تداعيات : الحشرة والبلدوزر و هجليج وووو

[هيثم عبدالعال]

كما في العنوان هي تداعيات أو في الواقع هي مجموعة أحداث قد يكون بينها رابط أو لا يكون

تعريفات كما في القاموس :
الحشرة : الحشرة
البلدوزر : البلدوزر
هجليج : هجليج
القاموس : قاموس التلقين

ماشي الإستقبال وبرجع

[هيثم عبدالعال]

آسف نسيت أسلم عليكم
السلام عليكم يا شركاء السلام

[عنكوليب]

تطسني قاموسة وتكون عميا ، لو كنت فاهمة حاجة ،

هيثم عبدالعال ،،

لما ترجع من الأستقبال ،،بقول ليك وعليكم السلام ورحمة الله تعالى وبركاته ،،

البلدوزر لا يقارن بالحشرة ،، والحشرة لا تحتمل البلدوزر ،، ولا الدرداقة ذاتها ،،
لكن ثعبان الالاكوندا ، من الزواحف طبعاً ، ياربي بكون حشرة كبيرة ؟
لو كان كدة ، يمكن يقدر يلف البلدوذر ،، لكن أكيد ما ببلعوا !!!!

وهجليج دي ثعابينها ، منها والقبر ،،
لا عقار ولا صبار ،،
ولا عرمان ذاتو ،،

أها فهمت ؟؟

تسلم ،،

[هيثم عبدالعال]

سلام للعنكوليب ولطعم السكر رغم الندرة

القاموس زي ما قلنا قاموس تلقين يعني تاخدي المعنى من سكات لو فهمتي ولا ما فهمتي وممكن بكرة أي معنى يتغير وما عليك إلا الترديد كالببغاء (حاشاك)
بالنسبة للبلدوزر إتبلع وشبع وقالوا إن شاء الله يموت ذاتو كمان أها كيف ليك
أما الحشرة فهي متحولة كل مرة بي شكل حسب رغبة القاموس
وهجليج هي هجليج عاملة رايحة منها
مالك دايرة تفوتي علي الإستقبال ! عندي كم هتاف كده في حلقومي ده داير أطلعهم

[هيثم عبدالعال]

رضا ذاتو مشى الإستقبال
عالم الرياضة مافي الليله

[آلاء عبد الرحمن]

هو هنا ف شنو بلاي

[عنكوليب]

في زول شوات ،، غايتو قالوا هو اسمو البلدوزر ،، ولا هجليج ما عارفة ،،
شات مرة الواطة ،،قلع ضُفُر أصبعوا الكبير ،،
يكون شوات كيف ؟؟

وال بعرفوا يعني قالوا - والقواله تطير - هو ما قلع ضُفرروا ،،
هو قطع أصبعوا ذااااااتو ،،،

( غايتو الليلة الا أشوف لي مصطبة كبيرة ما بتتكسر ، ألبد تحتها ، شكلو هيثم ده
حا يكسرني ) ،، باي ،، باي ، أنا جارية ،،،

فووووووووووووووووووووووووو !!!!

[ابوالنور]

المسألة هي اشكالية العقل المنقاد وراء الغرائز والعواطف والاغاني فهو لايدرس ولايحلل ولا يقدم النظريات والحلول فهو ممتاز في اللعن والسب واحتقار الاخر الى درجة محوه
حريتنا نستمدها من حضارتنا العن ابو الحرية زاتو ياخ
المهم اتوقع انك تريد الحرية ولكن لا حرية مغموسة بالخوف والمجاملة تعالوا نتعلم ان نفكر وان نؤسس لنظريات سياسية واقتصادية واجتماعية وقانونية ودستورية وبيئيةوتعليمية ...الخ
ينهض بها المنتدي ونؤسس مدينة عصرية تدخل الى مصافي المدن المتحضرة
عاين عاوز لي شااااااااااااش بلقاهو عندك

[هيثم عبدالعال]

يا جماعه معليش


البوست ده لسه ما إستنفذ أغراضه


وكمان إضافة للقاموس

كلمة جديده لنج

التخريبية = ما إنقلاب

[ابوالنور]

