المساعد الشخصي الرقمي

مشاهدة النسخة كاملة : أغانى الراحل مصطفى سيداحمد ( توثيق )



خالد حمد موسى
31-03-2005, 12:56 AM
توثيق اغاني الراحل مصطفي سيداحمد

نرجو التفاعل من الاخوة الاعضاء لكي نحي كل اغاني الراحل

في هزا البوست وابدا لكم باول اغنية ولكم جزيل الشكر...

مافي حتي رسالة واحدة للجابري بصوت الراحل/ مصطفي سيداحمد

http://www.sudaneseonline.com/sheba/mafy.ram

ياسر فقيري
31-03-2005, 04:28 AM
تشكرات على رسالتك الجميلة بصوت مبدعنا الراحل مصطفى سيد احمد رحمه الله ..
وكمان أقترح أن تتحول هذه الزاوية إلى بوست لأغاني مسموعة .. وكمان أهدي الجميع أغنية لمصطفى وهي نبنيك سوا .. وهي على الرابط التالي ..
http://www.wadmadani.com/up/pic/nabneeksawa.ra

نيازى كشك
31-03-2005, 11:21 AM
رائع يا شباب
والى الا مامعلى الحاجات الحلوة

ابراهيم
31-03-2005, 04:28 PM
وبس أمل واحد بعيشو

لو رسالة تصل إليَّ

وبيها اطمن عليك




تسلم يا خلودي على النغم

خالد حمد موسى
01-04-2005, 10:52 PM
مشكورين ياشباب علي المرور

ودفقيري

نيازي

ابراهومة

لكم خالص الود احبائي ....

114
02-04-2005, 05:26 AM
شكرا للإهداء
واقتراح ياسر فقيري في محله

خالد حمد موسى
02-04-2005, 09:57 PM
مشكور يااستازنا 114 علي المرور

لك كل الود والاحترام ...

ياسر فقيري
03-04-2005, 02:59 AM
كمان دي أغنية أبداك من وين على الرابط التالي ..
http://www.wadmadani.com/up/pic/Abdakmenween-M.seedahmed.ra

ياسر فقيري
03-04-2005, 03:01 AM
رائعة الراحل مصطفى سيد أحمد عينيك مدن على الرابط التالي..
http://www.wadmadani.com/up/pic/eanekan.mostfa.s.a.ra

خالد حمد موسى
03-04-2005, 04:23 AM
مشكور اخي ياسر فقيري علي الروائع

وياريت نحي كل اغاني الراحل مصطفي سيداحمد مع بعض

ويد علي ايد تجدع بعيد لك كل الود عزيزي...

ياسر فقيري
03-04-2005, 04:31 AM
وأنا معاك يا خالد وإن شاء الله كل يوم أغنية جديدة وبعد ما يخلص مصطفى كمان نبدأ في أغنيات فنان أفريقيا الأول الأستاذ العملاق محمد وردي

خالد حمد موسى
03-04-2005, 05:37 AM
الامانى السندسية بصوت مصطفى سيد احمد

والموسيقارالموصلى يحكى انطباعاته عن الراحل

يقول الاستاذ يوسف الموصلى عن الراحل مصطفى سيد احمد

تمنيت لو لم اسجل الامانى السندسية للاذاعة ليسجلها هو بصوته


http://www.sudaneseonline.com/sheba/sondos.ram

خالد حمد موسى
03-04-2005, 08:14 AM
مصطفى سيد احمد+خالد الصحافة –من جديد+لحظات ندية

http://www.sudaneseonline.com/sheba/ndia.ram

لحظات ندية- بصوت مصطفى سيد احمد

http://www.sudaneseonline.com/sheba/lahzat.ram

لحظات ندية- بصوت خالد الصحافة


لحظات ندية

مدنى النخلى

*******

فى خاطرى لحظاتنا الندية

وإنتى ساعة المغربية

قعدتك جنبى وعيونك ..

