رحبوا برجل فقد غدته الدرقية

[عثمان جلالة]

أعتذر جداً ... لطول الغياب

فقد تعددت الأسباب ... مشغوليات ودراسة ومرض

ولكن رغم هذا وذاك .. كنتم دوما في الخاطر

فيض من حنين ومشاعر

وألق عبر حروفكم ... وبريقا لا يغادر

أعود اليوم يا سادتي كما أنا ذاتاً وهويه

فقدت في غمرة الاحداث غدة درقيه :rolleyes:;)

وأهو الحمد لله .. فقدنا الغده .. الله يسلم لينا باقي العده هههههههه :):)

كل الود،،،،،

[ahmed algam]

حمد لله علي سلامتك

وانشاء الله ماتشوف شر باذن الله

واحشنا جد

[عاطف عولي]

سلامتك وحمدآ لله علي سلامتك ايها الهمباتي الجميل

[عثمان جلالة]

حمد لله علي سلامتك

وانشاء الله ماتشوف شر باذن الله

واحشنا جد



ود علقم ما تشوف وحش ولا شر بركة الهي وجاهي

كتر خيرك كتير

[عثمان جلالة]

سلامتك وحمدآ لله علي سلامتك ايها الهمباتي الجميل


الله يعافيك يا حبيب ... كتر خيرك والله وما عدمناك

[mahagoub]

حمداً لله على السلامه

لكن الدرقه وشلتها
وقت الكعه بتضارا بشنو

[ايمن عبد الله]

جعله الله كفارة لك ..اخي العزيز جلالة ..
وان شاء الله اخر الوعكات .. وبعدها ما تشوف شر بإذن الله ..


وحمداً لله على سلامتك اخي العزيز .. وكل عام وانت إن شاء الله بخير وصحة جيدة ..

[ايمن عبد الله]

حمداً لله على السلامه

لكن الدرقه وشلتها
وقت الكعه بتضارا بشنو

يجازي محنك يا عم محجوب ..
اها بضارى بأخوانه .. عندك كلام !!

[عمرالماحي]

الف حمدالله علي السلامه

[النور محمد يوسف]

ألف حمدا لله على سلامتك عثمان ، فالجاتك في غدتك كفارة لبقية المعدات الاخريات وربنا يعوضك فهو القادر على ذلك باحسن منها وظيفة وكفاءة
كم كلنا سعداء بعودتك تنشر البسمة والكلمة الطيبة والفكرة الرصينة في هذا الصرح الذي يستحق منا كل جهد وكل دقيقة من اجل اهلنا ومنطقتنا تنويرا وتطمينا ومؤازرة ومواساة ومن ثم مشاركة في افراحهم وجني ثمار غرسهم وصلاة ودعاء شكرا للخالق الرحيم
اخي عثمان يعود ونتمنى عودة كل الاقلام النيرة المخلصة لهذه البوابة المهمة والخطيرة فهم والله كوكبة يمكنها مع مساعدة هذه الادارة الجديدة ان تغير مسار كل الحياة الثقافية وتعود لمدني مكانتها الاولى
كم انا حزين بتخلف مدينتنا " الرائدة في كل شيء" عن قيادة احتفالات السودان واهل السودان للاستقلال خاصة هذا العام
ما تعودنا من مدني الا القائدة والرائدة التي تفرض حب الجميع ومتابعة الجميع لمجريات الفرح فيها تاركين ما سواها من احتفالات تقام في اي مدينة اخرى
مدني ستفرض نفسها وتعود لها شخصيتها الانيقة الثابتة المطمئنة بثبات بنيها واطمئنان اهلها ومبادرات مثقفيها

فهل تشاركونني هذا الحزن... فهذا الناي نلحظه هذا العام والاعوام القليلات السابقات لمدني عن صنع القرار والتاثير في الحياة الثقافية والرياضية والاقتصادية
حضورك اخي عثمان هو الخطوة الاولى باذن الله للم الشمل وتكاتف الجهود لمناقشة هذا الوضع وهذا المستوى الذي وصلنا اليه
وتبقى الحقيقة " تنهض مدني تنهض كل المنطقة ، تنوم المنطقة تنوم مدني بنوم مشروع المنطقة "

تعلية خزان الرصيرص ، يجب ان يصب في الجزيرة ومشروعها فنحن نرفض اي التفاف حول فوائد هذه التعلية للفت الانظار بعيدا عن مشروع الجزيرة فقد سمعنا بعض الاشارات الى ان المشروع يمكن ان يستفيد اذا

وماذا بعد اذااذا تم تاهيل قنوات الري فيه

كيف يتم التاهيل وكل شيء قد بيع في وضح النهار

نريدك اخي عثمان ان تقود نقاشا جادا وصادقا في هذه المهمة وهذه التكويشة التي تتم بليل بعيدا عن انسان الجزيرة ونبات الجزيرة وحيوان الجزيرة
واهلا بك ايها القامة الرقم الكبير

وعقبال الفرحة الكبرى بنيلك شهادة الماجستير وانت بها جدير

[naz_imam]

حمدا لله علي سلامتك حبيب القسا .. وماتشوف شر

(ونحن زي شركة التأمين منتظرين تعوضنا فترة غيابك) ماتقول لي total lost

[ساريه]

الف سلامه وتبقى كفاره ان شاء الله ...
وبركه الرجعتا لينا من تانى ....
حمد الله على السلامه ...

