النسيان ياخ

[ابوالنور]

قد يرد لفظ النسيان في موضع الاعتذار وطلب عدم المؤاخذة بسبب الذهول والغفلة وعدم القصد كما جاء في دعاء المؤمنين في قوله تعالى: {ربنا لا تؤاخذنا إن نسينا أو أخطأنا}(البقرة:286)، قال ابن سعيد: «والفرق بينهما: أن النسيان، ذهول القلب عن ما أمر به فيتركه نسياناً، والخطأ، أن يقصد شيئاً يجوز له قصده ثم يقع فعله على ما لا يجوز له فعله، فهذان قد عفا الله عن هذه الأمة ما يقع بهما رحمة بهم وإحساناً.
وكما جاء النسيان في اعتذار فتى موسى عليه السلام حين قال: {فإني نسيت الحوت وما انسانيه إلا الشيطان}، وفي اعتذار موسى عليه السلام للخضر عليه السلام في قوله: {لا تؤاخذني بما نسيت}(الكهف:73)، ومن هذا القبيل نسيان آدم عليه السلام كما قال تعالى: {ولقد عهدنا إلى آدم من قبل فنسي ولم نجد له عزماً}(طه:115)
وقال ليه من اسي وبقيت تنسي
ياخ الواحدبقي طوااااالي في حال نسيت نسيت نسيت نسيت

قبل كم يوم كدا كنت راكب مع صاحبي في عربيتو بتكلم معاه قام كدا طلع تلفونو ترنق ترنق ترنق
اتصل علي واحد شبكوليك ي حبيبنا الصحة والاخبار واها وقلت لي وقلت ليك .
قام قال ليه خلاص عليك الله باكر م تطلع جايك في البيت ولو طلعت اديني تلفون
اها قمت لاقيتو تاني يوم الصباح اها ي حبيب مشيت لي صاحبك قال لي صاحبي منو قلت ليه ياخ الاتصلت عليه امس وقلت ليه انا جايك بكره م تطلع ولو طلعت اديني تلفون
ياخ دا لحدي الان بتزكر في انوهو امس اتصل علي منو وقال ليه انا بكرة جايك
اها ياخ
المناظر دي بقت كتيييييييره جدن يا ربي يكون السبب شنو ؟

[ود المطامير]

ههههههههههههههههه

والله يا صاحبى صاحبك دا بالغ

فعلا بقت كتيره

ياخ فى أسره نست ولدها فى المطار

الشافع كان نايم وأمو كانت مشغوله بالعفش أكتر من ولدها

[الملكة اسماء ( ام محمد )]

المناظر دي بقت كتيييييييره جدن يا ربي يكون السبب شنو ؟




زهايمر مبكر بعيد عنك

قلة التركيز اصبحت حاجة عادية سببها مشغوليات ااحياة اولا وصراعنا داخل موجة ياتلحق ياما تلحق

اول اسباب كثرة النسيان هو احاطتنا لانفسنا بكمية ماعادية من وسائل الاتصالات ودي خلت الواحد يتحير في يبدا يومه من وين وينهيه وين

لدرجة اننا عادي نفوت حاجة مهمة تحت اسم النسيان

[ابوالنور]

ههههههههههههههههه

والله يا صاحبى صاحبك دا بالغ

فعلا بقت كتيره

ياخ فى أسره نست ولدها فى المطار

الشافع كان نايم وأمو كانت مشغوله بالعفش أكتر من ولدها

وحاة الله ي ودالمطامير زماااان وانا كنت صغيروني
عندنا جارنا بروف مشي السوق يجيب الخضار ساق اولادو معاه تقوم ي بروف تشتري الحاجات وتدور عربيتك ورورورورورور لحدي م وصل البيت قامت مرتو سالتو وين الوليدات ختي يدو ف راسو
ورجع العربيه خلف قال ليها نسيتم في السوق ياخ
انا شايف ليك الموضوع دا صعب جدن جدن
وحاة الله أسي تكون راكب ف المواصلات تنزل تهبش جيبوبك الستة م تلقي ليك ولا جنيه واحد
تتزكر انك نسيت القروش في جيب البنطلون الكنت لابسو وملصتو في البيت ياخ

