﻬﺎ ﻛﺘﻴﺮ ﻛﻴﻒ
* ﻟﻤﺎ ﺿﺒﺤﻮﻫﺎ ﻟﻤﺎ ﺍﻟﺸﻔﻊ ﺧﺎﻓﻮﺍ ﻭﺑﻜﻮﺍ
* ﺷﻔﻌﻨﺎ ﺑﻜﻮﺍ ﻳﺎﻭﺍﻟﻴﻨﺎ .. ﻭﺍﻟﻴﻨﺎ
* ﻋﻴﺪ ﺍﻟﻀﺤﻴﻪ ﻗﺮﺏ
* ﻭﺍﻟﺴﻨﺔ ﺩﻱ ﺍﻟﻀﺤﻴﻪ ﺭﺏ ﺍﻻﺳﺮﻩ ﻳﺎﻭﺍﻟﻴﻨﺎ
* ﺑﻌﺪ ﻋﻴﺪ ﺍﻟﻀﺤﻴﻪ ﻣﺎﺣﺘﻠﻘﻲ ﻓﻲ ﻭﻻﻳﺘﻚ ﺍﺳﺮة ﻋﻨﺪﻫﺎ ﺭﺏ
* ﺑﻜﻮﻧﻮﺍ ﺿﺒﺤﻮﻫﻢ ﻛﻠﻬﻢ ﻭﻗﻌﺪﻭﺍ
ﺳﻠﻚ ﻛﻬﺮﺑﺎﺀ
ﻧﻨﺴﺎﻙ ﻛﻴﻒ ﻭﻛﺎﻥ ﻟﻘﻴﻨﺎ ﺍﻟﻴﻜﺲ ﺩﻩ ﻓﻲ ﺯﻣﻨﻚ ﻛﺎﻥ ﻏﻠﺒﻨﺎ ﺑﺮﺷﻠﻮﻧﻪ ﺑﻲ ﻣﻴﺴﻴﻬﺂ
ﻭﺍﻟﻲ ﻟﻘﺎﺀ
ﺳﻠﻚ

[روبش]

اقول :: زنون لحق ايمن بقيت تقص وتلصق خلاص افلست من الكتابة

[wadyousif]

اهم حاجة شمارات والي الخرطوم دي
شغل بالباااااااارد

ياريت لو كل صحفي خصص ولو سطر واحد لهموم المواطن

[ZANOON]

اقول :: زنون لحق ايمن بقيت تقص وتلصق خلاص افلست من الكتابة
لا ...والله يا مروبش ...
لكن كاتب بلون جميل ....
واسلوبه ساخر...ما بتمل منه...
السخافه خليتا لمزمت ومرضان...
اقول :: زعلان عشان بدوركم صاح...؟؟؟

[ZANOON]

اهم حاجة شمارات والي الخرطوم دي
شغل بالباااااااارد

ياريت لو كل صحفي خصص ولو سطر واحد لهموم المواطن

الشغل البارد دا بجيب نتيجه اكتر من ناس هو هو ديلاك...
.....
الهلالاب باقي ليهم في حلقهم...

[ZANOON]

سلك 3/9...

لما جبتوا فليكس ما شفتوا اليكس !!!!