سارحة فى الدنيا البهية

خوفنا من سفراً يودى

للمسافات القصية

قصة الزول المفارق

قلبو عشرة على الوصية

*************

كنت جد ناوى الرحيل

إلاّ شايل ذكرى منِّك

خفت فى الغربة البعيدة

المسافات يبعدنك

العيون الشايلة سيرتك

بكرة يبكن .. ويفقدنك

والأماسى الحالمة .. ترحل

والمشاوير يتعبنك

********

شفتى كيف لما الشمس

مدت نوافير الشعاع

والضفاف بعدت كتير

والريح ملت جوف الشراع

كيف هناك بدت الضفاف

تتلاشى فى زمن الضياع

وإنتى ساعة المغربية ..

خايفة من كلمة وداع

خالد حمد موسى
03-04-2005, 08:39 AM
من جديد –بصوت مصطفى سيد احمد


http://www.sudaneseonline.com/sheba/menjded.ram

من جديد – بصوت خالد الصحافة

http://www.sudaneseonline.com/sheba/minjded.ram

من جديد

مدنى النخلى

*******

من جديد جيت تانى تكسر

صمتى .. بالنظرة الخجولة

يا أمل عمرى القبيل ..

ويا سنين عامرات فصولة

ما قدرت أنساك من زمان

بس ضاعت أحلام الطفولة

********
الحنين الجيتنى بيهو

جانى فى لحظات ندم

فى زمان ضيع صبانا

وكل اشتات العشم

من جديد جيت تانى كيف

تبنى فينى الإنهدم

وما قدرت أنساك من زمان

بس ضاعت أحلام الطفولة

*********

ما بفيد انا لو ألملم

من عيونك .. ذكريات

أو أصحى الماضى فيهن

وأنسى حزن الأمسيات

برضو زمن البهجة عدّى

وعمرى فات فيهو الفوات

ما قدرت انسك من زمان

بس ضاعت احلام الطفولة

ياسر فقيري
04-04-2005, 12:21 AM
أخوي خالد .. يا ليت تغير العنوان الخاص بالمشاركة بدل أغنية الرسائل إلى أغاني الراحل مصطفى حتى يشارك الجميع بمجهوداتهم

ياسر فقيري
05-04-2005, 02:57 AM
ودي أغنية العيون السوداء بصوت الراحل مصطفى سيد أحمد والمبدعة آمال النور

http://www.wadmadani.com/up/pic/owoonsowda.ra

ياسر فقيري
05-04-2005, 03:01 AM
هذه الأغنية وهي عشقت ابتسامك حين ابتسمت .. لها وقع خاص في نفسي وفي نفس أخرى هناك حيث النيل وعروسته السمراء مدني ..
http://www.wadmadani.com/up/pic/asegtoabtsamek.ra

خالد حمد موسى
06-04-2005, 04:26 AM
غنى مصطفى سيد احمد لاول مرة

رائعة الدوش- سحابات الهموم- عند وفاة أخته مريم
http://www.sudaneseonline.com/sheba/sehabat.ram

سحابات الهموم

عمر الطيب الدوش

*************

سحابات الهموم .. ياليل

بكن بين السكات والقول

وباقات النجوم الجن

يعزن فى المطر..

فاتن عزاك .. رجعن

وشوق رؤياك زمان مشدود

على أكتاف خيول... هجعن

وصوت ذكراك .. مكان يجرى

يلاقى السيل ...

وسر مدفون بصدر النيل

**********

ولولا الذكرى مافى أسف

ولا كان التجنى ... وقف

وصوت ذكراك رزاز صفق

على خطوات بنات .. سجعن

وشوق رؤياك ..

حنين لى رحلة فى المجهول

ولولا الذكرى مافى ..وصول

ولولا الذكرى مافى ..

إصول..