[ابوالنور]

زهايمر مبكر بعيد عنك

قلة التركيز اصبحت حاجة عادية سببها مشغوليات ااحياة اولا وصراعنا داخل موجة ياتلحق ياما تلحق

اول اسباب كثرة النسيان هو احاطتنا لانفسنا بكمية ماعادية من وسائل الاتصالات ودي خلت الواحد يتحير في يبدا يومه من وين وينهيه وين

لدرجة اننا عادي نفوت حاجة مهمة تحت اسم النسيان

ياخ التلفونات دي عادي ي اسماء ممكن تنسيك نفسك زاتو لدرجة انك بتعزم صاحبك قهوة مثلا
ف تجو اي واحد يجر كرسيه ويفتح تلفونو
وحاة الله أكان تسمع بعد شوية طيب ياخ مع السلامة نتلاقة ياخ ويكون الكلمة الوحيدة ال اتقالت هي مع السلامة ياخ

[ود المطامير]

وحاة الله ي ودالمطامير زماااان وانا كنت صغيروني
عندنا جارنا بروف مشي السوق يجيب الخضار ساق اولادو معاه تقوم ي بروف تشتري الحاجات وتدور عربيتك ورورورورورور لحدي م وصل البيت قامت مرتو سالتو وين الوليدات ختي يدو ف راسو
ورجع العربيه خلف قال ليها نسيتم في السوق ياخ
انا شايف ليك الموضوع دا صعب جدن جدن
وحاة الله أسي تكون راكب ف المواصلات تنزل تهبش جيبوبك الستة م تلقي ليك ولا جنيه واحد
تتزكر انك نسيت القروش في جيب البنطلون الكنت لابسو وملصتو في البيت ياخ
ههههههههههههههههههه

والله دى مشكله

صاحبنا وزميلنا صومالى وكان شغال بالليل
العصر ودى أولادو لأخته فى مدينه قريبه وقال ليهم بجيكم بعد الدوام
وخلاهم وجا الشغل وبعد نهاية الدوام مشى البيت
ولقاهو فاضى وجانا مخلوع قال أولادو ما عارفهم وين
وبقينا نفتش والدنيا فجر والزمن داك مافى موبايلات
أكان جا تكسى وقف ونزلو منو قال ليهم كنتو وين ؟

هههههههههههه

[الملكة اسماء ( ام محمد )]

ياخ التلفونات دي عادي ي اسماء ممكن تنسيك نفسك زاتو لدرجة انك بتعزم صاحبك قهوة مثلا
ف تجو اي واحد يجر كرسيه ويفتح تلفونو
وحاة الله أكان تسمع بعد شوية طيب ياخ مع السلامة نتلاقة ياخ ويكون الكلمة الوحيدة ال اتقالت هي مع السلامة ياخ

بالضبط

للأسف ده الحاصل

همسة ... أمي أخر مرة اتلفتت لينا ولقت روحها بتونس في نفسها .. قامت على حيلها مارقة وقالت .. الله يقلع التلفونات دي الخلتكن بومة ومتخلفات هيهيهيهيهييي

[ام رغد]

انظرو لنص الطشت الملان..... النسيان نعمة ... لو ما النسيان كان الويندوز حقكم كلو ضرب... المموري يشيل شنو ويخلي شنو؟

[ام رغد]

نسيان الاكل فى النار .... ونسيان الفرن شغال.... ونسيان اسماء القرايب.. كلو بقى عادى.... مفروض نشرب فيتامين جي بالكوز

[حسام التنين]

اخ النسيان ده نعمه و نقمه

انا شخصيا نساي جدا ... يعني ما جدا شديد كده

مره وديت تلفوني الصيانه و طلعت مشوار وقلت عشان ما انسي الشريحه اردد " الشريحه في جيب القميص " بي جواي

مشيت مشواري و جيت شلت التلفون و مالاقي الشريحه و افتش مالاقي قلبته شنطة اللابتوب ماف ... فتشت جيوب البنطلون مااااف

قلت خلاص بكره اول حاجه اعملها اطلع بدل فاقد ... مع زهجة انتظار المواصلات لقيت نفسي بقول " الشريحه في جيب القميص" و المشكله اني علقته قرابة 30دقيقه

