رسالة بالبريد المسجل

[مرتضى يوسف العركي]

رسالة بالبريد المسجل
الرسالة التي ترد بريدك هي نفسها الرسالة .. سواء بالأمس أو اليوم فقط من دواعي الشكل...
كاتبها نفس الكاتب ومستلمها نفس المستلم ...بذات العنوان...
لكنما شتان ما بين مضمون رسائل الأمس واليوم .....
الأخيرة ترد إليك من قبل أن يرتد إليك بصرك ...تتفنن في إختيارك وتخفق في أنتخابك..
تضرب رأسك أخماسٍ في أسداس ربما لتستدل فقط عن مرسلها ... وتحتار في علاقتك به
وأحيانا مجهولة وأخرى تسويقية ...
بينماالأولى تأتيك بقدسية محببة ولوعة مفرطة كيفما والمشاعر حواشيها ومتونها ...
برغم عناء إيداعها وثمن طوابعها تختمرك لذة. ...وإستلامك لها بعد طول مدة ربما يعتقها قيمة...
تقابلها بيد مرتعشة قبل فضها ويتخللك آوان قرأتها قليب خافق وصمت وتوقع وتطلع ....
ويعتليك إطمئنان لمجرد جملة ( إذا ما سألتم عني فأنا بخير وصحة جيدة )..
تقرأها بتمعن برغم جملها المعتادة ..كيفما وهي رسائل الله ورسوله قبل هذا النبت الشيطاني الأسفيري بفضاءاته الضاجة الصاخبة والمتسارعة ....
تصوروا سادتي لو رسائل الإيميلات سبقت أستاذنا الدسوقي كان في :
مافى حتى رسالة واحدة بيها أتصبر شوية
والوعد بيناتنا انك كل يوم تكتب .. الىّ
هل يجوز والغربة حارة بالخطاب تبخل علىّ
لما أخر مرة شفتك قبل ما أودع وأغادر
كنت حاسس أنى خائف إنى متردد ..وحاير
داير أتصبر أمامك داير أضحك ومانى قادر
بس دموعك لما فاضت ضيعت صبرى الشوية
وصحت موعدنا الرسايل وين رسايلك وين كتاباتك الىّ
نواصل

[مرتضى يوسف العركي]

فى مفردات الأولى صدق معايشة بكلياته .. فتتحرك قسمات المرء بصور مختلفة ما بين الإبتسامة والدموع .... والتنهد والاطمئنان والقلق والبشر ...
أو ليس ذلك التواصل بملامحه وجيناته الطبيعية؟ ....
لم تلغيها أوانها رسالة الأسفير وتجردها من بريدها المسجل وظرفها المميز بطوابعها أعلى رسم البريد الجوي والذي تزينه ولا يزينها ....
ترد إلى المرء بلا إنانية تقتصر صاحبها ...
بل تتعداه لمن حوله من الأهل والجيران وناس الفريق والذين يتشابون بفضول مثير لدى صاحبها لمعرفة هل سلم عليهم ؟ أو سأل عنهم ؟ بصورة متراخية تستمر أيام وأسابيع ... أصدائها وتداعياتها ما بين مهمهم... (فيه الخير وآخر كيف صحتو ؟ ان شاء الله نجح؟ هل اشتغل ولا لسه .. الله يطراهو بالخير .. والله ما قصر تب كونو رسل لأهلو وسأل عن أصحابو وجيرانو ؟
يرسمونها بعفوية الخاطر وصدق الدواخل ونقاء التواصل الذي قطعا يلامس الوجدان ...
اه من هذاالزمان الذي لا يحفظ الجميل ....
أحالتها الايميلات الاخيرة قسراً إلى الانزواء فخرجت بكبريائها المعهود...
ولم تعد ولم يسأل عنها أحد ....
أعود لسيف الدسوقي والجابري طيب الله ثراه ربما أعود لنفسي
وصرت بعدك يا حبيبى ذرة فى بحر الزمن
بعت للآلام مواهبى بعتها بابخس تمن
وحشة ما بتعرف رسايل وغربة عن أرض الوطن
بس أمل واحد بعيشه لو رسالة تصل ..إلى
بيها أطمن عليكم وتنقذ الموقف شوية
من عتابى أظن عرفت إيه مكانتك فى فؤادى
أنت يا فجر المحبة تستحق شوقى وسهادى
أنت صورة ماضى أبيض ولوحة بتمثل بلادى
بس حرام تبخل علىَّ وتنسى ما ترسل هدية
حتى لو كلمة أحبك في خطاب مسرع إلى
نواصل