• المثل بقول
• الحشاش يملي شبكتو
• في اي شئ بمشي المثل ده
• الا في الكوره
• في الكوره المثل بتقلب
• الحشاش بملي شبكة غيرو
• اسي عليكم الله ناس اليكس ديل لو فيهم حشاش
• شبكة المعز دي ما كانت اتملت ودفقت !!!!
• تسعطاشر انفراد !!!!
• والغريبه بتمرق كيف ربك رب الخير يعلم
• لكن في حاجه غريبه يا روشا
• راس الحربه بتاع ناس فليكس ده يحير
• اليكس يمرمط دفاع العجائب
• واحد واحد
• وواحدين مرتين مرتين
• ويديها لي راس لحربه بتاعهم في خشم القون
• راس الحربه ده لو كان من اغولا كان قلنا ياها كورتهم وياهم ناسهم
• لكن راس الحربه اجنبي عن انقولا
• ومحترف
• ومعروف
• قالوا صاحب سانيه
• علاقه قديمه وقويه
• محترف جابوهوا من بره
• وطبعا زول زي ده بجيبوهوا للمهاره
• دحين يا روشا مي غريبه زول زي ده يضيع اقوان قدردي ومن حتات زي دي ؟؟؟
• غايتو دي فهمونا ليها يا روشا
• لكن اليكس مبالغه
• الزول ده بحاور بدون ما يراعي
• ويراعي دي فيها توريه
• المعني القريب يعتبر
• والمعني البعيد ينظر او يشوف
• بدليل ان اهلنا في غرب السودان الواحد منهم لو داير يقول ليك بتعاين لي مالك
• بقول لي بتراعي لي مالك
• وايا كان المعني المقصود
• فانها اول توريه في العالم يشتغل فيها المعنيين
• التوريه بكون فيها معني قريب غير المراد
• ومعني بعيد وهو المراد
• يراعي هنا مشغله المعنيين
• اليكس بحاور بدون ما يراعي
• تعني انه يحاور ويبشتن دون المراعاه لاخوان فطومه اختي
• احرجهم
• واحرج فطومه اختي دون المراعاه لها
• ولم يراعي او يعتبر سن عمر بخيت
• ولا سمعة مساوي
• ولا مسكنة خليفه
• ياخ الزول في المواصلاتلما يدفع ليك بقول للكمساري نفرين
• لكن يحاورك ويقول نفرين دي ماشفتها الا مع فليكس
• حاور خليفه وقال نفرين
• اتلفتنا لقينا عمر بخيت زاتو اتحاور مع خليفه
• خليفه خجل ومرق رقد في النقاله
• وتاني ماشفناهو
• اليكس السجم ده ما براعي
• اما المعني التاني
• اليكس بحاور ومابراعي
• يقصد به انه بحاور وما بعاين
• مابشوف
• بمشي ساااااي
• ياخ ده استلم الكوره وبويا بي وراهو
• ماشاف بويا
• لكن حاورو
• في الوكت ده مساوي كان مشرك ليهو
• ولاشاف مساوي
• ومساوي ولا شاف الكوره
• ولا شاف اليكس
• ادوها لي راس الحربه المحيرنا ده
• لو دقت فيهو تدخل قون
• شاتها في الحته الوحيده الممكن تطلع بيها بره
• والغريبه عاين لي سانيه
• ماصاحبو عاد
• غايتو اول امس اتفرجنا في جنس شوارع
• شارع بويا
• وشارع خليفه
• شارع خليفه دي اعرض من شارع الستين
• وفيهو ملتقي بتشترك فيهو سته شوارع فرعيه
• والغريبه مافيهو استوب
• تمشي ساااااي قشه ما بتعتر ليك
• اما شارع يوسف محمد فده حكايتو حكايه
• اتجاه واااااحد
• ماشي علي المعز بس
• حقو البرير قبال ما يشطب الدكاكين دي يسفلت الشوارع دي
• لكن اليكس ما براعي وما براعي
• بحاور سااااااااي
• روشا
• لما جبتو فليكس ما شفتوا اليكس !!!!!
• ايها الناس
• خلونا من طيش المجموعه مشترك ده
• ننعم باستقرار كبير ظهرتآثاره في الملعب
• الحمد لله
• ومزيدا من التكاتف من اجل مريخ كبير
• دايرين نشوف الجميع
• الكونفدراليه جايه جايه
• مايفوتك شرف المشاركه
• خالد ليما (خالد ليمونه)
• ماتغيب
• فأمراء الشفوت لا نريد غيابا من احدهم
• كلكم
• واذا كانت المباراه الختاميه في ارض الحضارات
• متيمنين الكاس يشيلوهوا المشجعين للمطار
• وهناك يسلموهوا للعجب
• العجب ده ايدينو الطوال ديل والله بشبهن كاس جوي
• ومن المطار نبدأ المسيره
• وعشان ده كلو يحصل
• يبقي لازم نتحد ونحب بعضنا من اجل حبنا للزعيم
• المهم
• صديقي ابو سفيان
• لما شاف كورة الجماعه
• والاهداف بتضيع بي طريقهغريبه
• قال لي قون الهلال حارسو الله
• ايها الناس
• كلنا
• في التمرين
• في النادي
• في الكوره
• اخت مانديلا جايه جايه
• اها
• نجي لشمارات والي الخرتوم
• كان شفت يا والينا وانت خاشي المطار
• بدوك تذكره تثبت زمن دخولك
• وانت مارق بشيلوا منك التذكره ويحسبوا ليك
• الساعه البتقعدها بي الفينجنيه
• والغريبه بتكون قاعدها يا في واطات الله دي
• يافي عربيتك
• وبرغم ذلك بدفعونا يا والينا
• المهم
• مشيت استقبل خالي
• سودانير اتأخرت ( الخلي عادتو قلت سعادتو )
• طياره يا والينا زي القبضه
• بتجيك متين مامعروف
• بتفكك متين ما معروف
• طياره زي الطلق
• بجي بجي
• والزول بلد
• سودانير ولدت البلد دي كلها
• حقو نسميها الدايه
• المهم
• انا مشيت استقبل خالي
• سوداني اتأخرت
• قعدنا اربعه ساعات
• اظنو عملوا ليها وجع صناعي حتي نزلت
• سوداني دي يا والينا زي الاسعار
• اصلو ما بتنزل باخوي واخوك
• المهم نزلت متأخره
• ولما مرقنا انا وخالي شالوا مني التذكره
• قالوا لي تمانيه الف
• قلت ليهم ليه
• قالوا لي قاعد اربعه ساعات
• واربعه في اتين بي تمانيه
• قلت ليهم انا ماقاعد ساي
• انا قاعد فوق راي
• سودانير اتأخرت وقعدتني
• قالوا لي برضو تدفع
• يرضيك يا والينا سودانير تخفق ونحن ندفع الثمن
• علي العلينا يا والينا ؟؟؟؟؟؟
سلك كهربا
ننساك كيف والشيك بطير اكتر من سودانير
والي لقاء
سلك

