الهواتف الذكية في البيوت الغبية (حبونا ياخ حبتكم القراده)

[ام قبس]

:mad:
يد صغيروووونه تحسها من الصباح تنكت تحت المخده .............
تفتش في التلفون الذكي
لا اتسوك ولا كمل نومه عديل ولا خلي ابوه النام وش الصباح كمل نومته ( يستااااهل )
فتش بحت في النهايه لقي التلفون وقام ينقنق في راس ابوه المساهر وامه النامت تعبانه من مجابده اليوم كله
بابا انت كملت الشاحن كله يابابا التلفون خلصته ليه اهـــ اهــ اهــ اهـ
صحي اخته الصغيرونه واخته الكبيره
الكبيره جرت علي الايباد قبل اخوها يفوق من صدمة البطاريه الفاضيه
والصغيرونه قامت مجرد مشاركه وعاوزه تهظر وتتضحك ويلعبه معاها .
المهم : بابا ناول الولد الشاحن وخارجه من قدام وشه
ونهر البت وطي الصوت وشيلي الايباد بره امشي الصاله
فضلت منوووووو؟؟؟؟؟؟؟؟؟؟؟؟؟؟؟؟؟؟؟
الام والبت الظريفه الصفنبوته
قومي عليك الله شيليها بره انا تعبااااان شديد
وماما نامت مانامت قامت تجابد في الاولاد تعالي اتسوكي ، تعال غسل وشك
وتغير البامبرز للبيبي وتحضر الفطور وتبداء المجابده تعال افطر غير هدومك البسي الباص بتاع المدرسه قرب
وبعد عذااااااااااااااااااب السنين قام بابا الهو اساسا سبب لي دا كله من نومه.
الاطفال ماااااابتعلموا بالتلقيين والكلام
الاطفال بيتعلموا البشوفوا الكبار بيعملوه
وبابا لمان ماما تخت الاكل وتناديه بيكون مدحش في الانترنيت ومتابع حاجه ،من ابسط الطرق يوقفها ويرجع يشوفها ,
لكن لا مااااابقدر يقعد يقول ايوه جاي ذي بتاع الخضار لمان تحصله في اخر لفه وتناديه .
وتناديه تاني وتالت ورابع وهو متسمر قدام الداهيه دي .
ولو في اللحظات ديك جاه البت ولا الولد ( بابا انا عاوز............. قبل يتم جملته بيكون قطع ليه كلامه امشي امشي لي امك )
ونسينا نحضن اولادنا لمان يجوا باكيين
ونسينا نطبطب علي بناتنا لمان يقعوا ولا يوجعهم شي ويشتكوا لينا
ونسينا زوجاتنا المحتاجين يفضفضوا لينا ( اااي هي كتير بتكون فضفضه فاااضيه ) بس بتريحهم وتزيل تعب اليوم

ونسينا حتي نتصل بي اهلنا وبقينا نكتفي بي ملاقا في الفيس بوك او الواتس او رساله في الفايبر
نحن حتي نسينا حياتنا الزوجيه وبقت مااسخه وممله ورتيبه ذي فيدو او نكته متناقله في الاجهزة الذكيه ورات تمر عليك من ميه زول وكل مره تعمل عليها لايك او تضيف ( ههههههههههههههههههه ) باعتبارك اول مره تسمعها .

نحن لطيفيييييييييييييييييييييييييييييييييييييييييييييي ييييين في الانترنيت مسيخيييييييييييييييييييييييييييييييييييييييييييين في بيوتنا
صحي اجهزة ذكيه في بيوت غبية:mad:

[عاطف عولي]

التكنولوجيا متاعب

[ام قبس]

التكنولوجيي علي قوله الشوايقي ما متعبه لو استخدمناها علي أساس انها تكنولوجيا فقط بل بالعكس شيء مفيد جداً
لكن لمان نستخدمها كبديل للاحاسيس والتعبير والمشاعر الحقيقيه تبقي مصيبه ومرض وشيء مؤلم كمان . عاطف عولي اوع تكون من النوع البنوم والسماعات في اضنينك تبقي عوجه

[ساريه]

أم قبس يا أصيلة ..
حمد الله على السلامة وبركة بالشوفه ..
جاية وجايبة معاك أجمل طرح وأهم طرح ..
حقيقة ثورة الانترنت قضيت على حياتنا وجعلتها مسيخية وما عندها طعم ..
كل الاحاسيس بقت معبأه جاهزه فى بطاقات وكل العلينا اننا نعمل كوبى بست وارسال ..
وتناسينا واجباتنا وحتى حقوقنا ..
جيت اسلم يا ام قبس ..
ولى عودة هنا ..

