المساعد الشخصي الرقمي

مشاهدة النسخة كاملة : بالكاد امارس صمتي فيك!!


عمر احمد
21-03-2005, 10:32 AM
لمن أبوح لى نفسي بى
شوق السنين
واعبر معاك خط الافق
بي فد جناح ..
زي ليلي داك ..
الخاتي عينو على الصباح
أعفيني من همّ الوجع
لميني لو هاجت رياح

يا القى طيفك في الدروب
بي كم شكل!
يا بسألك!
كيف الدخول في ملتك؟
من أي باب؟
بالكاد امارس صمتي فيك
ماديهو ليك صبر الوكت
متوضي بيك ..
أديت فرض وجع المروق
ن بين حجب
مادا الزمن .. نِـد الغياب
يا الجيت تحس بي إني فيك!
زي الوسم في سمرتك
جرب تشب ..
يمكن تشوف ..
من بره حد ما إنت فيْ!
جرب تفي بي وعدي ليك
حاول تكون ما أي شي؟
ضياء الدين احمد
21-03-2005, 10:44 AM
اكثر من رائع اخي عمر
ونرجو ان تتحفنا بالمزيد من الدرر
ابراهيم
21-03-2005, 08:22 PM
يا الجيت تحس بي إني فيك!
زي الوسم في سمرتك
جرب تشب ..
يمكن تشوف ..
من بره حد ما إنت فيْ!
جرب تفي بي وعدي ليك
حاول تكون ما أي شي؟


ابو عمار كلامك ددر ...

لو قلنا ابداع ما كفاية ...

في انتظار ... المزيد من القول السمح
الزمن المريح
21-03-2005, 11:51 PM
تسلم اخ عمر احمد
و ياريت تتحفنا بالمزيد

مع بالغ التحايا و الود
madaniboy
22-03-2005, 04:27 AM
كاتب الرسالة الأصلية ضياء الدين احمد
اكثر من رائع اخي عمر
ونرجو ان تتحفنا بالمزيد من الدرر
ruby
23-03-2005, 10:20 AM
كاتب الرسالة الأصلية الزمن المريح
تسلم اخ عمر احمد
و ياريت تتحفنا بالمزيد

مع بالغ التحايا و الود
صائد الأحلام
23-03-2005, 02:07 PM
اقول دائما : الحب مرض أخشى ما يخشاه المصاب به ان يشفى منه

وكان تكفيك جقمة من الحنين وتقنع من الموج الهناك،،وما كنت في جوف الكمين غنيت غنوات الفكاك..سنارة العدم التنين، صارقيلا وحشة وارتباك


يديك العافية اخوي عمر
عمر احمد
26-03-2005, 01:23 AM
اشكرك أخي ضياء على كلماتك الرقيقة فأنا ازداد بك نورا وضياءا

لك خالص التقدير

تحياتي
عمر احمد
26-03-2005, 01:25 AM
هباني من جيهتك دعاش
ضجن حروفي من الفرح
ومنهن طار الفراش

تسلم اخي ابراهيم ويديك الف عافية
عمر احمد
26-03-2005, 01:32 AM
الزمن المريح

ما أروعك وانت تزرع البهجة في نفسي بهذا الوقوف الراقي.

ولك ودي وتقديري
عمر احمد
27-03-2005, 12:11 AM
فاقد حنان

اسعدني وقوفك الجميل ......... شكرا جزيلا

تحياتي وتقديري
عمر احمد
27-03-2005, 12:31 AM
ruby

يديك الف عافية على حضورك الكريم

مع خالص شكري