ود أزرق

[elfatih]

شكرا اخي عصام سعيد ودازرق فريق لعيبة الكرة ودافوري ودازرق بتاع المفابر في الستينات خرج افذاذ لعيبة الكرة بودمدني سانتو اخوان وسنطه تقريبا كل لعيبة ودمدني في اواسط الستينات تخرجوا من مدرسة دافوري ودازرق الذي كان يلعب في مقابر ودازرق القديمة مكانها الان مدارس ودازرق وجامع شاطوط . ودازرق الجمعية التعاونية ومطاحن العدس ودازرق عائلة شرف الدين وعائلة المليح ودازرق دكان حاج حمزة والليمون والشعير والكركدي والتمر هندي والحليب ودازرق ودالجندارة والشانزليزية ود ازرق ابوزعبل ودوماتي ودازرق بهية وعبدو ود بعية ودازرق عظمة ودازرق عصام جكسا ودازرق الجار ودازرق ال نقد ومنصور الشين ودازرق النغم ودازرق عبدالعزيز اللوبة ودازرق عرفات وفريق السناهير ودازرق بادي الحريف ودازرق طارق والفاتح بادي ودازرق ود النعمة اخوان ياسر والاخ الاكبر الشغال في التعاون جنوب الدمازين ابو قمي . ودازرق خالد كودي ودازرق ودالزينة ود ازرق التيمان حسن وحسين ودازرق المرحوم عادل حسين ودازرق عصام الجلكين ودازرق عبدو ود البهاي ودازرق استاذ النو ودازرق عثمان النو ود ازرق عبدالعظيم قلة ومرتصي ودازرق صالح بحيري وبهاء الدين وعلم الدين وعبدالباسط ودازرق الجعليين ودازرق الجيقينابي ودازرق علي ادريس الفنان ودازرق كرن ودازرق بزقلي ودازرق سوسو ود ازرق ياسر فخة . ودازرق الشاعر ودالعيلفون ود ازرق ناس البطل ود ازرق محطة الحجر ودفعتي صلاح القدال ود ازرق هولي شيخ ادم ود ازرق برينسة ودازرق ال سليم دامبا وبله واخوانهم ودازرق عمك ابوقرط ومحل المناسبات ودازرق استاذ عمر سعيد النور ودازرق نادي علم الوطن ودازرق باشميل بتاع الطعمية ودازرق ابوعموري . ودازرق حضارة اولاد ودازرق الاكثر اجتماعيا واصلوا السرد من نادي النجوم من ال شمت من مدرسة البندر من محمد الامين من ال ابوالروس من حلواني الشيماء من ال خضري ود ازرق كثير وكثير لااستطيع ان احصرهم واصلوا اولاد ودازرق .

[عصام سعيد]

الله يجزيك ألف خير أخي الفاتح ، والله كفيت ووفيت ، ولكنا نرغب أيضا في المزيد ، وبتفصيل أكثر ، هذا لرغبتنا الأكيدة في الإستفادة ما أمكن من معلوماتك القيمة والتي تنافس بغزارة المعلومات حتى سكان ذلك الحي ، فلك منا كل الحب والتقدير أخي العزيز

[elfatih]