[روبش]

يا زنون الظاهر السوق حااااااااااااار ومافي طريقة للكتابة الحره ... لقيت القص واللصق ساهل وقلت نكسب موضوع ووقت
اقول ::: كمال اشول ده انساهو ما عنده موضوع

[الامين عبدالقادر]

الجماعة فرحانيين ياروبش وماتطيع عليهم فرحهم لانة سوف ينتهى الاسبوع القادم ومافى صحافى واحد تقول علية يازنون احمر اوازرق كلهم فى الهواء سواء مطبلاتية ومنتفعين ليس الا عشان كدة اكتب انت ونحن متابعين معاك ودمتم اخوة متحابين

[ZANOON]

الجماعة فرحانيين ياروبش وماتطيع عليهم فرحهم لانة سوف ينتهى الاسبوع القادم ومافى صحافى واحد تقول علية يازنون احمر اوازرق كلهم فى الهواء سواء مطبلاتية ومنتفعين ليس الا عشان كدة اكتب انت ونحن متابعين معاك ودمتم اخوة متحابين

اللمين اخوي..كيفنك وبركه في الدرون الطلعك لينا...
تعرف يا حبيب انا السخفيين ديل اصلو ما بقرأ ليهم ...لانو القلتو فيهم كفايه...
بس سلك دا زول بخلينا نضحك من الغم والهم...
ومنتظر معاك الاسبوع القادم انشاءالله..
والحشاش يملا شبكتو...

[ZANOON]

