محطات ومواقف

[ود المطامير]

ود أبرق
وأنا عريس جديد لنج
وطلعنا من شهر العسل وجينا البيت فى أم درمان
كنت قاعد براى فى الغرفه والباب متاكا والمروحه
شغاله تلف وتلف وفجأه جا ود أبرق داخل توووش
بالباب ود أبرق أم درمان ما عندو فكره عن مطاميرو
بتاع شرق الله البارد وكم كتل من قبيلة جماعة ود أبرق
طوالى قمت وقفلت الباب وأنا وود أبرق بقينا نلعب
توم آند جيرى ، أجيهو بجاى يجينى بجاى وهو البليد
قايلنى عاوز أعمتو لكن أنا كانت لدي مآرب أخرى
كنت عاوز أحاصرو وأخليهو يدخل فى ريش المروحه
مر زمن وجيتو بجاى وهو عاوز يزوغ بهناك طوالى
فنيت ليك فيهو المخده قدامو وفجأه كسر ملف شمال
وجا تووووشك فى ريش المروحه وجا الواطه أووورلب
وهو يتخبط مكسور الجناح ، هنى جات أم عمرو داخله وشافتو
وختت الحاجه الكانت شايلاها وإنحنت وشالتو وهى تقول
يا حراام ، ويا حليلو وكلام خلانى أتهوزز براى
وعاينت لى وقالت لى .. دا مالو ؟ وقلت ليها
دا جا داخل توووش ومن شافنى راقد فى رقدتى دى
خاف وكسر ملف شمال قال يتخارج ودخل فى المروحه
وطقتو وكسرت جناحو
تانى أم عمرو قعدت تقول .. يا حليلو ويا حرام
وتانى أنا قعدت أتهوزز .. وقامت وعملت ليهو جبيره
وجابت ليهو مويه وفتات خبز وصاحبى يعاين ليها
وعيونو تقرب تدمع ويعاين لى ويصر وشو

التقول علي قال لى .. شتان الفرق بينكما .

[ود المطامير]

ضرس العقل

من زمن طويييل وأنا باكل بالجمبه اليمين بس
والجمبه الشمال دى طلعت من الخدمه نهائى
عشان ضرس العقل حقى مقرقر وكان مره عملت
ليهو حشوه وبلعتها مع الأكل ذى الما كانت فى حشوه
ومن اليوم داك والجمبه الشمال دى طلعت من الخدمه
أها .. هسى ومن فتره الجمبه اليمين بدت تعصرج معاى
وضرس العقل التانى بقى مع المويه الصاقطه بعمل كهربه
ومع الحلاوه بعمل كهربه مع العلم إنو باقى السنينات
بقن ذى الكرسى الهزاز قابلات للتحرك إلى الأمام وإلى الخلف

طلوع أحد أضراس العقل من الخدمه وعصرجة التانى قلل من ذكائى المتقد

[عاطف عولي]

ود أبرق
وأنا عريس جديد لنج
وطلعنا من شهر العسل وجينا البيت فى أم درمان
كنت قاعد براى فى الغرفه والباب متاكا والمروحه
شغاله تلف وتلف وفجأه جا ود أبرق داخل توووش
بالباب ود أبرق أم درمان ما عندو فكره عن مطاميرو
بتاع شرق الله البارد وكم كتل من قبيلة جماعة ود أبرق
طوالى قمت وقفلت الباب وأنا وود أبرق بقينا نلعب
توم آند جيرى ، أجيهو بجاى يجينى بجاى وهو البليد
قايلنى عاوز أعمتو لكن أنا كانت لدي مآرب أخرى
كنت عاوز أحاصرو وأخليهو يدخل فى ريش المروحه
مر زمن وجيتو بجاى وهو عاوز يزوغ بهناك طوالى
فنيت ليك فيهو المخده قدامو وفجأه كسر ملف شمال
وجا تووووشك فى ريش المروحه وجا الواطه أووورلب
وهو يتخبط مكسور الجناح ، هنى جات أم عمرو داخله وشافتو
وختت الحاجه الكانت شايلاها وإنحنت وشالتو وهى تقول
يا حراام ، ويا حليلو وكلام خلانى أتهوزز براى
وعاينت لى وقالت لى .. دا مالو ؟ وقلت ليها
دا جا داخل توووش ومن شافنى راقد فى رقدتى دى
خاف وكسر ملف شمال قال يتخارج ودخل فى المروحه
وطقتو وكسرت جناحو
تانى أم عمرو قعدت تقول .. يا حليلو ويا حرام
وتانى أنا قعدت أتهوزز .. وقامت وعملت ليهو جبيره
وجابت ليهو مويه وفتات خبز وصاحبى يعاين ليها
وعيونو تقرب تدمع ويعاين لى ويصر وشو

