محطة المواصلات ...

[الملكة اسماء ( ام محمد )]

بسم الله الرحمن الرحيم

الفكرة , كل عابر او جالس في مقاعد ( محطة الموصلات ) دي يرسم لينا مشهد حدث امامه

لا يشترط ان يكون المشهد طويل او شبيه بالقصة

فغالبا مدة الجلوس في المحطة او الوقوف بانتظار الحافلات او البصات او ( الركشات ) لا تاخذ غير بضع دقائق

لا يشترط ان تتصل المشاهد ببعضها ...


لكم حرية اختيار اللغة ... ( ابعدوا لي من لغات شرق أسيا )

ويلا بسم الله نبدا

http://ashorooq.com/images_upload/1368373914.jpg

[الملكة اسماء ( ام محمد )]

مشهد يغيظ

الساعة ستة ونص

مجموعة من سكان الحي مسرعين للحاق ببص السوق الكبير , فتاة ( سمينة ) تخطو ببطئ ملحوظ سببه ( اسكيرتيها الضيق )
تحاول سحب (البلوزة ) مرة مرة للاسف , واحد من اعمامنا الكبار ينظر إليها بغضب وينتهرها قائلا : هو وقت ضيق و حاميكي المشي , كتي لابساهو ليشنو ؟ فوضى وعدم تربية

تعمل نفسها ما سمعته وتواصل سيرها محاولة الاسراع قليلا , كي تهرب من كلماته القاسية و فجاءة ( بردولووووووب ) تقع على وجهها


يضحك عمنا و يهرع اليها شاب ( ظرافة ساااي ) لرفعها
ينهره العم قائلا : خلهاااااااااااااا تقع , تقع سنونها ما تفضل فيهن سن .. جزاكي واقل من جزاكي , واريتو كان فيكي الجسم البلبسوا ليهو جنس ده , قومي طيري بيتكم غيري يغير لونك المبرقع ده

[الملكة اسماء ( ام محمد )]

مشهد ( مُضحك )

شاب وفتاة , يسكنان ذات الحي

يبدو ان بينهما نقاش حاد وإختلاف في وجهات النظر , يظهر ذلك من ارتفاع وتيرة النقاش بينهما بينما هم بانتظار الحافلة المتوجهة للجامعة

مجموعة من ( المتسولات ) , طاعنات في السن يقتربن منا ...

تتوقف حافلة الجامعة , يهرع الشاب والفتاة للركوب , يجلسان بجوار بعضهما

تتقدم إحدى ( المتسولات ) , تقف بالقرب من النافذة بجانبهما , تدعوا لهما ( عااااد ياوليدي الله يديك الفي مرادك , وينجحك ويعرس ليك الصبية الجمبك دي )

تجحظ عينا الشاب و بتعبير ساخر يقف مسرعا ويخرج عملة من فئة العشرات و يعطيها المتسولة قائلا / لا عليك الله ابعدينا من زي الدعوات دي وهاكي ديل مقابل دعوتك لي بالنجاح

يعلن ( الكمساري )لحظة انطلاق الحافلة بعد ركوب اخر شاب ...

تتحرك الحافلة , تمد الفتاة رأسها من الشباك وترمي للمتسولة عشرة اخرى وتقول لها / عليكي النبي قولي ان شاء الله يلف يلف ومايلقى وحدة ترضى بيهو غيري

[الملكة اسماء ( ام محمد )]

مشهدد ( مكرر )

شاب يتكئ على ( عمود الكهرباء ) المقابل لمحطة المواصلات ( يأخد نفسين من سيجارته البرنجي ) , ينفخ الدخان في الهواء

تلوح الحافلة في الافق , يستعجل اخر السجارة ( بجرة نفس طويلة ) يرمي السجارة تحت قدمه و ( يدوسها بقوة ) وينطلق صوب الحافلة وهو يخرج ( علكة ) من جيبة , يرميها داخل حلقه ويرمي ورقة تغليفها أرضا ...

في زاوية قريبة مني , رجلا اربعيني يتكئ على عمود مظلة الموقف , يلبس ( جلابية تبدو سمنية من شدة وساختها ) , يخرج كيسا من جيبة و ( يدنكل سفة سعوط ) ثم يغرسها تحت شفته السفلة , ويصعد مسرعا في الحافلة , جلس بجوار فتاة جامعية , تحركت الحالفة وماهي الا ثوان حتى توقفت فجاءة , لتنزل الفتاة الجامعية وهي ( تبصق ارضا ) بسخط وقرف واضح

[الملكة اسماء ( ام محمد )]

مشهد ( عادي جدا )

مجنون يتجول بين الناس

يعترض طريق الحافلة , ويقسم بالله الا يصعد على متنها احد


يفتح السائق الشباك ويعطيه ( فكة جنيهات )

يتناول المجنون المبلغ و يبتعد بسعادة غامرة و ابتسامة خبث ومكر ترتسم على محياه

لا يزال مفهومي لجباية الضرائب يشبه تصرف ذلك المجنون

[ود الضو]

مشهد ذلك الرجل الكبير عندما طقطق الكمساري
للركّاب حتي يدفعوا التعريفة , الرجل ناول الكمساري
500 , الكمساري عاين للزول الكبير قاليهو ياحاج
الراكب بي جنيه مابي خمسمية , عمنا قاليهو : منو العملها
جنيه ؟ الكمساري يرد : عملتها الحكومة
عمنا بغيظ يرد : إنعل ابو الحكومة ..

[الملكة اسماء ( ام محمد )]

مشهد ذلك الرجل الكبير عندما طقطق الكمساري
للركّاب حتي يدفعوا التعريفة , الرجل ناول الكمساري
500 , الكمساري عاين للزول الكبير قاليهو ياحاج
الراكب بي جنيه مابي خمسمية , عمنا قاليهو : منو العملها
جنيه ؟ الكمساري يرد : عملتها الحكومة
عمنا بغيظ يرد : إنعل ابو الحكومة ..


هههههههههههههههه

رد موجز .. وصادق ياخ

[mahagoub]

زمن الشهامه والنخوه
كنا طلبه بنركب اخر ناس
عشان لو لقيت ناس بتعرفهم تزوق للبص التانى
لانو كان ما دفعته ليهم يا شيل حسك

[الملكة اسماء ( ام محمد )]

زمن الشهامه والنخوه
كنا طلبه بنركب اخر ناس
عشان لو لقيت ناس بتعرفهم تزوق للبص التانى
لانو كان ما دفعته ليهم يا شيل حسك

ههههههههههه


لكننا ياعم محجوب في زمن عينك لقريبك والا جارك تتغابى فيه العرفة وبعد تنزلوا في نفس المحطة تعاين ليهو وكانك متفاجئ وتقول ليهو / ااايه انت بالله كنت معانا , تصور بالي مشغول لدرجة ما انتبهت ليك ..

[mahagoub]

مرات تكون راكب جوه
والجماعه قدام يدفعوا ليك
لمان بجبك الكمسارى تعمل زعلان
وتتحلف فى الهوا

[الملكة اسماء ( ام محمد )]

مرات تكون راكب جوه
والجماعه قدام يدفعوا ليك
لمان بجبك الكمسارى تعمل زعلان
وتتحلف فى الهوا

ههههههههههه

برضو بيحصل ياعمو محجوب

واهم شي كسارين التلج هيهيهيهيهي

[mahagoub]

عليك الله فى الذ من كسير التلج
والذ ما فيه الدقه البتقع من الكسير