و انا اردد "الشريحه في جيب القميص"

بدون ماحتي استوعب انا بقول في شنو ... كان هرب من انتظار المواصلات ... وبي امانه اكتر كنت قايل نفسي بغني .... ههههه


[/color]

انظرو لنص الطشت الملان..... النسيان نعمة ... لو ما النسيان كان الويندوز حقكم كلو ضرب... المموري يشيل شنو ويخلي شنو؟

هههههههههههه ياخ دي خلطه كمبيوتريه مع مهام بيت و غسيل ممتااااازه

[ابوالنور]

ههههههههههههههههههه

والله دى مشكله

صاحبنا وزميلنا صومالى وكان شغال بالليل
العصر ودى أولادو لأخته فى مدينه قريبه وقال ليهم بجيكم بعد الدوام
وخلاهم وجا الشغل وبعد نهاية الدوام مشى البيت
ولقاهو فاضى وجانا مخلوع قال أولادو ما عارفهم وين
وبقينا نفتش والدنيا فجر والزمن داك مافى موبايلات
أكان جا تكسى وقف ونزلو منو قال ليهم كنتو وين ؟

هههههههههههه

لا لا ياخ دا ظهرها عاملة ياخ

[ابوالنور]

بالضبط

للأسف ده الحاصل

همسة ... أمي أخر مرة اتلفتت لينا ولقت روحها بتونس في نفسها .. قامت على حيلها مارقة وقالت .. الله يقلع التلفونات دي الخلتكن بومة ومتخلفات هيهيهيهيهييي
هههههههههههه
بالغتو ياخ م تونسها معاكم
كمان أنتو
كانت بتدرس معاهو في الجامعه وكان مغرم بيها شديد واربعه سنة ما قدر يتكلم معاها وكانت بت محترمة شديد ولما خلص جامعة واتخرج وجا مسافر بلدو وخلاص ودع اصحابو وركب البص كان زعلان شديد عشان ما قدر يتكلم معاها وح يمشي البلد هناك والشبكة كعبه وفجأة البنت جات راكبة البص السياحي وهو ما مصدق والمفاجأة انها طلعت حاجزة المقعد الجمبو من غير قصد ولما قعدت وسلمت عليهو رد ليها السلام قرب يقع من البص بس كان خجول شديد وما قدر يتكلم معاها وهي برضو كانت خجولة ومحترمة شديد وماسكة جريده والبص قرب يصل خلاااص وهو نازل قريتهم وهي ماشه الخرطوم وحاول يتونس معاها وفي النهايه لقي موضوع كدا وفتح معاها في الونسه ومحطتو خلاااص قربت ما قدر يقول ليها اديني رقم تلفونك وهي كانت فاتحة الماسنجر قام قال ليها لو سمحتي رسلي لي الماسنجر دا لانو ما عندي في تلفوني ورسلتو ليهو وقال ليها عندك حساب في الفيس قالت ليهو ايوة قال ليها باسم منو قامت رسلت ليهو طلب صداقه قال ليها ان شاء الله نتقابل في الماسنجر عشان عندي كلام كتير ومهم شديد عايز اقولو ليك قالت ليهو كلام شنو قال ليها بقولو ليك في الفيس بس قالت ليهو تمام وصاحبنا نزل من البص ومشي البلد والشبكة هناك كعبه شدييد قام طلع بالليل داك يفتش رصيد عشان يتونس معاها بالماسنجر وكان في هواء شديد ولما طلع كدا ماشي علي الدكان المطرة اشتغلت ورجع البيت بخفي حنين وتاني يوم الصباح مشي الدكان ولما وصل بتاع الدكان قال ليهو الرصيد خلص وما بجي الا بكرة وصاحبنا زعل شديد لانو قريتهم صغيرة شديد والعربات ما بتجي الا الصباح بس وصاحبنا انتظر بكرة بفارق الصبر وتاني يوم الصباح مشي الدكان ولما وصل قال لبتاع الدكان عايز رصيد بجنيهين عشان عايز بنشط خدمة الانترنت بس للاسف بتاع الدكان قال ليهو تحويل مافي وما عندي الا كروت ابوعشرة وصاحبنا ما عندو غير الجنيهين باقي من تذكرة البص وحنك بتاع الدكان عشان يديهو رصيد او يديهو كرت شحن بالدين وفي النهاية بتاع الدكان اقتنع بكلام صاحبنا بعد معركة شرسه جدآ من الحنك والاقناع وصاحبنا مشي نشط الخدمة والشبكة كانت كعبه شدييييييد في البيت قام طلع مشي قدام الحله عشان الشبكة تكون كويسه وفي اثناء ماهو ماشي طعنتو شوكة في رجلو بس قال كلو يهون عشان حبيبتي وواصل مشوارو ووصل مكان عاااالي قدام الحله عشان الشبكة تكون كويسه طلع تلفونو ودخل الفيس وشاف طلب الصداقه وقبل الطلب وعمل ليها نكز عشان يلفت انتباها وطوالي دخل الماسنجر عشان يتواصل معاها وهي طوالي رسلت ليهو رسالة ودار بينهم الحوار التالي
هي :سلام عليكم

