كيمان محبّة ..

[ود الضو]

الوقت : مساءاً
المكان : هنا ( وهو يشير الي قلبه )
المناسبة : حاجة سمحة بتصيب الزول تجاهـ ناس هو لاشافهم ولا لاقاهم ولا احتكّ بيهم ,
ناس فقط بتقدر تعاين ليها جواها من حروفها وطريقة تعابيرها ,
ناس تحس انهم قابلوك في حياتك مذ ان كنت طفلاً حتي غشاك الشيب ذات كُبُر ,
ناس تلاقيك قاعد تكتبهم وتقراهم , تسمع ضحكاتهم , لتصلك بكامل اناقتها ,
ولمّا موج المحبة يصارع مركب الحنيّة تلاقيهم هم الناجون يحملون ابتساماتهم
بقلوب بيضاء , ونفس رضيّة , واحضان مشرعة حد الإلفة ..
..
..
فـ يـاأنتم
هـل اخبرتكم بأنكم قد قاسمتموني حلاوة التسكع في مخابي الجمال في ساحات الوطن البتول ( ذات حياة ) , هو الاحساس يارفاق, هكذا أحسّكم , وهكذا أجدكم , بيْد أنّي لم التقيكم , ولكني قد تسكّعت معكم من خلال حروفكم و ( شوية نضمكم اسفيرياً ) ..

[ود الضو]

الحياة مدرسة :
فأنا أدين لها بالكثير , كل دروبها مليانة قراية وتدريس , وفي كل لحظة تمنحنا درساً جديداً ..
وما تلك ( الفطرة ) الاّ عنواناً عريضاً , فـ بها ( تلك الفطرة ) وجدنا اننا نحب ونعجب
بمن لم نراهم ولم نختلط بهم , والعكس ايضاً وجدنا اننا نكرهـ أناس لم نراهم ولم نحتك بهم
ولكن كان للحب نصيباً أوفر , أهي فعلاً فطـرة أم شيئاً آخـر ؟؟
العالم الاسفيري دا ( ود لذينة ) جداً , يخليك تحب ناس بحسابات ( العشم بس ) يعني
يكون عندك حق ان تتعشّم انك تلاقيهم حتي وان كانت الفرصة ضئيلة او حتي مستحيلة ,
القلوب دي زاتها اظن لمن تشتغل كتير بتبقي ذات خبرة واسعة في طريقة الاختيار والتخزين والتطليع ,
إلاّ لسة مازال فسيح ذاك القلب وبه خانات شاغرة تشتهي ان تمتلئ ان كانت هناك بواقي عُمُر ..
..
اليكم جميعا أبعث شال الحب مرســال ..

[ود الضو]

أنا وإنـت والدنـيـا الأمـان ,,
والناس وفـاء وخـوّة صـفــاء , دفء المشاعر الشاتية صيف
أنا وإنت والدنيا الزمان ,,
زمن الغناوى الطالعة من قلباً رضى وحســّاً ندِى وزوقاً رهيف
أنا وإنت والـدنيــا الأمــان ,,
والعمر شتّان , بين أوان زمناً حييتو
وعمر مابتقدر تعرف بكرة يصبح حالو كيف !!
...
( الاقتحامات ) :
ايّا كان شكلها بتُّ أحبها بقناعة تامة , رغم انها تأتيني حين غفلة مني , تقتحمني ذكري صديق ( مثلاً ) فـ أجدني متفاعلاً معها بحب رغم انها تفعل بي الافاعيل , وتقتحمني ( محبة ) لشخص ( ما ) ذات صدفة فتجد عندي استقبالاً بهيّاً كيفما اتفقت مع دواخلي ..
..
فعلاً : العمر شتّان بين أوان زمناً حييتو وعمر مابتقدر تعرف بكرة يصبح حالو كيف ؟؟
محبة , بسمة , وقلب ابيض , ( زادي في هذه الدّنا ) ..

[ود الضو]

الناس في بلدي يصنعون ( الحـب ) , ومن قلوبهم الي المستهلك مباشرةً ..

