السادة الزوار ......

[حسام التنين]

مشاركة اون لاين من جنوني لي الكيبورت للمنتدي مباشرا ,,

ماعارف ابعادها أو حاقول شنو .... و مسؤول عنها تماما

وابداها بسؤال كده ...

لي دائما الزوار اكتر من الاعضاء ... ؟

للاسف هنا في اجابتين ..

1/ يإما هم اعضاء بدون تسجيل دخول للمنتدي .

2/ او انهم زوار حقيقين جازبهم المنتدي .


في الحالة الاولا :-

اعضاء بدون تسجيل دخول للمنتدي .مؤسف جدا و .. لي ..

لخلاف مع الاداره كما هو الحال في المنتدي العام ..

طيب مش ممكن اكون في لنك اون لاين مع الاداره بدل ما زائر اجيبوا عمنا قوقل واجي القت الكلام ده بتخارج طوالي .... شخصيا بسوي كده

هم اعضاء لكن ماقادرين اسيبوا المنتدي ، طيب جميل ... المتواجدون الان الساعه 4:02ص 106 زائر و 2 عضو

اتمني اكونوا كده ... لكن المشكله وين في الاداره ولا الاعضاء ..

في غياب الاداره .. و لو جات الاداره حتعمل شنو ؟

من ناحية مؤلمة الناس قاعدين و هم ماف

و من ناحية تانيه لو جو حيعملوا شنو ؟؟

من ناحية تقنيه المنتدي داير شغل كتير

محتاج لتطوير و مواكبه عاليه أشياء كتيره جدا

106 زائر بالوضع التقني المتواضع ده و الساعه 4 ص شئ لا يستهان به

الغريبه وقت النفره كانوا اكتر من الاعضاء برضو

الزوار متابعين من الارشيف و حتي المواضيع الجديده لا و كمان المشاركات الجديده كمان

و الاجابة التانيه التاني ...

انهم زوار حقيقين جازبهم المنتدي .

لي ماسجلو ... في شنو ماعاجبهم عشان مايسجلو

هنا بجي اقتراح بفرض نفسه ...

لي ماف صندوق اقتراحات زوار ..او حاجه كده الزائر ابدي بيها رئيه بدون طلب ايميل و كلام كتير .

عارف حتكون فيها اساءات و كلام فاضي بس حيكون فيها كلام كتير جميل و مفيد

طيب هم زوار ماليهم حق ..... امكن

الاعضاء لي ماليهم الحق ده ,,, و كان لهم وين قاعد الحق ده النمش عليه ...

[حسام التنين]

ثوره تقنيه ...

استيف جوبز ... بيل غيتس .. فورد . .. مدني السني

اين هم ؟؟

منهم من رحل و منهم من اعتزر عن قيادة مشروع حلمه ...

يعني ...

ماف زول حيقعد بس الفكره و المشروع واهمهم النجاح للان موجود

لي...

عشان التطوير ..

عشان الدماء الجديده ..

مقدمه رباعية الابعاد لطلب ثوره تقنيه ..

وين قسم الكمبيوتر ... سؤال سئلته في المنتدي العام و للان ماف اجابه واضحه

وين الافكار خارج الصندوق ؟؟؟

في مبرمج من مدني ماسك المنتدي ؟؟؟ مبرمج مجنون ؟؟

لي الاستايلات من 2009 للان ما اتعدلت ..

لي اساليب اي شي قاعد زي ماهو

[حسام التنين]

كمبيورتر مكتبي ثم لابتوب ثم جوال ذكي ثم مايسمي بالنوت او التابلت و البقية

يعني ...

يعني تطور ياخ

طيب يامجنون داير شنو ؟؟؟

داير جنون في المنتدي ..

