المساعد الشخصي الرقمي

مشاهدة النسخة كاملة : فضيحه بجلاجل



امير عبدالباقي
19-03-2005, 08:21 PM
انتهت مباره الهلال والترجي التونسي بخساره وبتكرار الشريط نفسه للعام السابق ونفس الشي لقد كان الهلال فائزا بالخرطوم ياجماعه هل من المنطق والحكمه ان يكون فريق فائز في ارضه 2/0 وينهزم بالخمسه في ارض الخصم بعد تقدمه بهدف حتي الدقيقه عشرون من الشوط الثاني والله مهازل .
هل لعب فريق الترجي بلاعبين غير اللاعبين الذين لعب بهم بالخرطوم ام جاء بلاعبين من كوكب اخر هنالك سر غريب في الكره السودانيه

هدل الشفاة
20-03-2005, 02:06 AM
بكل أسف لا يسعنا في هذا المقام إلا أن نعترف بفشل الكرة السودانية والفشل في نفوسنا الخالية من الوطنية والمنتفية من التجرد والمملوءة بحب الذات , ماحدث بالأمس وماسيحدث في الغد وماحدث قبل 100 سنة وماسيحدث بعد 100 سنة تكرار لكل مآسي الكرة السودانية التي لا وجيع لها , نتجرع الهزائم لا بل نحتسي الهزائم لأن التجرع هو الشرب علي مضض ولأننا تعودنا عليها ونستسيقها فإننا نحتسيها كفنجان شاي أوقهوة (نعدل بيهو المزاج) وكأننا ( لا ينعدل مزاجنا ) إلا بهذه الأمطار الكثيفة من الأهداف .وربنا يجازي الكان السبب بقدر ما أصاب كل وطني غيور من ألم وحسرة وعلة .
وإنا لله وإنا إليه راجعون

ياسر فقيري
20-03-2005, 10:07 AM
أنا والله ما حرقتني الهزيمة خمسة واحد بقدر ما حرقني الكف اللي أخذه الحارس من لاعب الترجي التونسي .. يعني يغلبونا ويكفتونا كمان .. والله وصل حالنا لي حد ما بعده سكوت .. نحن أنهزمنا بخمسة أهداف في أقل من عشرين دقيقة والتوانسة ما قصروا معانا أشبعونا ضرباً ولكما وناس الهلال واقفين يتفرجوا .. والله يا حليل زمن ناس سيماوي وكمال عبد الغني ومبارك مصطفى .. الواحد فيهم زي الأسد في الميدان

ابراهيم
20-03-2005, 06:58 PM
دي مغصة وبس

محمد عبدالله
22-03-2005, 03:12 AM
صدقوني ياجماعة المشكلة اكبر من كده ومابتخص الهلال بس .الكورة في السودان ماشية عكس التيار.يعني مامعقول فريق لسة في بداية الدوري ومالعب مباريات كتير.وحتى المباراة االي كانت في السودان لو لاحظتو انو الاعبين ركزو شوية واتحسن الاداء اكتر من مباراة اثيوبيا.لكن والله لو كان الهلال لعب مباريات كتيرة ماكان حصل ليهو ده. من الاخر كده.مفروض يقوم المسؤولين بتغيير خارطة الدوري.ونكون زي العالم مش عكس العالم.