أحمد عباس المحامي
08-02-2013, 04:18 AM
هضربة
بقلم: أحمد عباس المحامي
لو شفت اعلان منشور وكبير
لي شركة زول في حكم وزير
أبو قدراً عالي نبيل وخطير
أستاذ في البزنس وداهية خبير
في بلاد العز سودانا تكون
لو مرّة قريت معلومة جديدة
بمادة بتقفِل فُرُن وجريدة
النشر الصار قانونو مديدة
أصابنا بخيبة وصدمة شديدة
في بلاد العز سودانا تكون
لو اتبهدلت وخَلَفُوا الكَيّة
خَبطوك بُنية وكم روسية
مشيت الشّرطة وقلت احيّا
وقالوا بلاش ازعاج وأذية
ده شغل الثروة الحيوانية
في بلاد العز سودانا تكون
لو مسؤولنا استغرب وحار
في نص يوليو ودون انذار
البرق القبلي اتمدد نار
اتلوّى سحاب ادّفق وثار
والسيل الكاسح هَدَم الدار
في بلاد العز سودانا تكون
لو في بلدك حَظروا علاج
وحصروا عيبوا بعد ما راج
وبعد يومين فكوه الحظر
لأنو الشغلة مزاج في مزاج
في بلاد العز سودانا تكون
لو في الخامسة درجتك كانت
نزلت معاش وامراضك بانت
السبب البيهو تعضي بنانك
كيلو اللحمة نشل جزلانك
في بلاد العز سودانا تكون
لو طالعت خبر عنوانو
الكهربا تَملا الريف لأضانو
وكان في العامْ تمنين اعلانو
الشارع ضجّ فرح لعشانو
في صُحُف الليلة قريتو بيانو
الخالق الناطق وبي ضبانو
في بلاد العز سودانا تكون
لو كنت فقير ساكن في إيجار
حالك تعبان لا كان لا صار
وبَعَد شهرين مِنّ التوظيف
سوّيتو قَصُر عالي الأسوار
في بلاد العز سودانا تكون
كان الكُبري احتاجلو صيانة
جوانبو إنارتو وظلطو هرانا
شُغُل شهرين لايكِنو لُبانة
تلاتة سنين والزحمة مكانا
في بلاد العز سودانا تكون
لو في بلدك غِلطوا كبارا
بتجربة فاشلة وخاضو غِمارا
كيفن سِلِّم دون عتباتو
دي سابعة وتامنة بتبقى شتارة
في بلاد العز سودانا تكون
مرتك وِلدت بي فَضل الله
رَقصتوا نقزتوا حُبُور ومسرّة
وبَعَد أيام الكَرِش إتنَفَخَتْ
أتارِي النّفخة مقص ومَسلّة
في بلاد العز سودانا تكون
لو كان ولدك دَرَس احياء
وحبّ يساعد يكون مِعطاء
نَزَل "اكزام" لي شَغْلِ وظيفة
لِقَاهو بيسأل فِقه وقضاء
في بلاد العز سودانا تكون
لو دهسك يوم بي "فستو" عقيد
ظَلَطْ الجّمبات والراس والإيد
في الشّرطة هناك ميزان مافيش
رزعوك كفّين وطلعت بليد
في بلاد العز سودانا تكون
لو طالعت الهضربة دِيّا
وما جنّيت ونقزْت شوية
بس يا ريت لو تعمل لايك
ولو شاركت يكون جِيد ليّا
بقلم: أحمد عباس المحامي
لو شفت اعلان منشور وكبير
لي شركة زول في حكم وزير
أبو قدراً عالي نبيل وخطير
أستاذ في البزنس وداهية خبير
في بلاد العز سودانا تكون
لو مرّة قريت معلومة جديدة
بمادة بتقفِل فُرُن وجريدة
النشر الصار قانونو مديدة
أصابنا بخيبة وصدمة شديدة
في بلاد العز سودانا تكون
لو اتبهدلت وخَلَفُوا الكَيّة
خَبطوك بُنية وكم روسية
مشيت الشّرطة وقلت احيّا
وقالوا بلاش ازعاج وأذية
ده شغل الثروة الحيوانية
في بلاد العز سودانا تكون
لو مسؤولنا استغرب وحار
في نص يوليو ودون انذار
البرق القبلي اتمدد نار
اتلوّى سحاب ادّفق وثار
والسيل الكاسح هَدَم الدار
في بلاد العز سودانا تكون
لو في بلدك حَظروا علاج
وحصروا عيبوا بعد ما راج
وبعد يومين فكوه الحظر
لأنو الشغلة مزاج في مزاج
في بلاد العز سودانا تكون
لو في الخامسة درجتك كانت
نزلت معاش وامراضك بانت
السبب البيهو تعضي بنانك
كيلو اللحمة نشل جزلانك
في بلاد العز سودانا تكون
لو طالعت خبر عنوانو
الكهربا تَملا الريف لأضانو
وكان في العامْ تمنين اعلانو
الشارع ضجّ فرح لعشانو
في صُحُف الليلة قريتو بيانو
الخالق الناطق وبي ضبانو
في بلاد العز سودانا تكون
لو كنت فقير ساكن في إيجار
حالك تعبان لا كان لا صار
وبَعَد شهرين مِنّ التوظيف
سوّيتو قَصُر عالي الأسوار
في بلاد العز سودانا تكون
كان الكُبري احتاجلو صيانة
جوانبو إنارتو وظلطو هرانا
شُغُل شهرين لايكِنو لُبانة
تلاتة سنين والزحمة مكانا
في بلاد العز سودانا تكون
لو في بلدك غِلطوا كبارا
بتجربة فاشلة وخاضو غِمارا
كيفن سِلِّم دون عتباتو
دي سابعة وتامنة بتبقى شتارة
في بلاد العز سودانا تكون
مرتك وِلدت بي فَضل الله
رَقصتوا نقزتوا حُبُور ومسرّة
وبَعَد أيام الكَرِش إتنَفَخَتْ
أتارِي النّفخة مقص ومَسلّة
في بلاد العز سودانا تكون
لو كان ولدك دَرَس احياء
وحبّ يساعد يكون مِعطاء
نَزَل "اكزام" لي شَغْلِ وظيفة
لِقَاهو بيسأل فِقه وقضاء
في بلاد العز سودانا تكون
لو دهسك يوم بي "فستو" عقيد
ظَلَطْ الجّمبات والراس والإيد
في الشّرطة هناك ميزان مافيش
رزعوك كفّين وطلعت بليد
في بلاد العز سودانا تكون
لو طالعت الهضربة دِيّا
وما جنّيت ونقزْت شوية
بس يا ريت لو تعمل لايك
ولو شاركت يكون جِيد ليّا