المساعد الشخصي الرقمي

مشاهدة النسخة كاملة : مسجااااااااااااااات .....



قمر الزمان
06-04-2005, 01:13 PM
السلام عليكم
اتمنى تعجبكم الرسائل دى ودي اول مشاركة لي .......
____________________________________

لو الريدة بالجبروت كان جابوها ناس عنتر
ولو الحكمة في يد زول قيس ما جن واتوتر
ولو في الدنيا ناس بتريد اجمل ريدة ريدتنا
ولو في الدنيا ناس بتخون وحاتك ما بنكون
نحن .......
\\\\\\\\\
لذة الريد لما اشقى ومن شقاي
تسعد عيونك
روعة الهم لما تطلع بعده فرحة
تضوي كونك
واستعيد جنبك ثواني من عمري
مضت بدونك
\\\\\\\\\
كتير في الدنيا ناس طيبين
تجيك بالفرحة تتقدم ........
شايلة الطيبة والتحنان
تمسح للدموع والهم ...
ترد الخاطر المحزون
تحس في حديثا احلى نغم
تواسيك في الحزن والخير وتصبح للجراح
بلسم ......
\\\\\\\\\\
انشق جوف الاسئلة
من شدة سؤالي عليك
ونزف نبض السؤال هطال
وشال اللهفة ساسق ليك
جروحي تسيل عشان تلقاك
تشوفك وتطمئن عليك .....
\\\\\\\\\\\\
شبهتك بالقهوة ..........
خفيفة زي دمك ،
تقيلة زي عقلك ،
حلوة زي طبعك ،
مرة زي بعدك .....
********************
**************
يللا رايكم شنو ؟؟؟؟؟؟

:)

aborawan
07-04-2005, 06:38 AM
10 / 10 مافي كلام يا اخ / اخت : قمر الزمان

مشكور/ مشكورة ويديك الصحة والعافية

قمر الزمان
07-04-2005, 08:48 AM
تشكر على المرور يا ابو روان
بالمناسبة ممكن تستخدم كلمة اخت لاني اختكم وصديقة لكل المنتدى .....

aborawan
07-04-2005, 10:25 AM
مرحباً بك اخت قمر ونتمنى انك تفيدي وتستفيدي من المنتدى وبالتوفيق

ابوقيس
26-04-2005, 08:15 PM
كتير في الدنيا ناس طيبين
تجيك بالفرحة تتقدم ........
شايلة الطيبة والتحنان
تمسح للدموع والهم ...
ترد الخاطر المحزون
تحس في حديثا احلى نغم
تواسيك في الحزن والخير وتصبح للجراح
بلسم

رائع ياقمرنا

مزوني
30-04-2005, 03:31 AM
والله نعم الكلام
وربنا يديك العافية

قمر الزمان
30-04-2005, 04:15 AM
مشكووووووووووور ابوقيس على الاطلالة

وتسلم يا مازن .

ابراهيم
02-05-2005, 03:04 PM
ملامحك ديمة في الخاطر

واسمك في الفؤاد مشتول

رسايلك تسعد المشتاق

وسيرتك للصداع بندول

عيونك مرسى للتايه

سجارة بنقو للمسطول

يعيش مستاء وحات عينيك

رسايلك انت لما تطول

حرف واحد برضيني

ومنك بالعدم مس كول

:D

ابراهيم
02-05-2005, 03:06 PM
بتاعة القهوة دي نفسيات يا قمر الزمان

الزبير محمد عبدالفضيل
04-05-2005, 02:25 AM
يديك العافيه والي الامااااام



سبحان الله وبحمده

قمر الزمان
05-05-2005, 03:25 AM
يديكم العافية ابراهيم والسفير
ومشكورين على مروركم الرائع

خالد حمد موسى
07-05-2005, 12:19 AM
لذة الريد لما اشقى ومن شقاي

تسعد عيونك

روعة الهم لما تطلع بعده فرحة

تضوي كونك

واستعيد جنبك ثواني من عمري

مضت بدونك...

مشكورة ياقمرنا علي الروائع

لكي كل الودعزيزتي...

زيكو منيب
07-05-2005, 08:58 AM
الريد لما اشقى ومن شقاي
تسعد عيونك
روعة الهم لما تطلع بعده فرحة
تضوي كونك
واستعيد جنبك ثواني من عمري
مضت بدونك


يديك العافية يا قمر الزمان

زيكو منيب
07-05-2005, 09:09 AM
سورة الفاتحة تمنع غضب الله
سورة الكوثر تمنع الخصومة
سورة الكاغرون تمنع الكفرعند الموت
سورة الاخلاص تمنع النفاق
سورة الفلق تمنع الحسد
سورة الناس تمنع الوسواس

قمر الزمان
09-05-2005, 03:48 AM
مشكورين على مروركم خالد وزيكو
يديكم الف عافية
ودمتم..