[مرتضى يوسف العركي]

للأسف لم ندرك أننا أحلنا للتقاعد وجدان أحبة وعلائق إجتماعية تستوعب فيه الخصوصية العامة من المحبين في قالب أعم واوسع من ضيق قلوب اليوم الخالية المستهلكة ...
أحلنا إرثاً ثراً للتواصل الوجداني بقالبه الكلاسيكي المحبب ... قلما يضن الزمن بمثله صدقا عفوياً نستشعره ولا ندافع عنه ...لم ندرك أن الأسفير ستمطرنا سماواته بهتان وضمور ونحول بسرعة الميكنة وإستنبات الكم على حساب الكيف بمباركتنا وغض طرفنا ربما يستوعبه انسان آلى لا إنسان .
تدلف إلينا مئات الإيميلات بلا طعم أو لون أو حتى حرارة ..
يحضرني هاني شاكر مع الإعتذار عن عدم معرفتي لاسم شاعر الأغنية
رسالة من قلب إنجرح
لقلب بكاني بكاني وجرح
أفتحيها حسي بيها اقري كل سطر فيها
الكلام من قلب عاشق عاشق عاشق
حب وحدة تعرفيها جرحها في القلب
ساكن ضيعت حبي بإيديها جرحها في القلب
ساكن ضيعت حبي بإيديها
الرسالة ليكي إنتي الرسالة ليكي انتي ااااه لما تخلص قطعيها
الحروف اللي كاتبها بدمعتي... وانتي فيها
انتي بطلت قصتي فيها ألمي فيها اسوة رحلتي اوعي تنسي تكمليها
بعد أخر كلمة ليكي قلتها الحكاية خلاص بإيدي شطبتها
واللي كان بيني وبينك إنتهى قلتها لك أفهميها
افتحيها حس بيها اقري كل سطر فيها الكلام من قلب عاشق عاشق عاشق حب وحدة تعرفيها
جرحها في القلب ساكن ضيعت حبي بايديها
جرحها بالقلب ساكن ضيعت حبي بايديها
الرسالة ليكي إنتي الرسالة ليكي انتي أأه ولما تخلص اه قطعيها
نواصل

[مدنيّة]

ياسلاااااااااااام يامرتضي يااخوي
الاول كدي النعيد عليك
كل سنة انت والاسرة الكريمة كلها بالف خير يارب
ويخلي ليك العصابة ويفرحك بيهم يارب العالمين
ومنور والله المنتدي من جديد
----------
عارف يامرتضي
زمان الحياة كانت غير
وفيها كمية من الحاجات الجميلة
هسي الواحد بيقول الجيل الطالع دا اتحرم منها
---------
احلي حاجة يامرتضي لقيتها انك بتسمع لهاني شاكر
ياخ دا زول مبالغة
--------
تسلم كتير ابو يوسف

[مرتضى يوسف العركي]

ياسلاااااااااااام يامرتضي يااخوي
الاول كدي النعيد عليك
كل سنة انت والاسرة الكريمة كلها بالف خير يارب
ويخلي ليك العصابة ويفرحك بيهم يارب العالمين
ومنور والله المنتدي من جديد
----------
عارف يامرتضي
زمان الحياة كانت غير
وفيها كمية من الحاجات الجميلة
هسي الواحد بيقول الجيل الطالع دا اتحرم منها
---------
احلي حاجة يامرتضي لقيتها انك بتسمع لهاني شاكر
ياخ دا زول مبالغة
--------
تسلم كتير ابو يوسف

