والي الجزيرة يغسل ملابسه بمبلغ 2600 جنيهاً شهريا

[عباس الدسيس]

كشف قيادى بامانة حكومة ولاية الجزيرة بان الوالى البروف الزبير بشير طه يقوم بغسل ملابسه غسيلا جافا (Dry Clean) بمبلغ 2600 جنيه شهريا من نثرية مكتبه التى تبلغ 100 مليون فى الشهر وذلك منذ توليه هذا المنصب فى مايو 2009 م ولايستخدم الغسيل العادي على الاطلاق وان الحديث عن الوالى متقشف ودرويش ينافى الحقيقة والواقع باعتبار ان الوالي يصرف على مكتبه اكثر من 100 مليون شهريا دون مراجعة كما ان منزله الحكومي والذى تم تجديد الاثاثات فيه بعد ان غادر الوالي السابق المنزل وان المنزل خالي باعتبار ان اسرة البروف تقيم بالخرطوم وان الوالي يقيم فى جناح خاص بقصر الضيافة كما كشف بان رغم قرارات رئاسة الجمهورية بتخصيص عربة واحدة لكل دستوري إلا ان الوالي يحتفظ بستة عربات فى منزله وان الوالي منذ تقلد قيادة الولاية اهتم فقط بتعيين ذوي القربى فى الوظائف المقربة له، فعلى سبيل المثال قام بتعيين عاطف حجر المتزوج من شقيقته مديرا لمكتبه ثم مدير مؤسسة التمويل الاصغر رغم انه يحتفظ باقامته فى المملكة العربية السعودية كما قام بتعيين عادل الزين عديل سكرتير مكتبه منير عبد الرحيم مديرا عاما لمصلحة الاراضى مع العلم بان منير وعادل ظلوا معه فى جميع الوزارات التى عمل فيها الفترة الماضية كما كشف بان صيام الوالي كل اثنن وخميس يزيد الاعباء المالية على انسان الجزيرة باعتبار ان تلك الافطارات تقام فى مقر الحركة الاسلامية والمؤتمر الوطني علما بان 95% منهم غير صائميين يجيئون من اجل ارضاء الوالي ليكونوا من المقربيين المطبلين له.
وستهجن القيادي بأمانة حكومة الجزيرة تستر الوالي على الفضائح الاخلاقية التى حدثت بالولاية وعلى سبيل المثال فضيحة الوزير ابو قناية بنادى الجزيرة والمسؤل الرفيع والفتاتين، وفضيحة امانة الحكومة الاخيرة ناهيك عن التشابك بالايدى بين الدستوريين والتنفيذيين.

المصدر:
http://www.sudanyiat.net/news.php?action=show&id=23704

[عنكوليب]

ح كَ م ومستشفى أطفال مدني يفتقر لجهاز تنفس لخديج ،، أو حتى شفاطة لشفط السوائل المصاحبة للولاده من رئتيه ،،، ستسئولون يوماً ،،، و ، وااااااااااااااااااااااااااااااااااااااااااا إسلاماه ،،،،،

[روبش]

الحبيب .. عباساديك العافيهغسيل جاف ب 2600 جنيه ومدني وسخانه وخربانهخريجين يبحثون عن عمل ومناصب تشغل بالداخل والخارجتحويل الدار الحكومي لادار منزلي بفرض الوظائف حتى على العدلهمدني خلاص انتهت .. والناس تعاين وللاسف من يولون مناصبها الحكومية هم ابنائها اقول :: يا عباس الشيء البعرفوا انو معظم ال حجر بعثيين قلبوا مالهم

[عباس الدسيس]

ح كَ م ومستشفى أطفال مدني يفتقر لجهاز تنفس لخديج ،، أو حتى شفاطة لشفط السوائل المصاحبة للولاده من رئتيه ،،، ستسئولون يوماً ،،، و ، وااااااااااااااااااااااااااااااااااااااااااا إسلاماه ،،،،،

