المساعد الشخصي الرقمي

مشاهدة النسخة كاملة : (لوحـة بـروق)


عمر احمد
04-04-2005, 09:06 AM
مرات كدا!
تتوارى لي سحنة وشيك ..
زي طيف مرق من الشروق
واسأل عليك ..
حواتي خايد في الطمي
رامي الشباك ..
لو صدفة صادك .. او لقاك.
وانا في الأساس ..
متشابي لى لوحة بروق
مغموسة بي وهجك متاع
بدفر عليك نواتي بسأل عن نغم
بلقاهُ فيك ...
مقطع شرد وصداه راجع منكسر
أو يحتويك ..
نحات عظيم يتأملك
بيناتو موعد يبتديك
واجعاهو فكرة لقاها فيك
اوحتلو في لحظة شرود ..
انك ترانيم للعشق
وإزميلو جايب شكل غيم
انا من متين واقف حداك؟
متلهفك ...!
كبي الوجع .. شان أغرفو
واملي الفراغ ..
عبيه تـبّْ .. بي طلعتك
… برسم على الهامش .. شعار
حرفين قيام ..
خط في الوسط ..
لون في الإطار.
ابوقيس
04-04-2005, 07:05 PM
مشكور اخوي عمر احمد علي دررك الجميله
الزمن المريح
08-04-2005, 09:41 PM
تشكر اخ عمر أحمد ،،
قصيدة جيَدة و معبرة ،،
و كلنا اشواق لمن فارقنا و نبحث عنهم فى شباك صياد ،،
او فى أطار نحات ،، او فى رسالة او حتى فى قصاصات خطاب

قريبا يكون الموعود..... لقاء .......... لقاء بعد فراق ........

مع وافر الشكر اخ عمر .....
114
10-04-2005, 06:08 AM
إحساس عميق ومرهف يا عمر
ننتظر المزيد
عمر احمد
11-04-2005, 02:52 PM
ابو قيس

اشكر حضورك الانيق

تحياتي
عمر احمد
11-04-2005, 02:58 PM
الزمن المريح

اسعدني حضورك .. وكلماتك الرقيقة ............. شكرا كثيرا
عمر احمد
11-04-2005, 03:01 PM
114

لك كل التقدير على هذا التعليق وهذه الاريحية

شكرا جدا
أبوبكرحامد
11-04-2005, 10:04 PM
الرائع عمر أحمد ............. عمل رائع ويشبه لحد كبير أغنيات الراحل مصطفى سيد أحمد له الرحمة ولك التقدير .

ود الماذون