المساعد الشخصي الرقمي

مشاهدة النسخة كاملة : تعالوا نعبر احد الخطوط الحمراء ..



ريمون
09-05-2013, 02:06 AM
خط احمر ..
انصياع الزوج لزوجته ..
*انصياع تام .. بقناعه ؟ بدون قناعه ؟
*انصياع جزئي
*تمرد .. بفهم ؟ بدون فهم ؟



























يا ربي الحيخش هنا منو ؟؟!!!!

هيثم عبدالعال
09-05-2013, 03:06 AM
أنا غايتو ما عندي مانع ، مش ( زوجته ) !

ساريه
09-05-2013, 03:13 AM
ريمون سلام ....

غيرى لينا كلمة إنصياع دى خلينا نخش ....

عنكوليب
09-05-2013, 03:53 AM
إنصياع ؟؟

نهي !!!!!

ابوالنور
10-05-2013, 09:41 AM
الصياعه دي للمتزوجين فقط ولا لينا معاهم فيها نصيب ياخ

ريمون
11-05-2013, 06:14 AM
أنا غايتو ما عندي مانع ، مش ( زوجته ) !
هسه يا هيثم ده نقاش ..؟؟؟؟
ما تسمو ياخ وما تتحسس ..
هههههههههههههههههههه

بالجد ..
انا كمان شايفه انو ما غلط ..
بس بي فهم واحترام ..

ريمون
11-05-2013, 06:18 AM
ريمون سلام ....

غيرى لينا كلمة إنصياع دى خلينا نخش ....

نغيرها ليك ليه ؟؟
غيريها براك ..
اكتبي فهمك للانصياع الصحي البخليك تقدري تدخلي ..

ريمون
11-05-2013, 06:21 AM
إنصياع ؟؟

نهي !!!!!

نهي عديل كده ..!!!
لا كمان في لحظات لازم ينصاع ..
ولو نهي البديل شنو ؟؟

ريمون
11-05-2013, 06:24 AM
الصياعه دي للمتزوجين فقط ولا لينا معاهم فيها نصيب ياخ ا
كيف ياخ للمتزوجين بس ؟؟!!
انا افكر .. اذاً .. انا موجود ..
انداح .. البوست بوستك ..

عاطف عولي
11-05-2013, 06:25 AM
عاوزين ناس الراية البيضاء مش؟

ريمون
11-05-2013, 06:36 AM
المواضيع الحساسة دي لازم الناس تناقشه بي بتجرد وبعيد عن التفاصيل الشخصية ..
يعني محتاجين شفافية ..
والاهم بي واقعية ..
والاهم اكثر العمق في النقاش ..

ريمون
11-05-2013, 06:40 AM
عاوزين ناس الراية البيضاء مش؟

عاوزين نساعد بعض بالنقاش والاراء المختلفه ..
اكيد كلو في ..
اقصي اليمين .. الوسط .. اقصي اليسار ..
عاوزبن نوصل لي فهم مثالي ..
نفتح عقول بعض ..


مستنينك يا عولي ومتأكده نقاشك مثمر ..

عاطف عولي
11-05-2013, 09:53 AM
مستنينك يا عولي ومتأكده نقاشك مثمر ..


ههههههههههههههههه

عاوز ادردققك يا ريمون دردقتيني

شاطرة والله

وذكرتيني أيام الجامعة والأركان القنطرةوالشوت الضفاري

وطبعآ الموضوع عميق وحبيت بث اديكم حبة مقبلات تفتح الشهية

طبعآ من خلال دراستي في قسم التنمية الريفية جامعة الجزيرة وكمية كورسات الجندر والجندرة

المراة وما أدراك ما المراة النوع التمكين التنمية وهلما جر

ثم علاقتنا مع ناس الاحفاد وجمعية بابكر بدري

وعلاقاتنا من أقصي اليمين الي أقصي اليسار

من فيمينست وغيره

ورغم تحيزي الي جانب المراة وتشهد بذلك مجموعة الأوراق والسمنارات بالقسم بالجامعة

الا أني أجد نفسي من أصحاب المدرسة الوسطية

ومن الأوراق التي تناولتها بالقسم والسمنارات

1- تحيز قوانين العمل ضد المراة

2- المنعكسات الإقتصادية للخفاض في السودان

3- التحرش الجنسي ببائعات الشاي

4- دور الموسسات العقابية في أصلاح إنحرافات وجنوح المراة

5- دور الخدمات الإجتماعية بمشروع الجزيرة في تنمية المراة

اها يا ريمون بث منتظر واحد من الشيوخ يدينا قدمة وبجيك بي مهلة

ريمون
11-05-2013, 10:13 AM
عولي وانا متابعه ..
وبجي راجعه كمان انا ليك ..
البوست حيكون دسم وحيؤتي اكله ان شاء الله ..


