احداث لن تنسى وجرح حب لم يندمل

[عثمان جلالة]

لو لقيت مركبة الزمن في اللحظة دي !!! يااااخ المركبة ديك البتركب فيها وترجع الزمن أو تقدمو زي ما عايز عرفتوها ؟؟؟ صاح بجيبوها في أفلام الخيال العلمي بس ... لكن الواقع الكنت عايشو أنا قبل 20 سنة كان أقرب للخيال العلمي .. من حيث الروعة والدهشة والجمال مقارنة بالواقع الحالي.



طبعا متخيلين إني حا أقدم التاريخ؟؟ لا والله غلطانين ... يعني ح استفيد شنو من القصة دي ... أهو كلما يمشي الزمن .. وأعاين وراي بلقا الفات أجمل من الحاضر ... أنا يا سادتي ح آآخر الزمن زي 20 سنة كده .... كان الدولار وقتها بـ ألفين أو أقل ... وكان طلب الفول المصلح بـ 500 جنيه ... وكنا بنركب المواصلات بــ نص التذكرة .. عشان طلبه .. ومرات مرات ... بكون ما عندنا قروش ما بندفع ولامن نحكي للكمساري الظروف ويعرف نحنا طلبه بدينا حق الفطور زاتووو http://madaninet.com/vb/images/smilies/biggrin.gifhttp://madaninet.com/vb/images/smilies/biggrin.gifhttp://madaninet.com/vb/images/smilies/smile.gif


كانت اهتماماتي وقتها تتركز في التالي:

كتب الباراسيولوجي

البحث عن الزئبق الأحمر

تعلم الكاراتيه

بالله عليك الله ما همباتي مودرن http://madaninet.com/vb/images/smilies/rolleyes.gif


زي ما قلت ليكم ... كنت بقرا كتير كتب ما وراء الطبيعه أو الكتب التي تتحدث عن العادات الخارقة للبشر ... ويشمل ذلك بالطبع الجن .... وشيوخ الصوفيه .... وناس الله ... وديل دائما بنلقاهم في أي قرية من القرى أو المدن السودانية شخصيات زي الزين كما جاء في كتاب الطيب صالح عرس الزين ... ناس بقولوا الحكمة وبدوك النجيضة ... وبكونوا عنوان .. الفرح والكره ولمة الناس.

لي عودة أكيد ....

[عثمان جلالة]

تنبيه مهم جدا ... انا داير آآخر الزمن زي كم و 20 سنة كده .... كم دي أهم من العشرين زاااااتها عشان ما نتغالط بعدين:mad::mad:

[عثمان جلالة]

تشبعت خلال تلك الفترة بافكار كثيرة وعجيبة ... مثل أن التأمل في القمر عندما يكون بدرا طوال الليل ... ولمدة ثلاث شهور متواصلة يكسبك القدرة على اقناع الآخرين بمجرد النظر اليهم وهو ما قيل في الكتب الصفراء انه السبب المباشر في أن يكون كازانوفا العاشق زير النساء ... بهذه القدرة المتفردة ... وهي اقناع اي انثى على ان تحبه .. حيث قيل أن كازانوفا نفسه وقع في بئر ما لمدة ثلاثة اشهر كان يدوام فيها على النظر للقمر.


أفكار ... زي مثلا انو عندما ننام ... تخرج ارواحنا ... وتاخد ليها جولة كده حول العالم ... عشان كده بنحس اننا شفنا حتات .. مع انو نزورها لاول مرة ... وطبعا ما يربط الروح والجسد حبلا يسمى حبل اثيري ... ودي يمكن تظهر في علاقات الحب ... الطاهرة ... علاقة الحبيب والحبيبة .. والام ... وطفلها او طفلتها .... ممكن تحصل فيها حالات نادرة ... تكون فيها الحاسة السادسة للشخص تعمل بفعالية كبيرة بحيث انو تحس بما يحدث للطرف الآخر اذا كان خيرا أو شرا .... مفاهيم زي رفة العين لامن تكون باليمين ... أو لامن تكون بالشمال.

البعد الرابع .... وهو درجة من السمو الروحاني .... البتصل ليها الروح متجاوزة الثلاث ابعاد المعروفة.