[بنت الرفاعي]

:):):)

حمداً لله على السلامة،
وكفارة بإذن الله.

:):):)

[المارشال]

ألف حمداً للسلامه

أجر وعافية إنشاء الله

ومنور المنتدى وإطلالة عام جديد وسعيد بيك يا أبو عفان

ماعدمناك يارب

[ياسر عمر الامين]

الف حمد وشكر على سلامتك وعودا حميدا مستطاب...

[مدنيّة]

الف حمدا لله علي السلامة ياجلالة
والله نورت المنتدي
وجبت معك اجمل خبر

[ودالعمدة]

الغالى ودجلالة
حمدا لله على السلامة
وماتشوف شر ان شاء الله
وبعد الشر عليك ياحبيب
عارف ياعثمان البلد كلها ماشة بدون غدد ;)

[صابرحسين]

ألف حمداً لله على السلامة أخي جلالة
أجر وعافية

[ام قبس]

عثمان الف حمد لله علي السلامه وبركه الرجعت من غير غدة
وسنه جديده سعيدة عليك
خارج النص : للضمان كدا لو رجعنا هنا تاني اكيد بتكون في الامان ونحن نحضر غددنا هههههههههههههه

[آلاء عبد الرحمن]

الف حمد الله علي السلامة

[عثمان جلالة]

حمداً لله على السلامه

لكن الدرقه وشلتها
وقت الكعه بتضارا بشنو

هههههههه والله يا حبيب ما فضلت لي تب درقه اتتضارا بيها غير محبتكم دي.

هههههه لاعب بدفاع مكشوف.

[عثمان جلالة]

جعله الله كفارة لك ..اخي العزيز جلالة ..
وان شاء الله اخر الوعكات .. وبعدها ما تشوف شر بإذن الله ..


وحمداً لله على سلامتك اخي العزيز .. وكل عام وانت إن شاء الله بخير وصحة جيدة ..

الله يسلم عمرك يا ايمن ,, وانت بالف خير صحة وسلامة ياااارب.

[عثمان جلالة]

يجازي محنك يا عم محجوب ..
اها بضارى بأخوانه .. عندك كلام !!

صدقت يا ايمن والله ما باقي لينا غير محبة الاخوان والاصدقاء.

تلحيقه .... الاخوان دي انا قاصد بيها الخوه في الله ما الاخوان المسلمين عشان ما نودي البوست دا الخور هههههه :rolleyes::):)

[عاشق الترحال]

كفارة ياعثمان والف لا باس عليك
واجر وعافيه ان شاء الله

[خالد علونى]

استاذنا جلالة
ألف حمدا لله علي السلامة يا حبيب
وان شاء الله ما تشوف شر

[ريمون]

الف سلامه والمنتدي نور ..

[عثمان جلالة]

الف حمدالله علي السلامه

أووووو الغالي ود الماحي مشتاقين يا حبيب وكتر خيرك .. تسلم

[عثمان جلالة]

ألف حمدا لله على سلامتك عثمان ، فالجاتك في غدتك كفارة لبقية المعدات الاخريات وربنا يعوضك فهو القادر على ذلك باحسن منها وظيفة وكفاءة
كم كلنا سعداء بعودتك تنشر البسمة والكلمة الطيبة والفكرة الرصينة في هذا الصرح الذي يستحق منا كل جهد وكل دقيقة من اجل اهلنا ومنطقتنا تنويرا وتطمينا ومؤازرة ومواساة ومن ثم مشاركة في افراحهم وجني ثمار غرسهم وصلاة ودعاء شكرا للخالق الرحيم
اخي عثمان يعود ونتمنى عودة كل الاقلام النيرة المخلصة لهذه البوابة المهمة والخطيرة فهم والله كوكبة يمكنها مع مساعدة هذه الادارة الجديدة ان تغير مسار كل الحياة الثقافية وتعود لمدني مكانتها الاولى
كم انا حزين بتخلف مدينتنا " الرائدة في كل شيء" عن قيادة احتفالات السودان واهل السودان للاستقلال خاصة هذا العام
ما تعودنا من مدني الا القائدة والرائدة التي تفرض حب الجميع ومتابعة الجميع لمجريات الفرح فيها تاركين ما سواها من احتفالات تقام في اي مدينة اخرى
مدني ستفرض نفسها وتعود لها شخصيتها الانيقة الثابتة المطمئنة بثبات بنيها واطمئنان اهلها ومبادرات مثقفيها

