إنتفضوا أيها الرجال

[أبو صديق]

هلا بالحبان ناس مدني الحُنان
وعندي ليكم شوية تهيؤات ممكنة الحدوث
وبصرااحة عايز رائكم بشدّددددة
لو لاحظو أنا قلت (لو) واللو هذه معروف إنها تفتح عمل الشيطان
والشيطان ده ظااااطو شنو؟؟؟ ومنو؟؟؟
ما ياهن زااااتن ستات الوجع
وشغاف قلوبنا
الموهم
خلو أعصابكم في تلاجة وبدون تهور
وبي رواااقة كده وروني
(لو)
لو طلبت منك زوجتك تطلقها عشان تتزّوج واحد تاني تصرفك حا إكون شنو؟؟
أهاا قلنا من غير تهور وفشخرة فارغة!!!
ماهي كمان من حقها تصرح بمكنون دواخلا وتنفك منك لو كرهتك
ولأ عشان عندكم القوامة..
ياخ زهجت ملّت ومااا عايزاك:mad:
أها بتتصرفوا كيف؟؟
منتظركم..

[أحمد (الغالي)]

أنا لا دخلت هنا .. و لا قريت البوست ده
الشافني منو ؟؟؟
أبوي الشيخ أمير النفاج المفدى أحذف مشاركتي دي

[أبو صديق]

أنا لا دخلت هنا .. و لا قريت البوست ده
الشافني منو ؟؟؟
أبوي الشيخ أمير النفاج المفدى أحذف مشاركتي دي
غايتو كان منتظر شيخك قطرك صفّر
شيخك زاااتو في البتحلو
والبقية تأتي
يعني يا حاج أحمد نقول عذّّابي زينا كده :d

[مايسة]

باين عليك بتحضر أفلام أجنبيه كتير :cool:

[عنكوليب]

عييييييييييييييييييييييييييييييييييك ،، غَرَق ،،

أمانة لكن يا الصديق ما زعلت الناس ،،،
لكن كلهم بزوغوا ،،
وأخونا احمد الغالي ،،
النفيسة فيها ،، والقليب مابيها ،، مُش ؟؟؟

يستر الله ــ

نشوف الجاي شنو ؟؟

[ahmed algam]

نحن ناس فراجة ساااااااااااااااااي

شهر ماعندنا فيهو نفقة دا


علا في ناس يتاوق وبتعمل رايحة

[ود الضو]

في الحالات الزّي دي ياحبيبنا
لابد من التعامل مع الموضوع بـ حكمة
فعندما يلجأ الرجل الي الطلاق
دون شك هناك اسباب اوصلته لهذه المرحلة
وكمان برضو ح تكون في اسباب جعلت
الزوجة تطلب الطلاق
فإن لم تنفع كل المحاولات للاصلاح
واصبحت الحياة كلها اختلافات ومشاكل
فمافي حل غير وضع حد لهذه الخلافات
مشاااققه :
قديماً قالوا :
السّاس لو كان متين البيت مابيتشقّق
فـ لو كان هناك ساس متين لهذه العلاقة ( الحب )
ما اظن الناس ح توصل لحتة حرجة زي دي
ربنا يهدّي حال الجميع ويجعل الحب يملأ شرفاتهم
..
من قبل كل هذا التحية لك ولكل المرور ..

[أبو صديق]

باين عليك بتحضر أفلام أجنبيه كتير :cool:

لكن الغريبة الفلم ده بالذاات والصفات سوداني بحت
بس المشاهد مصوّرة بره

[أبو صديق]

عييييييييييييييييييييييييييييييييييك ،، غَرَق ،،

أمانة لكن يا الصديق ما زعلت الناس ،،،
لكن كلهم بزوغوا ،،
وأخونا احمد الغالي ،،
النفيسة فيها ،، والقليب مابيها ،، مُش ؟؟؟

يستر الله ــ

نشوف الجاي شنو ؟؟

مشروعية الطلب وإمكانية تحقيقه تجعلنا ندفن رؤوسنا بالرمال
ومادام كل الدروب إتقفّلت مافي غير الرضوخ بالأمر الواقع
وتجرع ما زرعناه ..
لكن بيني وبينك يا عنكوليب الخُلعة حااارة

[أبو صديق]

نحن ناس فراجة ساااااااااااااااااي
شهر ماعندنا فيهو نفقة دا
علا في ناس يتاوق وبتعمل رايحة

انا باقيلي آآآ أحمد أخوي كان جيت اخدتلك تريننغ مااا بضرك
علي الاقل من باب العلم بالشئ
وخصوصا انك مُقبِل علي منحني الزواج
ولازلت تستمتع بالبر

[ياسر عمر الامين]

لو طلبت منك زوجتك تطلقها عشان تتزّوج واحد تاني تصرفك حا إكون شنو؟؟
ماهي كمان من حقها تصرح بمكنون دواخلا

بقول ليها فرقى بين المكنونات وقلة الادبات...
;););)

[أبو صديق]