4/9
برنس الآرسنال

• كلنا شفنا كورة الجماعه والانتر
• كلنا شفنا اليكس حاور كم زول
• وحاور كل زول كم مره
• كلنا شفنا اليكس حاور الاربعه مدافعين بمعدل عشرين محاوره لكل مدافع
• والجماعه لعبوا باربعه مدافعين
• يعني تمنين محاوره في تسعين دقيقه
• ولو لعبوا بخمسه مدافعين
• كان جملة المحاورات طلعت
• عشرين في خمسه
• تساوي ميه
• يعني مية محاوره في تسعين دقيقه
• بمعدل محاوره كل جزء من الدقيقه
• وكلنا شفنا التسعطاشر انفراد الضاعت من الانتر
• علي الرغم من كل ذلك
• خرج البعض بالعجب
• قال ايه
• مدرب الانتر محتار من مستوي الهلال المذهل
• ساسا وكاكا وسانيه والعقرب ينالون الاعجاب بانغولا
• الجمهور الانغولي قال عمرو ماشاف فريق بمستوي الهلال
• ولا برشلونه زاتها
• ساسا وعاعا (عبداللطيف بويا ) يشكلان ثنائيه ادهشت مدرب الانتر
• عو عو (عمر بخيت ) يفلح في القياده
• يويو (يوسف محمد ) يؤدي بامتياز في الوظيفه الجديده
• ما ما فافا (معاويه فداسي ) يدخل الملعب دون ان يحس به ناس الانتر
• خا خا (خليفه ) لم ينهار برغم مراوغته اكتر من اربعه وعشرين مره
• نا نا (نزار حامد ) ما زعل لما طلعوهوا
• آ آ ( اكانغا ) ولا اخد الكرت التاني ولا شئ
• حاحا وساسا مرعبان
• بي عين قويه الكلام ده اتقال
• التقول شفنا كورة تانيه
• وبرغم اننا نتصدر المجموعه
• وبرغم الاداء بحرفيه عاليه
• وبرغم الروح المعنويه
• لم يحالف التوفيق بعضنا وهو ينتقد بعض لاعبينا
• في المرحله دي بالذات
• وصديقي حسن حمد لم يوفق في انتقاده لسعيد السعودي
• الموسم ده بالذات يا حسن افضل لاعب في المريخ علي الاطلاق هو سعيد
• احسب له كم كيلو يقطعها اثناء المباراه
• احسب له كم خطآ لزملائه يصححه
• احسب له كم هدف محقق في شباكنا انقذه(مثلا كورتنا ضد الانتر في الشوط الاول )
• احسب له كم تغطيه غطاها لزملائه لما يكونوا خارج خاناتهم
• احسب له برغم خانته وموقعه ووظيفته كم هدف احرز
• سواء محلي او افريقي
• وعد له يا حسن كم هدف صنع ( الهدف الاول كورة شندي بشندي )
• سعيد يا حسن يا اخوي يلعب بحرفيه عاليه
• ويؤدي باحترافيه
• لان للاعب الكره مهام
• وسعيد احسن من يقوم بالمهام
• سعيد يا حسن افضل لاعب سوداني يلعب الرأسيات
• وافضل لاعب وسط مريخي في استخلاص الكرات الرأسيه
• واشرطة المباريات هي من يدلل
• اخي حسن
• الوقت ليس وقتا للنقد
• لان الاحباط لو دب في النفوس في هذه المرحله
• سيتضرر الزعيم
• سعيد ورفاق سعيد جميعهم هم من اوصل المريخ لصدارة المجموعه
• وهم من سيوصلونه الي منصة الكونفدراليه انشاء الله
• معا جميعا
• لنقف خلف سعيد ورفاقه
• لنقف كلنا خلف جميع اللاعبين
• المهم
• اهلي شندي فريق كبير
• يستاهل ان يتأهل للدور المقبل برفقتنا
• الآن له تلاته نقاط
• لما يفوز علي الهلال بعمل سته
• ولما يفوز علي الانتر بعمل تسعه
• الهلال يخسر من شندي ويتعادل مع الانتر يعمل سته
• لانو كورتو ضدنا لو جا ولو ماجا نقطه تسمو
• والانتر يتعادل مع الهلال يعمل اتنين ويخسر مننا ومن شندي
• يقعد في الاتنين
• ويقعدوا هو والهلال الاتنين
• نحنا نكون سبعطاشر
• اهلي شندي تسعه
• الهلال سته
• الانتر اتنين
• برا لمه
• اهلي شندي السنه الجايه ليهو رأي في النهائي
• لما يستفيد من خدمات البرنس
• تخيل ناس يعقوبو ديل يلقوا تمريرات البرنس
• وبالذات لو البرنس لقي دولارات الارباب
• موش قلت ليكم اهلي شندي عندو راي !!!!
• البرنس ود عطبره
• وشندي جمب عطبره
• التمرين كداري بمش
• وحايبدع
• حلات البرنس في الارسنال
• وحلاتو لما يقعد مع الارباب
• يختوا التشكيله
• يدوها للكوكي جااااااااااهزه
• باقي البرنس ده خبره في وضع التشكيله
• المهم
• حوار غارزيتو الصحفي
• ناس روشا قالوا ماقالو
• المترجم ترجم غلط
• طيب وكت المترجم بترجم غلط وما بعرف يا روشا
• ليه كلفتوهوا يجيب ليكم مترجم نجيييييض بدل المترجم القاعد عندكم ؟؟؟؟؟
• وشرطكم الوحيد كان ان يكون المترجم الجديد النجيض هلالابي
• يعني يترجم البنفع
• ويسكت علي المابنفع
• واتهللي
• المهم
• نجي لشمارات والي الخرتوم
• كان شفت يا والينا في واحد راقد داير ينوم
• شمي ريحة طلح
• قال لي مرتو العاجبني في جارتنا دي مهتمه بزوجها شديد
• مرتو قالت ليهو ما تلفح ساااااااي
• ده للباعوض
• معقوله يا والينا
• العود للباعوض ما لي عبدالمحمود !!!!!!
سلك كهربا
ننساك كيف والعود للباعوض !!!!
والي لقاء
سلك