فهل تشاركونني هذا الحزن... فهذا الناي نلحظه هذا العام والاعوام القليلات السابقات لمدني عن صنع القرار والتاثير في الحياة الثقافية والرياضية والاقتصادية
حضورك اخي عثمان هو الخطوة الاولى باذن الله للم الشمل وتكاتف الجهود لمناقشة هذا الوضع وهذا المستوى الذي وصلنا اليه
وتبقى الحقيقة " تنهض مدني تنهض كل المنطقة ، تنوم المنطقة تنوم مدني بنوم مشروع المنطقة "

تعلية خزان الرصيرص ، يجب ان يصب في الجزيرة ومشروعها فنحن نرفض اي التفاف حول فوائد هذه التعلية للفت الانظار بعيدا عن مشروع الجزيرة فقد سمعنا بعض الاشارات الى ان المشروع يمكن ان يستفيد اذا

وماذا بعد اذااذا تم تاهيل قنوات الري فيه

كيف يتم التاهيل وكل شيء قد بيع في وضح النهار

نريدك اخي عثمان ان تقود نقاشا جادا وصادقا في هذه المهمة وهذه التكويشة التي تتم بليل بعيدا عن انسان الجزيرة ونبات الجزيرة وحيوان الجزيرة
واهلا بك ايها القامة الرقم الكبير

وعقبال الفرحة الكبرى بنيلك شهادة الماجستير وانت بها جدير

الغالي ابو محمد .. اشكرك استاذي انابة عن كل من تحدثت باسمهم هنا ... الجزيرة وانسانها في قراها ومدنها وبلداتها في ترعها التي كادت أن تجف ... في قلوب ساكنيها البيضاء .. من غير سوء والنوايا الطيبة من غير دنس.

نعم ... هنالك الكثير الذي ينتظر حراكنا وباضعف الايمان ... كلمتنا ... لنقول لا .. لنشجب وندين ونستنكر ..فالتاريخ لن يرحم سكوتنا يوما ما

ايد على ايد تجدع بعيد

وشكرا لثقتك الغالية ... واتمنى ان اكون علي قدر عشمك .. ونتعشم جميعا أن نشهد معا بعطائنا واقع صنعناه ... عشان باكر وعشان عيون اطفالنا ما تضوق الهزيمة .... عشان نتنفس هواء نضيف يااااااااااااااااخ ... ايييييييييييييييه حتى الهواء النضيف حق ربنا دا ... أصبح عسيرا في هذا الزمن.

[عثمان جلالة]

حمدا لله علي سلامتك حبيب القسا .. وماتشوف شر

(ونحن زي شركة التأمين منتظرين تعوضنا فترة غيابك) ماتقول لي total lost

ههههههههههه حبيب القسا ابوريم .. مشتاقين والله صوتك زاتو في التلفون ما عرفتو الظاهر عليك رطبتا .... هههه قلت لي توتال لوست هع هع ... ياااااااااااخ اخوك غدتو طلعت توتال لوست خليهو الغياب .. كتر خيرك يا حبيب.

[عثمان جلالة]

الف سلامه وتبقى كفاره ان شاء الله ...
وبركه الرجعتا لينا من تانى ....
حمد الله على السلامه ...

يا ساريه ... شاكر ومقدر ... وكتر خيرك والله يسلم عمرك يااااارب

[عثمان جلالة]

:):):)

حمداً لله على السلامة،
وكفارة بإذن الله.

:):):)




الله يسلمك يا دكتوره ... وما تشوفي شر يااااااااارب

[عثمان جلالة]

ألف حمداً للسلامه

أجر وعافية إنشاء الله

ومنور المنتدى وإطلالة عام جديد وسعيد بيك يا أبو عفان

ماعدمناك يارب

يا مارشال المنتدى منور بيك والله على الدوام ...وكل سنة وانت بالف خير يارب .. شكرا لكلماتك الصادقة يا حبيب

[عثمان جلالة]

الف حمد وشكر على سلامتك وعودا حميدا مستطاب...

اهلا ياسر .. كتر خيرك ... وكل سنة وانت بالف خير

[عثمان جلالة]

الف حمدا لله علي السلامة ياجلالة
والله نورت المنتدي
وجبت معك اجمل خبر

هههههه مدنيه والله مشتاقين يااااااااااااخ .. كتر خيرك

ياتو خبر دا ؟؟ تقصدي تسجيل هيثم وعلاء في المريخ؟؟؟ هههه

[تغريد]

الف حمد لله علي السلامة با جلالة


والجاتك في درقيتك سامحتك

[محمد المأمون]

الانيق الانسان عثمان جلالة بك تنداح الحروف وتنقاد الاجابة للسؤال...تحيات دائمة ياثمح

[ZANOON]

حمدالله علي السلامه ...
ماتشوف شر انشاءالله...