هو: عليكم السلام (فشل الارسال)

هي : الووو
هو : ايوة معاك (فشل الارسال)

هي : انت وين الووو
هو : ايوة انا موجود (فشل الارسال)

هي : انت موجود في الماسنجر ؟الوووووو
هو: ايوة موجود بس الشبكة كعبه (فشل الارسال)

هي: شكلك كدا مشغول صاح؟
هو :لا والله فااااضي ( فشل الارسال)

هي: بس انت متصل في الماسنجر ماعايز ترد ليه
هو: انا برد عليك بس رسالتي ما بتمشي لانو الشبكة كعبة شديد (فشل الارسال)

هي : انا كنت عايزة اقول ليك حاجة مهمة شديد
هو : ايوة قولي لي انا معاك (فشل الارسال)

هي : يعني ماعايز ترد علي وﻻ شنو
هو : والله العظيم برد عليك بس الشبكة زفت ( فشل الارسال)

هي : شكرآ ليك كتير علي الحركات دي
هو : والله ما حركات بس اعمل شنو مع الشبكة (فشل الارسال)

هي : انا كنت عايزة اقول ليك اني كنت معجبه بيك شديد في الجامعة
هو : وانا والله ميت في امك زاتو (فشل الارسال)

هي : يعني برضو ما عايز ترد علي اعجابي بيك دا
هو : والله والله برد عليك بس انعل ابو الشبكة زاتو (فشل الارسال)

هي : شكرآ لعدم اهتمامك وانا اسفه للازعاج وانا طالعة مع السلامة
هو : ياخ امشي في ستين ( تم الارسال )

هي : تقول لي انا في ستين يا تافه يا قليل الادب يا منحط يا ما عندك ادب امشي غور من وشي ما عايزة اشوف خلقتك دي تاني وحذفتو من قائمة الاصدقاء وفقد حلقة الوصل الوحيده معاها ياخ

[ابوالنور]

انظرو لنص الطشت الملان..... النسيان نعمة ... لو ما النسيان كان الويندوز حقكم كلو ضرب... المموري يشيل شنو ويخلي شنو؟


نسيان الاكل فى النار .... ونسيان الفرن شغال.... ونسيان اسماء القرايب.. كلو بقى عادى.... مفروض نشرب فيتامين جي بالكوز

الحمد لله اهو الدنيا بخير والنسيان بالجمله
بث نفسي اعرف الطشت دا هنا بسوي شنو م تقولي لي خميتي بيه الاكل الاتحرق ياخ

[ابوالنور]

اخ النسيان ده نعمه و نقمه

انا شخصيا نساي جدا ... يعني ما جدا شديد كده



اوع يكون عماً ياخ

[عنكوليب]

يا أبو النور ،، تحياتي يا ملك ،،،

هوم ألون ،،، Home alone فيلم جميل جد ،،، كل ما يعرضوهو بكون أول الجالسين ،،

النسيان مرات نعمة ،،،

وكثيرا نقمة ،،،

[ياسر عمر الامين]