يا جماعه معليش


البوست ده لسه ما إستنفذ أغراضه


وكمان إضافة للقاموس

كلمة جديده لنج

التخريبية = ما إنقلاب

لـــــــــــــــــــــــــــــــــــــــــــسع ياخ

[هيثم عبدالعال]

سلام للعنكوليب ولطعم السكر رغم الندرة

القاموس زي ما قلنا قاموس تلقين يعني تاخدي المعنى من سكات لو فهمتي ولا ما فهمتي وممكن بكرة أي معنى يتغير وما عليك إلا الترديد كالببغاء (حاشاك)
بالنسبة للبلدوزر إتبلع وشبع وقالوا إن شاء الله يموت ذاتو كمان أها كيف ليك
أما الحشرة فهي متحولة كل مرة بي شكل حسب رغبة القاموس
وهجليج هي هجليج عاملة رايحة منها
مالك دايرة تفوتي علي الإستقبال ! عندي كم هتاف كده في حلقومي ده داير أطلعهم

لا نقرأ الكف ولا نعلم الغيب

ولكن ما كنا نهدف له في هذا البوست جزء منه تحقق اليوم ... جزء رئيسي منه


لحين فراغ

[mahagoub]

وهو فى فراغ اكثر من الذى نعيشه
وعدم الفهم نعمة

[عنكوليب]

والله يا المحجوب ،، بالغت عديييل ياريس ،،،
البوست ده نكتو من وين ؟؟

هيثم لسه في الأستقبال الظاهر ،،،
كدي يا مرام نادي لينا مولانا ده ، ما يكون مرق بالباب التاني !!!

تسلم يا المحجوب ،، وبوست يستحق أن يفيق من الأستجمام ،،

[هيثم عبدالعال]

وهو فى فراغ اكثر من الذى نعيشه
وعدم الفهم نعمة

ما يكون الفراغ بتاع فؤاد أم موسى

غايتو لو الفهم زي بتاع ناس هجليج ديلك أحسن لينا عدم الفهم يا ريس

[هيثم عبدالعال]

والله يا المحجوب ،، بالغت عديييل ياريس ،،،
البوست ده نكتو من وين ؟؟

هيثم لسه في الأستقبال الظاهر ،،،
كدي يا مرام نادي لينا مولانا ده ، ما يكون مرق بالباب التاني !!!

تسلم يا المحجوب ،، وبوست يستحق أن يفيق من الأستجمام ،،

البوست ده تقول عاملين ليهو عمل كل ما نقول ندش فيهو يغتس
الإستقبال بعدو جات إستقبالات كتيييره بس ما حضرناها رغم إنها على مرمى حجر

[هيثم عبدالعال]

كما في العنوان هي تداعيات أو في الواقع هي مجموعة أحداث قد يكون بينها رابط أو لا يكون

تعريفات كما في القاموس :
الحشرة : الحشرة
البلدوزر : البلدوزر
هجليج : هجليج
القاموس : قاموس التلقين

ماشي الإستقبال وبرجع

أها نبدأ بس من وراء !!
التلقين : موضوع البوست طرأ على بالي عقب نقاش حامي بيني وبين أخت عزيزه أوان أحداث هجليج وكنت قد خصصتها بوجهة نظري حول الواقعه ، وكانت تلح علي أن أطرح وجهة نظري هذي على الملأ ..وإن لم أفعل فأنا خائف وجبان .. فرددت عليها منبهاً أن لابد أن تنتبه لحالة الإستقطاب والهياج الحاصل الأمر الذي يصعب معه إستعياب أي وجهة نظر أخرى فما كان يجري حينها من تحشيد وتلقين للشعب الفضل ومحاولة كسب تعاطفه وتأييده بإستخدام حمية (الوطنيه ) والإيحاء أن كل صاحب رأي مخالف أو ينظر للواقعه من زاوية مختلفه فاقد للوطنية ومصيره ورأيه (الردم ) على قول أذرع التحشيد المنتشرة في الأسافير ولا مانع من بعض الإتهامات بالخيانة والعمالة وووو ، ناسين أو متناسين أن ما أوردنا هذا المورد كسب أيدي من يمارسون مع الشعب الفضل هذا التلقين ويخرجون منه خروج الشعره من العجين .