[ايمن عبد الله]

صدقت يا ايمن والله ما باقي لينا غير محبة الاخوان والاصدقاء.
تلحيقه .... الاخوان دي انا قاصد بيها الخوه في الله ما الاخوان المسلمين عشان ما نودي البوست دا الخور هههههه :rolleyes::):)

هاهاهاه
اكيد قاصد الاخوان السند والسندالة .. والدرقة بتاعتك الجديدة ..
اما ديلك ما عندنا هنا ..

والف حمداً لله على السلامة مرة اخرى .. وان شاء الله اخر مرة تدخل فيها غرفة عمليات ..

[عثمان جلالة]

الغالى ودجلالة
حمدا لله على السلامة
وماتشوف شر ان شاء الله
وبعد الشر عليك ياحبيب
عارف ياعثمان البلد كلها ماشة بدون غدد ;)

الله يسلم عمرك حبيبنا ود العمدة ... ههههههه صدقت والله البلد ماشه بدون غدد في شان الغباين الكتيرة

الله يفرج بس يا حبيب.

[عثمان جلالة]

ألف حمداً لله على السلامة أخي جلالة
أجر وعافية

أهلا بالحبيب الغالي صابر ... مشتاقين يااخ وكل سنه وانت بالف خير .. كتر خيرك يا أصيل

[عثمان جلالة]

عثمان الف حمد لله علي السلامه وبركه الرجعت من غير غدة
وسنه جديده سعيدة عليك
خارج النص : للضمان كدا لو رجعنا هنا تاني اكيد بتكون في الامان ونحن نحضر غددنا هههههههههههههه

أم قبس كتر خيرك والله ... وشكرا كتير .. وسنة سعيدة عليك ياارب

وتبرا يا يمه وتستبرا .. غددكم ... فداها غدتي انا ههههه

الله يسلم عمرك

[عثمان جلالة]

الف حمد الله علي السلامة

شكرا كتير آلاء .... نجيك في السمح يااارب

[عثمان جلالة]

كفارة ياعثمان والف لا باس عليك
واجر وعافيه ان شاء الله

تسلم يا عاشق الترحال ... وربنا يديك العافيه .. ويسلمك من كل شر

[عثمان جلالة]

استاذنا جلالة
ألف حمدا لله علي السلامة يا حبيب
وان شاء الله ما تشوف شر

الغالي خالد علوني ... مشكور جدا ياااخي ... الله يسلمك .. وما نجيك في شر يا حبيب

[عثمان جلالة]

الف سلامه والمنتدي نور ..


المنتدى منور على الدوام بوجودك بين جنباته يا صديقه ... الله يسلمك من كل شر ياارب

[عثمان جلالة]

الف حمد لله علي السلامة با جلالة


والجاتك في درقيتك سامحتك

كتر خيرك يا تغريد يا اصيلة ... اكيد سامحتني ... كفانا الله واياكم الامراض والشرور

[عثمان جلالة]

الانيق الانسان عثمان جلالة بك تنداح الحروف وتنقاد الاجابة للسؤال...تحيات دائمة ياثمح

العالي ود المامون ... ولك مثلها يا حبيب .. تحيات وود ... وامل في أن تكون الكلمة والحروف ... سعادة وامل ومستقبل مليء بالنجاحات ياارب

[عثمان جلالة]

حمدالله علي السلامه ...
ماتشوف شر انشاءالله...

ذو النون ... الله يسلمك ... ووقانا الله جميعا الشرور والامراض وكل عام وانتم بالف خير

[عثمان جلالة]

هاهاهاه
اكيد قاصد الاخوان السند والسندالة .. والدرقة بتاعتك الجديدة ..
اما ديلك ما عندنا هنا ..

والف حمداً لله على السلامة مرة اخرى .. وان شاء الله اخر مرة تدخل فيها غرفة عمليات ..

ههههههه صاح يا ايمن يا صديق ... قصدي السند والدرقه بدل الفقدناها ... وان شاء الله لا غرفة عمليات ولا منطقة عمليات زاتووووو .. كتر خيرك يا اصيل.

[همسات]

حباب جلاله اخوي
والحمدلله علي السلامه

[عثمان جلالة]

حباب جلاله اخوي
والحمدلله علي السلامه

حباب همسات

ألق الكلمات

ووهج البسمات .... ست البنات

لك ... سلام وتحايا ... واحترامات

تجدك كما نحب دوما ... قمحا ووعدا ..... وتحقيق نجاحات وامنيات