تعرف يا ابوالنور من اغرب الحاجات الحصلت لى فى حتة النسيان دى...مره مشيت لصاحبى فى ببيتو ومتعود القى عربيتو بره لمن ما لقيته اتخارجت طوالى...بعد مشيت مسافة كده اتذكرت انى سايق عربيتو هو...:):):)

[ام رغد]

اخ النسيان ده نعمه و نقمه

انا شخصيا نساي جدا ... يعني ما جدا شديد كده

مره وديت تلفوني الصيانه و طلعت مشوار وقلت عشان ما انسي الشريحه اردد " الشريحه في جيب القميص " بي جواي

مشيت مشواري و جيت شلت التلفون و مالاقي الشريحه و افتش مالاقي قلبته شنطة اللابتوب ماف ... فتشت جيوب البنطلون مااااف

قلت خلاص بكره اول حاجه اعملها اطلع بدل فاقد ... مع زهجة انتظار المواصلات لقيت نفسي بقول " الشريحه في جيب القميص" و المشكله اني علقته قرابة 30دقيقه

و انا اردد "الشريحه في جيب القميص"

بدون ماحتي استوعب انا بقول في شنو ... كان هرب من انتظار المواصلات ... وبي امانه اكتر كنت قايل نفسي بغني .... ههههه


[/color]


هههههههههههه ياخ دي خلطه كمبيوتريه مع مهام بيت و غسيل ممتااااازه
دى خلطتى انا......عاجبانى خلطتك انت يا النعام ادم:p

[ام رغد]

الحمد لله اهو الدنيا بخير والنسيان بالجمله
بث نفسي اعرف الطشت دا هنا بسوي شنو م تقولي لي خميتي بيه الاكل الاتحرق ياخ

الطشت دة مربض الفرس زاااااااااتو

[ام رغد]

تعرف يا ابوالنور من اغرب الحاجات الحصلت لى فى حتة النسيان دى...مره مشيت لصاحبى فى ببيتو ومتعود القى عربيتو بره لمن ما لقيته اتخارجت طوالى...بعد مشيت مسافة كده اتذكرت انى سايق عربيتو هو...:):):)

نسيان دوت كوم

[حسام التنين]

اوع يكون عماً ياخ

هههههه حبوبتا"



دى خلطتى انا......عاجبانى خلطتك انت يا النعام ادم:p

هههههههههه لالا انا خلطتي مجنووونه مابتقدري عليها

[عاشق الترحال]

ابوالنور انا يوووومي حبوبتي بتشلخني عشان بنسي ليها الحاجات البترسلني ليها

[مدناوية]

تعرف يا ابوالنور من اغرب الحاجات الحصلت لى فى حتة النسيان دى...مره مشيت لصاحبى فى ببيتو ومتعود القى عربيتو بره لمن ما لقيته اتخارجت طوالى...بعد مشيت مسافة كده اتذكرت انى سايق عربيتو هو...:):):)



بس دي .. أبدعت فيها ..

[ابوالنور]

يا أبو النور ،، تحياتي يا ملك ،،،

هوم ألون ،،، Home alone فيلم جميل جد ،،، كل ما يعرضوهو بكون أول الجالسين ،،

النسيان مرات نعمة ،،،

وكثيرا نقمة ،،،

الله يديك العافيه ان شاءالله ي عنكوليب ياخ
بس المشكله في كثيرا دي ياخ
انا لو قلت ليك ناسي انو عندي بوست بعنوان النسيان ومفترض ارجع ارد ليكم فيه بتقولي شنو ياخ ؟

[ابوالنور]

تعرف يا ابوالنور من اغرب الحاجات الحصلت لى فى حتة النسيان دى...مره مشيت لصاحبى فى ببيتو ومتعود القى عربيتو بره لمن ما لقيته اتخارجت طوالى...بعد مشيت مسافة كده اتذكرت انى سايق عربيتو هو...:):):)
م للدرجه دي كمان ياخ الدباغه ممكن

[ابوالنور]

الطشت دة مربض الفرس زاااااااااتو

ياخ الفرس زاتو بدلوه بي مواتر تصدقي

[ابوالنور]

هههههه حبوبتا"


الحمد لله م طلعنا من الاسرة لحدي الان ياخ

[ابوالنور]