أخي عصام سعيد لك الود والتقدير من خلالك أدعوا اولاد ودأزرق كما يحلوا لنا أن نطلق على سكان هذا الحي العريق لتكاتفهم اولاد ود أزرق ليس تصغيرا وانما تعودنا ان نطلق عليهم هذه التسمية . أرجوا من الاخ ياسر ود النعمة أن يتوسع في وصف أهل حيه لما يملكه من معلومات غزيرة وتوثيق بالصور لهذا الحي العريق . أنا مراقب لهذا الحي بحكم أنني أسكن بالقرب منه تربطني صداقات بالكثير من اولاد هذا الفريق وهذا ديدن سكان ودمدني في السابق كلهم أهل أو أنساب أو اصدقاء يجمعهم مكان عمل واحد أو نادي رياضي اجتماعي البلد كانت ضيقة والكل يتعارف وكلهم أهل . واصلوا ياشباب ودأزرق دي مني البداية . لو حاولنا تحديد حي ودازرق تقريبا يبداء من تقاطع شارع البحيرية مع الشارع النازل من قبة ودمدني ومنتهي عند منزل صلاح بحيري شمالا وجنوبا عند سور مركز الشباب او ملعب كرة القدم لفريق النجوم حاليا وغربا حتى اول فريق السناهير المنزل الكان مؤجر لوزارة الشباب والرياضة وجنوبا حتى مدارس ودازرق الابتدائية . ودازرق صديق فكي حسن واولاده عشاق نادي الاتحاد حسن ومحمد وازرق اسماعيل ابو السباع ودازرق اولاد الكوري ودازرق التاج محمد الحسن كاروشة ودازرق الفاتح وبابكر ساتي ودازرق عادل ودبهية الترزية القبطية ودازرق هبهانة ود ناس ابوقرط عاشق نادي النجوم ودازرق شيخ العرب وشيخ ابوزيد احمد ودازرق حاج سعيد وناس الفرنساوي ود ازرق ناس القادري عمك عبد الفتاح ود أزرق البريتش كاونسيل وناس الننو ودازرق محمد علي الكربة ودازرق نادي الاهلي القديم وبيت المقاول عبدالرحيم احمد والد الدكتور يحي عبدالرحيم ودازرق محمد عبدالقادر المفتي ودازرق ناس عبدالمنعم علي عثمان ودازرق معتصم ابوقرط ود ازرق بيت العمدة اخو فتح الرحمن البشير وماحوله من اهلنا الجعليين ودازرق اهلنا ال الشافعى دكتور الفاضل النور شمس الدين والوالد عبد اللطيف الشافعي صاحب الجناين وعضو جمعية فلاحة البساتين . الحي متاخم للقسم الاول ومربع حداشر والقسم الثاني والسكة حديد . نواصل وفي انتظار ابناء الحي لمزيد من تسليط الضوء .

[elfatih]

أخي عصام سعيد لك الود والتقدير من خلالك أدعوا اولاد ودأزرق كما يحلوا لنا أن نطلق على سكان هذا الحي العريق لتكاتفهم اولاد ود أزرق ليس تصغيرا وانما تعودنا ان نطلق عليهم هذه التسمية . أرجوا من الاخ ياسر ود النعمة أن يتوسع في وصف أهل حيه لما يملكه من معلومات غزيرة وتوثيق بالصور لهذا الحي العريق . أنا مراقب لهذا الحي بحكم أنني أسكن بالقرب منه تربطني صداقات بالكثير من اولاد هذا الفريق وهذا ديدن سكان ودمدني في السابق كلهم أهل أو أنساب أو اصدقاء يجمعهم مكان عمل واحد أو نادي رياضي اجتماعي البلد كانت ضيقة والكل يتعارف وكلهم أهل . واصلوا ياشباب ودأزرق دي مني البداية . لو حاولنا تحديد حي ودازرق تقريبا يبداء من تقاطع شارع البحيرية مع الشارع النازل من قبة ودمدني ومنتهي عند منزل صلاح بحيري شمالا وجنوبا عند سور مركز الشباب او ملعب كرة القدم لفريق النجوم حاليا وغربا حتى اول فريق السناهير المنزل الكان مؤجر لوزارة الشباب والرياضة وجنوبا حتى مدارس ودازرق الابتدائية . ودازرق صديق فكي حسن واولاده عشاق نادي الاتحاد حسن ومحمد وازرق اسماعيل ابو السباع ودازرق اولاد الكوري ودازرق التاج محمد الحسن كاروشة ودازرق الفاتح وبابكر ساتي ودازرق عادل ودبهية الترزية القبطية ودازرق هبهانة ود ناس ابوقرط عاشق نادي النجوم ودازرق شيخ العرب وشيخ ابوزيد احمد ودازرق حاج سعيد وناس الفرنساوي ود ازرق ناس القادري عمك عبد الفتاح ود أزرق البريتش كاونسيل وناس الننو ودازرق محمد علي الكربة ودازرق نادي الاهلي القديم وبيت المقاول عبدالرحيم احمد والد الدكتور يحي عبدالرحيم ودازرق محمد عبدالقادر المفتي ودازرق ناس عبدالمنعم علي عثمان ودازرق معتصم ابوقرط ود ازرق بيت العمدة اخو فتح الرحمن البشير وماحوله من اهلنا الجعليين ودازرق اهلنا ال الشافعى دكتور الفاضل النور شمس الدين والوالد عبد اللطيف الشافعي صاحب الجناين وعضو جمعية فلاحة البساتين . الحي متاخم للقسم الاول ومربع حداشر والقسم الثاني والسكة حديد . نواصل وفي انتظار ابناء الحي لمزيد من تسليط الضوء .

