اسنراحة

[ياسر ود النعمة]

استراحـــــــــــة
جاري.. وشايت!

• قال ليهو ما دام طار جنى الوزين.. أَكمل؟ قال ليهو ما في عوجة!!.
• وماذا عن المرأة.. أعني الزوجة.. والله الزوجة زي أكل المستشفى صحي لكن مسيخ!!.
• واحد من مجارمة حي ود أزرق بمدني جاءه آخر مسرعاً ومشدوهاً.. يا(...) فلان داك قالو دخل الإسلام؟ ردّ عليه بسرعةٍ... دخل بدّل منو؟
• لا تحزن على فراق رفيقٍ إن لم يكن الخير فيه.. بعض الرفاق كالتاج نلبسه.. وبعضهم كالنعل نرميه!!
• كان نضمنا.. إتقلّمنا.. وكان سكتنا.. ترا ده!
• مغترب هاتف أهله في السودان بكلّم في الست الوالدة ففتحت معه عدة مواضيع من ضمنها أشياء للمنزل لزوم رمضان.. بعد شوية قالت ليهو: يا ولدي إنت مالك ما فكّرت في الخطوبة؟ قال ليها أنا يا حاجة عندي مواصفات معينة في شريكة حياتي لو توفّقت فيها سأتزوج.. قالت ليهو يا ولدي مواصفاتك شنو؟ فردّ عليها أولاً تكون طويلة.. وبيضاء.. وشغالة.. جابت ليهو ثلاجة ليبهر!! البال مشغول يا حاجة تسلمي!!.

[ياسر ود النعمة]

طالبـــــان

• اثنين طلاب زملاء دراسة جلسوا لامتحان لشهادة السودانية وبعد أن سلّموا آخر ورقة كان واحد فيهم مسافر خارج السودان قال لزميله الما مسافر لو طلعت النتيجة أرسل ليّ برقية ورّيني نسبتي كم.. فقال له زميله يعني أكتب ليك في البرقية شنو؟ قال ليهو: إذا رسبت في مادةٍ واحدةٍ قول ليّ (محمد بسلّم عليك)!! فقال له زميله طيب يا طويل العمر لو إنت رسبت في مادتين.. أكتب ليك شنو في البرقية؟.. فقال ليهو: أكتب ليّ (محمدين بيسلّم عليك)!! جاءت النتيجة فذهب صاحبنا للمدرسة فتأكد من إن زميله قد رسب في كل المواد فمضى إلى البوستة وكتب له برقية وقال له فيها (أمة محمد كلها بتسلّم عليك)!!.

[mahagoub]

تسلم يا ود النعمة
واصل

[حاتم عمر]

مشكووووور يا ود النعمة
واصل في عجائبك وعجائب الدنيا

[عصام سعيد]

ما عندنا زيادة على كلام (ود خالتك )، واصل عزيزنا وفي إنتظار المزيد

[حاتم عمر]

عصام سعيد
لك احتراماتي وتقديري ايها الخلوق تحياتي لبقية الاخوان

[Isam Hussien H]

الجاب عصام سعيد ما هين .. تحايا لأجمل بيوت متقابلة .. ولأجمل بشرية بعيد من محمد موسى طبعاً ..

ودالنعمة ياراقي استراحاتك تشدنا فلا تتوقف .. إبن خالتك الثاني ..

[عصام سعيد]

الزميل الحبيب والصديق الصدوق ( ود الأستاذ ) نستميح الظريف ود النعمة عذراً -باعتباره صاحب البوست ،،، في أن نقول لكم أيها العزيز : (والله مشتاقين )
وياخي والله أنها كانت حقاً جميلة تلك البيوت المتقابلة ، ولكن أجمل منها قلوب كانت متجاورة جمعها الود دهراُ ثم فرقت بينها الدنيا والمشي في مناكبها .
ونرجو أن يكتب الله لنا فيها البقاء ،،، حتى اللقاء - أيها الرائع

ولو سمحت بالله أشفع لينا عند ود خالتك ( النعمة) عشان يواصل ، وارق التحيايا لى ود خالتك الثاني حاتم ود عمر
تخريمة بسيطة :
وبعدين أنت من زمن محمد موسى كان بخوف ؟

[Isam Hussien H]

الزميل الحبيب والصديق الصدوق ( ود الأستاذ ) نستميح الظريف ود النعمة عذراً -باعتباره صاحب البوست ،،، في أن نقول لكم أيها العزيز : (والله مشتاقين )
وياخي والله أنها كانت حقاً جميلة تلك البيوت المتقابلة ، ولكن أجمل منها قلوب كانت متجاورة جمعها الود دهراُ ثم فرقت بينها الدنيا والمشي في مناكبها .
ونرجو أن يكتب الله لنا فيها البقاء ،،، حتى اللقاء - أيها الرائع

ولو سمحت بالله أشفع لينا عند ود خالتك ( النعمة) عشان يواصل ، وارق التحيايا لى ود خالتك الثاني حاتم ود عمر
تخريمة بسيطة :
وبعدين أنت من زمن محمد موسى كان بخوف ؟

سومه يا حبيب .. مشتاقين .. للمة الكانت والزمن الجميل ..
تعرف لما أشوف محمد موسى بتخيل حاجات كتيرة إنتهت .. بس حاتم عمر ما راضي ينسينا ليه طوالي إديني إحساس بي وجوده مليان بحاجات ما قبل التاريخ ..
لك التحية يا جميل .. ولياسر ود النعمة ود كبير ..