كيف يعني ؟؟

انا لو داير اتواصل مع مطاميرو .. اعمل شنو ؟؟

تدخل الواتس وترسل ليه

ولي ما ادخل المنتدي و ارسل ليه

لانك ماعارفوا حيدخل متين ويشوف رسالتك

طيب لى ماتجيه الرساله علي الجوال مباشرا

كيف؟؟؟

لي مايكون في ماسنجر تابع لي تطبيق انزل في الجوال الذكي

ماسنجر تابع لي تطبيق ..؟؟؟؟

ايوون ... اشرح ليك ياحاج

اكون في تطبيق خاص بالمنتدي في الجوال ، مربوط معاه ماسنجر او اي اداء بتتيح التراسل الفوري

و المكالمات كمان ...

هههههه انت مجنون انت جادي؟؟

لي ما ادمج المنتدي مع الفيس و الواتس

كيف ... كيف ... كيف؟؟؟

تاخد فكرت الفيس و ادمجها في المنتدي و كمان الواتس و جروباته

انا ممكن اعتبر كلامك ده هضربه ...!

اعتبره ثوره تقنيه .. !

طيب لو انا داير الادمن ...

تشوف اخر ظهور ليه في المنتدي متين و كمان الحاله بتاعته

هههههههههههههه كترت البن ياتنين ؟؟

يامجنون افهمني ... التطبيق بريحنا من التنسيق المتعب ..

يعني ..

لي ما ادخل علي الاعدادات و احدد التنسيق الخاص بي

و تلقائيا لمن اكتب تجي بالتنسيق ده ...

هههههههههههه دي من راسك ولا من شربوتك

يامجنون انا مابشرب شربوت ياخ .. ...... بس القهوه بارده

طيب لي ماتكون في واجهه لتصفح المنتدي من المتصفح العادي دي عشان الناس الجوالاتها قديمة شويه

تبداء بي m.wadmadani.com

هههه انت ماداير تخلي زول ولا شنو

لا .. حاخلي ناس كتار

كيف يعني .. ؟

افترض يامجنون جزافا ان مدني فيها مليون نسمه

المشاركين في المنتدي 15000 شخص ، يعني في 985000 شخص ماموجودين في المنتدي

طيب ...!

طبعا غير بقية العالم .. !

نعم ياخوي

لي ماتكون في واجهه انجليزيه للمنتدي تترجم تلقائيا مواضيع و تحول للواجهه دي عشان غيرنا اعرفنا

انت متاكد الموضوع قهوه بس

اي و الله كدي امش اسخنها واجيك

و الله ياتنين بالغت انبلاغ

اصبر اصبر جاييك

[حسام التنين]

جبت ليك معاي كباية قهوه اعزف عليها yanni

هههههه ياخ انت القهوه دي بتقتلك

أشرب و انت ساكت ,,و او قوم رجعها ماتبرد

خلاص بشرب ...

دايرين لينا وشوش زي بتاعت الواتس ياخ تكون علي اكبر شويه

اي والله صدقت

رايك شنو نغير واجهة المنتدي

كــيف ؟؟

واجهة الفيس جميلا لنسخة الكمبيوتر و الجوال ..

اها كيف ؟؟

طيب اسرح معاي ...اتخيل في استايل موحد ولذيذ بدون زخرفة كتيره

فوق علي اليمين في صورتك الشخصيه و تحتها اسمك و بعض الادوات المهمه

تحتها في الاعضاء الانت بتتواصل معاهم و الحاله بتاعتهم من موجود او لا

او الاعضاء النشطين و المانشطين و مربع بحث اسفلهم

في النص في المشاركات الجديده ممكن تكون مشاركات او المواضيع النشطه حسب اخر رد

علي اليسار في الاقسام كأسماء فقط لمن تضغط علي القسم بجيب ليك المواضيع في النص

تحت الاقسام في ادوات كرفع الصور و رفع ملفات الصوت و غيره

الخلفية تكون بيضاء و الفصل بين المناطق الثلاثه اكون بي الرمادي الفاتح وفي لون في الترويسه فوق