ها قد هدأت الأحوال وإستتب الأمن كما يدعون ومات من مات وجرح من جرح وعادت ريما لعادتها القديمة ... وفي إنتظار مصيبه أخرى تعبأ لها الحشود وتدور فيها آلة التلقين دورتها مرة أخرى والشعب الفضل ينقاد بكل سهولة ويسر .

سنعود للأمثلة المطروحه حتى نوضح الفهم

[بنت الرفاعي]

:):):)

أهم مافي الموضوع أنهم فرحانين جداً هذه الأيام!!!

لكَ التحية أخي هيثم وبمناسبة الآراء وما يليها،
الناس أغلبها أصبحت بصفة عامة متقلبة الآراء،
والرئيس ذاتو ما عندو كلمة واحدة!!!:(
...............
جاء بكلام ونفّذ كلام (وبقى ينفّذ في الأسوأ)،
وقبل فترة قال كلام ......... (لما الناس صدّقت!!)،
وبعدها قال كلام
ومن ثم
أفعال ما لها أي علاقة بكل ما يقوله!!!
يا ربي يكون حصل ليهو شنو؟!:confused:

نسمع كلامك نصدقك
نشوف أفعالك
......
!!!!!!
:eek:

..................

:):):)

[بنت الرفاعي]

والله يا المحجوب ،، بالغت عديييل ياريس ،،،
البوست ده نكتو من وين ؟؟

هيثم لسه في الأستقبال الظاهر ،،،
كدي يا مرام نادي لينا مولانا ده ، ما يكون مرق بالباب التاني !!!

تسلم يا المحجوب ،، وبوست يستحق أن يفيق من الأستجمام ،،

:):):)

لكِ التحية عزيزتنا عنكوليب،
البوست ما اتوجدت فيهو (زرّة) قوية!!:cool:

وَعَد بالتواجد والتوضيح وربما يبيّن ما تبقى من آرائه المخفية (نوعاً ما):cool:.:)

مع كل التقدير والإحترام لكما.:)

:):):)

[عنكوليب]

:):):)

لكِ التحية عزيزتنا عنكوليب،
البوست ما اتوجدت فيهو (زرّة) قوية!!:cool:

وَعَد بالتواجد والتوضيح وربما يبيّن ما تبقى من آرائه المخفية (نوعاً ما):cool:.:)

مع كل التقدير والإحترام لكما.:)

:):):)







تحية بقامتك دكتورة / بت الرفاعي ،،
وأنا دخلت على المحجوب تشكرات ، بأساس المحجوب هو ال أحياه تاني ،،
أتاريهو سيد الحق براهو جابو تاني ،،
تحياتي للمحجوب ولمولانا ،،
البلدوزر مرات ،، بجلي ليه ( حُترُب ) ،
والحُترُب ده هو ، البشوه وجه المدينة ،، والشارع العام ،،

نجي نشوف البلدوزر ده مفروض يشيل شنو قدامو ؟؟؟
لأنو أي طوبة وأي خرابيش للشارع ،، أي بتغيروا ،،
الثوابت لازم ليها حَفَار !!!
الشَجر العجووووز !!!
مجرى صرف صحي(لا مؤاخذة) ، خراصاني أكيد ،، بحتاج تفتيت !!،،
شارع ظلط ، أكل عليه الزمتن وشرب !!! أيضاً ،،،

أها ،،، كدي ال نشوف الشوته على وين ؟؟

سلمتوا ،،

[هيثم عبدالعال]

تحياتي عنكوليب وبنت الرفاعي

زي ما أسلفت ذلك النقاش جعلني أركز على ظاهرة التلقين أو التحشيد أو من الآخر كده ( القراية بالأضنين ) والقرايه المعنية هنا هي (تكوين وجهة نظر) وما خرجت به للأسف نتيجة مؤسفة جداً مؤداها أن الشعب الفضل ينقاد وبسهولة للتدوير ويكتفي بالأراء الجاهزة (الهوم دليفري ) وهذه يميزها أنها تأتي بمبرراتها ومحاور المجادلة لمن يختلف معها وفوق البيعه كمان قائمة الإتهام وصكوك الوطنيه ، وإستسهال تبني مثل هذه الآراء أخشى أن يقودني لتصديق فرية أننا شعب كسول التي تثير حميتنا وترفع ضغطنا حين نواجه بها في كثير من المحافل .