احتراماتي .. بعمق ..

هيثم عبدالعال
12-05-2013, 04:28 AM
هسه يا هيثم ده نقاش ..؟؟؟؟
ما تسمو ياخ وما تتحسس ..
هههههههههههههههههههه

بالجد ..
انا كمان شايفه انو ما غلط ..
بس بي فهم واحترام ..

أكيد نقاش بس بسطنا اللغه ، أها النقعرها : التصنيف أو الوضع في خانة الإنصياع التام حتماً يأتي من طرف ثالث قد لا تكون له علاقه بأي من الطرفين أو قد تجمعه بهما علاقة فهو والحال كذلك ينطبق عليه المقولة ( الداخل بين البصله وقشرتها ) فطالما الطرفين إرتضيا تسيير حياتهما وفق أحد الخيارات أعلاه (تام بقناعه أو بدون ، جزئي ) فهو خيار لابد أن يحترم فالمسير (بفتح الياء وتشديدها ) والمسير (بكسر الياء وتشديها ) إقترن إيجاب أحدهما بقبول الثاني وغالباً لا يمس هذا الإتفاق غيرهما ولا يؤثر سلباً أو إيجاباً على سواهما ... لذا أبارك دون أي مانع أو تحفظ .

عاطف عولي
12-05-2013, 06:37 AM
فرشة مفاهيم لأبد منها

1- الزواج شركة مساهمة او شركة تضامنية (الكلام دا لأنو معانا مستشارين ما ينطو لي في حلقي بقانون الشركات) بين أثنين يملكان راس مالها مناصفة وبالتالي لا يحق لأي طرف الأنفراد برئاسة مجلس الإدارة والإدارة هنا جماعية( هنا تكمن قيمة التفاهم في الحياة الزوجية).
2- أخطر قرار يتخذه الرجل أن يسمح لأمراة بعينها مشاركته تفاصيل حياته وفي ذات الوقت أخطر قرار تتخذه المراة السماح لذات الرجل مشاركتها تفاصيل حياتها(وهنا تكمن قيمة قبول الآخر والمرونة ومجموعة التنازلات علي الصعيد المفاهيمي والقيمي بين الأثنين من أجل إستمرار مسيرة الحياة الزوجية) (قبول الآخر يعني قبوله بمحاسنه ومساويه).
3- هناك أشياء لا نستطيع تحديد كنهها وهذا من منظور فلسفي بحت فمثلآ عندما قال الشاعر وغناها المغني (بريديك قبل ما أعرفك) هل كان كاذب أم صادق؟ وعندما قال الثاني ( لمحتك وكنت ذي شفتك قبل القاك وذي أنك بتنبعي من فرح جواي) وحسب أعتقادي المتواضع أنهم علي حق وأعتقد أن الأرواح وهي تسبح في الملكوت الأعلي قد ألتقت وإتلفت وتآلفت وتعارفت وعندما نزلت الأرض وسكنت الأجساد كوعاء اصبح كل طرف يبحث عن الطرف الآخر........ نكمل لاحقآ الفرشة المفاهيمة

هيثم عبدالعال
12-05-2013, 06:42 AM
الظاهر ريمون باعت الفكرة لبرنامج مساء جديد بالنيل الأزرق ، شايفهم الآن مدورين نفس الطرح !!

عاطف عولي
12-05-2013, 06:48 AM
الظاهر ريمون باعت الفكرة لبرنامج مساء جديد بالنيل الأزرق ، شايفهم الآن مدورين نفس الطرح !!

يا جميل ممكن يكون توارد افكار ولا هم سرقوا مننا الفكرة

ابوالنور
12-05-2013, 09:07 AM
بنجيكم بعد العرس ياخ

عاطف عولي
12-05-2013, 09:36 AM
بنجيكم بعد العرس ياخ

منتظرنك يأخ

عليك الله ما تخلينا نطول الإنتظار


أبو النور يا جميل مشتاقييييييييييييييييين يأخ

أنتا وين؟؟؟


أنا وين؟

شفتك شفتك وين؟؟؟؟؟؟؟

ريمون
12-05-2013, 11:53 AM
البوست في ايدي امينه ..
لظروف سفري للخرطوم لبعض الاعمال لا اتمكن من الكتابه ..
اتمني مواصلة النقاش ..
البوست بوستكم ..
واكيد لي عودة ..

عاطف عولي
12-05-2013, 09:20 PM
لظروف سفري للخرطوم لبعض الاعمال لا اتمكن من الكتابه ..


تمشي وتجي بالسلامة ريمون مع السلامة

وخلي بالك من عربيات الخرتوم الكتارات ديل