باختصار وبمفهوم بسيط زي ما كان مشروح في احد الكتب الشبهت الانسان والروح بـــــ علبة الصلصة .... العلبة = الجسد ، الروح = الصلصة، ماوراء الطبيعة والبعد الرابع والتخاطر والحاسة السادسة و ... = ضربة علبة الصلصة من تحت وهي مفتوحة الشي الذي ينتج عنه وجود الصلصة في كافة حواف علبة الصلصة ... ان شاء الله وضحت ليكم الصورة

وكان الاستدلال علي ذلك .... انو في بشر حصلت ليهم حوداث مميتة ... وعاشوا لكن اصبحوا خارقين او يملكون مقدرات خارقة للطبيعة.

وده كلو طبعا قريب من فهم التصوف في الدين .... العزلة .... اضعاف الجسد .... وعدم تلبية رغبات الجسد ... تقوية الروح بالتأمل ....

كنا وقتها .... نتشارط انا واصحابي في منو البقدر وهو قاعد في سريرو في غرفتو ... يصل صاحبو في الغرفة التانية ويحسسو بوجودو كــــ روح

بالله دا ما شغل جن ههههههههههه :):):)

[عثمان جلالة]

وبعد فشلي في تعلم الكاراتيه لانني عجزت ان اكون صينيا هههههه وفي مرحلة متقدمة من الجن الذي اعطيتكم لمحة منه أعلاه ... استصحبنا هذه الافكار ... وأخذنا نبحث بعنف ومثابرة شديدة عن الزئبق الاحمر ... وهو محلول نادر يخرج من باطن الارض وله عدة استخدامات .. ولعل اكثر ما كان يروج له من هذه الاستخدامات ... امكانية مبادلته مع ملك الجن بنقود وذهب..... حيث قيل أن الجن يستخدم الزئبق الاحمر لزيادة السرعة في الطيران ... وازالة تجاعيد الوجه والجسم وكانت بالجد رحلة البحث دي ... والمغامرات الفيها فلم هندي ... زي نمشي النيل في حته معزولة ونغوص عشان ناخد رمله ما وطئتها قدم انسان .... ولا ننتظر صياح الديكه ... عشان نختف لينا ديك .. صوتو مميز وفيهو تطريب .... ههههه التقول مودنو نجوم الغد .... وكلو يهون طبعا في سبيل الدولارات.

اها بعد جيت واستدعيت ذكريات ذلك الوقت في الزمن الحالي ... لقيت انها كانت مليانه اثارة وتشوق ومغامرات ... حياه فيها حياة ... صاح ممكن اليوم كلو ما تدخل فيهو ولا جنيه او ريال .. لكن سبحان الله بتكون أكلت ثلاث وجبات وشربت شاي وقهوة وكركدي .. وجنزبيل ... و 5 سجارات ههههه ... ويمكن لو كشكشت جيبك تلقى فيهو كم ألف كدا ما تتذكر اداك ليها منو من حبانك او اصحابك ... كان الناس بتسأل من الناس وتهتم بي بعض ... وتشارك بعض في الحزن والفرح والفكره ..... لكن اسي كل واحد اصبح مهموم في نفسو ... واكل عيشو الاصبح الحصول عليهو ... معجزة ... هم ارادوا ذلك ... والله يورينا فيهم يوم.

لقيت اننا وعلى خلفيه مجتمعنا الـــ بيؤمن بالبطولات ... والكرامات .... وعندو حولها الكثير من الروايات ... زي حكايات وقصص الشيخ فرح ود تكتوك حلال المشبوك .. وابو زيد الهلالي ... انو نحنا كنا بنبحث او بنكون في داخلنا شخصية .... القائد الاصبحت مفقودة في مجتمعنا السوداني لوقت طويل .... قائد ذو كاريزما خاصة يغير فعلا في واقع الناس ... ويغير تاريخهم ..... وينتشلهم من معاناتهم ويهزم اعدائهم ... زي الامام المهدي او عبد الفضيل الماظ أو عثمان دقنه .... او ود حبوبة ..... او علي دينار ... او حتى جون قرنق.

شخصيات قيادية ومؤثرة وعظيمة ... مثل غاندي الهند مثلا .... خرج بسيطا من وسط الشعب ثم قاده لحريته ولتقدم وطنه .... نعم كنا في ذلك الوقت نبحث عن تكوين هذه الشخصية او لنجدها لندين لها بالولاء ... فالناظر لتاريخ السودان السياسي الحالي سيجد ان السبب في كل هذه التشرذمات والحركات والاحزاب السياسية الكتيره ومسيخه دي ... عدم وجود شخصية قيادية ذات كاريزما قوية لتقود هذا الشعب الى المجد .... كلهم فشلوا وادخلوا الوطن مواطنيه في دائرة الاحباط المزمن ... والامل في الفرج المنتظر منذ العام 1956.