[عصام سعيد]

الله يخليك أخي الكريم ورغم أنني من سكان هذا الحي العريق - إلا أنني لاأملك ما تملك أخي العزيز من قدرة عجيبة على السرد وذاكرة حديدية ( ما شاء الله ) ومع هذا ندعو من دعوت أخي من سكان الحي لتقديم ما تجود به قرائحهم ،ولا زلنا في إنتظار المزيد ، لا عن هذا الحي فقط بل لتواصل ما بدأت أخي في توثيقك لمدينتنا الغالية ، وبارك الله فيك أخي
ولي ملاحظة بسيطة حول إمتداد الحي والذي يمكن أن يمتد من فريق البحيرية ليشمل زقاق ناس مصطفى عامر ( رحمه الله )وناس التاج ثم غرباً حتى منزل ناس بادي القديم جوار ناس ابوضلع ثم المدارس الإبتدائية ليشمل منازل ناس تمام وناس النعمة ثم يشمل منازل ناس شيخ العرب ( رحمه الله )وجامع ابوزيد و ومنزل التاجر محمد عبدالله ومنزل بابكر عابدين وبمحاذاته حتى منزل محمد احمد الخواض ( رحمه الله )، وناس البرنس ومقابلهم بيت ناس الفاتح كرناف ثم شرقا ليشمل فريق السناهير حتى مركز الشباب ونادي النجوم مع بيوت ناس ود البشار وود اللورد حتى منزل ناس الننو ، ومسجد أنصار السنة ( بيت الشواطين سابقا) ثم شمالا ليشمل منازل ناس سيف صلاح ودكان فخرى القبطي ثم مدرسة البندر ، ومنزل ناس حاج يوسف حتى حدود فريق البحر ليشمل منازل الأمير نقد الله حتى ينتهي بشارع البحيرية ، وفي انتظار من يصحح أو يزيد .، ، هذا ما أظنه ، والله أعلى وأعلم

[الزبير محمد عبدالفضيل]

أخي الفاتح كمان لازم تتحفنا بالعوائل بحي دوران بانت وجبرونا وما جاورهم

وانا أخ الاستاذ / عبد الواحد محمد عبدالفضيل كان استاذ بمدرسة البندر الابتدائيه

[elfatih]