يعني لونين ويكون في تحديث تلقائي بحصل لمنطقه الوسط بتاعت المشاركات ... فاهمني يامجنون

اهااا اممممم تمام واصل

اللون الابيض لون و معاه لون تاني وبس

ويعاد تصميم شكل الشعار بتاع المنتدي بالوضع الكرستالي

دي هينه عمنا أ.بدر الدين بظبطها

اها ناس الاداره ديل اكون عندهم قسم براااهم

كيف ؟؟

تخش تتكلم معاهم في القسم ده وتقول الدايرو و ان شاء الله بعداك ادوك بنيه ماف زول اعرفك

اها المهمين جدا الزوار ... !

تعرف يامجنون الزوار ديل كاسرين فيني ضلعه و التانيه قربت

تعرف حاليا 5:48ص في 2 من 99 زائر بشاهدو في الموضوع ده

اها ديل فهمهم برااه

تكون في امكانيه الرد كزائر بس ماتعتمد الا بعد موافقة مشرف القسم

و عشان المشرف مايجلي الموضوع اكون في عداد بظهر لي المشرف العام

و يقدر اتابع معاهم ...

ايواا كلام كويس ...

اصبر انا جاييك ..

اها الاداره دي تكون قااعده قدام الاعضاء و الاعضاء هم الاداره

شكلها القهوه بردت صح ..

يامجنون افهم ... اكون اي شي علي المكشوف قدام الاعضاء فقط

او عشان هيبة الاداره اكون في اعضاء بتغيروا كل فتره اراقبوا شغل الاداره حاجه كده زي نقابه للاعضاء

انت ياتنين داير تودينا وين ...؟

يامجنون افهم ... لمن انا احس اني محترم في مكان حاتردد عليه كتير

و كمان بجيب معاي ناس كده حاقدر ازيد عضوية المنتدي

لكن طبعا بتكون في قوانين رادعه لاي عضو اعمل اي حركات كده ولا كده

ههههههههههه لي انت قايل نفسك وين ياتنين

يامجنون لمن اعاين للعداد و القي المتواجدون الان 500 عضو و 1000 زائر

تفتكر حاطلع

اكيد لا ...

يعني حتحاول تحافظ علي عضويتك صح

اي

عشان كده العقوبه حتكون الحرمان من الدخول للمنتدي

هههههه والله كلام

[حسام التنين]

انت ياتنين الاداره هنا كل كم ...

و الله يامجنون ماعارف ,,, لكن كنت بفكر في حاجه

اها ... الله استر

رايك شنو الاداره مايكون عندها زمن محدد

نعم ياسيد ... ده ماوجع وش عدييييل

ياخ ماتخلي فهمك سطحي ...

طيب قول يالمحيط الهادي

ههههههههه جدا ... طبعا الفكره توسع افقي و انتشار واسع ... حتقابلنا مشكلة المتابعه و الاداره

ايون اكيد

رايك شنو لو عملنا طبقه بين الاعضاء و المشرفين عندهم صلاحيات معقولا نسبيا

و الطبقة دي و الاداره كمان بتتغير بي استمرار بس في 2 بتغيروا في اوقات اطول شويه

ممكن تتكلم بي وضوح اكتر و تخلي الالغاز دي شويه

اااخ من مخك ... افهم معاي ... لو كل فتره بنغير في الاداره حتتغير السياسات و الخطه للوصول لهدف ماحتكون واضحه

يعني ..

يعني يامجنون في اداره إداريه و تانيه تنفيذيه

اها التنفيذيه دي بتتغير كل فتره حسب نشاط العضو و ارائه الكويسه

ياتنين انا بقيت مافاهم ياخ ... كدي اخر الموضوع ده شويه .. لدواعي امنيه وكده

ههههه و الله يامجنون انت خفت ... خلاص سكت ...

اي عليك الله ... خلينا في الزوار ...

