الووو

[ود المطامير]

_ الو
_ أووو أبصاموله كيفك ياخ ؟
_ أووو أبوجركانه أخبارك ؟
_ الحمد لله وإنت كيفك ؟
_ بخير
_ قلت ليك ؟
_ أها
_ إنت حكاية التصريحات البتخلى الزول يعضى يديهو دى شنو كمان ؟
_ ورروووك ما تقول لى بشه تانى جلّط
_ لا لا دا ما هو
_ نان منو ؟
_ البروفات
_ بروفات ؟
_ اى والله
_ ذى منو ؟
_ ذى بروف قعونج وبروف تانى قال نكته قويه خلاص
_ قال شنو ؟
_ قال السودان بقى رقم 4 من حيث الرفاهيه من بين 42 دوله عربيه
_ هه هه هه
_ هع هع هع
_ لكن يا أبوصاموله ؟
_ اى
_ إنت الضحكك شنو ؟
_ كيفن الضحكنى شنو ؟ نحنا نمره 4 ؟
_ ياخ النكته ما هنى ياخ
_ نان وين ؟
_ هو قال الدول العربيه ال 42
_ هه هه هه إمكن ولدن
_ هع هع هع ، أبصاموله ؟
_ أها
_ ياخ أنا مقروض فيك
_ أبشر تب قول
_ داير لى تلتومية ألف يومين تلاته وبرجعن ليك
_ الو .. الو .. والله الشبكه كعبه خلاص .. تيت .. تيت ..تيت

[ود المطامير]

_ الو
_ الرساله
_ الله يعلم تلفونك الملصقاهو بصباع أمير دا يا الله يقبض شبكه
_ أها طقيهو لى عين عليك الله يا التايه
_ هى يا يمه عين شنو البطقوها لمبايلك الملصق جت عليهو
_ أنا عارفاهو حارق فشفاشك شان نغمتو أحلى من نغمة موبايلك
_ ها ها ها
_ هه هه هه
_ قلت ليك يا بت مى
_ أى يا التايه
_ الحرم
_ وب على وووب علي ما تجيبى لى سيرتها ، مالا ؟
_ جاها حرامى بالليل وسرق موبايلا
_ هى يا يمه أريتو حرامى السرور ، لفحو منها ؟
_ هى لفحة نُصاح ؟ يمين الله قالو رابطه راسها وتنونى ساااى
_ عجبنى ليها ، قالت شنو ؟ موبايلى فيهو لمبه خدرا بتكنتك
_ هى ، ما اللمبه دى سبب السرقه
_ كيفن ؟
_ قالو ليك الحرامى دخل الغرفه وهة ضُلمه ومن بعيد شاف كنتاك المبه الخدرا
_ أها
_ وقال كدا غمتو وشتت وخلا خشمها ملح ملح
_ عجبنى ليها تب وسر بالى
_ ما تشمتى يا الرساله
_ كيفن ما بشمت ويوم داك ختيت موبايلى جمب موبايلها على الطربيزه
عند ناس سعاد أكان قالت لى زحى موبايلك من جمب موبايلى ما يعاديهو لى بالشخشخه
_ ها ها ها
_ أها هى هسى شخشخه ما لامه فيها
_ الرساله يا بت أمى
_ اى يا التايه أختى
_ ما تحولى لى شوية رصيد الله يعلم تلفونى يومين ناشف
_ الو .. الو .. الشبكه دى جنها طششان . تيت .. تيت .. تيت

[ود المطامير]

_ الو
_ الباترا ياخ الواحد يضرب ليك عشره مرات حتين ترد ؟
_ لا لا ياخ حرررم من أول ضربه عاوز أرد عليك وبعصر فى غماس الرد وما بظبط
_ هه هه تلفون كلكله
_ يكلكلك الجن اللحمر
_ أها أسمعنى
_ قول
_ الدرداقه
_ ماله ؟
_ عاوز أبيعها
_ يا زول إنت جنيت ؟ دى أكل عيشك ياخ
_ يا زول درداقه وحقتى ودافرها أنا وناس المحليه يدفعونى ضريبه ؟
_ يا زول والله لو طلعت الخلا تعمل ذى الناس يدفعوك ضريبة أوووررر
_ وبالكيلو ، ترمى كيلو يدفعوك أكتر من حقو
_ هه هه هه
_ هع هع هع
_ قالو ليك ود حميدان شال مخلايتو وقبل على العاصمه
_ أها
_ أها .. نزل فى السوق الشعبى
_ أها
_ أها سأل من اللدبخانات ووصفوها ليهو
_ أها
_ أها .. لقى صف ولمن جا دورو قالولو لازمن تدفع ألف جنيه
_ الخرابللل ، نحنا هنى ورا العشر تدفر مجان لامن تلم الضوبان اللخدر
_ أها دفع اللف ودخل وقفل الباب وعمت مخلايتو وبقى يدفر
_ هلا هلا
_ حرم قالولك ساعتين قاعد لامن الناس قايلنو مات
_ أها
_ ناغمولو ورد عليهم وأنقر قال ليهم شنو ؟
_ أها
_ قال ليهم .. عاوز أكب حق التلاته أيام القاعده فوق العاصمه
_ هع ... هع ... هع
_ هه .. هه ... ههه

