مجدالدين شريف
29-08-2013, 12:08 PM
حاول صاحب الكتاب (الرايح العربي) مواليد جزيرة الكنز
ان يتوصل الي مقارنة بين الحب الرايق والحب في زمن الشفقة ،،
وذكر في خربشات علي جدار الاحلام وهو الفصل الثاني من الكتاب
كيف كان يتوصل الشاب الي قلب الفتاة ،،،
مستصحبا فترة ماقبل (حفر البحر ) وتناول ابطال هذه الفترة
(الحاج)الشهير بشارلستون (وعطية ) ابو جلابية مكوية
و(حسكـــو) الشبــــاب ،،
وذكر بعض الوسائل (https://www.google.com/search?hl=ar&client=firefox-a&rls=org.mozilla:en-US:official&q=%D8%A7%D9%84%D9%88%D8%B3%D8%A7%D8%A6%D9%84&spell=1&sa=X&ei=oWlNUYa8JcLEPe2BgfgI&ved=0CC0QBSgA) التي كان يعتمد عليها هذا الجيل في (القص)
والقص هنا تعني التمركز في مكان مقابل للفتاة ورميها بالنظرات
فكان الشاب يقشر اخر قشرة بي قميص تحرمني منك ويجلط الشعر
بي زيت السمسم واضعا عطر (ون مان شو) ،،
يجلس جلسة نظرة مني ونظرة منك واحدة مني والتانية منك
وكل دقيقتين يطلع المنديل
الكاروهات ويمسح حبيبات العرق ويبرد النفس الطالع ،،،
وسط تجاهل الفتاة العاملة مشغولة مع البنات وكل مرة تكحل
ليه بالرقراق وتقطع مع البت الجمبها ،، مع حركات لا تخلو
من التوتر الظاهر (وصليح) الطرحة مع نوع من الدلع في القعدة ،،
في هذه الاثناء تنطلق (ام هله هله ) عند الشاب وتغلبو القعدة
فيرتفع صوت الشاب بالونسة مع الزول الجنبو ،،،
(والله الحفلة سمحة جنس سماحة ) (والله عسل عديل )
(انت قلت لي بتقرا وين ) وصاحبو يقول ليه (انت جنيت ولا شنو )
(لا لا ماجنيت بس شكلي حا اجن ) ،،
ودا كلو بحاول يسمع البت الكلام ..
وطبعا لافي تلفونات ولا في من ستة لي ستة ولا الدقيقة بي قرش
يقوم صاحبنا يجري لبتاع الدكان ويقول ليه اديني ورقة فلسكاب
وقلم ،،
بتاع الدكان زمان كان قطيم جنس قطامة واصلو مابخليك ساي
(عاوز بيهم شنو )؟؟
لا لا بس عندنا تمرين وعاوز احلو في الورقة !!!
يختف الورقة والقلم ويجري علي اقرب مكان فيه لمبة
ويقعد يفكر يكتب شنو ويبدا من وين ،،
بس جاتو فكرة !!
ضرب التربيزة في حالة تشنج لمن القلم ابا يكتب لانو جديد
ومحتاج شخبطة كتيرة ،، وفي المسافة دي الكلام طار منو !!
اتوكل علي الله وخت سن القلم في بداية والورقة وقال :
هل عندك شكٌ أنك جزءٌ من ذاتي
وبأني من عينيك سرقت النار. .
وقمت بأخطر ثوراتي
أيتها الوردة .. والياقوتة .. والريحانة ..
والسلطانة ..
حبيبتي (س) والله من شفتك انا ما قادر اتمالك نفسي
وقلبي عاوز يطير مني .. عيوني مابتنوم وخيالي معاك بحوم
ياسمحة زي لون الدهب .. حني علينا لو بي نظرة عابرة
قام رسم ليه قلب وفيه سهم في النص
ملحوظة :
مستني ردك علي احر من الجمر
المخلص المعذب دوما ،، فلان الفلاني
طبق الورقة وفراها مليون مرة قراها تاني وتالت وعشرة
بعد الحفلة انتهت عمل فيها ماشي بهناك قام وقعد وتاني قام
مشا بي جمبها ورما الورقة تحت كرعيها ،،
كان برجف وعندو حمة ام برد ،، وكان حاسي انو العالم كلو شايفو
لم يلتفت وواصل المسير في سرعة اقرب للهرولة ،، وما كان شايف قدامو
دقش الكرسي وعفص ليه واحد .. بدل يصلح الكرسي ويعتذر للراجل
صلح الراجل واعتذر للكرسي !!!!
وفضل مساهر لحدي الصباح يعاين للنجوم ويتخبل وشها مع القمر
ويقول في سرو ياربي شالت الورقة ؟؟!!
ياربي حايوصلني الرد ؟؟!!
ويطلق مجموعة من الآهاااااااات ...