شكرا ام جمال وكل سنة انت والاسرة الكريمة بخير وصحة وعافية واسمحي لي عبركم ان اعايد كل الإخوة الكرماء أعضاء المنتدى متمنيا لهم الصحة والعافية لهم ولاسرهم الكريمة كما اتقدم بالشكر والعرفان لكل من تفقدني وعاودني ولكل من سال عني ودعى لي الله سبحانه وتعالى ان ينعمني بالشفاء والصحة أوان العملية الجراحية التي اجريتها مؤخرا ان نحمد الله اولا على العافية وان اسال الله وأن يجزيهم الله خير الجزاء وأساله عز وجل ان يمتعهم بالصحة والعافية
نعم شفتتي ام سماح تجي ناطه لي هنا وتقول بضيع زمن في رسائل زمان
الله يجيب العواقب سليمة
وبالنسبة لهاني شاكر شكرا سيدتي هو انتي لسه بتسألي ما اجملها من اغنية
كل الود والمنى ام جمال

[مرتضى يوسف العركي]

أعود :
الواقع أن المسألة نسبية، فما يراه شخصي الكلاسيكي
يراه البعض غير ذلك ..
ربما ما نتفق عليه أننا نغفل حرية إختيارنا أمام سيل جارف لا يعنينا كله..
لمجرد زعمنا عيشنا في فضاءات لا متناهية ...
تقتل فينا على السواء إستاتيكا وديناميكية الإحساس الوجداني ...
ربما تعكس الرسالة التقليدية الحبيبة شيئا ...
من دهاليز عمري الذي يسير بحول الله ....
ولا زلت أتوق لرسالة رد واحدة حلمت بها من صباي لم تصلني بعد ....
لا عليكم .....
لكنها قطعا رسالة تمنيت أن أرسلها لكل واحد منكم بالبريد ...
لا بالإيميل شاكرا لكم سؤالكم ودعواتكم لشخصي بالصحة
والتي استجاب لها الله سبحانه وتعالى له الحمد والشكر
ولكم من بعده الشكر

[أم سماح]

مرتضى يوسف العركى
العيد مبارك وربنا يجعل كل أيامك أعياد .. حقيقى سعدت هذا المساء بحضورك الجميل دائما
متعك الله بالصحة والعافية وأدام عليك نعمة الشفاء .. وتحية و إشتياقات هذا المساء كلها دون
ريب لك أنت وحدك .. فألف حمدا على السلامة ..
مالك علينا ما كنا كويسين .. بالجد الناس زمان كانت جادة و صادقة والقالوه فى الرسائل لو جمع ما أظن تكون ليهو نهاية
حبيبى أكتب لى و أنا أكتب ليك بالحاصل بى والحاصل بيك ..
بالعكس ما ضيعت زمنك برسائل زمان .. ولكنك أعدت الروح لهذا الزمن بذكر رسائل زمان
وبالعربى عديل و أجيك من الآخر يا حليل زمان ورسائل زمان وناس زمان

[مرتضى يوسف العركي]

مرتضى يوسف العركى
العيد مبارك وربنا يجعل كل أيامك أعياد .. حقيقى سعدت هذا المساء بحضورك الجميل دائما
متعك الله بالصحة والعافية وأدام عليك نعمة الشفاء .. وتحية و إشتياقات هذا المساء كلها دون
ريب لك أنت وحدك .. فألف حمدا على السلامة ..
مالك علينا ما كنا كويسين .. بالجد الناس زمان كانت جادة و صادقة والقالوه فى الرسائل لو جمع ما أظن تكون ليهو نهاية
حبيبى أكتب لى و أنا أكتب ليك بالحاصل بى والحاصل بيك ..
بالعكس ما ضيعت زمنك برسائل زمان .. ولكنك أعدت الروح لهذا الزمن بذكر رسائل زمان
وبالعربى عديل و أجيك من الآخر يا حليل زمان ورسائل زمان وناس زمان

