المساعد الشخصي الرقمي

مشاهدة النسخة كاملة : رحال



ابراهيم
08-03-2004, 08:16 AM
رحال
للعملاق د.طلال دفع الله

وصاحت جذوة الترحال

نضج بالشوق مسام صدرك

فيا رحال

فتح زمن الخرافة عليك

بكا الاوتار .....

وغلب قمرك شقا الاحزان

من شجو الكلام المر

فتلت حبال شمس غابت

وغنيت اه ..

على وجع الوتر تبريح

غنا الاشجان

سالت الريح :-

علام الضل صبح مغلول

يصارع صبرو فى الاحزان

ويا ضل الفضا المشلول

الام الخوف يشتت

كل شعاعا بان

فيا ريتك تفردى رضاك

على افاق معاك تحلم

ظلامة يزول

وترجع روعة الازمان

عى ولدا بريدك

انتى يا الطوفان

على بلدا وراك

فى الليل صبح غرقان

ويا شمس الغد الفتح لاحضانك

حضن اشواق

ترك كحمامة فى صدلرك

بعد ما فاض هلام الليل

مسك فجرك

سالنا عليك عيون الموج

قبل ما تروح

حواجب الدهشة فتحت قوس

وكنت لينا غير ما تبوح

( بحر الريد ملان اسرار

وخطواتك كتب قدرك

عليها الحيرة يا انسان)

قفلنا القوس

ويا فارس المدى المجروح

وراها ركبت متن الريح

تفتش فى الهوا الضايع

هوى الوجدان

تشوفو ظلال

يلوح فى الافق كفك

يسابق فى اصابع اللهفة

ليها حنان

وواقع الحال ينهنه

صبرك الجوال

وتصرخ جذوة الترحال ..

رجوع