في الحالات الزّي دي ياحبيبنا
لابد من التعامل مع الموضوع بـ حكمة
فعندما يلجأ الرجل الي الطلاق
دون شك هناك اسباب اوصلته لهذه المرحلة
وكمان برضو ح تكون في اسباب جعلت
الزوجة تطلب الطلاق
فإن لم تنفع كل المحاولات للاصلاح
واصبحت الحياة كلها اختلافات ومشاكل
فمافي حل غير وضع حد لهذه الخلافات
مشاااققه :
قديماً قالوا :
السّاس لو كان متين البيت مابيتشقّق
فـ لو كان هناك ساس متين لهذه العلاقة ( الحب )
ما اظن الناس ح توصل لحتة حرجة زي دي
ربنا يهدّي حال الجميع ويجعل الحب يملأ شرفاتهم
..
من قبل كل هذا التحية لك ولكل المرور ..
كان نفسي اقولك يا ود الضو أخوي بأن لا مجال للحكمة ها هنا
فقد راح زمان الألفة والحنك الحنين وطفح الكيل بهذه الولية
وانا لا أعتقد من الكرامة أن نستدر عطف من مات قلبه
وكما أسلفت عزيزي ف الرك علي الساس
ورب البيت وعلي ماذا كان يعزف
فإذا كان علي الدف فبيئساً وبعدا

عميق مودتي يا غاالي

[mahagoub]

فكها عكس الهوا
بلا هرج فاضى
هى كبتك
تانى الحنان ما بلاقى الحنان

[مصطفى احمد على]

الموده والرحمة هى اساس البيت المتين
ومتى ما اتفقدن الاتنين يبقى على الدنيا
السلام واقول ليها امرك مطاع

[ود المطامير]

أنا لا دخلت هنا .. و لا قريت البوست ده
الشافني منو ؟؟؟
أبوي الشيخ أمير النفاج المفدى أحذف مشاركتي دي
هع هع هع هع

أنا ذاتى ولا جيت هنى ولا شيتن
البجيبنى محل أبوالمحن دا شنو ؟ ;)

مشتااااااااااقين يا حبيب

[ابوالنور]

مشروعية الطلب وإمكانية تحقيقه تجعلنا ندفن رؤوسنا بالرمال
ومادام كل الدروب إتقفّلت مافي غير الرضوخ بالأمر الواقع
وتجرع ما زرعناه ..
لكن بيني وبينك يا عنكوليب الخُلعة حااارة

افتكر كلامك الأخير ده منطقي يأخ

[أبو صديق]

فكها عكس الهوا
بلا هرج فاضى
هى كبتك
تانى الحنان ما بلاقى الحنان

قلت كده يا ريّس
لكن الحل شنو ؟؟
لو تكرر نفس المشهد في الحلقات القادمة
نقعد نغنّي يا ناس شوفو لي حلل

[أبو صديق]

الموده والرحمة هى اساس البيت المتين
ومتى ما اتفقدن الاتنين يبقى على الدنيا
السلام واقول ليها امرك مطاع
ده كان زمااان ايام جدي وجدك يا مصطفي أخوي
الزمن العلينا ده الواحدة تكون بتتكلم معاها وهي مِقهيّة مع مُهند
هع هع هع

[أبو صديق]

هع هع هع هع

أنا ذاتى ولا جيت هنى ولا شيتن
البجيبنى محل أبوالمحن دا شنو ؟ ;)

مشتااااااااااقين يا حبيب
موشتاغين دي لأحمد الغالي صوح
لكن كوراع البقر جيابة يا مطرة

[أبو صديق]

افتكر كلامك الأخير ده منطقي يأخ

وتفتكر الحل شنو يا أبو النور أخوي؟؟
يعني نقعد نسأل يا ربي أنا وين يا ربي أنا وين ولأ كيف الشورة ;)

[ابوالنور]

وتفتكر الحل شنو يا أبو النور أخوي؟؟
يعني نقعد نسأل يا ربي أنا وين يا ربي أنا وين ولأ كيف الشورة ;)

طوالي يأخ في الحالة دي تسعي في صاحب القسمة وبالمناسبة ياخ قالو القسمة بت بلم سيدا

[مرتضى يوسف العركي]

ابو صديق ياحبيب شوف الكلام الواضح ما فاضح والحسم في المسائل دي مهم اما ان تكون او لا تكون
جني وجن الكلام الفارغ والحا لالمائل وبالذات الحريم ما بتنفع معاهم غير العين الحمره وشرارة
اولا : بالنسبة للطلب ده مرفوض لانو ما عندها اي حق تتقدم بيهوشكلا
ثانيا : حتى ولو عندها النية تتقدم بهكذا طلب مفروض تاخد اذن وتمهيد ودخول مقبول مثلا تقول واحدة صاحبتها عندها طلب ذي ده وعايزة تتقدم بيهو لزوم استشارة وكده لابو شنب الراجل
ثالثا: تعرف الموية بتاعت الراجل وهل هو مهيأ نفسيا للاجابة على استفسار صاحبتها ولا لا .
رابعا :عشان الحسم وكده اقول ليها بصورة حاسمة وجادة انا جاهز بس انتي اتقدمي بطلبك اولا وانا مستني من زمان .
خامسا : الكلام ده كلو اعلاه رأي واحد صاحبي انا سألتو عن رأيو ونصحتو بان يستهدي بالله في هذا الراي الخطير
سادسا : انا لا شاهد لا بعرف حاجة لا عندي علاقة بماتقدم حتى صاحبي ده معرفة من بعيد لبعيد كده.
فتك بعافية ولحد هنا كفاية انت زول بتاع مشاكل وعكننة تلقاها عند الغافل
أنت ما مؤمن ؟؟؟؟؟ هاهاهاها
ابو صديق سعدنا بمعرفتك يا حبيب