اها انا لو لقيت مركبة الزمن دي بعد ما ارجع بيها .... ح القط كل الناس القاعدين يتكلموا باسمنا ديل واحد واحد ... ولو استدعى ذلك ارجع لناس فيهم مخصوص عشان اجيبهم من تاريخ تاني .... واول حاجه ح اسألهم لشنو عشان صراعكم مع بعض وديتو البلد وشعبها الطيب دا في ستين داهيه ؟؟؟ ولشنو خلقتوا حاليا جيل ... جيل كامل بدون هدف او طموح ...او رمز؟؟ وما ح انتظر اجابتهم .... لانها ح تكون مضيعة للوقت ... وطوالي ح اركبهم في نفس مركبة الزمن الجيت بيها ..... واضبتها لزمن الديناصورات واضغط فيها زر الاقلاع بدون عودة ... بعد التأكد من انو المركبه ح تدمر نفسها ذاتيا بعد اكمال مهمتها بنجاح.:mad::mad::mad:

جرح حبنا للوطن ....وطن يعاني من ... الفتن والمصائب .. وسوء ادارة الموارد ... والفساد والقتل والحروب ... جرحه ما زال ينزف و لم يندمل حتى الآن ... وكم نأمل ان يأتي قريبا من يوحد هذا الشعب ....وحتى لو اتى هذا القائد بمركبة من زمن آخر.

كل الود،،،،،

[مايسة]

غايتو على حسب تنبيهم دا
الا أجيب ليك لمن كانو بيدونا خمسين قرش ولا طرادة
ونجري على الدكان نجيب بسكويت كوكو
وقزازة بيبسي

كان في مسلسل الانا (بتاع كبسولة الزمن الزكرتها ) لو بتتزكر
الانا مجننانا
-----------------
اها إحنا بطبعنا كبشر بتخيل بنحن للماضي
والماضي الحزين كمان بالذات

لأنو الحزن بدي طعم سعادة وبتكون لذييييييذة وممتعه

واصل

[عباس الدسيس]

جلالة سلام وتحايا
شوفتا لما الزول اكون عنقالي ببدع
الادارة بتكتف وتحجم الابداع
ارجع بينا وراء وراء وراء وراء خلينا نسترجع الماضي الولي وفات

http://www.youtube.com/watch?v=LAqMGezsHQI

[التيمان]

الحبيب عثمان جلاله ..
حرم كان تقوم تسلم علي ود اختك بالحضن ..
اقول ليك شي
ولا اي شي زاتو
انت كده هسي ركبتني التونسيه
ورجعتي للزمن الجميل والله
وحسستني انو طفولتي كانت مشردة جدا
لعب بلي وعربات علب صلصله
ولمن اطورنا بقينا نلعب زراير
فعلا ما كان عندنا اي هدف ولا طموح
غير انك تعرس وانت صغير
شوف ازاااي ..؟
كدي يا خال عليك الله
وانت قاعد في سريرك وصلت الغرفه التانيه دي كيف ؟
والاجمل في كده
امي الله يطرها بالخير
لمن كنت العب بالكوره واعمل فيها رياضي
تجي تكورك وتسكنا بالمفراكه
وسختو الحوش
وحميتونا الغمده
هسي ما كان بقيت لاعب كبير وسايق توسان
وبعرف ندي القلعه ؟

[عثمان جلالة]

غايتو على حسب تنبيهم دا
الا أجيب ليك لمن كانو بيدونا خمسين قرش ولا طرادة
ونجري على الدكان نجيب بسكويت كوكو
وقزازة بيبسي

كان في مسلسل الانا (بتاع كبسولة الزمن الزكرتها ) لو بتتزكر
الانا مجننانا
-----------------
اها إحنا بطبعنا كبشر بتخيل بنحن للماضي
والماضي الحزين كمان بالذات

لأنو الحزن بدي طعم سعادة وبتكون لذييييييذة وممتعه

واصل

مايسه يا صديقة ... مشتاقين
والله

هي آلانا دي كانت مجنناكم انتو برضو هههه حكمتو بالغه :rolleyes::):)

صدقت يا مايسه دائما ما هو حزين من ذكرياتنا يعلق في الاذهان ونظل نستدعيه مرااات ومرات .... وتجتره في متعه مؤلمة

كل الود،،،،

[عثمان جلالة]