[ZANOON]

4/9
برنس الآرسنال

• كلنا شفنا كورة الجماعه والانتر
• كلنا شفنا اليكس حاور كم زول
• وحاور كل زول كم مره
• كلنا شفنا اليكس حاور الاربعه مدافعين بمعدل عشرين محاوره لكل مدافع
• والجماعه لعبوا باربعه مدافعين
• يعني تمنين محاوره في تسعين دقيقه
• ولو لعبوا بخمسه مدافعين
• كان جملة المحاورات طلعت
• عشرين في خمسه
• تساوي ميه
• يعني مية محاوره في تسعين دقيقه
• بمعدل محاوره كل جزء من الدقيقه
• وكلنا شفنا التسعطاشر انفراد الضاعت من الانتر
• علي الرغم من كل ذلك
• خرج البعض بالعجب
• قال ايه
• مدرب الانتر محتار من مستوي الهلال المذهل
• ساسا وكاكا وسانيه والعقرب ينالون الاعجاب بانغولا
• الجمهور الانغولي قال عمرو ماشاف فريق بمستوي الهلال
• ولا برشلونه زاتها
• ساسا وعاعا (عبداللطيف بويا ) يشكلان ثنائيه ادهشت مدرب الانتر
• عو عو (عمر بخيت ) يفلح في القياده
• يويو (يوسف محمد ) يؤدي بامتياز في الوظيفه الجديده
• ما ما فافا (معاويه فداسي ) يدخل الملعب دون ان يحس به ناس الانتر
• خا خا (خليفه ) لم ينهار برغم مراوغته اكتر من اربعه وعشرين مره
• نا نا (نزار حامد ) ما زعل لما طلعوهوا
• آ آ ( اكانغا ) ولا اخد الكرت التاني ولا شئ
• حاحا وساسا مرعبان
• بي عين قويه الكلام ده اتقال
• التقول شفنا كورة تانيه
• وبرغم اننا نتصدر المجموعه
• وبرغم الاداء بحرفيه عاليه
• وبرغم الروح المعنويه
• لم يحالف التوفيق بعضنا وهو ينتقد بعض لاعبينا
• في المرحله دي بالذات
• وصديقي حسن حمد لم يوفق في انتقاده لسعيد السعودي
• الموسم ده بالذات يا حسن افضل لاعب في المريخ علي الاطلاق هو سعيد
• احسب له كم كيلو يقطعها اثناء المباراه
• احسب له كم خطآ لزملائه يصححه
• احسب له كم هدف محقق في شباكنا انقذه(مثلا كورتنا ضد الانتر في الشوط الاول )
• احسب له كم تغطيه غطاها لزملائه لما يكونوا خارج خاناتهم
• احسب له برغم خانته وموقعه ووظيفته كم هدف احرز
• سواء محلي او افريقي
• وعد له يا حسن كم هدف صنع ( الهدف الاول كورة شندي بشندي )
• سعيد يا حسن يا اخوي يلعب بحرفيه عاليه
• ويؤدي باحترافيه
• لان للاعب الكره مهام
• وسعيد احسن من يقوم بالمهام
• سعيد يا حسن افضل لاعب سوداني يلعب الرأسيات
• وافضل لاعب وسط مريخي في استخلاص الكرات الرأسيه
• واشرطة المباريات هي من يدلل
• اخي حسن
• الوقت ليس وقتا للنقد
• لان الاحباط لو دب في النفوس في هذه المرحله
• سيتضرر الزعيم
• سعيد ورفاق سعيد جميعهم هم من اوصل المريخ لصدارة المجموعه
• وهم من سيوصلونه الي منصة الكونفدراليه انشاء الله
• معا جميعا
• لنقف خلف سعيد ورفاقه
• لنقف كلنا خلف جميع اللاعبين
• المهم
• اهلي شندي فريق كبير
• يستاهل ان يتأهل للدور المقبل برفقتنا
• الآن له تلاته نقاط
• لما يفوز علي الهلال بعمل سته
• ولما يفوز علي الانتر بعمل تسعه
• الهلال يخسر من شندي ويتعادل مع الانتر يعمل سته
• لانو كورتو ضدنا لو جا ولو ماجا نقطه تسمو
• والانتر يتعادل مع الهلال يعمل اتنين ويخسر مننا ومن شندي
• يقعد في الاتنين
• ويقعدوا هو والهلال الاتنين
• نحنا نكون سبعطاشر
• اهلي شندي تسعه
• الهلال سته
• الانتر اتنين
• برا لمه
• اهلي شندي السنه الجايه ليهو رأي في النهائي
• لما يستفيد من خدمات البرنس
• تخيل ناس يعقوبو ديل يلقوا تمريرات البرنس
• وبالذات لو البرنس لقي دولارات الارباب
• موش قلت ليكم اهلي شندي عندو راي !!!!
• البرنس ود عطبره
• وشندي جمب عطبره
• التمرين كداري بمش
• وحايبدع
• حلات البرنس في الارسنال
• وحلاتو لما يقعد مع الارباب
• يختوا التشكيله
• يدوها للكوكي جااااااااااهزه
• باقي البرنس ده خبره في وضع التشكيله
• المهم
• حوار غارزيتو الصحفي
• ناس روشا قالوا ماقالو
• المترجم ترجم غلط
• طيب وكت المترجم بترجم غلط وما بعرف يا روشا
• ليه كلفتوهوا يجيب ليكم مترجم نجيييييض بدل المترجم القاعد عندكم ؟؟؟؟؟
• وشرطكم الوحيد كان ان يكون المترجم الجديد النجيض هلالابي
• يعني يترجم البنفع
• ويسكت علي المابنفع
• واتهللي
• المهم
• نجي لشمارات والي الخرتوم
• كان شفت يا والينا في واحد راقد داير ينوم
• شمي ريحة طلح
• قال لي مرتو العاجبني في جارتنا دي مهتمه بزوجها شديد
• مرتو قالت ليهو ما تلفح ساااااااي
• ده للباعوض
• معقوله يا والينا
• العود للباعوض ما لي عبدالمحمود !!!!!!
سلك كهربا
ننساك كيف والعود للباعوض !!!!
والي لقاء
سلك

