ريمون يا صديقة

[ساريه]

ريمون دا بوست محجوز ليك .....

وكل يوم تاخير حتدفعى رسوم أرضية ...

وما دايرين واسطات




بمناسبة الواسطات مبروك لسعيد الترقية وموفق دايماً يارب ويسعدك باولادك ويبارك فيهم ..

اها بوست كل سطر لون احلى من لون ابقى مارقه ..

[ريمون]

سارية يا كل البنات ..
وانا في حضرة هواك دائما بحتل المرتبة الأولي ..
والله مشتاقين ..

[ريمون]

الله يبارك فيك ..
تعالي نحلم بان كل القادم اروع ..
ويا صباحات البدايات الجديدة ..

[مرتضى يوسف العركي]

نعم الاخت سارية تحياتي
ريمون صديقة ورفيقة درب رائعة أحييك
وعبر الصديقة ريمون نحي ابو االعيال
سعادة العميد سعيد محمد سعيد المكي صديق العمر وزميل المهنة
ورفيق الدرب تقاسمنا السنين والظروف حلوها ومرها
اقتسمنا كل شيء برفقة ثالثنا المرحوم طيب الله ثراه ايهاب باهي الدين بحيري
اقتسمنا الرفقة افراحها واتراحها والسيارات العمل وما في الجيوب وحتى الاحلام
وتمامات العساكر في الطوابير وزنزانات الحبس ونصرة اخاك ظالما او مظلوما
حيث قضينا اوقاتا مع بعضنا البعض وتدانينا اكثر مما قضيناه مع اهلنا وبيوتنا ...
ابارك له الترقية لرتبة العميد التي صدر اول امس الاول وهي بلا شك صادفت اهلها
نالها باستحقاق وجدارة فهو الوفي المخلص في خدمة هذا الوطن
وعبر اشرف ميادينه عمل في كل انحائه فكانت كل مدينه له بيتا وبلد
من اقصى شرقه لاقصى غربه ووتنقل ما بين شماله ووسطه
كانت خدمته للوطن وانسانه بجلد الصابر وسعة صدر الكريم وبذل المعطاء
بعفويته المعهودة ورشاقه نفسه الحبيبة ..
التحية لكم رائعتنا ريمون فوراء كل رائع امرأة

[ريمون]

مرتضي يا جميل ..
اخونا وحبينا .. نبارك ليك انت كمان ترقيتهم هو وكل زملائه ..
احلي دفعة واحلي ناس ..
اخواني وقت الحاره ..
وربنا يرحم ايهاب ويبارك في ابناؤه ..

[روبش]

سارية عايزه شنو من ريمون بطلي كسير تلج
اقترح ان يتم حذف البوست

[ياسر عمر الامين]

سارية عايزه شنو من ريمون بطلي كسير تلج
اقترح ان يتم حذف البوست

...اثنى...

[تغريد]

ريمون و سارية


سارية و ريمون


ربنا يخليكم لي بعض ويحفظ صداقتكم إن شاء الله

[telecom]

احلى بوست
ريمو مبروك الترقية وعقبال فريق
ومرت العميد اكيد لواء

[عبدالله محمد العقاد]

سارية عايزه شنو من ريمون بطلي كسير تلج
اقترح ان يتم حذف البوست


روبش يا غالي ياخي خلي الناس تحكي و تالف و تولف

[عبدالله محمد العقاد]

...اثنى...


احيانا يا زعيم اجدك قاسي شوية وكلماتك ليست كالكلمات التي تغشا الغيم و تجيب منه شويه امل و حبة بصل و شطة خضراء هههههه

[عبدالله محمد العقاد]

التحية لك يا ساريه و ما اجمل ان يكون الناس اهل و متحابين و شلة واحدة و ان يكون رغم كل الحالات الجميلة شخصيات مستقله يحدها الحب والتقدير و تفرقها الاراء ما بين مؤيد و مخالف و متفرج و لكن في اطار البيت الجميل

[عبدالله محمد العقاد]

ريمون يا صديقة عنوان جميل و اكثر ما يشدني في البوستات الاسماء فالاسماء قيل انه فيها شي من حتى و حتى تكتمل الملامح احكي تجربتي مع ريمون ...
في فترة من فترات مشاكساتي مع الحبيب دكتور بابكر عباس تصدت لي ريمون ببعض الموجهات الادارية و حقيقة رفضت هذه الموجهات بغضب و بتعابير قاسية شويه فما كان منها الا تنازلت عن رائها الاداري باعتبارها كانت مشرفه و افسحت لي المجال لاواصل مشاكساتي مع الحبيب بابكر عباس فواصلت فيما كنت عليه و لكن كان تصرفها الراقي مؤشر على الافق الواسع و الرؤية المتقدمة و شكل جديد من اشكال الادارة في حل المشاكل مع الاعضاء دون الاساليب الادراية القاسية التي تؤجج الصراعات و تزيد من الغضب و تخلي الناس ما تطيق لبعض كلمة ..
ريمون يعطيك العافية انشاءالله انت والكراميش ( الكراميش بالعامة الاردنية يعني الاطفال الصغار ) و ابوهم و الف مبروك الترقيه لابوكم و عقبال ما نشوفو فريق

[ساريه]

مع انو البوست محجوز لريمون لكن سعدت جداً جداً بتواجدكم الحميم واحسست الالفة والحنينه فى كلماتكم ..
انيق الحرف مرتضى يوسف العركى
الجميل روبش
الشفيف ياسر
والراقية تغريد
الرائعه تليكوم
والمبدع العقاد ...
كونو كما اتمنى لكم ..

[ابوالنور]

...اثنى...

اثلــــــــث ياخ

[مدنيّة]

وما دايرين واسطات

[/CENTER]


بمناسبة الواسطات مبروك لسعيد الترقية



فتأمل
جاية اهدي النفوس :)

-----
مبروك الترقية من غير واسطة ياريمون
----
سارية وكل حضور البوست سلام من الله يغشاكم

[ريمون]

منعتني ملاريا ما عندها زوق اتابع هنا ..
ما احلي الماربن بي بيتنا وشارع بيتنا ..
وينهدي اغنية يا حاسدين غرامنا للناس العارفة روحها ههههه