جلالة سلام وتحايا
شوفتا لما الزول اكون عنقالي ببدع
الادارة بتكتف وتحجم الابداع
ارجع بينا وراء وراء وراء وراء خلينا نسترجع الماضي الولي وفات

http://www.youtube.com/watch?v=LAqMGezsHQI

أوووو الغالي ود الدسيس ... متابع يا صديقي كتاباتك المتميزه في مواقع كثيرة ... لانك عودتنا على التميز والتألق ههههه هههههه قلت لي عنقالي مبدع ... اسكت ساي كمان كان انا ونتا بقينا عنقاله في اللي بالي بالك ... ح ... نعمل لمواقع دي جنت جنت عديل :rolleyes::D:D:D:D

شكرا لــــ اللحن الراقي يا راقي

[عثمان جلالة]

الحبيب عثمان جلاله ..
حرم كان تقوم تسلم علي ود اختك بالحضن ..
اقول ليك شي
ولا اي شي زاتو
انت كده هسي ركبتني التونسيه
ورجعتي للزمن الجميل والله
وحسستني انو طفولتي كانت مشردة جدا
لعب بلي وعربات علب صلصله
ولمن اطورنا بقينا نلعب زراير
فعلا ما كان عندنا اي هدف ولا طموح
غير انك تعرس وانت صغير
شوف ازاااي ..؟
كدي يا خال عليك الله
وانت قاعد في سريرك وصلت الغرفه التانيه دي كيف ؟
والاجمل في كده
امي الله يطرها بالخير
لمن كنت العب بالكوره واعمل فيها رياضي
تجي تكورك وتسكنا بالمفراكه
وسختو الحوش
وحميتونا الغمده
هسي ما كان بقيت لاعب كبير وسايق توسان
وبعرف ندي القلعه ؟

اووووووووو حبايبنا التيمان ... منورين كالعاده ... وشكرا لمداخلتكم اللطيفه ... الغريبه العربية اللاقيتكم راكبنها في مدني ديك كانت توسان الا حبه ههههه

اسي كان بقيت لاعب كبير .... ومشهور ... وبتتصور مع هيفاء وهبي زااااااتو :d:d:d

[zoolfrda]

المتفرد عثمان جلاله لك التحية والإجلال ولدي تفاءل بأن القادم حيكون أحلى وإن طال الإنتظار

[mahagoub]

الله عليك
خليتنا نرمى هموم الحاضر
ونعيش معاك رحلة العوده
وهى كانت حياة مليئة بالحياه
بجيك برواقه ونمسكه سنه سنه
لا الابداع والتفرد ما كان كل سنه
كل يوم فى لون جديد
هل حصل حاولت تعد النجوم
تحسب لمان تنوم

[naz_imam]

حبيب القسا ... كيفنك

ياخي اقول ليك حاجه تاني ماتكتب شي قطعوا جواك بس ماتعزبنا ههههههههههههه

والله ياعثمان رغم اننا اولاد جيل واحد لكن في كل كتاباتك بشوف نفسي ,, ايام جميله ياريت الزمن يرجع تاني ويقيف قبلوا بس

والله ايام حلوه جد وزكرتني لما كنت في المرحلة المتوسطه وانا راجع البيت غشيت المكتبة اشتري لي كتاب ليوسف السباعي كنت بلم في حق الفطور اسبوعين علشان اشتري الكتاب ولما وصلت المكتبة مالقيتو ووعدوني بجي الاسبوع الجاي زعلت زعل قمت اشتريت جريدة الميدان وانا راجع شافني عمك جارنا شايل الجريدة قام نبذني ولما وصلت البيت لقيتو قدامي بشتكي لي امى وحبوبتي وقال قال ليهم الولد دا بقي شيوعي وحاتك حبوبتي سمعت الكلمة بي هنا حلفت تاني مابتقعد معاي في صينية واحدة لمن جاء ابوي واهديك ارضيك لكن مارضت وخاتا الكلام في راسا اها لمن كملت الثانوي ومشيت الجامعة يوم قالت لي بتقراء شنو في الجامعة قلت ليها علوم سياسية فت نطت قالت ليهم انا من زمان ماقلت ليكم الود دا شيوعي ... وعاينت لي وقالت لي قالوا البلد ما بقدلها إلا هامل ولا يتيم واحمد الله انت امك وابوك عايشين ... (يعني هامل)

والله ايام حلوة وجميله رحم الله من غادر هذه الفانية واطال عمر من تبقي واكيييييييييييييييييييييييد لي عودة

[عثمان جلالة]

المتفرد عثمان جلاله لك التحية والإجلال ولدي تفاءل بأن القادم حيكون أحلى وإن طال الإنتظار