ولولا الذكرى مافى شجن

********

ياسر فقيري
06-04-2005, 04:36 AM
وهي على الرابط
http://www.wadmadani.com/up/pic/alam3.ra

ياسر فقيري
06-04-2005, 04:38 AM
أسئلة ليست للإجابة .. على الرابط
http://www.wadmadani.com/up/pic/Asela.m.s.a.wadmadani.ra

ياسر فقيري
06-04-2005, 04:39 AM
البنت الحديقة على الرابط ..
http://www.wadmadani.com/up/pic/bent.ra

خالد حمد موسى
06-04-2005, 07:15 AM
أغنيةأرحل للفنان وردي بصوت الراحل مصطفي سيداحمد

http://www.sudaneseonline.com/sheba/arhal.ram

ياسر فقيري
06-04-2005, 11:50 AM
يا خالد كيف حالك .. سؤال .. في أغنية لمصطفى اسمها ماجدلدوين .. اعتقد مطلعها بقول .. ماجدولين يا ضي بفتق ظلمة الليل الحزين .. إن شاء الله تكون عندك إذا كانت عندك فهي خدمة لن أنساها لك ..

ياسر فقيري
11-04-2005, 04:27 AM
الدنيا ليل غربة ومطر ..
على الرابط..
http://www.wadmadani.com/up/pic/gorba.ra

ياسر فقيري
11-04-2005, 04:29 AM
ودي كمان أغنية كتبت ليك .. لا قصدي ألهو معاك ..

http://www.wadmadani.com/up/pic/ktbtaleek.ra

ياسر فقيري
11-04-2005, 04:31 AM
ودي الشاغلين فؤادي .. بس أنا عايز أسأل الشباب كم هم الشاغلين الفؤاد ؟؟؟؟ هههها
وهي على الرابط ..
http://www.wadmadani.com/up/pic/shglinfwoadi.ra

ياسر فقيري
11-04-2005, 04:36 AM
يا ترى تقدر تعلم عيوني .. يا ريت
http://www.wadmadani.com/up/pic/almiawoni.ra

خالد حمد موسى
18-04-2005, 07:09 AM
الامـــان بصوت الفنان الراحل مصطفي سيداحمد
http://www.sudaneseonline.com/sheba/alaman.ram

ياسر فقيري
28-04-2005, 03:19 AM
آخر شعاع ..

http://www.wadmadani.com/up/pic/akhershoaa.ra

ياسر فقيري
28-04-2005, 03:23 AM
أديني إحساس بالأمل..
http://www.wadmadani.com/up/pic/ehsasbeamal.ra

ياسر فقيري
28-04-2005, 03:25 AM
http://www.wadmadani.com/up/pic/mrayam.ra

ياسر فقيري
28-04-2005, 03:28 AM
http://www.wadmadani.com/up/pic/toiur.ra

Du3ash
29-04-2005, 09:40 AM
تسلمو على المساحة الرائعة .....
واضافة مني للواحة دي أغنية عدى فات ...
http://www.anwarking.com/music/mostafa_sid/3dda%20faat.wma