ادسك من عيون الناس
واخلي رموشي ليك حراس
جمال الدنيا لافي اللولي لا في الماس
جمال الدنيا في الحنية والاحساس
وفي الناس البعزو الناس

"""""""""""""""

قمــــــــــ الزمان ـــــــــــر

So-Br
15-05-2005, 11:15 AM
بعض الوجيه تغيب غيبة طويلة لكن لها بالقلب وحشة ومقدار ...
>>>>>>>>>>>

لكم وحشـة
ولصوتكم لهـــفة ونتمنــى قربكم
ما بقــلوبكم رحــمة

<<<<<<<<<<

ولا خير في الدنيا اذا أنت لم تزر ... خليلا ولم ينظر اليك حبيب

>>>>>>>>>>>

الله يديم المحبة ويديم حبك لنا ******* ونصير أحلى ثلاثة الحب وأنت وأنا

<<<<<<<<<<


الحياة ذكرى وأنت ذكراها
ومن أجل الذكرى أهديك إياها
أحبك

<<<<<<<<<<<<

دى بعض المسجات انشاء تعجبكم

امينو
15-05-2005, 12:22 PM
الموضوع فعلا جميل يا قمر الزمان والمسجات روعة ودي حاجة بسيطة مني

تبقى كل الدنيا سمحة لما بس هاتفك يواصل

ترحل احزاني العميقة ويستقر فرحي المسافر

اصلو شوقك فيني راسي منتظرعينيك تراسل

ابقى واصل ما العيون الفي انتظارك

شوقها زي مطر الفواصل

همس الشوق
15-05-2005, 01:13 PM
الموضـــوع جميل حقيقة..........................
/////////////////////////
ياليت الود ما يرحل ولا الدنيا تفرقنا
ولا غصون الهوى تذبل ولا ننسى حبايبنا
////////////////////////////////
اه لو تدري بشوقي في غيابك كيف زاد
انت لو شوقك مدينة شوقي لعيونك بلاد

So-Br
16-05-2005, 03:36 AM
دى مشاركه بسيطه منى والحقيقه الموضوع جميل جدا يا قمر الزمان

........................

من قبل أتهنى بشوفتك
واليوم أعانق صورتك
الشوق بي يزيد
وأنت مني قريب

.........................

من غبت عيني ماتنام
من غبت جافاني الكلام
من غبت صرت كلي جروح
شمعة وذوبها الغرام

.....................

العمر لحظات

وأنت أجمل سنيني

واحتاج لك حاجة الدمعة

لباكيها..

قمر الزمان
16-05-2005, 10:10 AM
مشكووووورين على مروركم
So-Br
امينو
همس الشوق
ويديكم الف عافية

*****************
قمـــــ الزمان ـــــــــــر

محمد صلاح
16-05-2005, 10:24 AM
مسجات رائعة جدا جدا جدا
ويسلموا يا قمرنا.........

قمر الزمان
16-05-2005, 10:32 AM
يديك العافية اخى محمد صلاح
ومشكوور على مرورك

قمر الزمان
16-05-2005, 11:37 AM
غايتو على امل لقياك بصبر نفسى .. واستناك
ومهما الشوق .. يضير خاطرى الاقى دواى فى ذكراك ..
وامد ايد العشم ..واتمنى لو افتح عينى بس والقاك ..
##################
بي رقة مشاعر الريد ... وبي احساسنا عايشنك ...
ومن قولة سلام للجاي نسأل كيفينك ...
وحاتك يا ملاذ ارواحنا... غالي ونحن عارفنك ...
غلاوتك من غلاوة ارواحنا .... ومن ارواحنا رايدنك ...
##################
اصلو العناد من غير سبب ما ظنيتو يشبه رقتك
ما الطلة منك لينا عيد وياعيدنا طالت وقفتك
الناس بتسال وين تكونوالناس بكت يوم شوفتك
الحالة عرفوك من بعيد كيف القريب من الفتك
##################
لو أعيش في دنيا غيرك .... ويبقى حكم الريدة قاسي..
كنت بطمع يوم اجيك ... القى في ريدك مراسي ...
اصلو من لحظة فراقك عايش في المآسي ...
العشم كان كلمة منك .... بيها عهد الريد يدوم .....
لا قدرت معاك اواصل ولا الخيال فارقني يوم ...
##################
غنى فى اعماقى صوتك غنوة الشوق والصبابة
والبرق لاح من عيونك داعب احلام السحابة
الحنين الفى كلام بدد الهم والكآبه
المشاعر الشاردة جاتك ومارجت ميعاد ايابا
#################


ان شاء الله تعجبكم
مع تحياتي

قمـــــــ الزمان ــــــــــــر

So-Br
17-05-2005, 03:31 AM
بالمناسبه حبيت انبهك على حاجه يا قمر الزمان
ان اساس النجاح هو التعاون

.................................

الله يكون في العون
احباب يتغلون
نسال وهم ينسون
نرسل وهم يمسحون

...............................


علمتني الشوق

وعرفتني بالحب

وكرهتني ثلاث

غيابك وبعدك وفرقاك

....................................