آآآآمين حبيبنا زول فرده .... والله مشتاقين يا حبيب ليك انتا أولا ... ولبكره وحلاوته الطال انتظارها

[عثمان جلالة]

الله عليك
خليتنا نرمى هموم الحاضر
ونعيش معاك رحلة العوده
وهى كانت حياة مليئة بالحياه
بجيك برواقك ونمسكه سنه سنه
لا الابداع والتفرد ما كان كل سنه
كل يوم فى لون جديد
هل حصل حاولت تعد النجوم
تحسب لمان تنوم

أبعد الله عنك يا حبيب .. الهموم

وحساب النجوم

والسحب الملبده بالغيوم

ولا تنوم في محروم ولا مظلوم

وأيامك كلها حلاوه كلوووووووووم ههههه (بتتذكرها) :):):)

[عثمان جلالة]

حبيب القسا ... كيفنك

ياخي اقول ليك حاجه تاني ماتكتب شي قطعوا جواك بس ماتعزبنا ههههههههههههه

والله ياعثمان رغم اننا اولاد جيل واحد لكن في كل كتاباتك بشوف نفسي ,, ايام جميله ياريت الزمن يرجع تاني ويقيف قبلوا بس

والله ايام حلوه جد وزكرتني لما كنت في المرحلة المتوسطه وانا راجع البيت غشيت المكتبة اشتري لي كتاب ليوسف السباعي كنت بلم في حق الفطور اسبوعين علشان اشتري الكتاب ولما وصلت المكتبة مالقيتو ووعدوني بجي الاسبوع الجاي زعلت زعل قمت اشتريت جريدة الميدان وانا راجع شافني عمك جارنا شايل الجريدة قام نبذني ولما وصلت البيت لقيتو قدامي بشتكي لي امى وحبوبتي وقال قال ليهم الولد دا بقي شيوعي وحاتك حبوبتي سمعت الكلمة بي هنا حلفت تاني مابتقعد معاي في صينية واحدة لمن جاء ابوي واهديك ارضيك لكن مارضت وخاتا الكلام في راسا اها لمن كملت الثانوي ومشيت الجامعة يوم قالت لي بتقراء شنو في الجامعة قلت ليها علوم سياسية فت نطت قالت ليهم انا من زمان ماقلت ليكم الود دا شيوعي ... وعاينت لي وقالت لي قالوا البلد ما بقدلها إلا هامل ولا يتيم واحمد الله انت امك وابوك عايشين ... (يعني هامل)

والله ايام حلوة وجميله رحم الله من غادر هذه الفانية واطال عمر من تبقي واكيييييييييييييييييييييييد لي عودة

ههههههه والله يا حبيب .... حكاية حبوبتك دي قطعت مصاريني بالضحك ...طلعتك شيوعي وهامل كمان ... الله يرحمها كان ماتت ويديها الصحة والعافية لو عايشه ... عليك الله شوف تصميمها علي فكرتها الاخدتها عنك دا كيف؟ رغم مرور السنين ما نست انك يوم جيت داخل البيت وفي يدك جريدة الميدان .... لاميننا ساااي وما عارفين اننا ورثنا الثبات علي الفكرة والمبدأ منهم ... منتظر عودتك للمزيد من التداعي يا ابو ريم :):)

[التيمان]

المتفرد عثمان جلاله لك التحية والإجلال ولدي تفاءل بأن القادم حيكون أحلى وإن طال الإنتظار

. لو بعدنا .. ولو قسينا .. ولو يموت .. الوصل فينا .. إنتو أغلى الناس علينا ..

حرم مشتاقين والله يا زول ي طيب

[عثمان جلالة]

. لو بعدنا .. ولو قسينا .. ولو يموت .. الوصل فينا .. إنتو أغلى الناس علينا ..

حرم مشتاقين والله يا زول ي طيب

تسلمو يا تيمان برقو الما بتفرقو ... والله ما خليتو ليهو حاجه تب ... الزول الفرده دا ... لكن بيني وبينكم يستاهل

[mahagoub]

أبعد الله عنك يا حبيب .. الهموم

وحساب النجوم

والسحب الملبده بالغيوم

ولا تنوم في محروم ولا مظلوم

وأيامك كلها حلاوه كلوووووووووم ههههه (بتتذكرها) :):):)

هو فى احلا منها
ودربس وحلاوه بيض
وسندوتشات الشايقيه
بسلطة الاسود والطعميه
وحليب حاج حمزه