كم أناسعيد بكم سيدتي وكل سنة وانتي والأسرة الكريمة بكل خير
وعارفك بت قبائل لن يأتي منك إلا كل خير
طبعا زمان كان أحلى الهدوء راحة البال الاطمئنان كل شيء تتأملينه العشرة الجيرة
كان ولمجرد خطاب واحد من طالب في مدرسة داخلية يجتمع عليه قرية باكملها بجانب اهل المرسل
بما يؤكد مدى الارتباط الوجداني لذلك المجتمع الهادي
لعل هذاالامر ضاع من بين أيدينا بفعل هذا الاسفير وفقدت الرسالة مكانتها وقيمتها الاجتماعية العالية
كيفما والرسالة أضحت الرسائل في الايميلات وفي الجولات فواتير واعلانات للتسويق الإستهلاكي
يعني الزول بصحى الصباح اجد أكثر من عشرة رسائل على الموبايل ولا يحفل بمراجعتها للعلم المسبق بأنها غير مؤثرة
بخلاف رسالة البريد الزمان
تصدقي زمان الواحد كان من شدة ما بحتفل بالرسالة يقوم يكتب رسالة لنفسو يقشر بيها قدام أصحابو
بانو رسلو ليه رسالة ومكسرين فيه وبعد داك يغير مشيتو كمان هاهاهاهاها...

[عباس الدسيس]

الوجيه عركي سلامات
كلامك حلو قول زول اديب
خلينا نخش معاك في حكاية الرسائل بعنقاليتنا بجزء من طرائف الرسائل
موقف لم يفارق ذكرياتي:
وقت المراهقة كانت عاجباني زولة كيف اصل ليها كانت صعبه وقت اقابلها اتبسم ليها ربما عدم اعتراضها علي البسمة فسرتها أنا موافقة منها توكلت وكتبته ليها رساله لسان حالي اقول ليها كما قال الشاعر صلاح حاج سعيد:
كتبت ليك ...
لا بينى بينك ريدة ..
لا قصة غرام
إخترت ليك ....
أجمل حروف وأصدق فواصل
نادرة فى لغة الكلام..
لا قصدى ألهو معاكى
بى كلمات غنا
لا شعرى ليك مرجيحة
من شعر الغمام
كتبت ليك والله يا قمر الزمان
شان جيتى بى زمن المحنة
وشفت فى عينيكى ..
حس أهلى القُدام
*************
كتبت ليك وأنا جايى
فى زمن الشقا
المرسوم على وش
الثوانى .. مظللا
تتمدد الساعات سنين
تتفتح الأحزان غريبة .. ومذهلة
وأشتاق أفتش نسمة ..
فى الزمن العذاب
وأيامى من كتر الأسى
وكتر العزوف .. والإغتراب
صارت حروف مترهلة
لحظات أسيفة .. ومهملة
*****************
كتبت ليك .. ووقفت ليك ..
لامن لقيتك جايه
من قلب الطريق
ولمحت فيك
راحة المشاوير البعيدة
ولفحة النسمة الحنينة
الجاية من جوف المضيق
حسيت عجايب الدنيا إتلمـت
بقت جايـّانى من عصراً سحيق
عينيكى حس أطفال بنادوا
القمرة لى الغايب .. يعود
وجبينك الضوّاى
حجا الحبـّوبة فى الزمن السعيد
يا قمرة اقلبى السنسنة الحمرة
وشوفى ليه ما جا
***********
وأنا فى قساوة الموحش
الزمن المكهرب .. بى الحريق
أنا حيلتى أيه
قولي لى يا قمر الزمان
غير أتـّكى .. وأحلم معاك
وأحضن أماسى الصحو ..
والأمل البريق
دقيت سدري وانتظرتها والزولة جاية من المدرسة وشايل المظروف في يدي العنوان الخارجي بالمظروف ..... الي الحبيبه الغالية/ فلانه بت فلان وبالجنبه راسم قلب مخترق بسهم انقط منو دم التصميم للظرف الخارجي بالالوان قعدته فيهو ساعات اما داخل الظرف كملته علبة اللوان كامله ورفقته مع الظرف جوه ورده جهنمية Artificial .
قربته منها مديت ليه الرساله ومعاها ابتسامه ترددت في الاستلام شجعتها بهزة راس وتكبير الابتسامه استلمتها ومشت.
تاني يوم وانا في الدكان القريب من البيت جاء ولد صغير من الحي سلمني رساله غير مظرفه ابتعدته من زحمة الدكان وفتحتها.
وجدت بداخلها رد مختصر من عدة اسطر كالاتي:
من الاسد الضرغام /....فلان الي الحمل الجبان عباس
إن اردت ان تثكلك امك اعترض طريقها مرة اخري
ولن تنجو بفعلتك هذه ابدا إن كنت راجل ابرح مكان الدكان ومنزلكم سوف تري العجب.
رفعته راسي بعد قرأة الرساله شوفتا لي ثلاثة عتاولة واقفين بعيد جمب العامود إحدرو لي هم اخوان البت الحديقة محبوبتي ....
الطرفه التانية:
الايميلات والفيس بوك وبرامج الشات الله اقطع سنين الشات وخاصة الNimbuzz ياخ النت عمل فينا عمايل واحد من اصحابنا نوعية الزوجه ما عندها علاقة بالنت شغال ليك شات وونسه علي كيفو رسل لي رابط للتسجيل وبطريقة حب المعرفة سجلته ولسؤ الحظ الايميل بتاعي مفتوح في Ipad وتعال يا رسائل من موقع الشات الظاهر رسائل مبرمجة كالاتي:
يا عباس ((طبعا حسب تسجيل اسمك)) الحسناوات ينتظروك للدردشه.
بعد شويه تجيك رساله:
يا عباس نرمين تنتظرك الساعة12 للدردشه
يا عباس مواهب تنتظرك الساعة4 للدردشة
وكل يوم اسم بت جديدة لمت ليك فيها المدام الرسالة الاولي بتاعت الحسناوات اتخارجته منها اما الرسائل بتاعت التخصيص بالاسماء غايتو كان ممكن تؤدي الي ما يحمد عقباه.