ياسلام علي الزوار ... انت عارف الزوار ديل لو فتحنا ليهم الطريق شويه بكون احسن حاسي باننا حنستفيد منهم بنسبة 99%

بلاي ,,, و الواحد ده خليتوا لي شنو

عشان امشي احكي للباقين عن منتديات ودمدني و جبروتها

هههههه ياخ انا راسي سخن ياتنين

خلاص يامجنون نتلاقي بعد صلاة الجمعه

ظبوطه ياتنين ... بلا سلامات

تسلم يارائع ...

[الملكة اسماء ( ام محمد )]

بوست كامل الدسم ...
واقتراحات مواكبة ومتطورة ارجو الا يستهان بها ...
والشي الأكيد إنها قهوة كافئينها عالي ... بس

[حسام التنين]

بوست كامل الدسم ...
واقتراحات مواكبة ومتطورة ارجو الا يستهان بها ...
والشي الأكيد إنها قهوة كافئينها عالي ... بس


جلالة الملكة ....

ليك كل التقدير و لينا عظيم الشرف بتشريفك لي هترشة مجنون و تنين

شايف مجنون ماقادر امشي في الواطه من البسطه

كوني بي الف خير ....

[حسام التنين]

55 مشاهده في 12 ساعه

زواري الاعزاء ليكم من شوقي كل الشوق

التنين و مجنون مشتاقين لي تعليقاتكم

[أبا إيثار]

والله صدق البقول ( في الجنون فنون )

يااااااخ أنا راهنت عليك من مادخلت المنتدي ده
ويمكن حاسي بالإبداع البسكنك يامجنون بس الجن كان طاغي عليه
شوية تلميع وتنفيض غبار ويطلع المستخبي ؟؟؟
أقول ليك شي أنا دايماً موفق في إختيار من أحب ؟؟
وكنت أحدهم ولم تخيّب ظني دوماً ؟؟؟

أها نجي في الكلام بتاع الناس الكبار ده
بالمناسبة خلي المجنون ده بره شوية ؟؟

ياااخ كلام في السلك برغم إنو القهوة عملت عملها
بث صراحة العاقل فيك تحدي هذه الثورة الكونية ,,
وكان نتاجها هذا الدسم المطلوب ,,

برغم إنو في حاجات موجودة أصلاً في منتديات أخري
بس الطريقة المعروضة الآن وعندك يامجنون بتساوي
فهم + ثورة + جنون ؟؟؟؟ الناتج ياناس أصحو ؟؟؟
يبقي البرطعة دي إلا عند ناس هناية هناااك .

صدق ياتننن قدامي القهوة ياااريت يجيني نفس الفهم ؟؟

يديك العافية يامجنون ...

بس والله ناس الإدارة لو فيهم واحد مجنون ؟؟

[ياسر عمر الامين]

ده ما شغل قهوة...ده ده شغل شربوت معتق هههههه شكلو مبلول من قبل العيد بايام...يا تنينه جنونك فنون بالجد...وياريت جماعتنا الطيبين يشيلو منك شوية شربوت كد يمكن نطلع بحاجه مفيده...تحياتى لك من الاعماق...

[حسام التنين]

والله صدق البقول ( في الجنون فنون )

يااااااخ أنا راهنت عليك من مادخلت المنتدي ده ...

ويمكن حاسي بالإبداع البسكنك يامجنون بس الجن كان طاغي عليه
شوية تلميع وتنفيض غبار ويطلع المستخبي ؟؟؟
أقول ليك شي أنا دايماً موفق في إختيار من أحب ؟؟
وكنت أحدهم ولم تخيّب ظني دوماً ؟؟؟

أها نجي في الكلام بتاع الناس الكبار ده
بالمناسبة خلي المجنون ده بره شوية ؟؟

ياااخ كلام في السلك برغم إنو القهوة عملت عملها
بث صراحة العاقل فيك تحدي هذه الثورة الكونية ,,
وكان نتاجها هذا الدسم المطلوب ,,

برغم إنو في حاجات موجودة أصلاً في منتديات أخري
بس الطريقة المعروضة الآن وعندك يامجنون بتساوي
فهم + ثورة + جنون ؟؟؟؟ الناتج ياناس أصحو ؟؟؟
يبقي البرطعة دي إلا عند ناس هناية هناااك .