[ود الجعلي]

:mad:
يد صغيروووونه تحسها من الصباح تنكت تحت المخده .............
تفتش في التلفون الذكي
لا اتسوك ولا كمل نومه عديل ولا خلي ابوه النام وش الصباح كمل نومته ( يستااااهل )
فتش بحت في النهايه لقي التلفون وقام ينقنق في راس ابوه المساهر وامه النامت تعبانه من مجابده اليوم كله
بابا انت كملت الشاحن كله يابابا التلفون خلصته ليه اهـــ اهــ اهــ اهـ
صحي اخته الصغيرونه واخته الكبيره
الكبيره جرت علي الايباد قبل اخوها يفوق من صدمة البطاريه الفاضيه
والصغيرونه قامت مجرد مشاركه وعاوزه تهظر وتتضحك ويلعبه معاها .
المهم : بابا ناول الولد الشاحن وخارجه من قدام وشه
ونهر البت وطي الصوت وشيلي الايباد بره امشي الصاله
فضلت منوووووو؟؟؟؟؟؟؟؟؟؟؟؟؟؟؟؟؟؟؟
الام والبت الظريفه الصفنبوته
قومي عليك الله شيليها بره انا تعبااااان شديد
وماما نامت مانامت قامت تجابد في الاولاد تعالي اتسوكي ، تعال غسل وشك
وتغير البامبرز للبيبي وتحضر الفطور وتبداء المجابده تعال افطر غير هدومك البسي الباص بتاع المدرسه قرب
وبعد عذااااااااااااااااااب السنين قام بابا الهو اساسا سبب لي دا كله من نومه.
الاطفال ماااااابتعلموا بالتلقيين والكلام
الاطفال بيتعلموا البشوفوا الكبار بيعملوه
وبابا لمان ماما تخت الاكل وتناديه بيكون مدحش في الانترنيت ومتابع حاجه ،من ابسط الطرق يوقفها ويرجع يشوفها ,
لكن لا مااااابقدر يقعد يقول ايوه جاي ذي بتاع الخضار لمان تحصله في اخر لفه وتناديه .
وتناديه تاني وتالت ورابع وهو متسمر قدام الداهيه دي .
ولو في اللحظات ديك جاه البت ولا الولد ( بابا انا عاوز............. قبل يتم جملته بيكون قطع ليه كلامه امشي امشي لي امك )
ونسينا نحضن اولادنا لمان يجوا باكيين
ونسينا نطبطب علي بناتنا لمان يقعوا ولا يوجعهم شي ويشتكوا لينا
ونسينا زوجاتنا المحتاجين يفضفضوا لينا ( اااي هي كتير بتكون فضفضه فاااضيه ) بس بتريحهم وتزيل تعب اليوم

ونسينا حتي نتصل بي اهلنا وبقينا نكتفي بي ملاقا في الفيس بوك او الواتس او رساله في الفايبر
نحن حتي نسينا حياتنا الزوجيه وبقت مااسخه وممله ورتيبه ذي فيدو او نكته متناقله في الاجهزة الذكيه ورات تمر عليك من ميه زول وكل مره تعمل عليها لايك او تضيف ( ههههههههههههههههههه ) باعتبارك اول مره تسمعها .

نحن لطيفيييييييييييييييييييييييييييييييييييييييييييييي ييييين في الانترنيت مسيخيييييييييييييييييييييييييييييييييييييييييييين في بيوتنا
صحي اجهزة ذكيه في بيوت غبية:

mad:



من زماااااااان ما شفنا الاسم ده .........


