المساعد الشخصي الرقمي

مشاهدة النسخة كاملة : حكاية الدكتور شداد ! !



محمود الكنزي
23-01-2013, 09:22 AM
اسمعوا يا أولاد حكاية شداد
----------------------------------
كان يـــــــــــــا مكان
منذ قديــــم الزمان
ومماحفروا بحر ام درمان
رئيس للكورة في السودان
دكتور عبقري لكن ما فنان
لا حريف كورة لا جك في ميدان
لكن في الاتحاد من اباطرة الرومان
حاكم بي امرو ومافي مثيلو كمان
**************************
الدكتور ده يا اولاد
اسمو الخبير شداد
ظل رئيسا من زمن الاجداد
وحيواصل كمان مع الاحفاد
ذي قدرنا المكتوب لينا بي المرصاد
المهم هو سيد الاسياد
ومتفوق على الجميع بالاستبداد
والما عاجبو يشرب من بحيرة تشاد
***************************
يا أولادنا ويا بناتنا الصغار
تعالوا احكي ليكم عن كورة الكبار
المليانة عجائب ومصائب وأسرار
كورتنا كلها نكد وفشل وأضرار
هزائم بالليل وهزائم بالنهار
بطلها شداد الفارس المغوار
وارث الرئاسة من جدو علي الكرار
****************************
الدكتور من ما قام بعشق الرئاسة
وقيادة الاتحادات دارسه دراسة
وما عارف أنو هو سبب التعاسة
والمشاكل دايماً يكوس ليها كواسة
يأمر وينهي وما عندو ابداً كياسة
التقول الدكتوراه بتاعتو في علم الانتكاسة
*****************************
يا شداد كفانا حرام عليك
ما لقيت لينا غير اوزاريك
ما شفت تدريب الالمان والتشيك
كورتم تفانين وعلم ومزازيك
وكورتنا مرض الله يجازيك
ومن مرض الرئاسات يشفيك
*****************************
يا دكتور خليها بالله مستورة
وشوف ليك رئاسة غير الكورة
لانك فشلت وغرقت في بحورة
عشان نرتاح من حماقاتك المشهورة
وإمكن بدونك تتغير حظوظنا المكسورة
وتفرح ولو مرة واحده جماهيرنا المحسورة

******** الكنزي **********************

ا

ZANOON
23-01-2013, 09:49 AM
تعرف يالكنزي نحن شعب ما بنعرف قيمه الحاجه الا لمن تفوت مننا....!!
زمن شداد الكلفت نفسك وكتبت فيو الشعر ...وحماقتو المشهوره...
ما كان بنفقد نقاط مباراه بالشكوي الاداريه...!!!!
زي زمن معتصم جعفر دا....
حليلك ياشداد...
وحليك يامحمود...
وبكره ح تقولوا حليلك ياريس...

هيثم عبدالعال
28-01-2013, 12:08 AM
محمود يا أخوي

لو سلمنا جدلاً بأن ما ذكرته عن شداد صحيح ويستحقه ، فماذا عن ناس قريعتي راحت الحاليين
عن نفسي أرى أن شداد يمثل علامه فارقه في تاريخ الكرة السودانية وشخص مؤهل وعلى دراية بما يفعل
وأن ما يشاع عن ديكتاتوريته وتسلطه مبعثه البون الشاسع بينه وبين من عملوا معه

ايمن عبد الله
28-01-2013, 06:19 AM
أتفق تماماً مع رأي هيثم .. أن شداد يمثل علامه فارقه في تاريخ الكرة السودانية
وكل ما تظهر مشكلة ستظهر قيمة شداد ..
وفي الليلة الظلماء يفتقد البدر ..