المساعد الشخصي الرقمي

مشاهدة النسخة كاملة : اها ياناس انتو بتحبو شنو


الصوفي
12-03-2013, 11:42 AM
انا ياناس بحب القروش ،، والجلوس طويلاً للذكر في البروش ،، والرجل اكون قوي ذي كلنتون وبوش ،، وكمان اكون جميل وبشوش ،، وتاني بحب البخور والصندل والماكنتوش ،، وكمان بحب انوم في الصقيعة اوالحوش ،، وياحبذا لو كان مرشوش موية بالخرطوش ،، وبحب اكل من اللحم الفخدة والدوش ،، والكسرة مع الرغيف ورز معجونه بسليقه رشوش ،، وكمان بحب ادخل في أي زول توش ،، وكمان بحب ناس منتدي ودمدني كدا احسن موش ،، اها انتو يا احبابي ماتحبو أي شي فشوش ،، وقبل دا كلو بحب الله ورسوله وكمان بحب الشوش ،، لكن نفسي اعرف انتو بتحبو شنو ياناس منتدي ودمدني العمالقة المابجم ولاطروش ،، وحافظوا علي مدينتنا من الامراض المعدية والقادمة من الحبوش ،، وخذو التطعيمات اللازمة عنوة حتي لو ضربوكم بالبرطوش ،، اها انتو بتحبو شنو ؟
الصوفي
13-03-2013, 01:14 AM
11 مشاهدة ومافي واحد داير اقول انا بحب ايه

شكيت محنكم
ابورجاء
13-03-2013, 03:54 AM
انا بحبك انت يا الصوفي
جمالك فاق كل موصوفي
ورقت حسك كملت حروفي
وفي حبك لودمدني قومت علي غضروفي
بحب المريخ ومدربو الكوكي
بحب الكسرة يا ريت لو ببامية مفروكي
بحب الموية من الحفير ولو من دونكي
بحب مدني وناس مدني وابل بشوفتم شوقي
بحب الله وراجي من كرمو يغفر لي ذنوبي
بحب الطيبة والطيبين وبحبكم انتو يا حلوين
وفي مدني نتلم ونكون زينين وان شاء الله أشوفكم ديمه طيبين .....




ودوما في رعاية الله وحفظه ..
مع كل الود باقة ورد......
الصوفي
13-03-2013, 05:34 AM
ابو رجاء ادخلت في قلبي السرور والسعادة والهناء

اشكر ردك ياقامة ياصاحب الحروف والحرف والعطاء

اني احب اخوتي اصحاب الصفاء والنقاء واهل الوفاء
ابورجاء
13-03-2013, 07:00 AM
ابو رجاء ادخلت في قلبي السرور والسعادة والهناء

اشكر ردك ياقامة ياصاحب الحروف والحرف والعطاء

اني احب اخوتي اصحاب الصفاء والنقاء واهل الوفاء


الغالي وهج الصوفية وسليل اهل الصفة صاحب القلب المعلق
بالملكوت والروح السابحة في حب الحبيب المصطفى صلى الله
عليه وسلم ....
بل أنت من أدخل في قلبنا السرور والحبور وأضأ وجه من النور
فأنار المنتدى بمشاركته وحروفه الهسجدية وكلماته السرمدية
ومثلك ترفع له القبعات أحتراماً واحتراقاً من الشوق لحروفك
فأنت في محراب المحبة منتديات ودمدني دوما كن مبتسم ....



ودوما في رعاية الله وحفظه ...
مع كل الود باقة ورد...
أبو صديق
23-03-2013, 11:25 PM
يا قوم... إنّي أشتّم رائحة الروحاني لولا تفندون

غايتو الخط ده مااااااا غريب علي دقش أضاني ذات يوم
وأنا أحبُ الوردً والزهرة أحب الماءً والشجرةً

لو ود التجاني أرفع يدك
مولانا جلال
23-03-2013, 11:40 PM
انا بحب ال ٠٠٠٠٠٠٠٠٠٠٠ وال٠٠٠٠٠٠٠٠٠ وال٠٠٠٠٠٠٠٠٠٠ وال٠٠٠٠٠٠٠٠٠ وال٠٠٠٠٠٠٠٠٠٠٠ وال٠٠٠٠٠٠٠٠٠٠ كفاية كده