وكنت حينها متأـكد بل متيقن أن مثل هذا الإنقياد للتلقين سيجعل موقف المنافحين عن موقف الجماعة أيام هجليج سيكون موقفهم ( بااييييخ ) عندما يمارس الجماعه عادتهم ويتبنون موقفاً مناقضاً لحمية الوطنية كما سبق وناقضوا كثير من مواقفهم زي قصة فطسان الشهداء وكده ... أها هسه ناس الوطنية الآن موقفهم شنو من الأمم المتحده والكبير مشى للجماعه (الكفار) ديل وقال ليهم بس يا جماعه هجومكم كان مؤلم وما مبرر (بس كده) وجابتلا (نكريبه) عدييييل ، والنقطة الأولى دي مربوطة ربط لا فكاك منه مع الكلمة التانية في القاموس بتاع موضوعنا ده واللي هي الحشرة ، أكيد بقى واضح إن المقصود إستخدام اللفظ للحركة الشعبية والحشرات لناس الدولة الوليده وكالعاده الشعب الفضل ما قصر بدل ما يكون أعقل ركب الموجه وهاك يا شتيمه والعبارة إتسجلت بالملكية الفكريه لمبتدعها .. أها الحشرات ديل ذاتهم هسه تاني رجعوا شركاء السلام وأخوان الجوار ووووو .. مش الشعب الفضل ده موقفو بقى بااييييخ من مباراة سكة التلقين دي ؟ ولا رايكم شنو ؟

موضوع البلدوزر جاينو .. برضو فيهو تلقين ، لكن داك العتب ما عليهو العتب على الشعب الفضل الما عرف الزول ده بلدوزر في شنو

[mahagoub]

ما يكون الفراغ بتاع فؤاد أم موسى

غايتو لو الفهم زي بتاع ناس هجليج ديلك أحسن لينا عدم الفهم يا ريس
ما قلت لى
ام موسى مالا

[mahagoub]

طالما فى توزيع لصكوك الغفران
بتبقى فى تبعيه
ونعيق غربان
والمصيبه شعبنا سادى دى بطينه
ودى بعجينه كأن الأمر لا يعنيه
وما فى زول كاسر فينا ضلعه
غير الريس مستسلم وبقى منقاد
يا ربى خايف من المحكمة الدولية
ولا عاوز يطول عمره فى كبت الشعب
وعيييييييييييييك وعد يا برعى

[هيثم عبدالعال]

سلام تاني يا ريس

طبعاً في توزيع صكوك غفران وتهم عمالة وخيانة وممكن تجيب ليها تكفير عديييل كده

انت قايل شنو !!

[هيثم عبدالعال]

طيب نجي لقصة البلدوزر

ورغم إنو الأمور بقت واضحه فيما يختص بموضوع البوست لكن حبينا نمثل بحالات مختلفة ونماذج متنوعه

البلدوزر شخص زيو وزينا كده يمشي في الأسواق ويأكل الطعام (وحاجات تانيه) بس يميزه أنه جزء من المنظومه وأول ما تسنم الكرسي إهتم بتدوير الآله الجهنمية وهاك يا ألقاب وعبارات إطراء والتحشيد إشتغل على أصوله وطبعاً الشعب الفضل عندو إستعداد فطري للإنقياد خلف خلق الهالات والتضخيم ( عادي جداً يلاقيك واحد ويقعد يحكي ليك عن كرامات شيخ فلان و شطارة دكتور علان ووو ... وكلها قراية إضنين وعمره ما شاف فلان ده ولا إتعالج عند علان ) .

أها الجزء الجغرافي من وطني البموت وبخلي حي لا سيرة له إلا البلدوزر وإمكاناته الكاسحة ( وهم أكيد ما عارفين بلدوزر في شنو ) وأكيد أيامها لو جبت سيرة البلدوزر في جملة تحوي إنتقاد أو على الأقل عدم رضى فبلاشك أنت مغضوب عليك من الست الوالدة كما المقولة السائدة عندنا .