أولا حمد الله على سلامة الشوفها

ونحن في شوق لم يتوقف ابدا الى قلمك الرائع



واذا لم ابالغ واحترامي لكل الذين يكتبون في هذا المنتدي


أقول ان هذا البوست الرائع
الصادق المعبر

الواضح البسيط
البخوش تووووووش في اللحم الحي


في تصحيح
وتشريح وتوضيح

وكمان فضح حياتنا الاجتماعية

والاسرية والعلاقاتية

ام قبس ................


هذه الكتابة البسيطة المختصرة عبرت عني وعن الكثيرين


لقد هبشتي كل حاجة

ما خليتي أي حاجة

ويشهد الله قراته بتمعن وتركيز شديد

لأني كنت مشدود في التفاصيل التي اتقتني بجدارة وحرفنه ان توصليها لي شخصيا وللأخرين

بوست يستحق وسام الجدارة دون منازع

عليكي الله و عليكي الله ...... خسمتك بالنبي محمد ما تنقطعي عن الكتابة


ودمتي بخير ام قبس


وام منتديات ودمدني

[ابوالنور]

ام قبس ياخ البركة في التكنلوجيا الجابتك لينا

[ام قبس]

عاطف عولي وسرويه ًودالجعلي وأبو النور بالجد بالجد مشتااااااااقين والله العظيم
واوعدكم ما انقطع تاني ان شاء الله .
بس اليومين دي في حاله رحول وعشان مايكون باب النجار مخلع نحاول نشارك باعتدال ( اعتدال منو؟؟؟)
سلامي للجمييييع البوست حقكم لحدي ما ارجع بس زول ينادي المميز والمسافر والجندي المجهول

[عاطف عولي]

التكنولوجيي علي قوله الشوايقي ما متعبه لو استخدمناها علي أساس انها تكنولوجيا فقط بل بالعكس شيء مفيد جداً
لكن لمان نستخدمها كبديل للاحاسيس والتعبير والمشاعر الحقيقيه تبقي مصيبه ومرض وشيء مؤلم كمان . عاطف عولي اوع تكون من النوع البنوم والسماعات في اضنينك تبقي عوجه
أم قبس سلام


عن التكنولوجيا عندي بوست ختيتوا في الحلة علي النار

[ياسر عمر الامين]

ام قبس لك كل التحايا وحمدا لله على السلامة وغاية السعادة بطلة حروفك الجميله فى المنتدى...عارفه انا من الناس الضد وجود اكتر من تلفزيون فى البيت مهما تباينت الامزجة...لانو بيدى احساس بالتواجد العائلى الحميم فى مكان واحد...وسرعة الحياة وجريها خلت الناس ما عندها وقت ولمممممن يتلاقو بيكو كل واحد بما لديه من جهاز الكترونى فرحين...والطامة الكبرى زى ما ذكرتى انو الاطفال ماشين فى نفس الدرب مما ينذر بمزيد من كسر الوحدة العائلية ويبعد الحميمية بين العائلة الواحدة...لك الشكر اجزله على هذه الموضوع المهم وتقبلى مرورى...

[حاتم مرزوق]

التحية للأخت الفاضلة أم قبس

عوداً جميلاً

تبدلت الأحوال و الأدوات والنفسيات ، و ولت الحياة البسيطة الطيبة التي يكسوها الأمل ،وتحفها الضحكات الطبيعية ، وها نحن قد دخلنا في أجواء غريبة، جافة ، لا صلة لها بإمتدادنا الإنساني، وكلما إقتربنا منها زادتنا بعداً عن مجتمعنا الجميل المليئ بالإلفة والمودة . الكل اليوم مشغول بجهاز موبايل أو لابتوب (ومحوص) في مجتمع إفتراضي لا يسمع إذا ناديته ، ولا يشعر بك إذا مررت من أمامه ، ثم يعود إلى فراشه آخر الليل مجهداً في ما لا نفع فيه.

أملنا أن نعود لطبيعتنا ولا نأخذ من هذا إلا بالقدر الذي ينفعنا .

[ود الضو]

[quote=ام قبس;730719]التكنولوجيي علي قوله الشوايقي ما متعبه لو استخدمناها علي أساس انها تكنولوجيا فقط بل بالعكس شيء مفيد جداً
لكن لمان نستخدمها كبديل للاحاسيس والتعبير والمشاعر الحقيقيه تبقي مصيبه ومرض وشيء مؤلم كمان .

