عشان خاطرنا ..

[ود الضو]

المتواجدون الآن 140 عضو (http://www.wadmadani.com/vb/online.php). الأعضاء 2 والزوار 138
أكبر تواجد بالمنتدى كان 566, 14-12-2007 الساعة 09:20 AM.


‏ود الضو (http://www.wadmadani.com/vb/member.php?u=9181),
‏الملكة اسماء ( ام محمد ) (http://www.wadmadani.com/vb/member.php?u=7697)




............
ازيك يا ام محمد , ويا ود الضو
كل عام والجميع بالف خير , عيداً كدي نلاقي المتواجدون الآن 140 والزوار 2 ,,
ومن كثرة المواضيع ماتلاقي زمن تمر عليها كلها ,,
ومازال العشم باقيا ..

[ود الضو]

ممكن اهدي ؟؟
....
أبي وأمي وأخوتي وكل الاسرة , لكم الطاعة والامنيات , عيد سعيد عليكم حد الاشتهاء , والي كل رفقاء الدروب الذين تقاسمت معهم المشاوير , كل يوم وانتم بألف خير ..

[ود الضو]

الي رفيقة الدرب ( فردة جناحي التاني ) , القريبة الزّيّي لي , فدادين عشق , باقة أمنيات , كل عام وانتِ حبيبتي , عيد سعيد عليك , عيد قادم وكل الاماني قد أخضرّت وتحققت ,,

[ود الضو]

داير أهـدي ( بسمة ) :
لكل أطفال بلادي الذين كان قدرهم ان يأتوا الي الدنيا هكذا وتحتضنهم دور الرعاية , ( تجدكم بخير وعافية ) ..
..
وإلي كل اطفال بلادي الذين قد افترشوا الطرقات واتخذوها مسكن , اهديكم ( بسمة , وحلم ) أن تجدوا الامان والرعاية , واشوفكم ماسكين الكرّاس والقلم بدل قطعة القماش تلك التي تستعملونها للهروب من واقع مرير قد فُرض عليكم , تجدكم طيبين آآلزينين ..

[ود الضو]

وإليكم انتم يامن تحتضنكم ( المعسكرات والملاجئ ) , وتلك الارجل قد غبّرتها مشاوير النزوح بحثاً عم ( امان ) في هذا الزمن الخراب , شيوخ عجزة , نساء , وأطفال , أهديكم ( دعوة ) صادقة بأن يعود الوطن سيرته الاولي , ونرجّع كل ضحكاتنا ومووايل فرحنا الغابت , تعود الابتسامة لتكل القطاطي هناك , وتفيض الاودية لتغسل اولاً كل النجاسات التي قد استوطنت الديار من ( عسكر , ومتمردين ) ..

[الملكة اسماء ( ام محمد )]

المتواجدون الآن 140 عضو (http://www.wadmadani.com/vb/online.php). الأعضاء 2 والزوار 138
أكبر تواجد بالمنتدى كان 566, 14-12-2007 الساعة 09:20 AM.


‏ود الضو (http://www.wadmadani.com/vb/member.php?u=9181),
‏الملكة اسماء ( ام محمد ) (http://www.wadmadani.com/vb/member.php?u=7697)




............
ازيك يا ام محمد , ويا ود الضو
كل عام والجميع بالف خير , عيداً كدي نلاقي المتواجدون الآن 140 والزوار 2 ,,
ومن كثرة المواضيع ماتلاقي زمن تمر عليها كلها ,,
ومازال العشم باقيا ..
ود الضو ياوريف

كنت على وشك العتب عليك حيث أجدك في مكان أخر في حين أنك تتعذر بالوقت ..
معك حق
فالوضع مؤلم و غير مشجع ..

ولكن .. صدقني هم متواجدين .. فقط بحاجة لأنعاش


معآ باذن الله سنعيد بيتنا هذا لسيرته الآولى ...

بمزيد من الصبر .. سيكون عدد المواضيع كما تتمناه وكذلك المتابعين و المتواجدين


وكل عام وانت ومن تحب بمليون خير

[ود الضو]

حنين :
البيوتات المستفه بالحنين ، جواها صوتك ،،
....
فى شارع الروح القدّامى , رجع طيفك من تانى ..
وبين بابك والشارع , نشرت احلامي لك وللسائلين ..
....
وجـع :
اما كفت دموعنا عطش؟؟
وﻻ كتلت دمانا الجوع ؟؟
....
رشـفة أمـل :
....
ولو فضل في العمر خطوة
وسع الأحلام
واهرب منو ضيقك
لي براح في الشوق يتاوق
في شبابيك غربة حبيبك
ويا أخي سيبك
من متاهات في الخواطر
والمشاوير التشاتر
يا اخي سيبك
هي ضلمة وانت عارف
ضي بريقك
وبرضو عارف
قبل ما تختار طريقك
ابقي واثق من رفيقك
وامسك الجمرة البتبرق
بين رمادك
وبين حريقك
مين رفيقك
غير شجن
واشواق
ولوعة
شحنة الحزن البصيبك
يا اخي سيبك ..
يـاخي سيبك !!
مشاققة :
قبل ما تختار طريقك , أبقي واثق من رفيقك ,,
أبقي واثـق منه جـداً ..

