توهاني .. بيدي لا بيد عمرو ..

[ريمون]

لا اكاد اجدني ..
اعلم جيدا خارطة الطريق ..
ادرك البدايات والنهايات بعمق ..
لكني اختار ان اتوه ..
من قال ان التوهان وهم ..
انها عوالم تحتفي بك ..
طالما لا زلت اعرف الطريق جيدا ..
علي توهاني ساظل ..

[ياسر عمر الامين]

قد يحتاج المرء أحيانا الى شئ من "المناورة" حتى يعبر بسلام الى الساحل...بالدارجى يعمل رايح...
ريمون اشتقنا "لترتيب الذات"

[أبا إيثار]

لا اكاد اجدني ..
اعلم جيدا خارطة الطريق ..
ادرك البدايات والنهايات بعمق ..
لكني اختار ان اتوه ..
من قال ان التوهان وهم ..
انها عوالم تحتفي بك ..
طالما لا زلت اعرف الطريق جيدا ..
علي توهاني ساظل ..


حرف عميق التوهان
له شطئان تمتد كالفرح
ودواخل حبلي بالكثير .

طالما هو توقيعكم حتماً سأكون هنا دوماً .

لا تقف كثيرا عند أخطــــــاء ماضيك ..
لأنها ستحيل حاضرك جحيمــا ومستقبلك حطامــا ..
يكفيك منها وقفة اعتبـــار تعطيك دفعة جديــدة
في طريــــق الحق والصواب ..

[ساريه]

ريمون حرفك ذا نكهه خاصه ...
هنا رائحة لا تخطئها انفى ... انفعالك هو بدايه جديده بلا شك ...
هو ليس توهان هو محاوله لوضع الواقع فى اطار شفاف ..
اعرف تلك الشفافيه التى تكتبين بيها واعشقها .. وليت لى بمثلها ...
حمد الله على السلامه يا جميل ..

تخريمه ...................... عمرو دا منو ؟؟؟ :p :p :p :) :) :)

[ريمون]

مرور جميل وناس اجمل .. ابا ايثار حبابك الف .. تعلرفت حروفنا قبل ان نتعارف ..
ياسر وسارية .. ما احوجنا الي ساعة من الزمان معا ..

[مرتضى يوسف العركي]

يا سيدتي الكنوز دائما ما توجد في الأعماق
عمرك سمعت بزول لقى ليهو كنز في قارعة الطريق
يظل الكنز بقيمة ما يحمل
ربما اعتقد بعضنا ان باستطاعته ان يجوب الدنيا ممنيا نفسه بملك جديد اكثر من كنز لم يكتشفه بعد
وهو حر في ذلك المهم ان ييعيش الكنز بقيمة انه كنز كاصل ثابت
في ظل استمرار ترحال البعض .
على ذلك لا اتفق معكي في حالة التوهان دي
بل اميل ان يكون المرء واضح المعالم واثق الخطي
معتدا بما يحمل بيده لا بيد عمرو ولو كان ابن كلثوم فما بين طيات الزمن
وما نحمل من معاناه ورهق هناك معادلة اخرى تغشى من نرتبط بهم
بذات الحجم والنوع من الرهق والمعاناة
هنا تكون المفاضلة القائمة على التجريب الانساني
فلربما لسان بعضنا يقول ختاما انا قبضت الريح
يحضرني
قلت أرحل ...
أسوق خطواتي
من زولاً نسى الإلفة
أهَون ليل ... أساهر ليل
أتوه مِن مرفأ لي مرفأ
أبدل ريد بعد ريدك
عشان يمكن يكون أوفي
رحلت وجيت في بعدك لقيت
كل الأرض منفى ...
عيونك زي سحابة صيف
تجافي بِلاد وتسقي بِلاد
وزي فرحاً ...
يشيل مني الشقا ويزداد
وزي كلمات بتتأوّه
تتوه لمن يجي الميعاد
زي عيداً غِشاني وفات
وعاد عمّ البلد أعياد
وزي فرح البعيد العاد
وزي وطناً وكت أشتاقلو
برحل ليهو من غير زاد
بدون عينيك
بصبح زول بدون ذكرى
وبدون ميـــلاد ...
رحلت وجيت ... في بعدك لقيت
كل الأرض منفى ...

زمان الفُرقة والتجريح بسيبو
بسيبو عشان تشيلو الريح
بسيبو عشان صحيح الذكرى
بتّوِّه عُمرنا صحيح
انتِي معاي لا بندم
ولا بقضي العمر تبريح
أصلو العُمر شوقاً كان
حزناً كان ... وصبراً كان
فسيح وفسيح ...
أصلو العمر كان
درباً مشيتو كسيح
وكان غرساً ...
سقيتو بُكى وقبضت الريح
رحلت وجيت ... في بعدك لقيت
كل الأرض منفى ...

[سواااح]

العزيزة ريمون ..
كنوع من الفلسفة التي لا حاجة لها مني
اجد ان التوهان ذاته دنيا اخري نهرب اليها
لنستريح من كثير مما نعانيه ونعاسيه ونعيشه
لكل منا مدينته الضائعة المصنوعة من بنات عقله الغائب ...

[ود الجعلي]

ريمون

التوهان في المدن المخملية قد كانت لي تجارب كثر

ولم احس بنفسي ابدا


ريمون لك الود انتي تكتبين بعمق

[الملكة اسماء ( ام محمد )]

ريمون ياجميلة الحضور

توهي وتوهينا معاك

فعن نفسي احتاج ان اتعمد التوهان ...

كوني بخير غاليتي

[ريمون]

انا اسرق اللحظة لأعود متيقنة اني ساجد ما يستهويني هنا ..
وانا بقول ..
يا زمن ..
وقف شوية ..
بس هو ما بسمع الكلام ..