كم انتي جميله ي مدني ياخ

[ابوالنور]

امس بي فليل وانا راجع ياخ خاشي الفريق القي لي جنازة مارقة من الفريق وقفت الركشة وسلمت علي عم سليمان
دا منو ي عم سليمان ياخ الاتوفي دا قال لي دا ابو دانيال قلت لي م عرفتو ياخ وصف لي علي اخوه وانا ماشي علي اخوه اديه الفاتحة قام مشي علي العنقريب وشال معاهم
قمت مشيت سريع البيت ودخلت وكوركت للمدام بالشباك يا ........... هي ي راجل خلعتني م تخش بالباب قلت ليها خلعتك انتي ضرس امسكي ياخ لاحق لي جسمان
جسماااان معاها نطيت عيون المات منو ياخ قلت ليها ابو دانيال ابو دانيال دا منو قلت ليها م بعرفو ياخ جسمان مارق من الفريق يلا ......
قمت ضربتها موزه البيت قريب من المقابر اها القي ليك المقابر دي مجلبطا جنس جلبيط بالطين وحاة الله هيثم كان شاف الكداره يحلف تاني م يجيب لي واحده
طبعن كنت جاي من الدافوري نسيت اقول ليكم
اها قمت وصلت المقابر والجسمان لسع م وصل لانو الطين م اداهم راحتم الا جابو ليهم بوكس
يلا من هنا يبدا الموضوع
ياخ صبيان عمر 18 الي 22 بتشاكلو في الحفر وبروح عاليه جدن وحاة الله الواحد بغر منهم عديل كدا والشي الجديد علي انو لو اتحفر القبر وجو يحفرو ود الاحد وطبعن ود الاحد بتحفر قدام لقيتم حفرو من الناحيه العكسية سالت ليه قالو لي بكون لقو حاجة من قدام ف عشان كدا حفرو من الناحيه العكسيه ياخ وبث

[ود الضو]

ياخ صبيان عمر 18 الي 22 بتشاكلو في الحفر وبروح عاليه جدن وحاة الله الواحد بغر منهم عديل كدا والشي الجديد علي انو لو اتحفر القبر وجو يحفرو ود الاحد وطبعن ود الاحد بتحفر قدام لقيتم حفرو من الناحيه العكسية سالت ليه قالو لي بكون لقو حاجة من قدام ف عشان كدا حفرو من الناحيه العكسيه ياخ وبث

.....
ابو النور الزول السمح
رحم الله المتوفي وغفر له
تعرف ياحبيب شبابنا رغم كل شئ حاصل
الا انني اجدهم دوما سباقين لعمل الخير بكل تفاني
خليني اعرج علي شباب الجمعيات الخيرية وماشابهها
ياخ شباب شارع الحوادث ديل والله هم عنوان للوطن بالخط العريض
شباب زي الورد ينتهون من محاضراتهم او شغلهم
مابيمشوا بيوتهم بل بيمشوا لي عمل الخير
ربنا يقويهم ويسدد خطاهم ..

[ابوالنور]

.....
ابو النور الزول السمح
رحم الله المتوفي وغفر له
تعرف ياحبيب شبابنا رغم كل شئ حاصل
الا انني اجدهم دوما سباقين لعمل الخير بكل تفاني
خليني اعرج علي شباب الجمعيات الخيرية وماشابهها
ياخ شباب شارع الحوادث ديل والله هم عنوان للوطن بالخط العريض
شباب زي الورد ينتهون من محاضراتهم او شغلهم
مابيمشوا بيوتهم بل بيمشوا لي عمل الخير
ربنا يقويهم ويسدد خطاهم ..
حبيبنا ود الضو ربنا يخليك لينا ياخ
وكان م ننسي بنك الثواب في قناة النيل الازرق يوم الجمعه المساء واخونا عبدالله ربنا يديه الصحة والعافيه ياخ