صدق ياتننن قدامي القهوة ياااريت يجيني نفس الفهم ؟؟

يديك العافية يامجنون ...

بس والله ناس الإدارة لو فيهم واحد مجنون ؟؟



ابا ايثار ...

اراهن عليك الخير ياغالي ...

تعرف الابداع و الجنون ليهم علاقه مع بعض

اتمني اكون عند حسن ظنك فيني

كلام الناس الكبار ده البجهجه حساساتنا

مجنون ده هو صمام الامان و هو الدفع السداسي لي ربنا اديه الصحه و العافيه

كلام في السلك و ملك كمان و القهوه دي اهم حاجه

و ياناس اصحوا هههه ياناس ولا يإدا.....

البرطعه دي هي الوجه الاخر و المتنفس لي مجنون

الاداره دايره واحد افكر خارج الصندوق و يفتح السورس كود بتاع المنتدي بعد الساعه 2 ص

ولو السورس كود موجود انا اتبرع اتابع مع المبرمج ...

كن بخير و النفس التاني بداء اطلع مننا اول

[حسام التنين]

ده ما شغل قهوة...

ده ده شغل شربوت معتق هههههه شكلو مبلول من قبل العيد بايام...

يا تنينه جنونك فنون بالجد.

..وياريت جماعتنا الطيبين يشيلو منك شوية شربوت كد يمكن نطلع بحاجه مفيده...

تحياتى لك من الاعماق...



من الاعماق ياحبيبي ياغالي

تصدق انا مالي في الشربوت نهائي

و لا حتي عارف طعموا كيف اساسا

وزي مابقولوا الحاله بدون شربوت ياخ

و من اعماق التنين الهادي سلامااات

[حسام التنين]

سحر البرمجه ...

تعرف يامجنون ..

اها

عندي معلومه بتقول ان المبرمج الحقيقي هو البخلي الجهاز اشتغل اكتر من المستخدم

يعني شنو

ياخ لو المبرمج وضع نفسه مكان المستخدم البسيط حيبدع في تسهيل الصفحة

ايوااااا ... الكلام ده حسي ولا بعدين

بعدين في عينك ...

ههههه طيب داير تصل لشنو

داير اصل لي انقر هنا تطلع هناك

يعني شنو

مجنون انت الليلا مابراك ,,, بجيك بعدين

طيب منتظرك

اسمع ..!

اها ....

رايك شنو تتواصع مع ناس البتاعه وتخلي الموضوع حقيقي

يامجنون روووق بتاعت شنو البتواصل معاها ، دي افكار عضو بسيط

لو شالوها اوك و لو خلوها برضو اوك

لا انا قصدي اجيب ليك رقم فلان الكبير داك و عم فلان الفي السودان حسي و تفتها معاهم

في زول قال ليك ماعندي الارقام يعني ,,, يامجنون افهم ..! و لو ماقادر تفهم بجيك بعدين ياخ

خلاص لي بعدين

[أبا إيثار]

مشاركة اون لاين من جنوني لي الكيبورت للمنتدي مباشرا ,,

ماعارف ابعادها أو حاقول شنو .... و مسؤول عنها تماما

وابداها بسؤال كده ...

لي دائما الزوار اكتر من الاعضاء ... ؟

للاسف هنا في اجابتين ..

1/ يإما هم اعضاء بدون تسجيل دخول للمنتدي .

2/ او انهم زوار حقيقين جازبهم المنتدي .


في الحالة الاولا :-

اعضاء بدون تسجيل دخول للمنتدي .مؤسف جدا و .. لي ..

