الد يـــــك !!

[ود سعدابى]

الديك زكر الدجاج
ديك المسلمية ..!!
ديك السرة بخلاف كلبها..
اماتنا زمان .. لمن نغلط بقولن لينا ديك السرة !!
ديك العدة ذلك الديك الذى يتسم بصفات البلادة الشجاعه المابتقدر تحاحى
لو حاحيتو بكسر العدة .. ولو خليتو بوسخ العدة
الديك رمز الزهو الكازب .. صاحب النرجسية الواهية
المنبه الفى غير موعدو
ديك الزار .. الذى تاتى به المراءة لحفلة زار اسود اللون لامع دامع العينين!!
ديك الغول .. حجوة حبوبتى بخيته
التى تقول فى نهاية بحثه عن الغول وجده داخل كهف مجرد من ان راى الغول تجمد فى مكانه إلى ان باض !!
فاعتقد الغول انه ليست من ضمن اعدائه فإنه فقط مجرد جداده !!

[عنكوليب]

ودسعدابي ،،

الديك سمخ ياخ ،، مادام بنعملوا حلة ذغني ،،

الديك لا يؤذن الا في مسوح فيه بالصلاة ،، ولك أن تلاحظ ذلك ،، غير
الصلوات المفروضة ،،

وعليك الله شفتو يوم ساكي ليه ديك تاني ،،، والله تموت بالضحك ،،
وهو جاري كدة قوم انت أنهرو ،، توووووووووووووووشك ينزلق بردلاااااب ويقلب الهوبة ،،
غايتو مصارينك بتقطعن ،،،،

تسلم ،،

[عبدالمنعم الصديق(خدرا)]

الديك زكر الدجاج
ديك المسلمية ..!!
ديك السرة بخلاف كلبها..
اماتنا زمان .. لمن نغلط بقولن لينا ديك السرة !!
ديك العدة ذلك الديك الذى يتسم بصفات البلادة الشجاعه المابتقدر تحاحى
لو حاحيتو بكسر العدة .. ولو خليتو بوسخ العدة
الديك رمز الزهو الكازب .. صاحب النرجسية الواهية
المنبه الفى غير موعدو
ديك الزار .. الذى تاتى به المراءة لحفلة زار اسود اللون لامع دامع العينين!!
ديك الغول .. حجوة حبوبتى بخيته
التى تقول فى نهاية بحثه عن الغول وجده داخل كهف مجرد من ان راى الغول تجمد فى مكانه إلى ان باض !!
فاعتقد الغول انه ليست من ضمن اعدائه فإنه فقط مجرد جداده !!


ديك المسلميه بعوعى وبصلتو في النار لكن مافى الذ من قصة ديك الحبشى يقال والعهده على الراوى ان حبشى يسكن في معسكر اللاجئين الشهير اسوتربا في بورسودان قصد زيارة اهله في الديم ولا الصحافه ماعارف وكان عندو ديك عاجبو قرر انو يشيلو معاهو هديه لاهله في الخرطوم حتى ينعم باكلة زغنى ماحصلت والديك كان سمين ومدوعل بس تقول ركشه المهم ركب الباص وختى الديك تحت الكرسى وكلما يجى في نقطة تفتيش العسكرى يشوف الديك لمن ينخلع وعلى طول يقول الديك دا حق منو ياجماعه الحبشى وبكل فخر وبكل براءه يقول حقى انا ياجنابو العسكرى انزل تعال تحت الديك دا قاعد تاكلو شنو ياتسفاى الحبشى كورن فلكس ياجنابو وطراااخ كف كورن فلكس يامفترى الناس ميته بالجوع وفى التفتيش البعدو نفس السوال من العسكرى الحبشى قمح ياجنابو وطراخ وبعدها عيش ياجنابو وطراخ تاخ كفين ولمن وصل سوبا نفس السوال والاجابه والله ياجنابو انا ماقاعد ااكلو انا بديهو المساريف وهو بياكل بطريقتو ياجنابو

[ابوالنور]

غايتو يا ود سعدابي انا زول سمك سااااي زي ود المطامير صاحبي ده ياخ

[ود سعدابى]