[عاطف عولي]

الو منو؟

منتظرين الواتك

وفي قصة التلفون والحرامي بجيك صاد تاني

[ود المطامير]

الو منو؟

منتظرين الواتك

وفي قصة التلفون والحرامي بجيك صاد تاني

هلا بالحبيب

اى عليك الله تعال كبها

منتظرك

[ود المطامير]

_ الو
_ وزير الماليه السابق ؟
_ أيوه
_ ياخ مبروك القصر نمره 6
_ الله يبارك فيك
_ السمسار الجاب ليك القصر دا مالو عامل معاك شمطيبه ؟
_ ياخ دا طلع عكليته خلاص
_ طيب ما كان تعصر ليهو اللى إتفقتو عليهو وخلاص
_ ما أنا ما قايلو كدا
_ هسى عاين خلا كل الجرايد والمواقع والمنتديات شغاله ليك القرف
_ اى والله
_ لكن والله ماليتنا دى أتاريها مليانه
_ كيف ، ما فهمت
_ لا يعنى قصدى إنتو كنتو بتخمو منها كيف ؟
_ نعم ؟ نعم ؟
_ يعنى بتفتحو الخزنه وتخمو بالكارنيس ؟
_ يا زول هوووى
_ 6 قصور ؟
_ قل هو الله أحد
_ والله لكن إياها ذاتها حاميها وكدا
_ يا زول أحسن ليك
_ سته قصور ؟
_ يا زول ستميه إنت مالك ياخ ؟
_ وصحى القصر نمبر سته دا إشتريتو من عصام أخو البشير ؟
_ اى
_ وهو باعو مالو ؟ فلس ؟
_ أنا عارفو ليك ؟ أضرب ليهو وأسألو
_ اى ح أضرب ليهو لو رصيدى بقى فيهو شى
_ يلا مع السلامه
_ هييي أقيف دقيقه ياخ
_ تانى فى شنو ؟
_ سته قصور ؟
_ كع كرع .. تيت .. تيت .. تيت

[حسام التنين]

مستمتع جدا بي برطع تك

خليني اتفرج و انا ساكت ...

ياخ انت .........

[ود المطامير]

مستمتع جدا بي برطع تك

خليني اتفرج و انا ساكت ...

ياخ انت .........

حبيب قلبى والله

تسلم لى

قلت ليك .. ياخ إنت بقيت تجى الساعه تلاته صباحا

ونحن من الساعه 12 بنكون تحت البطانيه

أها .. تانى نتلاقى كيف ؟

[ياسر عمر الامين]

البعجبنى فيك ياصديقى رغم سخريتك اللاذعة وتملك الطرفة منك "هوى وموهبة" هو مقدرتك الكبيرة على التعبير عن المواضيع البتتناولها والبيكون فيها الكتير بين السطور والبتمس كتير من المشاكل الانسانية والاجتماعية باسلوب مرح وسلسل يكسر الرتابة ويتجاوز التقليد فى التناول ويخلى الواحد مستمتع بالسرد رغم بكائيته وتراجيديته البتتخللو...كن بخير دوما...وأمنياتى الصادقة لك بدوام الصحة والعافية...

[ود المطامير]

البعجبنى فيك ياصديقى رغم سخريتك اللاذعة وتملك الطرفة منك "هوى وموهبة" هو مقدرتك الكبيرة على التعبير عن المواضيع البتتناولها والبيكون فيها الكتير بين السطور والبتمس كتير من المشاكل الانسانية والاجتماعية باسلوب مرح وسلسل يكسر الرتابة ويتجاوز التقليد فى التناول ويخلى الواحد مستمتع بالسرد رغم بكائيته وتراجيديته البتتخللو...كن بخير دوما...وأمنياتى الصادقة لك بدوام الصحة والعافية...
حبيب قلبى
والله أسعدتنى جدا هذه الشهاده النبيله من زول سمح فى كل شى
وتسلم لى يا الحبيب ودا إتعلمته من مدرستكم العامره
فأنتم أساتذتنا فى كل شى

يديك العافيه يا الحبيب

[ود المطامير]

