المساعد الشخصي الرقمي

مشاهدة النسخة كاملة : نمـــــــات ثلاثـــيه


مولانا جلال
24-10-2012, 02:39 AM
مريخنا عيد زادنا فرحه
بالهلال الليلة ضحى
مريخنا نحو القمة زاحف
بينو بين القمة شبحه
مضروب ضفر مسكين يهلوس
يا اخوانا ودوه المصحة
الموج يحنن انحساروا
حتى من شاطيوه زحا
الله يا المريخ معاكا
والجماهير الصوتا بحا
غنوا لسكواها غنو
عندو ليكم حاجة سمحة
اوعوا من مريخنا اوعوا
من تعدو لقاهو فسحه
يلا ترجموا لو قدرتوا
لما يلعب كوره فصحى
سودانا عيد مرتين
يا اخوانا عيد مريخ واضحى
ويبقن الاعياد تلاته
والكاس يجمل احلى لوحهِ
مولانا جلال
24-10-2012, 02:43 AM
قهر الزعيم فى القلعة بدرى وصيفوا
تلاته اقوان حلال زادولوا تانى نزيفوا
سكواها البطل بالملى كان تهديفوا
نطحة ضفر لى راسنا عدلت كيفوا
مولانا جلال
24-10-2012, 02:47 AM
اخدوها الصحاب اخوات تلاته بلابل
ليه يا ضفر قون فى الصميم بالعاجل
احلى شيه مظبوطه خل وتوابل
لو ما ربك لطف كان الغلب بجلاجل
مولانا جلال
24-10-2012, 02:53 AM
اندك الوصيف بالدانه والبازوكا
صوقر يا كلس اعرض على الدلوكا
بى عرقك صدارة حاشا ما لزوكا
ما فاتوك رجال زى الوصيف خلوكا
مولانا جلال
24-10-2012, 02:55 AM
التحكيم نضيف سيبو الجرس والدوشه
نحن ما الناس البتكرم الذمم بى قروشا
نحن القبانيت جوه العيون مدروشه
شن جاب لجاب تفرق كتيرياروبش
مولانا جلال
24-10-2012, 02:58 AM
العيد دخل ونحن بالوصيف ضحينا
غير صمة خشم جوه الشبك قحينا
غافلكم غصب من نومكم صحينا
فى كرسى الصداره اتوهطنا ما زحينا
wadyousif
24-10-2012, 03:11 AM
ابشر والله يا مولانا
نمات حلوة بلحيل

ساكواها بالغ ياخ ;)
مولانا جلال
25-10-2012, 12:36 AM
لك يا مريخ فى العزلة ترويح بذكراك لنفسى
اسعد الاوقات عندى اذ اناجيك بهمس
واخال النجم فى العليا يستعذب انسىِ
مولانا جلال
25-10-2012, 12:38 AM
يا المريخ سلام وصلنى سمح اخبارك
قالوا لى انفعلت واهنت صحابك
ياخى الدنيا عيد ... والعيد عليك يتبارك
واحد كان كفاية ... جايب تلاته خبارك