[الامين عبدالقادر]

خليك مع السلك لغايت مانجدك معلق فى سلك الدرب كلها هضربة ساكت زى ماقال ليك روبش ونحن نعترف عندنا مشكلة حقيقية ابطالها البرير وهيثم وان شاء الله ينصلح الحال فى هذة الايام وبعدها سوف نرد على كلمتك الاخيرة وبشوف الشباك والحشاشين وكل سنة وانتم بخير ودمتم اخوة

[ZANOON]

خليك مع السلك لغايت مانجدك معلق فى سلك الدرب كلها هضربة ساكت زى ماقال ليك روبش ونحن نعترف عندنا مشكلة حقيقية ابطالها البرير وهيثم وان شاء الله ينصلح الحال فى هذة الايام وبعدها سوف نرد على كلمتك الاخيرة وبشوف الشباك والحشاشين وكل سنة وانتم بخير ودمتم اخوة

ياخ انتو حالتكم بقت صعبه...
شوف الخبر دا...
جاء في تقارير صحفية اليوم ان خمسه من اعضاء مجلس الهلال سيقومون في الساعات القليلة القادمة بتقديم استقالاتهم للمفوضيه نسبه للاحداث الاخيره التي شدتها الساحه الزرقاء مؤكدين ان الوضع في الهلال الآن يشهد غيابا تاما للمؤسسيه

وحسبما ذكرت صحيفة (حبيب البلد) ان الاعضاء الذين سيتقدمون بأستقالاتهم هم الساده عبدالرحمن ابومرين نائب الرئيس ، دكتور كاروري الامين العام ، العميد عصام كرار نائب الامين العام اضافه الي عضوي المجلس اللواء حطبه و مهندس الطاهر يونس.