_ الو
_ أو مرحب
_ القصر الجمهورى ؟
_ أيوه نعم
_ عليك الله حولنى للبشير ياخ
_ إنت منو ؟
_ مطاميرو
_ ومطاميرو دا يطلع منو ؟
_ مواطن سودانى عادى
_ وعاوزنى أحولك للبشير بياتو صفه ؟
_ بصفتى أحد رعيته وهو راعينا
_ يا زول أمشى شوف ليك شغله تانيه
_ يا زول أحسن ليك تحولنى
_ وكمان بتهدد ؟
_ اى ، عشان لو البشير عمل لى مسكول وأنا رجعت ليهو
وسألنى لشنو ما ضربت ليهو وكلمتو وقلت ليهو بتاع البداله أبا يحولنى ليك
ح يخليك تاكل نيم
_ بالله ؟
_ اى
_ طيب نشوف ، أهو حولتك
_ الو
_ أووو بشه وينك يا فرده ؟
_ مطاميرووو كيفك ياخ ؟
_ الحمد لله بسط
_ والله يا مطاميرو كنت عاوز أجيك أشيل معاك الفاتحه لكن إنت عارف الرُكب وكدا
_ اى عارفهن الركبتهن جُداد
_ اى والله ليوم الليله ما سلّكن القومه يا الله والقعده يا الله
_ هييي لكن إنت ما حتيت البلالى بالرقيص بعد كل خطاب
_ عاد أعمل شنو ؟ ما لازم بعد كل خطاب الواحد يدق كاروشه
عشان الشعب يدق كاروشه يخلى علالها واقف حبل وينسى جوع بطنو
_ والله يا البشير أنا فى إجازتى الصغيرونه دى شفت العجب
_ عليك الله ؟
_ اى والله
_ شفت شنو ؟
_ شفت الناس زيتهم طلع عدييييل كدا
_ عليك دينك ؟
_ وحات الله
_ أها من شنو ؟
_ من أى ناحيه
_ ذى شنو ؟ وزرائى قالو لى الشعب ماكل ولابس ومتغطى
_ وزرائك ديل قالو للناس أكلو قعونج ياخ
_ أحلف
_ وحات الله
_ قعونج ؟
_ اى
_ حولا
_ وتانى ؟
_ وتانى أنا بنصحك تفكها قبلما يفكك مواطن زهجان بطلقه
_ حولا
_ والله الناس ديل وصلو مرحله الله يعلم ويشهد قومتهم كدا
لا أمن يوقفهم ولا دبابات وحات الله إلا يقيفو فوق راسك
_ ورروووك
_ شوف يا فرده ، لو بتدوم ما كان وصلتك والناس ديل هسى وصلو مرحلة اللا عوده
_ عليك الله ؟
_ أقول ليك حاجه ؟
_ اها قول
_ والله اى واحد من يجيبو سيرتك ويسمع إسمك بسنتت وينفض يدو الشمال
_ يا زول ؟
_ ونان إنت قايل شنو ؟
_ أنا قايلهم جت بحبونى
_ عاوز تتأكد ؟
_ اى
_ تعال شاقى أى حى براك شوف أكان ما لحقوك القذافى
_ تيت .. تيت .. تيت

[حسام التنين]

حبيب قلبى والله

تسلم لى

قلت ليك .. ياخ إنت بقيت تجى الساعه تلاته صباحا

ونحن من الساعه 12 بنكون تحت البطانيه

أها .. تانى نتلاقى كيف ؟




هههههههههههههههههههه

ياخوي انا بجي بتفقد الرعيه و الشعب المطلع زيتو ده

انا بجي اشيل الزيت و كده

لكن اوعدك نتلاقي في زقاق

[حسام التنين]

_ تيت .. تيت .. تيت




تيت تيت ... نفاجنا حديد

[ود المطامير]

هههههههههههههههههههه

ياخوي انا بجي بتفقد الرعيه و الشعب المطلع زيتو ده

انا بجي اشيل الزيت و كده

لكن اوعدك نتلاقي في زقاق



ههههههههههههههههههههه

انا سايق همر والهمر اكبر من الزقاقات

[ود المطامير]

تيت تيت ... نفاجنا حديد




هى لله هى لله

[ماجدولين]

ههههههههههههههههههههه

انا سايق همر والهمر اكبر من الزقاقات

بس ياهو ده زاااااتو زيتنا الركبت بيهو انت الهمر دي

الله لا كسبك انت وصاحبك الاتصلت عليهو عشان تحتو سوا

[عاطف عولي]

الو إتصال جديد.....

مين عاي؟

[حسام التنين]

ههههههههههههههههههههه

انا سايق همر والهمر اكبر من الزقاقات

همر و لا همبرقر

قال همر قال

همر دي .... احيي احسن اسكت

ههههههههههههههه

وين عاشق ياخ

[حسام التنين]

هى لله هى لله

الكلام ده لاقاااني وووووووووووووووووووووووين

[حسام التنين]

بس ياهو ده زاااااتو زيتنا الركبت بيهو انت الهمر دي

الله لا كسبك انت وصاحبك الاتصلت عليهو عشان تحتو سوا

زيتنا في بيتنا

قال همر قال

يالسعاده رووووقي عليك الله

الهمر فيها بوري كمان ههههه

[حسام التنين]

الو إتصال جديد.....

مين عاي؟

معاك التنين

رئيس جمهورية النفاج المرتقب

[ود المطامير]

هع هع هع

الووو
الوو مين ؟

[حسام التنين]

هع هع هع

حافز العيد متين يااااااا ريس