زامبيا تكسب شكواها ضد السودا فى تصفيات كأس العالم

[ودسمير]

اقر الاتحاد الدولى صحة شكوى زامبيا ضد السودان باعتبار ان السودان اشرك اللاعب مساوى الذى نال البطاقه الحمراء فى اخر مباراة للسودان فى نهائيات الامم الافريقيه السابقه والمصيبه ان المباراة كانت ضد زامبيا ، وعليه تم تحويل النقاط الى زامبيا واعتبار السودان مهزوما 0 / 3 وتغريمه ماليا ايضا ..

يا جماعة الخير .. والله مافى فائده

نحن بعيدين كل البعد عن العالم ...

ولسه برضو لسانا طويييييييييييييييييييييييل !!

والمضك المبكى انو منتخب الناشئين كسب شكواه ضد الصومال !!

[روبش]

والله يا ود سمير نحن قايتو شعب عجيب جدا
بناطلين وجلاليب حايمه ساي في الفاضي
المشكلة المواطن السوداني بقى همه الاول والاخير مصلحته الشخصية ود مصيبه
يعني عسع يفترض ناس اتحاد الجزارين ديل يقدموا استقالات جماعيه
لكن مين البعملها الكل خايف على المنصب وعلى الطيران
اقول :: اعرش على كده على قول حبيبنا الجندي

[ZANOON]

دي دايره تتدخل الرئاسه عديييل...
واحاله معتصم جعفر ورفاقه الي الشارع..

[wadyousif]

مهزلة والله من مهازل اتحاد الفشل العــام

[ودسمير]

والمصيبه الكبيره انو سيف مساوى بنفسه قال ليهم يا جماعه انا مطرود فى المباراة الاخيره !!

العلماء قالوا ليه العب كورتك انحنا ما جانا خطاب ايقافك من الكاف !!!!

تجيكم يا ( يمه ) الطاويه حبالها

[ZANOON]

ولسه لسانا طوييييييييل ...
قالو قدموا شكوي للكاف ....هههههه عجبي..!!!
وقالوا الاتحاد السوداني من المؤسسين للاتحاد الافريقي...
ياجماعه الخير الناس ماشه لي قدام ....بسرعه الف...
ونحن ماشين لي وراء ...بسرعه الضوء محتار فيها ...
...................................
...................................
رغم مريختي التي لا تحتاج لتشكيك ...
لكن :ياريت الاتحاد العام يمسكوا ....صلاح ادريس...
زول محنك والقوانين في راسو ..والوحيد القدر علي شداد...