خالد حمد موسى
13-06-2005, 01:14 AM
http://www.geocities.com/tarig123/sadeegi.mp3

صديقي الاول

خالد حمد موسى
20-06-2005, 02:45 AM
http://www.sudaneseonline.com/sheba/nfsy.ram

حلوة عينيك
د.بشرى الفاضل

نفسى فى داخلك أعاين
وأروى روحى وأشوف منابعك
يا سلام
الصحرا فى عينيا تتواثب جناين
ماخدة صوتك من جداول
وما خدة صورتك من كهارب
مولداً ميدانو حافل
كلما يصبـِّح ...
تجيهو الناس جحافلْ
يا سلام .... يا سلام
**********
لمـّا تعبرى فى الشوارع
شوفى كيف الناس تصارع
ناس تطفـِّر .. وناس تدفـِّر
فى البشابى على نجومك
وفى البخبْ .. كايس تخومِك
وكل زول من عِنْ سُلافك ..
لا لا .. قال دايرلُو كاسْ
********
مرّة طربان .. شلت صوتك
شان أغنى..
قلت آه ياليل .. وآه
إنتى أول .. وإنتى تانى ..
وإنتى تالت .. وإنتى رابع
نافرة زى صيد الخلا
وصافية زى نبع المنابع
وقلتى لى غناى .. خلاص
*******
حلوة عينيك زى صحابى
عنيدة كيف ... تشبه شريحتين
من شبابى
حلوة عينيك زى صحابى
وزى عِنب .. طوّل معتـّق
فى الخوابى
وسمحة زى ما تقول ضيوفاً ..
دقـّوا بابى
.. فرحى بيهم سال .. ملا ..
حتى الكبابى

كاظم
25-06-2005, 09:37 PM
ياسر فقيري .. تحياتي
وارجو ان تنتبه ياصديقي الى خطورةالتوثيق لهذا الفنان القامة فعلى سبيل المثال نرجو تحري الدقة في الاغاني المنشورة من حيث صحة النص ومؤلفه ..بالاضافة الى اقتراحي بعدم توثيق الاغاني التي غناها مصطفي بصوته وهي لفنانين اخرين .. مرة اخري شكرا للجمال الذي يسكنك

خالد حمد موسى
25-06-2005, 11:39 PM
مشكور اخي كاظم علي المداخلة

والتوثيق ياعزيزي مامطلوب الاغاني لي مصطفي فقط

انما يشمل اي عمل قدمة الاستاذ الرائع سوي كان له

اوتغناء به والمطلوب كل الاعمال الزي خلدها هذا الراحل

ومشكور عزيزي مرة اخري...

