المساعد الشخصي الرقمي

مشاهدة النسخة كاملة : ضل الضو الفاتح فيني


انور النور محمد
22-01-2013, 09:36 AM
يا الضويت الحته الضلمة
فرهد نورك جوة الزحمة
من بينات الضي المرسل
لي اهداب الدنيا السمحة
تقعد جنبك كل جراح العمر الراحت
تفتق نجمة
تطلع تنزل تحت الغيمة
وتحت الغم الساكن عتمة
وانا باريتك
ضلك
فوق الحب الساكن حزنك
الا الضل من ضيك اضهب
وكت النور في جوفك اسطع
حتى ظلال الخوف في برقك تهجع
تنعس تحلم بي عافيتك
وبي ذريتك تملا مكان الشمس الشرقت منك
وانا باريتك من جواك
لي براك
تمسك فيني
جوة وريدي
دافق حبك
عشمك فيني
عشمك انت نور الشمس الغاقع هيلي
وضي البدر الفاتح جوة الغيمة
اسرج خيل البرق السابق نيلي
وانا باريتك ضلك
وضل الضو الفاتح فيني
وانا باريتك
ما استنيتك
تشرق عيدي
انا سالمتك فوق الطيف السابق ايدي
وبيني وبينك وبين الدنيا
انا حبيتك
انا صاحبتك انت خليلي
الا الزمن البفرق
بين الضل ما بينك
انا قدرتو وكت باريتك
زي الوقت البفصل بين القمر الابيض
وبين الشمس السكنت بيتك
زي ما بيني وبينك
انت الاصل الضو العمة
وانت القمر البدر التمة
وانت النجم البشرق جمة
وانت الشمس الاصل العمة
وانا باريتك ضلك
من جواك
ودالعمدة
22-01-2013, 10:22 AM
الغالى أنور

انت الضو الفاتح فينا
وكلك ضى جهر عينينا
شلع نورك وبق علينا
يازول ياضل شمسهُ حنينة
....
أتيت بالسهل الممتنع
وأوفيت و كفيت
ومليار لايك
ود الضو
22-01-2013, 10:47 AM
الا الزمن البفرق
بين الضل ما بينك
انا قدرتو وكت باريتك
زي الوقت البفصل بين القمر الابيض
وبين الشمس السكنت بيتك
زي ما بيني وبينك
انت الاصل الضو العمة
وانت القمر البدر التمة
وانت النجم البشرق جمة
وانت الشمس الاصل العمة
وانا باريتك ضلك
من جواك
-----------
كلام يفك القريفة
ويظبط كل المزاجات ..
mahagoub
22-01-2013, 07:52 PM
وعاد الالق من جديد
وبوجودك نور بيتنا
وهلّ شعاعك يسرى
زى الشمعه تضوى طريقنا
عبدالغني خلف الله
22-01-2013, 08:43 PM
أنا أيضاً باريتك من ضلك لحرفك ..ونامت كل فراشات الكون فوق أغصانك ورشفت وصفك ..رقة همسك ورهافة حسك ..تقبل إعزازي ومودتي يا أنور .
بدر الدين محمد
22-01-2013, 10:51 PM
وانا زي مال قال عبد الغني باريتك
ومن فالنا فنحن.... نتسمى...
الضو ...وكأنو الكلام ترحيب واحتفاء بود الضو
بدر....البدر التمه

وهانحن تحتفي بالجمال الجوانا
والنص جميل بديع
ياسر عمر الامين
23-01-2013, 04:40 AM
أجدنى حائرا صديقى أبا منيب فهل أحتفى بعودة عصافير الخريف التى هى حروفك الى عشها أم أهنئ العش الذى يحتضن تلك العصافير بأن من يلبسه ثوب القشابة والاخضرار أتى بسنابل الخير ليزرعها حبا وجمالا.
ودتابر
23-01-2013, 08:24 PM
الأستاذ الأديب / أنور


ضل الضو الفاتح
فينا اشرق
وشمس صباحك بقت وطلت
إنت النور (( النور )) بيتنا
وبيك الثقافي إزدان
واتبهرج


** ياخي دي حروف تصحى النايم .. وتروى العطشان لله درك يا رااائع .. تقبل مروري واحترامي وتقديري .
اسلام فرح
25-01-2013, 08:06 AM
انت الضو الساكن فينا.