ودسعدابي ،،

الديك سمخ ياخ ،، مادام بنعملوا حلة ذغني ،،

الديك لا يؤذن الا في مسوح فيه بالصلاة ،، ولك أن تلاحظ ذلك ،، غير
الصلوات المفروضة ،،

وعليك الله شفتو يوم ساكي ليه ديك تاني ،،، والله تموت بالضحك ،،
وهو جاري كدة قوم انت أنهرو ،، توووووووووووووووشك ينزلق بردلاااااب ويقلب الهوبة ،،
غايتو مصارينك بتقطعن ،،،،

تسلم ،،

عنكوليب
ياخ اسمك دايماً برجعنى كم تاشر سنه وراء .. زمن كنا بننقى العنكوليب فى ديوان جدى الضو
وكل يوم المدرسه بتجيها شكوى
اولاد فريق فلان كسرو عنكوليب حاج الماحى
واول ما يندهونا

بنقيف فى نص الطابور كوقفة الديك الذى باض عندما واجهه الغول

شكرن آلسمح
محبتى + تلاته فدان من عنكوليب الولف

[ود سعدابى]

ديك المسلميه بعوعى وبصلتو في النار لكن مافى الذ من قصة ديك الحبشى يقال والعهده على الراوى ان حبشى يسكن في معسكر اللاجئين الشهير اسوتربا في بورسودان قصد زيارة اهله في الديم ولا الصحافه ماعارف وكان عندو ديك عاجبو قرر انو يشيلو معاهو هديه لاهله في الخرطوم حتى ينعم باكلة زغنى ماحصلت والديك كان سمين ومدوعل بس تقول ركشه المهم ركب الباص وختى الديك تحت الكرسى وكلما يجى في نقطة تفتيش العسكرى يشوف الديك لمن ينخلع وعلى طول يقول الديك دا حق منو ياجماعه الحبشى وبكل فخر وبكل براءه يقول حقى انا ياجنابو العسكرى انزل تعال تحت الديك دا قاعد تاكلو شنو ياتسفاى الحبشى كورن فلكس ياجنابو وطراااخ كف كورن فلكس يامفترى الناس ميته بالجوع وفى التفتيش البعدو نفس السوال من العسكرى الحبشى قمح ياجنابو وطراخ وبعدها عيش ياجنابو وطراخ تاخ كفين ولمن وصل سوبا نفس السوال والاجابه والله ياجنابو انا ماقاعد ااكلو انا بديهو المساريف وهو بياكل بطريقتو ياجنابو


ديك المسلميه بعوعى وبصلتو فى النار
ياخ منتهى الأمل .. وتجسيد واضح لفلسفة كيف تعيش الحياة وانت قاب سكين او ادنى تحيلك إلى عضام يختلى بها كلب
بعد ان صاحبه جاهد لكى ينهش كل لحم فيها
ديك الحبشى .. دا تلقاهو مسخ عليهو لمن وصل


شكرن.. عميقن
مرورك دنكل حلة الود بى ديك المحبه

[ود سعدابى]

غايتو يا ود سعدابي انا زول سمك سااااي زي ود المطامير صاحبي ده ياخ


ابو النور الزول السمكى
ياخ لو جربتا زغنى بى ديك سوف تنسى البحر وان به شى اسمه سمك
دا بعد تكون اخدتا جرعه كافيه من الشطه

تشكر
مرورك اضافه نكهة السمك على حلة ديك الود

[ابوالنور]

ابو النور الزول السمكى
ياخ لو جربتا زغنى بى ديك سوف تنسى البحر وان به شى اسمه سمك
دا بعد تكون اخدتا جرعه كافيه من الشطه

تشكر
مرورك اضافه نكهة السمك على حلة ديك الود
م هو نحنا هدفنا الاساسي م السمك الكلام الحتة ال بتدسي فيها السمك ياخ اما الديوك دي متاحة جدن وبحب اتفرج عليها في الشاشة وخصوصن لمن تسخن المصارعة ياخ انت زول راقي