المساعد الشخصي الرقمي

مشاهدة النسخة كاملة : الى اهل الخير



mahagoub
04-02-2013, 07:21 AM
مريضه اُجريت لها عمليه (فِتاك)لستائر البطن ..باحدي المستوصفات الخاصه بمدني...حصل لها ..التهاب وبكتيريا في البطن...
وهي الآن بمستشفي ودمدني العمومي ..تتعالج من البكتيريا...وقد قرر الاطباء اعطاءها حقن لمده 30 يوم وتبلغ سعر الحقنه الواحده 375 جنيه..اي مبلغ اجمالي الحقن11,250جنيه ..والظروف معروفه للجميع....
********************************
يلأ نساعد وربنا يتقبَل منكم انشاء الله...

دعوة لاهل الخير

للتواصل السريع
السعودية
محجوب
قطر
ابوبكر الادمن ياسر عمر
الامارات
نزار حسن ودالمطامير ابو صديق

نزار حسن محمد
04-02-2013, 08:02 AM
عيوننا ..اروحنا ..فداكم.. يا اهل ولاية الجزيرة
وهذا ما شيدنا من اجله هذا الصرح ..
اتمنى لكم التوفيق والسداد
وكتر الف خيرك يا رجل يابركه
محجوب الحجاب

ياسر عمر الامين
04-02-2013, 08:22 AM
عيوننا ..اروحنا ..فداكم.. يا اهل ولاية الجزيرة
وهذا ما شيدنا من اجله هذا الصرح ..
اتمنى لكم التوفيق والسداد
وكتر الف خيرك يا رجل يابركه
محجوب الحجاب
نزار حسن الزول السمح ود السمحين ياها المحريه فيك وياكا شياله التقيله اب قلبا كبير يا زول يا رايع...

mahagoub
04-02-2013, 08:19 PM
الحمد لله
الأمور ماشه تمام

ZANOON
06-02-2013, 02:36 AM
نعم الاخوان والاخوات انتم...
في ميزان الحسنات انشاءالله...
وربنا يتقبَل من الجميع....

ياسر عمر الامين
06-02-2013, 05:37 AM
تم ارسال مبلغ من المال وقدره 7 مليون و177 ألف كمساهمة من الاخوة

برابطة ابناء ودمدني بدولة قطر

للاخوة في جمعية منتديات ودمدني للاعمال الثقافية والانسانية

لدعم الحالة المذكورة

جعلها الله في ميزان حسنات الجميع ان شاء الله

mahagoub
06-02-2013, 07:24 AM
والله الواحد ما عارف يقول شنو
ناس قطر الله يكترت من امثالكم
فلا نزال نحتاجكم فى كثير من المواقع
كما لا انسى الاشاده بالاخوة فى السعودية
فقد كانت اياديهم ممدودة لنا
ولا يزال العطاء يتواصل

أبو صديق
06-02-2013, 07:54 AM
الحمد لله
الأمور ماشه تمام

إن شاء الله دائما تمام
ونسأل الله لها الشفاء وأن يوفق أهل الخير
بمد العون بما تجود به أنفسهم..
وإن شاء الله في موازين حسناتكم يا رب

الجندي المجهول
06-02-2013, 08:40 AM
اكاد اجزم باننا بدأنا نتلمس الحقيقة التي من اجلها تم إنشاء هذا الموقع (منتديات ود مدني )

نزرع الخير نعمر نمد يد المساعدة ( لان الاوطان تبنى بسواعد بنيها)

ومدني في حدقا العيون ....
شكرا رئيس مجلس الادارة ( الرجل) المتواضع الجميل
العمل سمح بالذات لو كان (عمل خير)
ايامنا في الحياة معدودة وغدا نموت كما مات اسلافنا
فهل نترك اعمال جميلة تتحدث عن ماضي زاخر بالحب والود والتعاضد