التقول علي قال لى .. شتان الفرق بينكما .


يعني الفهم ضبحتا ليها الكديسة وكدي ولا مو كدي

والله لو شافتك عشوشته الا توريك ليه

[عاطف عولي]

واصل إندياحك يا جميل

متابعيييييييييييييييييييييييييين

[ود المطامير]

كوريلتى

رفيقة دربى من مواليد 1999
ميلادها عليكم الله مش مميز ؟
هذه التحفه وأنا مسافر لوفاة الوالد الله يرحمه
وصلونى بيها أصحابى لمطار دبى ورجعو بيها وإتفقنا بعد إسبوعين
يجونى بيها فى مطار دبى .. مرت الإجازه سريعا ونزلت فى مطار دبى
بهنى وطائرة ناس أم عمرو قامت من مطار الخرطوم بهنى
يعنى بين وصولى ووصولهم 4 ساعات وكنت متفق مع أصحابى يجو بعربيتين
أها .. وصلت وطلعت ولا لقيت زول منتظرنى ولا شيتن
كانت الساعه الواحده صباحا .. فتشت وفتشت وما لقيت زول
دخلت شريحة الإمارات أكان فررر الرسايل رقدت هبطرش
وكلهن مخالفات مروريه ، رادارات ومواقف وسالك دبى
وضربت خرتمية تلفون وما لقيت رد
بعد 4 ساعات وصلت طيارة ناس أم عمرو وإستقبلتهم وقلت ليهم
نأجر تاكسى ، عربيتى ما جابوها ولا أصحابى جونى ولا بردو على تلفوناتى
وفى الموقف جا بص خاص بفلاى دبى وقال ماشى أبوظبى وقطعنا تزاكرنا
وركبنا وفى محطة مواصلات أبوظبى ركبتهم البص حق منطقتنا ( 4 ساعات )
وقلت ليهم أسبقونى وأنا إن شاء الله بحصلكم فى الطريق بالحنينه
ومشيت محل ما الحنينه واقفه
واااخراشىىى وااا وجعى عليك يا الحنينه ، مالك يا يمه راقده سلطه كدى ؟
كشفت عليها من بره وحات الله حنس بشتنه وجنس علال مبالغه
دخلت الغرفه ولقيت صاحبى نااايم كراع مسنوده على الحيطه وكراع واقعه على الواطه
وخشمو فاتح ويشخر والرياله عووووع ( عاد وين للعاب حسناء )
وقدر ما قلبتو جاى وجاى بس الجنازه ، عاينت تحت السرير أكان أشوف ليك
قزازة فيها أقل من الربع .. قلت ليهو فى نفسى .. هلا هلا .. قمت بيها برااااك ؟
وفتشت للمفتاح ولقيتو مجدوع ساى كدا جمب كراع السرير وشلتو ومشيت للحنينه
دخلت المفتاح وحات أمى ولا روح ولا لمبه فى التبلون ما ولعت
قلت إمكن يكون فاصل سلك البطاريه وفتحت الكبود أكان أشوف ليك البطاريه فايره ذى مِدّة الكرو
قشقشتها وقعدت أتلفت وخاصه ومحل سكن أصحابى مقطوع وداخل غابه
لكن ربك رب الخير جاب لى واحد صاحبى شغال مكنيكى فى المنطقه الصناعيه
ومن شافنى شال معاى الفاتحه .. أنا إستغربت منو عشان هو كان معاى يوم جانى خبر
وفاة الوالد وفرش معاى يومين ، لكن قلت فى نفسى يكون اليوم داك كان طاشم ؟
أها .. قال لى الفاتحه دى عارفها عشان شنو ؟ ما عشان أبوك الله يرحمو لا لا
عشان عربيتك . وقال كدا حيلى مات وقلت ليهو ماله ؟ قال لى صاحبك الجوه دا
كان داعكها تاكسى أبوظبى دبى الشارقه ، سحسحه بالطريقه الصاح
ودا كلو وهو بكون مولع لمبه ، لا مطب بوقفو ولا حفره ولا رادار
قلت ليهو عشان كدا من نشطت شريحة الإمارات رسايل المخالفات جاتنى راقده هبطرش
قال لى كدى الندورها .. عملنا ليها توصيله من عربيتو ويا الله ويامين عشان دورت
وإكتشفنا الآتى .. البطاريه إتلحست والمكيف إتلحس وزيت المكنه فات فوق حدو ب ألفين ونص كيلو متر
العادم جارى بالواطه ، نمره خمسه فيها عضه وإلا تطقها طق عشان تقدر ترجع منها
الإستوب طافى واللمبه القداميه يمين طافيه .. الهاند بريك بقى مجلى
الضهريه ما بتفتح والرف اليمين فيهو طقه خفيفه ، طفاية السجائر مليانه ومدفقه
شاحن الموبايل بدون رأس والمكنه بترترت وبتبطل براها .
وشلناها شيل ومشينا الصناعيه وأنا يومين ما نايم وتعب الدنيا كلو علي
ودعيت على صاحبى اللى لحد ما مشينا منو وهو كراع على الحيطه وكراع فى الواطه