و بأستقاله هذا الخماسي و بحسب قانون هيئات الشباب و الرياضه بولايه الخرطوم يكون مجلس الهلال قد فقد شرعيته
غايتو ياهيثم لقيتك خطــــــــــــــر....

[wadyousif]

رايك شنو يا ذا النون نمشي نمسك ليهم النادي ده في الفترة دي عملا لي الله برضو الناس ديل جيرانا وكده :p

[ZANOON]

بابكر سلك
ليما يا لفت يا لئيمه

* قال صداره قال

* مدير ليوم واحد يا روشا

* عادت الصداره منقاده تجرجر اذيالها

* عادت الي حيث تتشرف

* عادت للملك

* دايره بيهم شنو الماملوك

* القمة طموحهم امير

* برنس بالانجليزي

* عادت الصداره بقدم ليما

* بقدم ليما الشمال

* اللفت

* الئيمه

* بالغت يا ليمه

* مريخابي شفت كبير

* يهدي اغنية الراحل عبدالعزيز محمد داؤد لاخوان فطومه اختي

* كيف الحياه من غير ليييييييييييييييما ومن بعدك حظي اصبح زي لون هضليمك

* لون هضليمك ده لونو شنو يا روشا

* الله بينا وبين لون الهضليم

* ليييييييييييييييييييييييييييييييييما وشلنا منها الكاف

* بقت لييييييييييييييييييييييييما ساااااي

* شفتوا قون ليما ؟؟؟؟

* كلتشي داس كلتشي

* ودردقت لي ليما

* ليما ختاها محل برك الطير

* بركه الود ابرق كان مافي

* كان بقي زي لون هضليم ناس روشا

* ود ابرق عرفها

* ابي يجي

* انتوا المقعدكم شنو !!!!

* عشره علي عشره

* قلناها ليكم امس

* كده الكورتين الجايات ما جايين

* ماشين معسكر خارجي

* كان الاتحاد الافريقي اصر علينا

* بنلعب بالشباب

* الاشبال

* اصلو الكورتين الفضلو ماداريات اكتر من الاشبال

* حسب المستوي والمحتوي

* لانو دفاع الاشبال بقدر علي برطعة ناس سانيه ديل

* كيف الحياه من غير ليييييييييييييييييييييييييييييييييييما

* لون هضليمكم لكن ما طشش لي

* زغلل بي

* ضلم لي

* لون هضليكم زي ضلمة القبر

* اللهم لاترنا مكروها في عزيز لدينا

* اللهم عزيز لدينا لو صابو مكروه تاني نشاغل منو ؟؟؟

* لكن ضفر شاتها قبل تجي لي كلتشي

* كلتشي ده بدردق بالخرد طوالي

* اول من تدوس كلتشي الخرد بتدردق

* بكونوا موقفنها فووووووووووووق

* عشان بتقوم دفره

* واتدفري

* كيف الحياه من غير لييييييييييييييييييييييييييييييييييييما

* تطقعوا

* كوره انتوا ماطرف فيها

* تجدعوا !!!!!

* قناة الجزره باركت للمريخ السوداني التأهل

* وباقي لينا لسه كورتين

* شوفتوا قون ليما ده كيف !!!!

* ناس روشا يباركوا ليكم التاهل متين !!!!

