المساعد الشخصي الرقمي

مشاهدة النسخة كاملة : تــحت المــستوي



عاشق الترحال
02-09-2012, 02:09 PM
تحت المستوي


إنعل أبو اليوم اللماني فيك
وإنعل أبو الحب الشبكني فيك
وإنعل أبو الشوق الاشتقتو ليك
وإنعل الدنيا والهوي والحن الحنيتو ليك
عشانك كنت بساهر الليل
صادقت القمر عديت النجوم بالليل
وانا فى هواك ياماضقت مُر الويل
لكن خساره عليك دمعى الفاض طفح حد الكيل
سبتو الهوى وعذابات الجوى
واصبحت حر طليق أسبح فى الفضي
اغرد مع العصافير حتى المدى
وعشان انسى كل الفات ختيتك تحت المستوي
أمشى مني بعيد غير مأسوف عليك
وماتفتكرى انو يوم حا أبكى عليك
ومهما كان مابفرش عليك شان الناس تعزينى فيك
ومابدعى ليك حتى ولوكنت الرحمه بين أيديك
بقدرالحب الحبيتو ليك كرهتك
وبقدر بعد المسافه والهوي كرهتك
وبقدر حبات المطر كرهتك
وبقدر زرات الحصي كرهتك
وبقدر كل الوجود كرهتك
وبقدر زِنة العرش كرهتك
وبى سبب كرهي ليك
خاصمت كل الحروف الكنت برسله ليك
خساره عليك الريد وخساره عليك الحب
وخساره عليك الوجود المن اجلو جينا عشان نتحب
خساره الدنيا تضحك ليك يالما بتعرفي قيمة الحب
وياخسارتى فيك وياخسارة الحب



2/9/2012م

عاشق الترحال
02-09-2012, 02:14 PM
قبيل كنت قاعد في المكتب لي قريب الساعه سبعة م (زهجة بس والله ) اتذكرت ليك الماضي وجريت لي ورقة وقعدت اكتب
وبعد ما انتهيت من القصيدة قريتة حرف حرف وبعد ما انتهيت قعدت اضحك براي والله

آلاء عبد الرحمن
03-09-2012, 12:08 AM
جنيت بعيد عنك
مالك ماكنته كويث

ساريه
03-09-2012, 12:28 AM
يعنى ما فضل ليك الا تقول ليها انعل ابوك .......
وانا كمان ضحكت يا عاشق الترحال .....
دا نسميهو تطرف فى العواطف ولا شنو ؟
يديك العافيه ياخ .....

عاشق الترحال
03-09-2012, 01:24 PM
جنيت بعيد عنك
مالك ماكنته كويث

آآآآآآآآآآآآآآآآآه يا آلا انا جني كل يوم بزيد
وانا ياتو يوم كنت كويس ...





لو فاكره في الدنيا مافي غيرك تبقي غلطانه
لو فاكره نفسك سلطانة زمانك تبقي غلطانه
يا داب عرفت انك في الريد والحب عشمانه
بس منعول ابو الهوي اللمانا فيك يا عميانه

عاشق الترحال
03-09-2012, 01:54 PM
يعنى ما فضل ليك الا تقول ليها انعل ابوك .......
وانا كمان ضحكت يا عاشق الترحال .....
دا نسميهو تطرف فى العواطف ولا شنو ؟
يديك العافيه ياخ .....

لا لا ابوها بحترمو جداً جداً
ان شاء الله دائماً ضاحكه
غايتو انا بكتب الحاسي بيهو
لكن انتو سمو زي ماعاوزين تسمو
وربنا يدي العافيه الجميع ..


خلاص نسيتو واتناســيتو ريــــدك
ونسيتـــــــك انتــــي ذاتـــــــــــك
كنت عايز اصــــل لـــــــي ذاتـك
لكن معليش خسارة الريد يا ذاتــك

الامام يوسف
03-09-2012, 10:00 PM
ياعاشق احيك علي شعورك المتطرف
بس عملتها واضحة
ماخليت ليك حجة ماسبيت ليها



نصيحة:انظر للجزء الممتلئ من الزجاجة



يعني بالعربي كدة عاين انت استفدتا شنو من التجربة دي



وتمش باتة وتجي جزمة

عاشق الترحال
04-09-2012, 07:09 AM
ياعاشق احيك علي شعورك المتطرف
بس عملتها واضحة
ماخليت ليك حجة ماسبيت ليها



نصيحة:انظر للجزء الممتلئ من الزجاجة



يعني بالعربي كدة عاين انت استفدتا شنو من التجربة دي



وتمش باتة وتجي جزمة

تجربة واتعلمت منها كتير يا امام



جرحني وجرح فؤادي
وانا كنت فاكــــــرو زادي
لما اقرب عليهو يذداد بعــــــــادي
ومستحيل تاني تكون شريكة حياتي