لخلاف مع الاداره كما هو الحال في المنتدي العام ..








صديقي العزيز وقرينه المجنون :

تحيات زاكيات وجمعة مباركة يارب ومساء بطعم القهوة ,,,,

فعلاً أول إحساس وإنت داخل المنتدي بتجد الزوار برقم خرافي والمتواجدون
لايتعدون أصابع اليد أو أقل خاصة في اليومين دي ؟؟ وأكيد ما كل الناس دي
بتشرب شربوت ؟؟
أميل للإجابة الأولي بأنهم والغالبية العظمي أعضاء بالمنتدي ؟؟
والسؤال برضو موجود لأنو الإجابة محيرة فعلاً ؟؟؟؟؟

مخــــرج :

كان إيماني بصبح سوف يأتي من مدار
يفرد الآمال ثوباً كالشراع ..

[حسام التنين]

أبا ايثار الحل موجود ...




اكثر من 1000 مشاهده يعني في وجود و في حركه
مئات الزوار ... محتاجين للبدخلهم الضوء



ممكن كباية قهوه تركي دبل سكر خفيف

المره دي كلها بي الاخضر ...

[ود المطامير]

كنت على ثقه أن خلف الهظار الجميل الحلو ، عقليه فذه
ووضع المقترحات فى هذا السياق الشيق يوصل الفكره مع إبتسامه

والله يا نفاخ النار كل يوم نكتشف فيك شى جميل وحلو

وهذه الباقه من الإقتراحات المفيده أريتها تصل للإداره
وإن وصلت سوف يتم حبسها داخل الأدراج

يا صاحبى .. هنى الحال ماشى بالفاتحه

[ود المطامير]

قال أحد حكماء المنتدى ذات يوم

يهجرونه ويحتفلون به

[أبا إيثار]

أبا ايثار الحل موجود ...




اكثر من 1000 مشاهده يعني في وجود و في حركه
مئات الزوار ... محتاجين للبدخلهم الضوء



ممكن كباية قهوه تركي دبل سكر خفيف

المره دي كلها بي الاخضر ...


لا فض فوك يااااحبيب

هنا مربط الفرس يااااااخ

يااانفاخ النار هوي القهوة دي قلل منها ؟؟؟

باللحمر كده ؟؟؟ ياااخ أكتر من 1500

في يومين ؟؟؟

والله حتي الحكومة نقلبا ياقلبا ؟؟؟؟

[أبا إيثار]

كنت على ثقه أن خلف الهظار الجميل الحلو ، عقليه فذه
ووضع المقترحات فى هذا السياق الشيق يوصل الفكره مع إبتسامه

والله يا نفاخ النار كل يوم نكتشف فيك شى جميل وحلو




وهذه الباقه من الإقتراحات المفيده أريتها تصل للإداره
وإن وصلت سوف يتم حبسها داخل الأدراج

يا صاحبى .. هنى الحال ماشى بالفاتحه



يعني مؤهل للنايب يازعيم ؟؟

[ام رغد]

طيب هدا انت نافع...جادعنك ليه؟؟؟؟
بجد كلام موزون

[ود المطامير]

يعني مؤهل للنايب يازعيم ؟؟
ااااى يا صاحبى

وحاليا شغالين نرتب نركب عاشق الطرح طياره

[ود المطامير]

الزوار ليس كلهم زوار حقيقيين

يقال ان بينهم عناكب وأشباح وود ام بعلو وكدا

[حسام التنين]

كنت على ثقه أن خلف الهظار الجميل الحلو ، عقليه فذه
ووضع المقترحات فى هذا السياق الشيق يوصل الفكره مع إبتسامه


ده من زوووقك الغالي ... اخجلتنا و الجمتنا

رايك شنو في الجمتنا دي


والله يا نفاخ النار كل يوم نكتشف فيك شى جميل وحلو


لجمالكم و حلاتكم وااحلاتي زي مابتقول


وهذه الباقه من الإقتراحات المفيده أريتها تصل للإداره
وإن وصلت سوف يتم حبسها داخل الأدراج


الادراج بتتفلس عادي ...!