عنكوليب سلام وتحية للاسرة الكريمة
بالله شوفي الوالي لو فوت ليهو كم غسله انقذ كم روح
كمان لو الفطور البعملو جماعي للمطبلاتية فوت شهر واحد اجيب كم جهاز
اما العمة بتاعتو الكبيرة البيضاء البتشبه عمت ترباس زيها بكون في كمية لو اتبرع بي مبلغ خمسة منهم احل مشكلة في مستشفي مدني.
برضو اقول ليك قناة الولاية ..... يا راجل

[عباس الدسيس]

الحبيب .. عباس اديك العافيه غسيل جاف ب 2600 جنيه ومدني وسخانه وخربانه خريجين يبحثون عن عمل ومناصب تشغل بالداخل والخارج تحويل الدار الحكومي لادار منزلي بفرض الوظائف حتى على العدله مدني خلاص انتهت .. والناس تعاين وللاسف من يولون مناصبها الحكومية هم ابنائها اقول :: يا عباس الشيء البعرفوا انو معظم ال حجر بعثيين قلبوا مالهم
روبش يا وجيه سلام وتحية للاولاد
هؤلاء هم ابناء المدينة الذين يحكمون المدينة باسم الدين.
يا الحبيب كيف ما إقلبو الفكه والشرتيت اللمة دي تاني بتتلقي بقل المولد ما إخلص اشيلو ليهم خمة.
تحياتي وتقديري

[ايمن عبد الله]

حقيقة واحدة اقولها ليكم عاطف حجر ترك السعودية من زمن والكلام ده انا متاكد منه

[nehroo]

حقيقة واحدة اقولها ليكم عاطف حجر ترك السعودية من زمن والكلام ده انا متاكد منه

أيمن هوا ازيك
عندك حاجة تانية عاوز تنفيها من الكلام الفوق دا ؟
مسلن انه الوالي ما قاعد يغسل ملابسه زاتو وبلبس كاكي مجاهدين بس؟
ولا الترك السعودية من زمن دا منصبه وعلاقته بالوالي مفبركة؟
هل لديك اي اقوال اخرى؟ :) :)
والي ما شفنا منه خير من يوم وصل بتدافع عن شنو يا هوا كمان

[ابو علا]

كشف قيادى بامانة حكومة ولاية الجزيرة بان الوالى البروف الزبير بشير طه يقوم بغسل ملابسه غسيلا جافا (Dry Clean) بمبلغ 2600 جنيه شهريا من نثرية مكتبه التى تبلغ 100 مليون فى الشهر
المصدر:
http://www.sudanyiat.net/news.php?action=show&id=23704

اذا كانت الارقام دي فعلا حقيقة مرتبطة مع بعض ف والله المبلغ بسيط جدا وانا اؤييد وبشدة للوالي غسل ملابسه واحسن ليهو يغسل برا طوالي اوفر .

؟؟؟؟ : وين ( الd . c ) دا .:eek:

[هيثم عبدالعال]

الوالى البروف الزبير بشير طه يقوم بغسل ملابسه غسيلا جافا (Dry Clean) بمبلغ 2600 جنيه شهريا من نثرية مكتبه التى تبلغ 100 مليون فى الشهر وذلك منذ توليه هذا المنصب فى مايو 2009 م ولايستخدم الغسيل العادي على الاطلاق وان الحديث عن الوالى متقشف


المصدر:
http://www.sudanyiat.net/news.php?action=show&id=23704

غايتو معارضه حاسده ولا ترى الإيجابيات نهائي

هسه لو كان غسيل عادي كان تكلفة المكوه المية مليون دي ذاتها ما بتكفيها
تقشف ده ولا مش تقشف يا متعلمين يا بتوع المعارضه !!

[محمدالحسن الطيب]

ماقالو مجاهد وود غبش وما بياكل حق زول شكر على الحقايق دة

[mahagoub]

يا دسيس
انحنا ما مهضوم حقنا من زمان
بس خلى المكوجى يسترزق

[محمدالحسن الطيب]

ياترى منو المكوجى دة البغسل عندو