[أبو صديق]

طوالي يأخ في الحالة دي تسعي في صاحب القسمة وبالمناسبة ياخ قالو القسمة بت بلم سيدا

يعني تشتت بي عدلا
ده الحسم ولأ بلاش يا ابو النور

[أبو صديق]

ابو صديق ياحبيب شوف الكلام الواضح ما فاضح والحسم في المسائل دي مهم اما ان تكون او لا تكون
جني وجن الكلام الفارغ والحا لالمائل وبالذات الحريم ما بتنفع معاهم غير العين الحمره وشرارة
اولا : بالنسبة للطلب ده مرفوض لانو ما عندها اي حق تتقدم بيهوشكلا
ثانيا : حتى ولو عندها النية تتقدم بهكذا طلب مفروض تاخد اذن وتمهيد ودخول مقبول مثلا تقول واحدة صاحبتها عندها طلب ذي ده وعايزة تتقدم بيهو لزوم استشارة وكده لابو شنب الراجل
ثالثا: تعرف الموية بتاعت الراجل وهل هو مهيأ نفسيا للاجابة على استفسار صاحبتها ولا لا .
رابعا :عشان الحسم وكده اقول ليها بصورة حاسمة وجادة انا جاهز بس انتي اتقدمي بطلبك اولا وانا مستني من زمان .
خامسا : الكلام ده كلو اعلاه رأي واحد صاحبي انا سألتو عن رأيو ونصحتو بان يستهدي بالله في هذا الراي الخطير
سادسا : انا لا شاهد لا بعرف حاجة لا عندي علاقة بماتقدم حتى صاحبي ده معرفة من بعيد لبعيد كده.
فتك بعافية ولحد هنا كفاية انت زول بتاع مشاكل وعكننة تلقاها عند الغافل
أنت ما مؤمن ؟؟؟؟؟ هاهاهاها
ابو صديق سعدنا بمعرفتك يا حبيب

هلا بالحبيب مرتضي وسعادتي لا توصف كوني وسط هذه الكوكبة الرائعة
وإنتشيت وبرمت شنباتي حين قرأتي المتأنية لصدر ما جاء بمقالك الشفيف بيد انّي صُدمتُ
بتصريحك إياه وزوغتك الماا عجبتني وألحقتك بركب ناس مطاميرو وكل من تسّول له نفسه ( بالرضِاعة فوق الصُرار)
وأكيييد إنت سيد العارفين يا ود العركي أن كل ما يمُس الأسرة خطوط حمراء لا نجرو علي الخوض فيها خصوصا إذا دخلت
في اللحم الحي....
خليك محضر خير يا سعادتو وحا نجيبك شاهد ملك

[بنت الرفاعي]

ابو صديق ياحبيب شوف الكلام الواضح ما فاضح والحسم في المسائل دي مهم اما ان تكون او لا تكون
جني وجن الكلام الفارغ والحا لالمائل وبالذات الحريم ما بتنفع معاهم غير العين الحمره وشرارة
اولا : بالنسبة للطلب ده مرفوض لانو ما عندها اي حق تتقدم بيهوشكلا
ثانيا : حتى ولو عندها النية تتقدم بهكذا طلب مفروض تاخد اذن وتمهيد ودخول مقبول مثلا تقول واحدة صاحبتها عندها طلب ذي ده وعايزة تتقدم بيهو لزوم استشارة وكده لابو شنب الراجل
ثالثا: تعرف الموية بتاعت الراجل وهل هو مهيأ نفسيا للاجابة على استفسار صاحبتها ولا لا .
رابعا :عشان الحسم وكده اقول ليها بصورة حاسمة وجادة انا جاهز بس انتي اتقدمي بطلبك اولا وانا مستني من زمان .
خامسا : الكلام ده كلو اعلاه رأي واحد صاحبي انا سألتو عن رأيو ونصحتو بان يستهدي بالله في هذا الراي الخطير
سادسا : انا لا شاهد لا بعرف حاجة لا عندي علاقة بماتقدم حتى صاحبي ده معرفة من بعيد لبعيد كده.
فتك بعافية ولحد هنا كفاية انت زول بتاع مشاكل وعكننة تلقاها عند الغافل
أنت ما مؤمن ؟؟؟؟؟ هاهاهاها
ابو صديق سعدنا بمعرفتك يا حبيب


:confused:
:cool:

:):):)
:):)
:)




التحية والتقدير لكَ أخي مرتضى،
وللأخ أبو صدّيق.:)

:):):)

[آلاء عبد الرحمن]

انا زي علقم

ناس فرجة بث