ﺍﻟﻄِـــــﺮﺡ

[عاشق الترحال]

ﺍﻟﻄِـــــﺮﺡ


ﺑﺮﻳﺪﻛﻦ ﻳﺎﻟﻄﺮﺡ ﻃﺮﺣﻪ ﻃﺮﺣﻪ
ﻭﺍﻟﻠﻪ ﻋﺎﻟﻢ ﺑﻲ ﺭﻳﺪﺗﻲ ﻟﻴﻜﻦ
ﺍﻟﺨﻠﺖ ﻧﻔﺴﻲ ﻣﻨﺸﺮﺣﻪ
ﻃﺮﺣﻪ ﺟﻮﺍﻱ ﺗﺰﻳﺪ ﺑﻼﻱ
ﺗﺨﻠﻲ ﺩﻗﺎﺕ ﻗﻠﺒﻲ ﻓﻲ ﺧﻔﻘﻪ
ﺗﺴﻜﺮﻧﻲ ﺗﺮﻋﺸﻨﻲ ﺗﺠﻨﻨﻲ
ﻭﻳﻨﻘﻠﻮﻧﻲ ﻟﻠﻤﺴﺘﺸﻔﻪ
ﻳﻜﺸﻒ ﻋﻠﻲ ﺍﻟﺪﻛﺘﻮﺭ
ﻭﻳﺰﻳﺪ ﻋﻠﻲ ﺍﻟﻠﻮﻋﻪ
ﻣﺎﻟﻲ ﻳﺎ ﺩﻛﺘﻮﺭ ؟
ﻭﻗﺎﻝ ﺍﻟﺴﺒﺐ ﺍﻟﻄﺮﺣﻪ
ﺁﺁﺁﺁﻩ ﻣﻦ ﺍﻟﻄﺮﺣﻪ ﺍﻟﺨﻠﺘﻨﻲ
ﻓﻲ ﺍﻟﻔﺮﺍﺵ ﻣﻨﻄﺮﺡ ﺯﻱ ﺍﻟﻄﺮﺣﻪ
ﻭﺳﻤﺎﻋﺔ ﺩﻛﺘﻮﺭﻱ ﻓﻲ ﻗﻠﺒﻲ
ﻣﺎﺷﺎﻓﺖ ﺍﻟﻮﺟﻌﻪ
ﺍﻛﺘﺐ ﻟﻲ ﻳﺎﺩﻛﺘﻮﺭ ﻋﻼﺟﺎً
ﻳﺸﻔﻴﻨﻲ ﻣﻦ ﺍﻟﻠﻮﻋﻪ
ﻭﻗﺎﻝ ﻳﺎﺟﻨﻲ ﻟﻮﺩﺍﻳﺮ ﻋﻼﺟﻚ
ﺍﻗﻊ ﺍﻟﻄﺮﺣﻪ
ﻗﻠﺖ ﻟﻴﻪ ﻳﺎﺩﻛﺘﻮﺭ
ﻭﺻﻒ ﻟﻲ ﺯﻳﻦ ﻳﺎﺗﻮ ﻃﺮﺣﻪ
ﻗﺎﻝ ﻟﻲ ﺍﻧﺖ ﺑﺘﻌﺮﻑ
ﻳﺎﺗﻮ ﻃﺮﺣﻪ ؟
ﻗﻠﺖ ﻟﻴﻪ ﻳﺎﺩﻛﺘﻮﺭ
ﺑﻌﺮﻓﻢ ﻃﺮﺣﻪ ﻃﺮﺣﻪ
ﻣﺤﺘﺎﺭ ﻭﻗﺎﻟﺒﻨﻲ ﺍﻻﺧﺘﻴﺎﺭ
ﻭﺩﻱ ﺍﻟﻤﺸﻜﻠﻪ
ﻃﺒﻄﺐ ﻋﻠﻲ ﻭﻗﺎﻝ ﻟﻲ
ﻻﺑﺪ ﺗﻠﻘﻲ ﻟﻴﻚ ﻭﺍﺣﺪﻩ ﺗﺤﻞ ﺍﻟﻤﺸﻜﻠﻪ
ﻓﻲ ﺍﻟﺼﻔﺮﺍ ﻭﻓﻲ ﺍﻟﺨﻀﺮﺍ
ﻗﻠﺖ ﻟﻴﻪ ﻻ ﺩﻱ ﻣﺎ ﺣﻞ ﺍﻟﻤﺸﻜﻠﻪ
ﻗﺎﻝ ﻟﻴﻪ ﻃﻴﺐ ﻓﻲ ﺍﻟﺤﻤﺮﺍ
ﻭﺑﺮﺿﻮ ﻣﺎﺣﻞ ﻟﻠﻤﺸﻜﻠﻪ
ﻗﺎﻝ ﻟﻲ ﺣﻴﺮﺗﻨﻲ ﻳﺎ ﺟﻨﻲ
ﻭﺍﺳﺘﻌﺼﺖ ﻋﻠﻲ ﺍﻟﻤﺸﻜﻠﻪ
ﻳﺎﺩﻛﺘﻮﺭ ﺍﻧﺎ ﻛﺎﺗﻼﻧﻲ
ﺍﻟﻄﺮﺣﻪ ﺍﻟﻮﺭﺩﻳﻪ ﻣٌﺬﻫﺒﻪ
ﺷﺎﻟﺖ ﺭﻭﻳﺤﺘﻲ ﻭﺧﻠﺖ
ﻋُﻀﺎﻣﻲ ﻣﻬﺮﺳﻪ
ﻭﺑﻘﻴﺖ ﻣﺠﻨﻮﻥ
ﺍﺳﺎﺳﻖ ﻣﻦ ﻃﺮﺣﻪ ﻟﻲ ﻃﺮﺣﻪ
ﻛﺎﻥ ﺍﻟﻘﻲ ﻟﻲ
ﻓﻲ ﺍﻟﻄﺮﺡ ﻃﺮﺣﻪ
ﺑﻴﻬﺎ ﻳﻨﺴﻌﺪ ﻗﻠﺒﻲ
ﻭﻳﺨﺮﺟﻮﻧﻲ ﻣﻦ ﺍﻟﻤﺴﺘﺸﻔﻪ
ﻗﻠﺒﻲ ﺗﺘﻮﺯﻥ ﺩﻗﺎﺗﻮ
ﻭﻳﺨﻠﻲ ﺍﻟﺨﻔﻘﻪ
ﻭﺍﺑﻘﻲ ﻧﺼﻴﺢ ﻣﻦ
ﺍﻟﻠﻮﻋﻪ
ﺗﻔﻚ ﺳﻜﺮﺗﻲ
ﺷﺎﻥ ﺍﻟﻄﺮﺣﻪ
ﻭﺑﺮﻳﺪﻛﻦ ﻳﺎﻟﻄﺮﺡ ﻃﺮﺣﻪ ﻃﺮﺣﻪ