[عنكوليب]

يا ود الضو ،،،

أراك وحروفك عصّيان علي ،،،
أتنسم عبيرها ،،، نعم ،، أتنسمه ،،، ولكنه جميل بحيث لا أستطيع تكرفه ،،،

فهمي المحدود ،، يجعلني أتنزه وسط فل وورد وياسمين ..
خلطة ألوان وعطور وشجون ،،،

منكم إستقينا فقه الود ،،،
وبكم تلمسنا خطوات الرفقه الطيبة ،،،
ومعكم عرفنا أن الأمان بالله ،،،

وكفى ،،،،،

[عاطف عولي]

الي الحرف الجميل

الي الحب المضمخ بكل معاني الطهر الإنساني

الي الذات النقيه

الي المعاني المبحرات من الوريد الي الوريد

كامل محبتي..... معزتي........ مودتي.

فقط دعني أعود الي مقعدي لأستمتع برنين حرفك الجميل

[ود الضو]

ي

منكم إستقينا فقه الود ،،،
وبكم تلمسنا خطوات الرفقه الطيبة ،،،
ومعكم عرفنا أن الأمان بالله ،،،

وكفى ،،،،،

....
عنكوليب يا اخية
يسعد مساءاتك جميعها
هي محبة خااالصة لكل من جمعتنا به ظروف الحياة يوما
تحياتي ..

[ود الضو]

[quote=عاطف عولي;728143]

كامل محبتي..... معزتي........ مودتي.

......

هل تدري ان تلك المحبة , المعزة , المودة
هي عناويننا وتعويذاتنا لهذه الحياة
القلوب لم تزل في كامل نقائها
والنفوس بيضاء كذا الحليب
عم عولي هاك الحب ..

[عبدالرحمن مدثر]

ودالضو دا
والله بريدو جنس ريده
دواخلو سمحه خلاس
وارفه
وحرفو وسيم
قدرنا في الحياة انها موجه يوم بتدفع مراكبنا
ويوم بتشل الشراع
لكن في ذمتي
لمن نلقي ناس فنارة زي ودالضو
مابنتوه
لانو زول مافيش

[ود الضو]

عبد الرحمن مدثر يازول ياسمح
وحات الله مشتاقين ياخ
كوم محبة , وودٌّ جميل ..

[مدنيّة]

ود الضو
بستمتع جدا لما اقرا بوستاتك
وصراحة مابلقي تعليق يليق بيها
عشان كدا بكتفي بتسجيل الحضور والمتابعة

[ام رغد]

ود الضو
بستمتع جدا لما اقرا بوستاتك
وصراحة مابلقي تعليق يليق بيها
عشان كدا بكتفي بتسجيل الحضور والمتابعة

وانا كمان برضو

[ود المطامير]

وانا كمان برضو

وأنا حتى

ود الضو

زيد وكتر

[ياسر عمر الامين]

وأنا حتى

ود الضو

زيد وكتر

وانا قبلهم....

[ام رغد]

هههههههههههههههههههههههههههههههههههههههههههههههههه ههههههههههههههههههههه

[ود الضو]

وانا من قبلكم اقول :
ماعندي ليكم غير المحبّة
مدنية , ام رغد , ود المطامير , ياسر عمر

[عاشق الترحال]

ودالضو يا جميل حرفك نبيل وكدي بجيك هنا برواااااااااااااقه

[الملكة اسماء ( ام محمد )]

الوقت : مساءاً
المكان : هنا ( وهو يشير الي قلبه )
المناسبة : حاجة سمحة بتصيب الزول تجاهـ ناس هو لاشافهم ولا لاقاهم ولا احتكّ بيهم ,
ناس فقط بتقدر تعاين ليها جواها من حروفها وطريقة تعابيرها ,
ناس تحس انهم قابلوك في حياتك مذ ان كنت طفلاً حتي غشاك الشيب ذات كُبُر ,
ناس تلاقيك قاعد تكتبهم وتقراهم , تسمع ضحكاتهم , لتصلك بكامل اناقتها ,
ولمّا موج المحبة يصارع مركب الحنيّة تلاقيهم هم الناجون يحملون ابتساماتهم
بقلوب بيضاء , ونفس رضيّة , واحضان مشرعة حد الإلفة ..
..
..
فـ يـاأنتم
هـل اخبرتكم بأنكم قد قاسمتموني حلاوة التسكع في مخابي الجمال في ساحات الوطن البتول ( ذات حياة ) , هو الاحساس يارفاق, هكذا أحسّكم , وهكذا أجدكم , بيْد أنّي لم التقيكم , ولكني قد تسكّعت معكم من خلال حروفكم و ( شوية نضمكم اسفيرياً ) ..