الاخ الزبير تحياتي لك ولاستاذي عبدالواحد درسني في مدرسة البندر الابتدائية سنة رابعة كان مدير المدرسة الاستاذ والمربي الفاضل طه عابدين كان ذلك عام 1969 دفعة كان بها طلبة متميزين ومشهورين امثال عبدالعظيم قله وميرغني سكر وحسن ابو سفة كانت له قصة مع استاذ عبدالواحد في درس للجغرافيا ذكر استاذ عبد الواحد مدينة جوبا فما كان من حسن ابو سفة الا أن قال الاغنية جوبا ماليك علي أنا فنال علقة ساخنة حسن ابو سفة دا من ناس ابوشنب المسمى الخور الشهير بأسمهم كان الى زمن قريب يملك كشك للملابس هو واخوانه بأكشاك الملجاة .تحياتي الى استاذي عبدالواحد والى كل أهل دوران بانت من البرتو والى الجد والى اهلي ال الحجزي والى أعمامي اولاد ابراهيم رمضان والى اهل جبرونا من عند لفة التلفزيون من عند ال ابو مشيلح مرورا بعزالدين السناري واخيه عماد والحكم محمود الهادي واخيه دكتور محي الدين مرورا بعثمان الاستوبر ومركز شباب جبرونا وعمك ظريف ظرفاء ودمدني المرحوم عمر ايوب سلام الى حسن الشيخ والى سوق الاخرة والى بائعة العشاء سعاد بنت شموم والى كل اهل تعويضات المدنيين والى كل اهل البلاص والى ال يسن حسنين مرورا بطه ركابي في حي البان سلام اهل جبرونا ومرة اخرى سلام الى استاذي عبدالواحد .

[صلاح ودالطاهر]

اخي الفاتح ولدت بهذا الحي وتربية فيه حيث كان منزلنا جوار نادي الرابطه وامامنا مخزن السكر القديم بيوتنا مفتوحه بنفاجات من على اليسار منزل ال حاج ابراهيم ومن على اليمين منزل الخليفه عبدالله عليه رحمة الله وخلفنا بيوت ناس الشوبلي والسناهير وكنا نخرج كثيرا لنادي الرابطه حيث نحتسي الشاي المدنكل من يد المرحوم عمنا عمر الشوبلي ولا انسى دكان حاجه حميده والحاجه حليمه وكت كنا نقني ست الروب روبك حار وضرب النار عائز رجال كان والدي رئيس مشجع رابطة نادي الاهلي وله حجر مشهور في دار الرياضه بمدني ياخي قلبت علينا المواجع وذاك الزمن الجميل

[elfatih]

شكرا اخي صلاح ود الطاهر اذكر عمي الطاهر كان مشهورا بحمل سوط العنج كنا صغارا طلاب في مدرسة مدني الاهلية ب وكان عشق نادي الاهلي يملا كل اوقات الفراغ عندنا بحكم ان عمي الطاهر كان رئيس رابطة مشجعي الاهلي كان ينظم لنا رحلات نذهب فيها خلف النادي الاهلي مشجعين ومؤازرين للمدن الاخري والتي يتبارى فيها النادي الاهلي , اذكر في تلك الفترة نهاية الستينات واوائل السبعينات ايام كان لها عبق خاص بداية اشبال الاهلي في تلك الفترة . سلام ياود الطاهر لكل الاهل والجيران من نادي الرابطه والي منزل ال الخواض ومدرسة ابوزيد الابتدائية ومنزل ال سنجر سلام

[صلاح ودالطاهر]

شكرا اخي صلاح ود الطاهر اذكر عمي الطاهر كان مشهورا بحمل سوط العنج كنا صغارا طلاب في مدرسة مدني الاهلية ب وكان عشق نادي الاهلي يملا كل اوقات الفراغ عندنا بحكم ان عمي الطاهر كان رئيس رابطة مشجعي الاهلي كان ينظم لنا رحلات نذهب فيها خلف النادي الاهلي مشجعين ومؤازرين للمدن الاخري والتي يتبارى فيها النادي الاهلي , اذكر في تلك الفترة نهاية الستينات واوائل السبعينات ايام كان لها عبق خاص بداية اشبال الاهلي في تلك الفترة . سلام ياود الطاهر لكل الاهل والجيران من نادي الرابطه والي منزل ال الخواض ومدرسة ابوزيد الابتدائية ومنزل ال سنجر سلام
نعم اخي الفاتح عمك الطاهر عشق نادي الاهلي حتى الثماله واذكر ذلك السوط الشهير الذي كان يحمله نعم كانت ايام لا تنسى مدرسة ابوزيد وبيت عمك خوجلي والبص الشهير باص عمك خوجلي والد الاخ التهامي العازف الشهير نعم ود زرق اصل مدني