الحدث الثالث:
طبعا حدث بمعني كارثه من خطورة الفيس بوك لو مشيت بحب استطلاع دخلته علي صفحات اباحية تكون هذه الصفحات لمواقع هنالك Batch file مهمتو الصق ليك حاجات دعائة عن الموقع واغلبها صور فاضحة بصفحتك.
دخلته علي صفحة واحد من الاصدقاء راجل متزن ومستقر زوجيا لقيت ليك العجب العجاب طوالي شلته التلفون اتصلته عليهو يا فلان الحاصل شنو صفحتك كلها وسخ.
الراجل طوالي قال انت وين قلته ليهو في البيت هواء جاني ... بداية انكر وقال لي الحكاية رسائل عشوائية يا زول بعد الزرزرة اعترف الراجل وقال لي:
يا عباس عليك الله السترة والله انا قلته اشوف ساكت لزوم التنوير العالم فيهو شنو ما قايل الحكايات بتلصق كده بعدين الاولاد جايين من الاجازة بكره والموضوع لازم اتمسح باي طريقة وما ارجع تاني لانو الفيس بتاعي فاتح في البيت وهاك يا جرسه.

[مرتضى يوسف العركي]

تاني يوم وانا في الدكان القريب من البيت جاء ولد صغير من الحي سلمني رساله غير مظرفه ابتعدته من زحمة الدكان وفتحتها.
وجدت بداخلها رد مختصر من عدة اسطر كالاتي:
من الاسد الضرغام /....فلان الي الحمل الجبان عباس
إن اردت ان تثكلك امك اعترض طريقها مرة اخري
ولن تنجو بفعلتك هذه ابدا إن كنت راجل ابرح مكان الدكان ومنزلكم سوف تري العجب.
رفعته راسي بعد قرأة الرساله شوفتا لي ثلاثة عتاولة واقفين بعيد جمب العامود إحدرو لي هم اخوان البت الحديقة محبوبتي ....