copy

paste


للمشاركة اعلاه


ود الضو .. تماما هو احساس الالفة بين الاخوان في الله .. وكذلك هو حالنا في منتدى ودمدني

كن بخير

[ود الضو]

copy

paste


للمشاركة اعلاه


ود الضو .. تماما هو احساس الالفة بين الاخوان في الله .. وكذلك هو حالنا في منتدى ودمدني

كن بخير

....

تحياتي ياملكة
جميلة هي المحبة والإلفة بين الناس
اسأل الله ان يديمهما بيننا دوماً ..

[أبا إيثار]

الوقت : مساءاً
المكان : هنا ( وهو يشير الي قلبه )
المناسبة : حاجة سمحة بتصيب الزول تجاهـ ناس هو لاشافهم ولا لاقاهم ولا احتكّ بيهم ,
ناس فقط بتقدر تعاين ليها جواها من حروفها وطريقة تعابيرها ,
ناس تحس انهم قابلوك في حياتك مذ ان كنت طفلاً حتي غشاك الشيب ذات كُبُر ,
ناس تلاقيك قاعد تكتبهم وتقراهم , تسمع ضحكاتهم , لتصلك بكامل اناقتها ,
ولمّا موج المحبة يصارع مركب الحنيّة تلاقيهم هم الناجون يحملون ابتساماتهم
بقلوب بيضاء , ونفس رضيّة , واحضان مشرعة حد الإلفة ..
..
..
فـ يـاأنتم
هـل اخبرتكم بأنكم قد قاسمتموني حلاوة التسكع في مخابي الجمال في ساحات الوطن البتول ( ذات حياة ) , هو الاحساس يارفاق, هكذا أحسّكم , وهكذا أجدكم , بيْد أنّي لم التقيكم , ولكني قد تسكّعت معكم من خلال حروفكم و ( شوية نضمكم اسفيرياً ) ..



صاحبي السمح / ود الضو

فلعل غيثك يطفىء الأشـواق فـي
دمعي إذا قطـراتـه تتـنـزلُ
أنّى يكـون لودنا مـا يشتهـي
أنّى يكـون لـه الأخاء الأكمـلُ
إن كانت الأشـواق فيـنا جميلـةٌ
فالوصل من بعد اشتيـاق أجمـلُ
أسعد الله المساء
والله احترت
أين أقف وقد تلاحقت الأحرف وتسارعت النبضات
مع إيقاع المشاعر الذي تسارعت حدته على أوتار الجمال في الحرف
سعيد أنني أقف على هذه الرائعة لأتأملها في سعة
فأستمتع بكل مافيها برغم الازدحام
لتبق رائعا أيها الوسيم .

[ود الضو]

صاحبي السمح / ود الضو

فلعل غيثك يطفىء الأشـواق فـي
دمعي إذا قطـراتـه تتـنـزلُ
أنّى يكـون لودنا مـا يشتهـي
أنّى يكـون لـه الأخاء الأكمـلُ
إن كانت الأشـواق فيـنا جميلـةٌ
فالوصل من بعد اشتيـاق أجمـلُ
أسعد الله المساء
والله احترت
أين أقف وقد تلاحقت الأحرف وتسارعت النبضات
مع إيقاع المشاعر الذي تسارعت حدته على أوتار الجمال في الحرف
سعيد أنني أقف على هذه الرائعة لأتأملها في سعة
فأستمتع بكل مافيها برغم الازدحام
لتبق رائعا أيها الوسيم .

....
التحيات والاشواق لك حبيبنا ابا ايثار
والشوق عندي متّقد ياصاحب
كيمان محبة مني لك ..