طلعت الحنينه من ورشة صاحبى تانى يوم وهسى هى فى مرحلة النقاهه .

[ود المطامير]

يعني الفهم ضبحتا ليها الكديسة وكدي ولا مو كدي

والله لو شافتك عشوشته الا توريك ليه
هههههههههههههههه

ياتو كديسه يا صاحبى ؟ دا أنا نكرتو حطب

[ود المطامير]

واصل إندياحك يا جميل

متابعيييييييييييييييييييييييييين
إن شاء الله

غايتو إلا تمباكى يكمل عشان من غير سفه ما بعرف أجر حرف ;)

[حسام التنين]

حسي اعلقوا ليك على شنو و لا شنو و لا شنو

كيفك ياصديقي

[ود المطامير]

حسي اعلقوا ليك على شنو و لا شنو و لا شنو

كيفك ياصديقي
كاوشهم جت ياخ

تسلم يا صديقى يسرك الحال

[حسام التنين]

كاوشهم جت ياخ

تسلم يا صديقى يسرك الحال

ههههههههههه جت عليهم

وبرررردلب كده

ود ابرق ياحنين

[أبا إيثار]

مطاميرو ياجميل ,,

دخلت أتاوق اشوف نهاية ودا أبرق معاااك
طلعت سافي ؟؟

[ام رغد]

ود المطامير الفاتحة........................................... .................................................. ............
.................................................. .................................................. ..............
.................................................. ................................. ولا الضالييييين امييين..
دى فى الحنينة:p

[ود المطامير]

ههههههههههه جت عليهم

وبرررردلب كده

ود ابرق ياحنين
ههههههههههههههه

ود أبرق دا ممسووووخ

[ود المطامير]

مطاميرو ياجميل ,,

دخلت أتاوق اشوف نهاية ودا أبرق معاااك
طلعت سافي ؟؟

ههههههههههههههه

هع هع هع هع

سفه بعد كباية شاى كاااربه

[ود المطامير]

ود المطامير الفاتحة........................................... .................................................. ............
.................................................. .................................................. ..............
.................................................. ................................. ولا الضالييييين امييين..
دى فى الحنينة:p
ههههههههههههههه

وحات الله يا خالتو

لحد يوم الليله حالتها حاله