خالد حمد موسى
26-06-2005, 07:54 AM
http://www.sudaneseonline.com/sheba/abdo.ram

عم عبد الرحيم
محمد الحسن سالم حميد

فتاح يا عليم .. رزاق يا كريم ..
صلى على عجل ..
همهم .. همهمات ..
حصن للعباد ... وهوزز سبحتو ..
ودنقر للتراب .. هم فوق هم همات ..
صنقع للمسا ..
وكان في الجو في غيم ..
وكم نجمات بُعاد ..
وكان الدنيا صيف ..
لا قالتلو كيف ..
كيف أصبحت كيف ؟..
لا لمسة حنان .. لا لمسة وداد ..
لا رمشة طريق من قلباً وفي ..
زي أيام زمان ..
أيام الدفي ..
D D D D D
وكانت ماها في .. كانت في المراح ..
شدتلو الحمار ..
تحلب في الغنم لي شاي الصباح ..
والطير ما نضم ... ما رسل نغم ..
D D D D D
عم عبد الرحيم أتوكل نزل ..
في المشرع لقى .. زملان الشقى
الجأ من الجريف .. الجأ من الجبل
عله الناس بخير .. صبح هاظرم
نقنق ناقرم .. غاظوه ونعل
وعم عبد الرحيم ما يخبر زعل ..
كل الناس هنا ما بتخبر زعل ..
تزعل من منو .. وتزعل في شِنو ..
كل الناس هنا .. كل الناس صحاب ..كل الناس أهل
والماهم قراب .. قربم العمل ..
D D D D D
الطاق اليطق عشت أبو الزمل ..
بالحالة العليك بالفال بالأمل ..
عبد الرحيم كُت فلاح في يوم ..
في أيدك تنوم .. على كيفك تقوم ..
لا دفتر حضور .. لا حصة فطور ..
تقرع بالقمر .. تزرع بالنجوم ..
لكن الزمن دوار آبدوم ...
D D D D D
وعم عبد الرحيم ماشي على الشغل ..
في البال القديم إتعارض تُكل ..
تنشايح جراح يا ..
كيف الغسل ..
الدِنيا أم صلاح .. تبدأ من التُكل ..
في حق الملاح .. في اللبس الجديد ..
في القصد القديم .. وبيناتن عشم ..
في الفرج البعيد ..
D D D D D
أمونه الصباح قالتلو النعال ..
والطِرق إنهرن ..ما قالتلو جيب
شيلن يا الحبيب .. غشهن النقُلتي والترزي القريب
بس يا أم الحسن ..
طقهن آبفيد .. طقن آبزيد ..
وإنطقن زمن ..
وإنطق الزمن لازم توب جديد ..
وبأية تمن ..
غصباً للظروف والحال الحرن ..
شان يا أم الرحوم .. ما تنكسفي يوم
لو جارتنا جن .. مارقات لي صفاح
أو بيريك نجاح .. ده الواجب إذن
وإيه الدنيا غير .. لمت ناس في خير
أو ساعة حزن ..
D D D D D
عم عبد الرحيم يا حر ..
ماك حر ..
ياريت التمر ياريت لو يشيل كل تلات اشر ..
ولا أيام زمان كانت ما تمر ..
كان ما جاك هوان وما لاقاك ضر ..
كان لا ضقتي ضيق لا اتغرغر صبر ..
لا شابيت غريق لا طوح فقر ..
وكان ما كان ... وكان اكسيكي در ..
D D D D D
والماهية أُف .. عيشة هاك وكُف
في هذا الزمن .. تُف يا دنيا تُف
يا العبد الشقي .. ما إتعود شكِي
لكن الكفاف فوقك مُنتكي
والسوق فيك يسوق ..حالك ما بتسر ..
إلا كمان في ناس فايتاك بالصبر ..
ساكنين بالإيجار لا طين لا تمر ..
واحدين بالإيجار ما لاقين جُحر ..
سعلتم الضراع والعرق اليخر ..
عمال المدن .. كلات المواني ..
الغبش التعاني ..
بحارة السفن .. حشاشة القِصون ..
لقاطة القطن .. الجالب الحُبال
الفِطن الفرن .. الشغلانتو نار ..
والجو كيف سُخن ..
فرقاً شتى بين .. ناساً عيشه دين ..
مجرورة وتجر ..
تقدح بالأجر .. ومرة بلا أجر ..
عيشن كم هو .. وديشن هانقدر ..
D D D D D
وناساً حاله زين ..
مصنع .. مصنعين ..
طين في طين وين ..
ما مرابه مُر ..
بارد همها .. لا يعرق جبين ..
لا وشاً يصُر ..
عين والله عين ..
كلها كمها .. وعزها هانقدر ..
في الجنة أم نعيم .. في الجنة أم قصُر ..
يا عبد الرحيم إلا وراء القبر ..
ويُلكد في الحُمار .. لا تسرح كُتر
فتاح يا عليم ..
وإن كان القفر يا عبد الرحيم ..
أشبه بالكفر ..
D D D D D
حيكومات تجي .. وحيكومات تغور ..
تحكُم بالحُجي .. بالدجل الكجُور ..
ومرة العسكري كسار الجبُور ..
يوم باسم النبي تحكمك القبور ..
تعرف يا صبي ..
مرة تلف تدور .. ولا تقول برِي ..
أو تحرق بخور ..
هِم يا الفنجري .. يالجرف الصبور ..
كل السقتو مات .. باقي على التمور
وأرضك راقدي بُور ..
لا تيراب وصل .. لا بابور يدور
ونقرط للحمار .. ونقريطة الحمار
لا تنسى النعال ..
الطِرقي .. الخضار .. اللبس الجديد
تسريح السفر للماشي الصعيد .. ماشي الديش نفر
والبال إشتغل .. والبال إشتعل بالآبى ما يعيد
الحول ما إشتغل ..
الغُبن الشديد .. السابا ورحل ..
الضيق المحل .. والفرج القريب ..
الجأ وما وصل ..
زي الحال ده يوم لا كان لا حصل .. والبال إشتغل
D D D D D
السكة الحديد يا عمو القطر ..
يا عبد الرحيم قدامك قطر ..
وسال الدم مطر ..
وطارت دمعتين ..وإنشايح وتر
يا طاحن الخبر ما بين القضا ومرحاكة القدر
الشهدوا الدموم .. والدمع الهدر ..
إيدهم في التراب .. والعين في القطر ..
عارفين الحصل .. عارفين في حذر ..
الخبر اليقين بوّخ وإنتشر ..
أطفال القرى وعمال الحضر ..
أدوه الطيور ودنو البحر ..
إنصاعد سحاب وإندافق مطر ..
عم عبد الرحيم في الشارع عَصر ..
لي تاله اليسار متفادي الكجر ..
دورية الكجر .. عربية الكجر ..
جفلت الحمار وطوّح زي حجر ..
وعم عبد الرحيم إتلافا القطر ..
D D D D D
فتاح يا عليم .. سال الدم مطر ..
جرتق بالتراب .. منشور بي كتاب ..
روشتة وجواب .. وماهية شهر ..
مفتاح آب غراب .. أورنيكين سهر ..
جنب لبدة الحمار مقطوعين ضهر ..
عم عبد الرحيم يا كمين بشر ..
صحي الموت سلام ..
ما يغشاك شر ..
D D D D D