نواصل ..http://ashankyamerriekh.net/vb/images/smilies/138.gif
الفصل الثالث من الكتاب قريبا (حنك النمل المابعضي) ونتعرف علي الحب الان
ان يتوصل الي مقارنة بين الحب الرايق والحب في زمن الشفقة ،،
وذكر في خربشات علي جدار الاحلام وهو الفصل الثاني من الكتاب
كيف كان يتوصل الشاب الي قلب الفتاة ،،،
مستصحبا فترة ماقبل (حفر البحر ) وتناول ابطال هذه الفترة
(الحاج)الشهير بشارلستون (وعطية ) ابو جلابية مكوية
و(حسكـــو) الشبــــاب ،،
وذكر بعض الوسائل (https://www.google.com/search?hl=ar&client=firefox-a&rls=org.mozilla:en-US:official&q=%D8%A7%D9%84%D9%88%D8%B3%D8%A7%D8%A6%D9%84&spell=1&sa=X&ei=oWlNUYa8JcLEPe2BgfgI&ved=0CC0QBSgA) التي كان يعتمد عليها هذا الجيل في (القص)
والقص هنا تعني التمركز في مكان مقابل للفتاة ورميها بالنظرات
فكان الشاب يقشر اخر قشرة بي قميص تحرمني منك ويجلط الشعر
بي زيت السمسم واضعا عطر (ون مان شو) ،،
يجلس جلسة نظرة مني ونظرة منك واحدة مني والتانية منك
وكل دقيقتين يطلع المنديل
الكاروهات ويمسح حبيبات العرق ويبرد النفس الطالع ،،،
وسط تجاهل الفتاة العاملة مشغولة مع البنات وكل مرة تكحل
ليه بالرقراق وتقطع مع البت الجمبها ،، مع حركات لا تخلو
من التوتر الظاهر (وصليح) الطرحة مع نوع من الدلع في القعدة ،،
في هذه الاثناء تنطلق (ام هله هله ) عند الشاب وتغلبو القعدة
فيرتفع صوت الشاب بالونسة مع الزول الجنبو ،،،
(والله الحفلة سمحة جنس سماحة ) (والله عسل عديل )
(انت قلت لي بتقرا وين ) وصاحبو يقول ليه (انت جنيت ولا شنو )
(لا لا ماجنيت بس شكلي حا اجن ) ،،
ودا كلو بحاول يسمع البت الكلام ..
وطبعا لافي تلفونات ولا في من ستة لي ستة ولا الدقيقة بي قرش
يقوم صاحبنا يجري لبتاع الدكان ويقول ليه اديني ورقة فلسكاب
وقلم ،،
بتاع الدكان زمان كان قطيم جنس قطامة واصلو مابخليك ساي
(عاوز بيهم شنو )؟؟
لا لا بس عندنا تمرين وعاوز احلو في الورقة !!!
يختف الورقة والقلم ويجري علي اقرب مكان فيه لمبة
ويقعد يفكر يكتب شنو ويبدا من وين ،،
بس جاتو فكرة !!
ضرب التربيزة في حالة تشنج لمن القلم ابا يكتب لانو جديد
ومحتاج شخبطة كتيرة ،، وفي المسافة دي الكلام طار منو !!
اتوكل علي الله وخت سن القلم في بداية والورقة وقال :
هل عندك شكٌ أنك جزءٌ من ذاتي
وبأني من عينيك سرقت النار. .
وقمت بأخطر ثوراتي
أيتها الوردة .. والياقوتة .. والريحانة ..
والسلطانة ..
حبيبتي (س) والله من شفتك انا ما قادر اتمالك نفسي
وقلبي عاوز يطير مني .. عيوني مابتنوم وخيالي معاك بحوم
ياسمحة زي لون الدهب .. حني علينا لو بي نظرة عابرة
قام رسم ليه قلب وفيه سهم في النص
ملحوظة :
مستني ردك علي احر من الجمر
المخلص المعذب دوما ،، فلان الفلاني
طبق الورقة وفراها مليون مرة قراها تاني وتالت وعشرة
بعد الحفلة انتهت عمل فيها ماشي بهناك قام وقعد وتاني قام
مشا بي جمبها ورما الورقة تحت كرعيها ،،
كان برجف وعندو حمة ام برد ،، وكان حاسي انو العالم كلو شايفو
لم يلتفت وواصل المسير في سرعة اقرب للهرولة ،، وما كان شايف قدامو
دقش الكرسي وعفص ليه واحد .. بدل يصلح الكرسي ويعتذر للراجل
صلح الراجل واعتذر للكرسي !!!!
وفضل مساهر لحدي الصباح يعاين للنجوم ويتخبل وشها مع القمر
ويقول في سرو ياربي شالت الورقة ؟؟!!
ياربي حايوصلني الرد ؟؟!!
ويطلق مجموعة من الآهاااااااات ...
نواصل ..http://ashankyamerriekh.net/vb/images/smilies/138.gif
الفصل الثالث من الكتاب قريبا (حنك النمل المابعضي) ونتعرف علي الحب الان