شيخي ود الشريف اللذيذ
كل سنة وأنت والاسرة الكريمة طيبين ومشتاقين و
جودك دوما ما يمنح البوست حيوية التواصل اللذيذ
طبعا متخيل المنظر بتاع حدرة الثلاثة العتوالة ديل مع الموسيقي التصويرية الضاجة بالخطر
عندي ثلاثة سناريوهات للتصرف التالي :
قمت بالمبيت مع سيد الدكان لحدي ما رسل لابوك الشريف يجي استلمك
او بمعرفتي بخلفيتك الرياضية فكيت البيرك ومن الدباغة قالوا ليك والله للقضارف
اتنفشت وعملت فيها بطل واخذت ليك علقة سخنة وطبعا دي عادي دخلنا الفلم ده قبل كده
عليك الله ياتي فيهم

[عباس الدسيس]

شيخي ود الشريف اللذيذ
كل سنة وأنت والاسرة الكريمة طيبين ومشتاقين و
جودك دوما ما يمنح البوست حيوية التواصل اللذيذ
طبعا متخيل المنظر بتاع حدرة الثلاثة العتوالة ديل مع الموسيقي التصويرية الضاجة بالخطر
عندي ثلاثة سناريوهات للتصرف التالي :
قمت بالمبيت مع سيد الدكان لحدي ما رسل لابوك الشريف يجي استلمك
او بمعرفتي بخلفيتك الرياضية فكيت البيرك ومن الدباغة قالوا ليك والله للقضارف
اتنفشت وعملت فيها بطل واخذت ليك علقة سخنة وطبعا دي عادي دخلنا الفلم ده قبل كده
عليك الله ياتي فيهم

حبيبنا عركي
حكاية الرسائل إن كانت قديما الورقية أو بالنت المسائلة اصلو ما ظبطت معاي.
قبل اسبوع الشركة بها مكتب تطوير لاعمال الشركة مدفوع ليهم مبالغ كبيرة رسلو لي الوصف الوظيفي للادارة بتاعتنا كان عندي فيها رأي طلعت الايميل وقعدته احلل علي الاوفيس ما خليت ليهم جنبه انومو عليها ومعاها تعليقات بايخه سيئة لزوم الشمشرة رسلتو لي كم مدير معانا للتهكم تصدق اضفته ايميل مدير التطوير.... وقعته في مشكله مع الراجل طبعا بعد ده لازم تركز.
اختلف الموضوع عن حبيبتي البت الحديقه قلتا اركز خفتا من الدقه فضلت منتظر في الدكان لما جاء واحد من شيوخ الدباغه الله ارحمو ساكن جارنا رافقتو للبيت.
عدم لفقت الرسائل برضو كان في واحده حلوة عاجباني فترة المراهقة عشان ما تجينا مشاكل بتتبادل معاي الالغاز بتاعت الشياطين ال13 وناس تختخ ولوزة ابوها شبه حالتنا يختلف كان عقلو كبير شوية بتاع الغاز احنا حسي بنتابع مع الاولاد spacetoon وCartoon Network الراجل بقراء الغاز مع بتو ... طبعا انت خبير في الحاجات دي من زمن بتكتب الرساله بيدك الشمال وتقول للشلة رسلته ليك بت.... اقوم يا الحبيب اعمل ليها رسالة رمزية بالرسم لو تزكر ترسم وش ولد مقابل وش بت والولد مرسل بوسات للبت في شكل قلوب طائرة ومادي بوزو نظام مطلع البوسه من خشمو والبت مغمضه عيونها للاستقبال وتحت وش الولد كاتب عباس والوش الاخر كاتب اسمها.
البت الغبيانه اتبادلت معاها اللغز بدل تفتحو جوه قبل مازول اشيلو منها هي داخله علي البيت ابوها شالو منها.
اليوم داك كرهته يوم الالغاز واليوم الشبكنا فيها.
البنات ديل البباريهم اغطسو حجرو
عمك الشريف كل ما اقابلني طاخ اضربني في راسي .. انت يا بتاع القلوب يا قليل الادب
البت ابوها ما بستر زول بالله كلم الناس كلها
ياخ بتاع الدكان الله ارحمو جارنا اخذته منو كراسات لما مشيت البيت وجدت الكراسات زائده عايز احسن صورتي في الفريق مشيت ارجع ليهو الكراس الذائد بعد شالو مني قعد افتح فيهو بدل اقول لي شكرا... ببرائه قلت ليهو رجعت الكراس وما شخبته فيهو.... قال انا عارف امكن رسمت لي فيهو قلب و ل بوسة.
عركي ما تنكت القديم...........

[سمل الحلفاوى]

15028
ولا حكاياتكم حكاية انتظرونا بالجديد