الزبير محمد عبدالفضيل
26-06-2005, 08:55 PM
الراحل مصطفي يستاهل كل جميل تخليدا لذكراه الخالده في عقولنا

خالد حمد موسى
23-07-2005, 04:57 PM
مشكور اخي السفير علي المرور

لك كل الود عزيزي......

خالد حمد موسى
23-07-2005, 05:08 PM
http://www.sudaneseonline.com/sheba/melad.ram

ميلاد حـب
*************
عشقت ابتسامك حين ابتسمت
فقلت لقلبى تمهل ..
فان الطريق اليها ..
ملئ بأقصى الحجارة
وفى الورد شوك
يشق ثياب الاغانى
تمهل ....
..............
اضعت مع العشق
دفئ الشباب
وفى سنوات الضياع
تلمست وجهاً لك
يستقر لديها المسافر
لكننى لم ازل
فى طريقى الطويل مع العشق
يخنقنى ان كتمت ..
ويجبرنى ان اظل اعانى ..
.................
وبعد تعلق روحى
بروح الاسى..
واحتياجات الهوى ..
فى جميع الموانى ..
واحتجاز الهوى
فى جميع الموانى
تنفست صوتك حين
اطلّ الصباح دفيئــاً
وردد اغنية الشمس
حين تحاصر صمت
هذا النعاس الصديق
تنفست صوتك كأنى ..
ارى اصدقائى بعينيك
يحيون حيناً ...
وحيناً اراهم يبكون
بحثاً عن المستحيل
الذى لا يجئ..
........
تنفست صوتك ..
احسست انك فى
البعد والقرب .. سيان
يشتاق قلبى الى ..
وجهك الشاعرى البديع
وأٌفشى اليك بفرحة
طفل برئ ..
تحرر من كل المخاوف
وحين استقر لديك
ليعلن فى النور
ميلاد حب بروح الرقاب
ميلاد حب طموح الملامح
يبقى يهيب بنا أن نغنى
وان نتحدى الزمان الردئ

خالد حمد موسى
26-07-2005, 11:40 AM
http://tabatpeople.com/songs/sudan/mustafa/yamatar.ram