أشرف محمد


نيالا
14/8/2012

[ياسر عمر الامين]

الطرحه عملت فيك عمايل يا عاشق...بقيت زى شاعرنا الراحل عوض جبريل فى قصتو مع التوب...شفت التوب وما لاقنى أجمل منو بس التوب وسيد التوب يكون كيفنو...نظرة سريعة مرت بيها ما اتمتعت خطوة وحيدة بينى وبينو لو أسرعت...ان شاءالله انت بس يكون الزمن أسعفك...:cool:

[عاشق الترحال]

الطرحه عملت فيك عمايل يا عاشق...بقيت زى شاعرنا الراحل عوض جبريل فى قصتو مع التوب...شفت التوب وما لاقنى أجمل منو بس التوب وسيد التوب يكون كيفنو...نظرة سريعة مرت بيها ما اتمتعت خطوة وحيدة بينى وبينو لو أسرعت...ان شاءالله انت بس يكون الزمن أسعفك...:cool:

ما انا براي العامله فيني عمايل بس قليل البطلع الحاجات دي . .
القصيدة دي بغنيها ابوعركي البخيت فتشت ليها زمن ما لقيتة
..
الزمن غير ملامحنا ونحن بقينا ما نحنا. .
في عزالليل بهديها ليك بصوت نور الجيلاني ربنا يواليه بالصحه والعافية. .