ابوالنور انا يوووومي حبوبتي بتشلخني عشان بنسي ليها الحاجات البترسلني ليها

ربنا يخليها ليك ياخ هو انت لاقي حبوبه تشلضمك في الزمن القاسي دا

[أبا إيثار]

أبو النور

والله معاااك هنا وانا مبسوط بسطة
ومداخلات الجماعة كملت الناقصة
صدق وانا بكتب الرد للبوست إتذكرت
هسي إنو أنا مفروض أكون وقبل ساعة
في مكان ما وعشان شي ضروري ؟؟؟؟

موضوعك أصبح حياتي جداً

بس كمان أقول ليك ياااااخ النسيان حلو ؟

ياااخ خليني أمشي أحصل موضوعي وامكن ما أحصل

[ابوالنور]

أبو النور

والله معاااك هنا وانا مبسوط بسطة
ومداخلات الجماعة كملت الناقصة
صدق وانا بكتب الرد للبوست إتذكرت
هسي إنو أنا مفروض أكون وقبل ساعة
في مكان ما وعشان شي ضروري ؟؟؟؟

موضوعك أصبح حياتي جداً

بس كمان أقول ليك ياااااخ النسيان حلو ؟

ياااخ خليني أمشي أحصل موضوعي وامكن ما أحصل

أبا إيثار
ربنا يخليك ياخ وان شاءالله دايمن مبسوط

اها كمان نسيت اقول ليك ياخ تطلع التلفون الاسماء بحث ميساء اتصال .....
واحشني
واحشنى يا الخليت ملامحك ..
فى حياتى ،
واحشنى يا الرسيت مراسيك ..
جوة ذاتى ،
الا باكر لما ترجع ،
أنا بحكى ليك عن الحصل ،
وعن بعد المسافة وقربها
ولمن يفارق زول عيون
غاليات عليهو كتير خلاص وبحبها
والله أحكام يا قدر
والله أحكام يا مسافة ويا سفر

(دي نغمة الجرس طبعن )
الوووووووووو
هلا والله
ميساء الجامعه ! ؟ معليش ياخ كيف اخبارك واخبار وليداتك ياخ انا كنت قاصد ميساء الدكتوره
تيت تيت تيت
ميساء الدكتور ميساء الدكتور
اتصال
عفون رصديك الحالي لا يكمل المكالمة امشي اشحن وتعال لينا تاني ياخ
وما زال الزهامير متواصل خليك قريب ياخ

[أبا إيثار]

أبا إيثار
ربنا يخليك ياخ وان شاءالله دايمن مبسوط

اها كمان نسيت اقول ليك ياخ تطلع التلفون الاسماء بحث ميساء اتصال .....
واحشني
واحشنى يا الخليت ملامحك ..
فى حياتى ،
واحشنى يا الرسيت مراسيك ..
جوة ذاتى ،
الا باكر لما ترجع ،
أنا بحكى ليك عن الحصل ،
وعن بعد المسافة وقربها
ولمن يفارق زول عيون
غاليات عليهو كتير خلاص وبحبها
والله أحكام يا قدر
والله أحكام يا مسافة ويا سفر

(دي نغمة الجرس طبعن )
الوووووووووو
هلا والله
ميساء الجامعه ! ؟ معليش ياخ كيف اخبارك واخبار وليداتك ياخ انا كنت قاصد ميساء الدكتوره
تيت تيت تيت
ميساء الدكتور ميساء الدكتور
اتصال
عفون رصديك الحالي لا يكمل المكالمة امشي اشحن وتعال لينا تاني ياخ
وما زال الزهامير متواصل خليك قريب ياخ




هههههههههههههههه
هههههههههه

والله ياها زاتا
بس المشكلة لو طلع ليك ورل مع كميل الرصيد ده ؟؟

تحياتي واحترامي يازول ياوريف

[ابوالنور]

هههههههههههههههه
هههههههههه

والله ياها زاتا
بس المشكلة لو طلع ليك ورل مع كميل الرصيد ده ؟؟

تحياتي واحترامي يازول ياوريف

لا لا ياخ انا كنت بعيد مكن الترعه الساعة ديك