* يباركوا ليك ويباركوا لي

* شفت رسل رساله

* تلفونوا 0927777722

* رقم مميز

* وما يتميز كيف وصاحبو مريخابي

* قال

* ستظل شندي وقون ليما ذكري الهلال اللئيمه

* وانا بزيد علي الرساله

* ولون هضليما

* هضلمت بيهم يا ليمه

* وريتم لكن

* محل برك الطير ؟؟؟؟

* قصه في الحلاقيم

* ختاها زي الزول الخاتي سفه فوق

* شنقها

* تشم ريحة الصعود

* ومابتشوف السفه

* تشنقه يا ليما ؟؟؟؟

* يا وكيل النيابه

* الحق

* ليمه عمل جريمه

* والمجني عليهم ولا اتعشوا يا مولانا

* وفيهم واحد مجني عليهم شدييييييييييييييد

* رقدوا في الحوادث

* لكن ود ابرق ماعرفها يا مولانا

* قال اخير ازوغ من جريمة ليما

* ود ابرق طلع فاهم

* لكن يا مولانا

* الدعيع يشوف الشعر ولا يشوف الكوره ولا يشوف شنو ؟؟؟؟

* لا لا لا لا لا لا

* يا ليما يا لئيمه

* نحنا كبطل مجموعه يحق لينا نختار الزول البنسوقوا معانا لي قدام

* ونحنا اخترنا اهلي شندي

* موش علي كيفنا

* موش بطل مجموعه

* موش صاعدين وفاضل لينا لسه كورتين

* يبقي خلاص

* اخترنا اهلي شندي

* واهلي شندي لو داير يمشي لي قدام

* يغلب ناس العنايه الالهيه بس

* والباقي علينا

* المهم

* امس العنايه الالهيه والرعايه الاجتماعيه طيرت سته اقوان انفراد بالمرمي

* الرعاية الاجتماعيه دي حيرتنا

* الرعايه دي ما طبيعيه

* فيها ان

* وما ان براها

* ان واخواتها وبنات اخواتنا

* ايها الناس

* امس كلتشي غني لليما

* انا بدق ليك صاجه

* وليما قال ليه انا بزحزح الرمله

* الرمله

* ووووووب انا

* الرمله

* ويييييييييييييييييييين انا

* الرمله

* عشان كده الجماعه جدعوا حجار البجراويه كلها

* طقاعين جنس طقيع يا اخوان فطومه اختي

* جداعين جنس جديع

* لو ودوكم فلسطين كان حررتوها

* ايها الناس

* وليد البشري الهلالابي

* رسل لي رساله

* قال

* شفت الهلال ده عظيم كيف ؟؟ دخلونا القصر الجمهوري وحلوا لينا مشكلتنا

* رسلت ليهو رساله

* قلت ليهو

* القصر الجمهوري دخلناهو بي مانديلا ما بي مشكله

* تلفونو قطع

* ما بقدروا يتكلموا معانا

* صفحات التاريخ بتلجمهم

* الحمد لله

* هذا كتابي

* كتابكم وين يا السيدكم مجهجهكم ؟؟؟

* مدير ليوم واحد

* مسرحيه خالد يا فطومه يا اختي

* يلا شدو حيلكم

* وكابسو اهلي شندي في البطاقه التانيه

* بالمناسبه

* امس التشكيله ما ختوها ناس المراسم ولا شنو ؟؟؟

* ماشايف سيد ناس روشا

* اسلام بعد الكوره قالت لي

* انت يا بابا كنت مطمئن شديد ليه

* قلت ليها يا بتي شندي بتعرف ناسها البتغلبهم

* من زمن ناس عبدالمحمود لما كان في سارديه

* ولما طعموا بيهو ناس نيل شندي

* واهلي شندي واصل في نفس المصير

* لكن نحنا من اول مترار لف في شندي

* نحمد الله ما خسرنا ولا نقطه في شندي

* شندي بتعرف ناسها

* ايها الناس

* كارثه حدثت قبل بداية المباراه

* وبعد نهاية المباراه

* خسائر في البصات

* واصابة الجماهير المريخيه بالحجاره

* والموضوع ده ماهين

* ده موضوع داير حل جذري

* لانها اخلاق لاتشبه الرياضيين

* وناس شندي رياضيين قدام

* يبقي في جهات اخري

* يجب معرفتها

* وحسمها

* وبترها من مجتمع الرياضه

* وان كان هدف لييييييييييييما باللفت اللئيمه بعمل كده

* يبقي في البلد دي في اعداء للمواهب

* في حساااااااااااااااااااااااااااااد

* ايها الناس

* جماهير المريخ لن تسكت الا اذا كان هناك موقف واضح وحل جذري

* لانها تستطيع ان تنتقم اذا لم تجد الحمايه والضمانات اللازمه

* اذا لم يحاسب ويعاقب الجناه

* اتمني ان تكون تلك الاحداث هي آخر التفلتات والاحزان الرياضيه

* لان ردة الفعل قد تسير حملات انتقاميه

* وعنده سيختلط الحابل بالنابل

* ويبقي مانديلا هو الانجاز السوداني الوحيد

* الليله مافي شمارات يا والينا

* لكن في سؤال واحد

* الشرطه دي في الخرطوم بس !!!!!!!

سلك كهربا ننساك كيف وليما طفي النور وجاب هضليما

والي لقاء

سلك