...

تحياتي يا ام قبس
ردّي هو ما اقتبسته لكِ من قول اعلاه
يديك العافية ..

[أبا إيثار]

التكنولوجيي علي قوله الشوايقي ما متعبه لو استخدمناها علي أساس انها تكنولوجيا فقط بل بالعكس شيء مفيد جداً
لكن لمان نستخدمها كبديل للاحاسيس والتعبير والمشاعر الحقيقيه تبقي مصيبه ومرض وشيء مؤلم كمان . عاطف عولي اوع تكون من النوع البنوم والسماعات في اضنينك تبقي عوجه



ام قبس :

ربي يحفظك ويحفظ ليك قبس وأخوانو وبعلك يااارب

حديث من القلب للقلب لمعضلة أصبحت معول للكثيرين
هل هي مادة للهدم أو الإستمرارية ؟؟؟؟

نقولها بصدق ؟

لن نغير واقع أشياؤنا طالما واقعنا شيئ منّا ؟؟
المهم أن نحرص لذلكم الإمتداد نكون أو لا نكون ؟؟

نعم فرض علينا واقع العولمة والتكنولوجيا ووصل حتي
من يحبو في طريق التأتأة ..
لنا وأقع أن يعيشوا كيف التواجد حتي لايفقدو روح الوجود
وأيضاً لنا حق أن يكونوا كل الروح ببسيطة مانتمني ..

هل وضعنا جدولة للتلاقي ؟؟؟؟
هل قمنا بترجمة ذلك الضيف بإريحية التواجد ؟؟
لكل الحضور ميقات وزمان ؟؟
حتي لا ينفلت حبل القارب يجب أن نكون بقدر عظم المسئؤلية
أن لا نحرمهم بعض شئ من كل شئ ؟؟
وأن نتابع فصل الأمنيات حتي لاتكون الرغبة هي الملاذ ..
تتقلب الفصول ولكن المطر دوماً يأتي هنا شتاء وهناك خريفاً
والعاقل الفطن من يدرك غلاوة الزمن والميعاد ..

[ام قبس]

ام قبس لك كل التحايا وحمدا لله على السلامة وغاية السعادة بطلة حروفك الجميله فى المنتدى...عارفه انا من الناس الضد وجود اكتر من تلفزيون فى البيت مهما تباينت الامزجة...لانو بيدى احساس بالتواجد العائلى الحميم فى مكان واحد...وسرعة الحياة وجريها خلت الناس ما عندها وقت ولمممممن يتلاقو بيكو كل واحد بما لديه من جهاز الكترونى فرحين...والطامة الكبرى زى ما ذكرتى انو الاطفال ماشين فى نفس الدرب مما ينذر بمزيد من كسر الوحدة العائلية ويبعد الحميمية بين العائلة الواحدة...لك الشكر اجزله على هذه الموضوع المهم وتقبلى مرورى...


ياسر عمر امين سلااااامات ياخي ان شاء الله كويس انت
عارف يا ياسر تلفزيون واتنين دي بقت قديييييمه هسع في كل غرفه في تلفزيون ،ومافي زول بيقعد قدام واحد فيهم ، هي التلفزيونات فيها شنو مسلسلات موش كدا . وتيب كلنا بقينا ممثلين محترفين حتي دموع التماسيح لو صوت ولا صوره العالم التاني دا أوسع وفضفاااض تمسك النت دا فيس ومافي اي فيس توتر ( طبعا مش تويتر) نصاب ( علي وزن واتساب) وهاااك يا مسلسلات تاني تقول لي تلفزيون !!!!!!!