تخريمة : اها موضوع الجلود يا اهلنا نجهز ليهو من هسع ويا ناس مدني ( اعضاء الداخل) الموضوع دا امانة في رقبتكم

تحياتي ،،،،

حتى لا انسى شكرا ذا النون

حاتم عمر
06-02-2013, 08:44 AM
الحمد لله وربنا يقدر الناس على عمل الخير
وربنا يشفي مرضانا ومرضى المسلمين

ZANOON
07-02-2013, 11:57 AM
الحمدلله من قبل ومن بعد...
والحمدلله الذي جعلنا نتوحد في حب مدينتنا الغاليه (مدني)..
(مدني )التي علمتنا ان نقف مع بعضنا البعض في افراحنا واتراحنا...
حتي وان لم نكن نعرف بعضنا البعض..فيكفي اننا نعرف اننا نجتمع عند امنا الغاليه(مدني..)...
لو جارت علي احد ابناءها وبناتها ظروف الحياه الحرجه من جانب..وحاصرهم المرض اللعين من الجانب الآخر ..
فتأكدوا ان انسان (مدني)...ومعدنه ....سيظهر في وقت الشِده ..ويتجليَ في ابهي صور الانسانيه ...
عطفاً..وحنوَاً ..وعطاءَ..فتلك(مدني...وذاك انسانها ..)..وليس في الامر عجب..
بحمدالله وتوفيقه ...فقد تمت زياره المريضه (..)..بمستشفي (ودمدني)..وتم الالتقاء بها وبزوجها وبافراد اسرتها..علي مرتين ..بوفد من اخوانكم بمدني..وتمَ الحديث مع زوجها بكل شفافيه من بدايه المرض وحتي اللحظه التي غادرنا نحن فيها المستشفي..والحمدلله (فلقد استجابت المريضه للعلاج واصبح في الامكان اجراء عمليه لقفل الجراح يوم الاحد القادم باذن الله تعالي...وتم سداد كل مراحل العلاج من بدايته وحتي الخروج من المستشفي باذن الله..
جعلها الله في ميزان الحسنات واثابكم بها اعلي الجنان..فلقد رستم الفرحه في وجوه اهلكها المرض..
فلا خوف عليك يا(مدني..)ان كان هؤلاء هم ابناءك ...وهذا هو شعورهم تجاه بعضهم البعض...
(لو ما كنت من ناس ديل وآآآآ ...
لي الفخر ان اكون بينكم ...
مودتي للجميع...

mahagoub
09-02-2013, 02:57 AM
الحمد لله
والشكر لاهل الخير
من قطر والسعوديه
فقد تم تسليم زوج المريضه
مبلغ 15.177.000
وهو كامل المبلغ الذى جمع
فالشكر لكل من ساهم
وجعلها الله فى ميزان حسناتهم

هيثم عبدالعال
09-02-2013, 05:10 AM
مريضه اُجريت لها عمليه (فِتاك)لستائر البطن ..باحدي المستوصفات الخاصه بمدني...حصل لها ..التهاب وبكتيريا في البطن...
وهي الآن بمستشفي ودمدني العمومي ..تتعالج من البكتيريا...وقد قرر الاطباء اعطاءها حقن لمده 30 يوم وتبلغ سعر الحقنه الواحده 375 جنيه..اي مبلغ اجمالي الحقن11,250جنيه ..والظروف معروفه للجميع....
********************************
يلأ نساعد وربنا يتقبَل منكم انشاء الله...

دعوة لاهل الخير

للتواصل السريع
السعودية
محجوب
قطر
ابوبكر الادمن ياسر عمر
الامارات
نزار حسن ودالمطامير ابو صديق

شكراً لمن إستنفر الناس

شكراً لمن سعى وبلغ وبذل الجهد لجمع المساهمات

شكراً لمن تجاوب وشكراً لمن أبدى شعوراً طيباً

شكراً منتديات ودمني وأهلها

حاجه تفرح جد