وفجأة كده تأكد أن الأخ بلدوزر وأن الآله الإعلامية وحملة التحشيد لم تكذب بل هي فقط لم تبين للناس أن ـــــــ بلدزرته ــــــ صحيحة الكلمة دي ؟ في مجال آخر ليس بالمجال الهين فالتميز فيه لا يتسنى لكل إنسان ومن ينال قسطاً منه بلاشك محسود ، وكانت نتيجة حسادة البعض أن ترصدوه ليكشفوا أن البلدوزر يكسح ب(الأربعه ) وفي رمضان (والله صحي) وللتوضيح الأربعه معاً حتى لا يقول قائل أن واحده تلو الأخرى أمر عادي لا يستحق عليه اللقب !!
ما في واحد ممكن يورينا هسه موقف جماعه الإنقياد ديلك شنو والزول ده بالنسبة ليهم لسه بلدوزر ولا مش بلدوزر حتى لو بالتخصص الجديد ؟

[هيثم عبدالعال]

لابد من الإشارة إلى أن البلدوزر بعد ضبط متلبساً بالأربعه وكب الزوغه من حكم الجلد الجماعه مارسوا معاهو عادتهم في التنكر وباعوهوا الضحى الأعلى وجابوهوا أخد علقته زي الترتيب ووصل بهم الأمر أن تمنوا موته بدلاً عمن إختاره الله لجواره من نفس الجماعه أو كما قال ( رحم الله ف خ فلو كان الأمر بأيدينا لادخرناه واستبدلناه بالـ ... !!)

أها العودة دي بمناسبة عودة حملة الحشد أو التعبئة كما يسموها الجاريه حالياً على قدم وساق ... هرونا جدودنا زمان وصونا على الوطن ، وفي الفؤاد ترعاه العناية ... وهم لاحفظوا الوصيه ولا جنبوه دخول العناية المكثفه .

[هيثم عبدالعال]

تاني قام جاب سيرة البحر

يا عبدو عيب

[مجدى سنجر]

هيثم صاااااااااح 100% والكلام ده حصل في ضربة مصنع الشفاء والكركم وقيسام و............................ز ولسه يا ما في الجراب ياحاوي ( واللله الحاوي نفسه ما يقدر عليهم)

[مجدى سنجر]

معليش العزيز هيثم انا يظهر عندي استقبال خارجي أو سواق عائلة بدون راتب وكما بدفع فلوس للكفيلة (ست البيت)

[هيثم عبدالعال]

هيثم صاااااااااح 100% والكلام ده حصل في ضربة مصنع الشفاء والكركم وقيسام و............................ز ولسه يا ما في الجراب ياحاوي ( واللله الحاوي نفسه ما يقدر عليهم)


مجدي ياخوي غايتو الجماعة ديل الواحد معاهم محتاج لمصنع (مرارة) كل ما يفقعو ليك واحدة تركب واحدة وهكذا دواليك أو دواليب ما فارقه

إلا الطرف الآخر من المعادلة دي واللي هو البتاع الفضل ده .. يا إما يكون محتاط بكم مرارة كده لزوم الإسعاف العاجل أو يكون ما عندوش خالص وأنا برجح التانية دي

[هيثم عبدالعال]

ممكن أضيف للقاموس كلمة

(العفوي )

[عوض صقير]

ممكن أضيف للقاموس كلمة

(العفوي )

ممكن أهدى ياهيثم (سورى) أقصد ممكن أضيف : ( يبلو ويشربوا مويتو )

[هيثم عبدالعال]

ممكن أهدى ياهيثم (سورى) أقصد ممكن أضيف : ( يبلو ويشربوا مويتو )
تهدي وبس يا عوض

ياخ ربنا يهدي الزول ده من جنس الفليق البسوي فيهو





ثم أول مره أشوف لي بترول بشربوهو ... آخر عهدي بالسودان الشقيق ناس ود الفتلي بشموهو

[هيثم عبدالعال]

أقفل ..... تصفيق

أفتح .....










برضو تصفيق