[ام قبس]

التحية للأخت الفاضلة أم قبس

عوداً جميلاً

تبدلت الأحوال و الأدوات والنفسيات ، و ولت الحياة البسيطة الطيبة التي يكسوها الأمل ،وتحفها الضحكات الطبيعية ، وها نحن قد دخلنا في أجواء غريبة، جافة ، لا صلة لها بإمتدادنا الإنساني، وكلما إقتربنا منها زادتنا بعداً عن مجتمعنا الجميل المليئ بالإلفة والمودة . الكل اليوم مشغول بجهاز موبايل أو لابتوب (ومحوص) في مجتمع إفتراضي لا يسمع إذا ناديته ، ولا يشعر بك إذا مررت من أمامه ، ثم يعود إلى فراشه آخر الليل مجهداً في ما لا نفع فيه.

أملنا أن نعود لطبيعتنا ولا نأخذ من هذا إلا بالقدر الذي ينفعنا .

أخونا الكبير حاتم مرزوق سلااام وحمد لله علي اللقاء بعد الغياب لو مننا ولا منكم
بالجد ابلغ تعبير لي حاله بيوتنا الان هي كلمة مسييييييخة ( ومسيخه دي اشتق منها مساخه بتاعه الناس الحامضيين ومنها مسيخ ذي الطبيخ المن غير نفس طبخ ولا ملح ولا بهار وكمان ممسوخ بتاعه الناس العندهم الأمور واللف والدوران وممكن تلقي فيها ماسخ البيقولوها العرب يعني مكرر ولا مبتذل وممكن تلقي فيها مسخ يعني مشوة .
والله الحياه زمان وما زمان شديد كانت طاااااعمه بس هسع جنس حاله ومفارقات عجيبه الواحد تلقي ساكن سكنه صعبه وأمه عيانه وأبوه في المعاش وهو شايل جلكسي نوت تو وداخل في جلباب صلاح ادريس زمان.

[ام قبس]

بعتذر بي شده علي التأخير في الرد بي سبب الرحول ذي ماقلت ليكم واوعدكم أعود وارد علي كل المارين من هنا .
وحكايه الرحول دي بينت لي شده الغباء النحن فيه لمان ندحش في الأجهزة دي وتجي تقابل الماس ديل علي ارض الواقع ( دي قصه طويييييله)
الان انتقلت من السويد الي بريطانيا وطلع ألفي السويد وألفي بريطانيا وألفي عشش فلاته نفس الملامح والشبه والمشيه ذاااااته وقدلته غايتو الله يدي العافيه بس.
نصيحه اخويه احدي ماجيكم راجعه ماتدوا الداهيه الاسمها الأجهزة الذكية دي أكتر من ساعتين في اليوم ساعه ساعه للبحث والتعلم وساعه للكضب وحاوريكم ليه مجبرين تستخدمه الكضب ( بالمناسبه الكضب ماعنده ألوان)
وأجمل اللحظات مع ازواجنا وأطفالنا وأهلنا راقبوا اطفالكم وحركاتهم في تطورها دي هي الحاجات ألما بتتعوض احضنوهم شيليهم في رجليكم وختوا التلفونات واللاب توبات من حجركم دفوهم بدل سخانه الأجهزة المتلببنها أكتر من عيالكم افتحوا خشمكم مع نسوانكم بدل أصابعكم العفنت خشمكم استمتعتوا بي أنكم بني آدميين ليكم احاسيسكم ومشاعركم وفعل ورد فعل مش جمادات شغال فيها العين والاصبع ، بكره لو عدي ميه ساعه واتساب مابترجعه ليكم انتبهواااااا.

[أمير عبداللطيف]

أم أحمد ( لانه وحيد الوسطاني ) هههههه

التحيه لك ولكل المتداخلين ،، عاينت تحت ما لقيت ( اعجبني )
عشان اضغط عليها قلت ادخل اسلم وأقول اعجبني ،، لايك جدا

[عبدالله محمد العقاد]

اختنا الزمان ام قبس كيف حالك والعيال

فعلا والله حكاية الام مع البيت حكاية انا شخصيا مما جبت عبودي الصغير فرزت عيشتي و شلت بطانيتي و مشيت غرفه تانية و عزري انه بصحى بدري ههههههه
ا
الف مبروك النقله من السويد لبريطانيا بالرغم من انه يبدو لي المعيشة في السويد اهدا شويه من بريطانيا

[آلاء عبد الرحمن]

حمد الله علي سلامة الجية والرحول وبالتوفيق

بث قلته اسلم