على الذكرى انا وياك
ورب الكون ما انساك
ابكتبلك انا اهواك
وروحي تراها تفداك
...............................


الورد يغار منك

والعسل محتار منك

والقمر خجلان منك

وانا مالي غنى عنك

...................................


حنكوش سأله المدرس : هات 3 حيوانات برمائيه , قال : الدوفدع وأموه وأختوه !!

...................................

مرافئ الابداع
17-05-2005, 04:23 AM
والله دي احلى مسجات مرت علي
وتسلمي يالغاليه على الرسائل الحلوه دي
وهاك دي مني ليك
مابنساكي لو يدخل شارون الاسلام
ويصبح بلير الامام
ويسمي بوش ولده صدام
\\\\\\\\\\\\\\\\\\\\\\\\\\\\\\

madaniboy
17-05-2005, 06:35 AM
يسلموو شباب وشابات على المسجات
ويسلموو قمر على المسجات الحلووه
فاقد حنان

هاكم المسج الحلوو دا
(( خير الكلام ما قل ودل ( احبك) ))

ها اشرايكم فيه يالله اهديه لي جميع اعضاء المنتدى
فاقد حنان
ولك انت
<--------------

مزوني
17-05-2005, 08:15 AM
ولهت لحظة في عينيك
وقمت أسافر في ذكرياتي
تذكرت لك معي وقفات
خلتني ابتسم مع اهاتي
انت بطيب روحك تملك الناس
وبطيبتك تمحي كل معاناتي
وصرت أشكر ربي عليك
لأنك أغلى مافي حياتي
------------------------------------------
إهداء لي كل الأعضاء بي صورة عامة
ولي قمر المنتدى بي صورة خاصة
وتسلمي على الفكرة

قمر الزمان
17-05-2005, 09:28 AM
تسلمو يا احلى شباب على احلى مسجات
وربنا يديكم العافية
يلا دي هدية منى ليكم :

عادة ما تستديم في ذاكرة الانسان
الاشياء الروائع
وتستديم معها محطات وجدانية
بعمق الدهشة نستظل بها
كلما عتم الدرب هكذا كنتم وهكذا احببناكم
حد الارتواء وسكنتم
فينا ارقام لايمكن تجاوزها

"""""""""""""
قمــ الزمان ـــــــــر

ابراهيم
18-05-2005, 05:08 PM
في زمن ضاعت فيه المعالم ...

نظل نبحث عن رموز تكون دليلاً

منارات تهدى قواربنا الحيرى

أناس نستنشق منهم الأمن الذي لا يخالجه خوف

نشتم عندهم عبق الفرح الشفيف

منهم يبدأ العشم

وعندهم تنتهى الاحلام

وبغيرهم يكون الفناء

يتعبنا البحث ونتوه في بعض الوجوه

ولكن يظل اليقين بأنهم موجودون لا يساوره شك

ruby
19-05-2005, 11:12 AM
كاتب الرسالة الأصلية مزوني
والله نعم الكلام
وربنا يديك العافية

قمر الزمان
19-05-2005, 12:25 PM
ابراهيم يا رائع
تسلم على مسجاتك الجميلة ..
وتسلمى على مرورك روبي الغالية

...........

القدر مكتوب مسطر
ديمة نافذ امرو فينا ..
ابقى ما تقطع رسايلك
خلى مرسالك يجينا ..
بيهو نتطمن عليكم
وتعرفو الحال العلينا ..
يحمل اشواقنا ويجيكم
وشوفو كيف اثرتو فينا ..

امينو
22-05-2005, 09:23 AM
وحاتك انتا لما تغيب نحس بقلوبنا تايهه وراك

مهما يطول عذابنا معاك بنرجع تاني لي دنياك

لا حسينا يوم بندم ولا فكرنا يوم ننساك
========================

وتسلمي يا قمر الزمان على الموضوع الرائع والمسجات الاروع

زيكو منيب
22-05-2005, 09:59 AM
الرصيد ان كتر الزول بخابر زوله
و الرصيد ان قل بارك الله في مسكوله

===========================================
ويديكم العافية

قمر الزمان
25-05-2005, 10:49 AM
سلاماتنا يالساكنين مساماتنا ..
مقامكم في سواد العين
وتعجز عنو كلماتنا ..
سلام اكتر يشيلو الشوق
وفي اعماقنا يتحكر ..
ولمن تبعد الخطوات
نشيلو حنين ونتذكر ..
نقول امكن نلاقيكم
نبل الشوق ونتعطر ..

ودى كمان واحدة عجبتنى شديد يمكن تكون غريبة بس حلوة ..
جنب الزير قعونج اخضر
بغاغى عليك ما بفتر..
يطمبج في جداول الشوق
بعد حمامو يتعطر ..
ويصبر يوم تجى وتشرب
عشان يلقاك ياسكر ..
كل القصة دى رواية
عشان تطرانى تتذكر..
انا الضدفدع فرق واحد
انا الاشواق على اكتر ..

وتسلمو للمرور .