يا مطر عز الحريق
محمد الحسن سالم حميد

من الواسوق أبت تطلع !!
من الأبرول أبت تطلع !!
من الأقلام أبت تطلع !!
من المدفع طلع خازوق .. خوازيق البلد زادت
يفيض النيل نحيض نحنَ .. يظل حال البلد واقف
تقع محنه ولا النيل القديم ياهو … ولا يانا
نعاين في الجروف تنهد … ولا يانا
رقاب تمر الجدود تنقص … ولا يانا
متين إيد الغبش تتمد لا قدام … لا قدام
تتش عين الظلام بالضو .. تفرهد شتلة لا هدام ..
ولا فيضاً يفوت الحد .. عقب يانيل تكون ياك ..
ونكون أهل البلد بالجد ...
D D D D D
يا مطر عز الحريق ..
يا مصابيح الطريق ..
يا المراكبية البتجبد ..
من فك الموج الغريق ..
جينا ليك والشوق دفرنا ..
يا نشوق روحنا ودمرنا ..
يا المحطات الحنينة ..
القصرت مشوار سفرنا ..
D D D D D
يا ما شايلك فيني حايم .. لا اليالي المخملية
لا العمارات السوامق .. لا الأسامي الأجنبية
بتمحى من عيني ملامحك ..
وإنتِ جايهِ المغربيهِ .. داقسهِ دايشهِ المغربيهِ
وشك المكبوت مكندك .. سمصونايتك زمزميهِ
كون شبر طوريه منجل ..
سبحه فانوساً مدردح ..
قلتي بيهن لي زمانك ..
يا زمان الآهه حدك ..
يا زمان الحاجة عندك ..
لا تطي الوردة الصبيه ..

D D D D D

خالد حمد موسى
26-07-2005, 11:45 AM
http://tabatpeople.com/songs/sudan/mustafa/yadullana.ram

يــــا ضُلنـــا
يحي فضل الله

يا ضُلنا المرسوم على رمل المسافة ...
وشاكي من طول الطريق ...
قول للبنية الخايفة من نار الحروف ...
تحرق بيوتات الفريق ... قول ليها ما تتخوفي
دي النسمة بتجيب الأمل ... والأمل بصبح رفيق
والأصلو في الجوف أندفن ... لا بتنسي لا بنمحي
لا بنتهي منو الحريق ...
يا ضلنا ...
D D D D D
والفينا من أهات أليمة ... في حكاوينا القديمة
لا بيرحل من عيونا ... لا بتنعشاه الهزيمة
والقبيل راجينو نحن ... يوم تبشر بيهو غيمة
لما تمطر يوم علينا ... والفرح يملا المدينة
والبيوتات الحزينة ...
يا ضلنا ...

D D D D D

خالد حمد موسى
26-07-2005, 11:48 AM
http://tabatpeople.com/songs/sudan/mustafa/safir.ram

سافــــــر
قاسم أبو زيد

سافر مطارات الوداع ..
ضجة قدامك وراك ..... وسماك غناي
مساحات الأسى الفي عيونا ..
تتفجر مدينة وناي ..
بطاقات دعوة الرجعة ..
تساب عينين من الفرحة ..
دموع للحاضرين فجة ..
زغاريد غطت الدنيا ..
وعاد فرح الرجوع منية ..
صداك الريف ... ومن السنبل الغناي
D D D D D
كثير بنعاتب الماضي ..
ولا أسفاً على الحاضر ... صد الرية من قلبك
نغم فنان يعيش راضي ..
مداك إتعدى حد الشوق ..
دخلت على الشعر إنسان ..
هواك إتخت جوة الجوف ،، وإنتحر النهار هسه ..
نغنيك لي مدن شاخت ..
معاك أحلامي ما تنسى ..
تغنيك القرى الراحت ..
خلاص يا غربة ما ترسى ..
غنيناك وبنغني ..
ويتحدى الزمن فنان ..

عزت الهادي
02-09-2005, 01:54 AM
مشكور يارائع علي الابداع

دايما صاحب جديد

لك كل الشكر ايها الرائع..

114
12-09-2005, 03:51 AM
ليه يا شباب ما نوثق لسيد الأغنية الحديثة العملاق المقيم الراحل ابراهيم الكاشف؟