[ود الضو]

[quote=الملكة اسماء ( ام محمد );725585]ود الضو ياوريف

كنت على وشك العتب عليك حيث أجدك في مكان أخر في حين أنك تتعذر بالوقت ..
معك حق
فالوضع مؤلم و غير مشجع ..
............

وانتي بالف خير وكل حبانك
رغم كل شيئ خطاي لاتستطيع ان تفوت من هنا
فلهذا البيت علينا دين مستحق ,
لن نبارحه ولن نهجره , ومازلنا ماسكين في العشم
وآمالنا لم تزل خدراء ..

[ود الضو]

مضى نِصف الحُزن ..
اسمحلي وقتك إنتهى
اجمعلى ورقك ياوَطن ..
شكلك وﻻ مذاكِر تمام
ومن يوم عِرفتك مُمتحِن !!
...
هداك البلد ..
واقف علي طرف الدرب ..
يشحد..
ينادي الناس ..
مدنقر ومنكسر ..
حب لله ..
حب يا بشر ..
حبُّو التراب اﻻتمكن !!
..
فـ ياوطني كيـف حالك ؟؟

[ود الضو]

فـ عشان خاطرنا خلّوا عيونكم الحلوات تخاطرنا
ولمّا تمروا ( بي هنا ) ابقوا اقيفوا واسألوا عننا ياخ
طايبونا , سالمونا , وطمئنونا ,,
و
العمر شتّان مابين اوان زمنا حييتو وعمر مابتقدر تعرف بكرة يصبح حالو كيف ..

[ود الضو]

تفوتني كيف
وسكتك مرشوشة بي"*
وتسيبني ليه
وانا في حواسك لسه حي
"ما حاسي بي؟!!!
يا الرفقتك شوقي وهواي"
انا ما براي اخترت لي
وانا ما سقيتك من دماي
شان بس تفوت وتعدي بي
وانا ما دفقتك في جواي
شان اروى بيك كمان شوي
انا لو علي
اديك عيون الليل فرح
واديك شجون اشواقي ضي
وابقى الكلام الفي لماك
همس الحروف الفي عيني
يا الفيني اديتني الامل
من وين اجيب من تاني زي
وانا كلي لابسك بي العشق
من راسي لي قدمي وايدي
وتفوتني كيف
وانا بيك ماليني الفرح
جوايا ما فضلت شيء
يا الفت بي الرضى من شقاك
انا في شقاي اشويني شي
واسقي العيون الحبتك
بالدمعة زيد و ارويني ري
...
عبد الله وداعة ,,

[الملكة اسماء ( ام محمد )]

مشاققة :

قبل ما تختار طريقك , أبقي واثق من رفيقك ,,
أبقي واثـق منه جـداً ..



ود الضو
حرفك السحري عادة يصيبني في مقتل

نعم .. نحتاج لمعرفة رفيق دربنا اكثر .. ونحتاج وضعه في اختبارات لا يجتازها الا من يمكنه ان يتحمل معنا صعاب الحياة ..

والا ... كان طريقنا محفوف بالشوك من اوله لاخره ...

[ود الضو]

ود الضو
حرفك السحري عادة يصيبني في مقتل

نعم .. نحتاج لمعرفة رفيق دربنا اكثر .. ونحتاج وضعه في اختبارات لا يجتازها الا من يمكنه ان يتحمل معنا صعاب الحياة ..

والا ... كان طريقنا محفوف بالشوك من اوله لاخره ...

....
واسلافنا السابقين قالوها ياملكة :
( الرفيق قبل الطريق ) , يالجمال وصدق فطرتهم ,,
ونحن في ازمان فجيعة لابد من التدقيق في الاختيار ..

[wad alballal]

ياخ كلامك سمح خلاص لمن الواحد ماعارف ير كيف غايتو للضمان كدا لايك كبيرة

[ود الضو]

ياخ كلامك سمح خلاص لمن الواحد ماعارف ير كيف غايتو للضمان كدا لايك كبيرة

.....
ود البلة يسعد الصباحات كلها
طلتك هي السمحة آآآلحبيب
كل عام وانت بخير ..