عذراً احبائي ..

[ريمون]

بالرغم من تخوفي ان ينسب كلامي لو ما عجب زول الي طاقم الاشراف ككل لكن لابد من وقفة ..



ما اراه امامي الآن ..
مناوشات .. ترصد للأخطاء .. عدم تسامح ..
منذ بداية الدورة والحساب علي الأخطاء قاسي ..
يا جماعه وين الروح الحلوة ؟؟
وين المساحة المريحة للعمل مش للمشرفين او اعضاء مجلس الإدارة .. للأعضاء العاديين ..
إن شاء الله تتم الهيكلة وتتحقق كل المطالب وبرضو حيحصل اختلاف ونقاشات ودي ظاهرة صحية ..
نهائي ما مطلوب السكوت او عدم الاعتراض ..
مطلوب الروح الحلوة .. وبس ..
ونحن كلنا احباء
ده مافيهو شك ..
دعوة للتعامل بتسامح ..
دعوة للأصلاح بدون ذلة المخطئ ..
الغلط وارد والتوجية بالتصحيح ضروري ..
لكن يا ريت بحب وتسامح

[ود الضو]

اختلاف الآراء لايفسد للود قضية
ولكن
ولكن
واجب ان نختلف بـ احترام بعضنا البعض ..
وحااات الله الدنيا دي مافيها شيئ
وزي مابتقول حبوبتي رحيمها الله
( كعَب البتْفاسل فيها ) ..
التواصل الاسفيري دا حميم جداً وجميل
فاستثمروهـ كما يجب ان يكون ..

[مولانا جلال]

الأخت ريمون
الشايفوا أنا انو المشرفين هم المتضايقين من النقد وليس الاعضاء

[ريمون]

المسألة ما ضيق وسعادة ..
النقد البناء مافي زول بيرفضه ومافي زول بيسكته ..
وانا هنا ما بحاسب في الاعضاء سوا كانوا مشرفين او مجلس إدارة او اعضاء عاديين ..
انا بس شايفه النفس العالي وعاوزاهو يهدأ ..
حتي السكوت ما مطلوب ..
نتابع ونوجه ونحاسب ..
بس بي حب ..
وما صعب علي ناس مدني لانو مدني بلد الحب والجمال ..

[بدر الدين محمد]

اختنا ريمون
تحياتنا

ان تحلى المشرف بسعة الصدر وبعد الافق وعدم مجاراة الاعضاء بنفس العصبية وعدم التعصب للرأي وبالتواضع للرأي الآخروبالاعتراف بالتقصير وبانتهاج اسلوب المهنية فسيقودون المركب الى بر الامان

وهذا ما نرجوه

[ريمون]

البوست ده موجه للكل ..
اعضاء منتديات ودمدني دون تحديد ..
وبما فيهم المشرفين ومجلس الإدارة طبعاً ..
واعتقد لو كان الكلام موجه للكل بيكون اقل حساسية واكثر فائدة ..
ولا شنو ؟؟؟

[ريمون]

منهجي انا هو اللي بكتب بيهو ..
والباب مفتوح كل زول يقول الفي نفسو ..
يعني حباب المتداخلين كلهم ..
وكلامهم علي العين والراس ..

[خالد الزين]

الأخت ريمون
الشايفوا أنا انو المشرفين هم المتضايقين من النقد وليس الاعضاء



واضف الى ذلك الوصايا على مايكتب الاعضاء