يا صاحبى .. هنى الحال ماشى بالفاتحه


ابقي الفاتحه عليهم كانوا طيبين



عزيزي مطاميرو ..

طالما انك حريف تمريرات

هاك استلم دي ...


انهم هناك يقولون ...... و لكن هيهاااات

نحن لن نتفاتت و لن ...

الامبرليليه و التوسعيه

الثوره و الشعب و الجماهير العريضه


ولكننا بالمرصاد لان الثوره و الشعب و الجماهير العريضه



دمت بخير ياغالي ...

[حسام التنين]

لا فض فوك يااااحبيب

هنا مربط الفرس يااااااخ

يااانفاخ النار هوي القهوة دي قلل منها ؟؟؟

ههههههههههه صدقني صعب و خصوصا مجنون قاعد بعيييد

باللحمر كده ؟؟؟ ياااخ أكتر من 1500

2500 قلت و لا شنو

في يومين ؟؟؟

والله حتي الحكومة نقلبا ياقلبا ؟؟؟؟


ههههههههههه

ثوره تقنيه مالينا في الحكومه ياريس

[حسام التنين]

يعني مؤهل للنايب يازعيم ؟؟


لنا الصداره دون مطاميروا او القبرو

ههههههههههههههه

[حسام التنين]

طيب هدا انت نافع...جادعنك ليه؟؟؟؟
بجد كلام موزون


ههههههههههه

دي هترشة ساي ياخ

الشغل الصاح شافوا ياسر عمر الامين






تنين يحب المتابعه من علي البعد

كما يتقنها مجنون

[حسام التنين]

ااااى يا صاحبى

وحاليا شغالين نرتب نركب عاشق الطرح طياره


هههههههههههههه

الولد مسكين ياخ من ناس 88 قال

انهروا سااي

[حسام التنين]

الزوار ليس كلهم زوار حقيقيين

يقال ان بينهم عناكب وأشباح وود ام بعلو وكدا


ممكن وارد ...

لكن التحصين هنا عالي لدرجة اقاوم الضغط العالي ده

مجرد سؤال

[حسام التنين]

قال أحد حكماء المنتدى ذات يوم

يهجرونه ويحتفلون به


إذا فل نستعد لاحياء الزكري السنويه للثوره






مطاميروا رووووووووووق

[ود المطامير]

إذا فل نستعد لاحياء الزكري السنويه للثوره






مطاميروا رووووووووووق

أبيييييييييييييت ;)

[ود المطامير]

الريس حاكل عكازو فى الإحتفال

[عاشق الترحال]

زمان انا وودالمطامير كان عندنا جنون زي ده
وكنا في كرسي الاستضافة لو مافي زول سئلنا بنسأل ونجاوب برانا والظاهر هسي عقلنا ولا كبرنا ولا الحاصل شنو ما عارف لكن للضمان كده يا اخوي التنيين الله يعقلك.

[ود المطامير]

زمان انا وودالمطامير كان عندنا جنون زي ده
وكنا في كرسي الاستضافة لو مافي زول سئلنا بنسأل ونجاوب برانا والظاهر هسي عقلنا ولا كبرنا
ولا الحاصل شنو ما عارف لكن للضمان كده يا اخوي التنيين الله يعقلك.
هههههههههههههههههههههههه

خليهو ينفخ النيران لكن المشكله

البهبب منو ؟

[عاشق الترحال]

هههههههههههههههههههههههه

خليهو ينفخ النيران لكن المشكله

البهبب منو ؟


بنفخ في الفاضي ساي زولنا ده

[حسام التنين]

أبيييييييييييييت ;)



ده الرد المنتظره .... للبدايه !

[حسام التنين]

الريس حاكل عكازو فى الإحتفال




و عكاكيزنا جااهزه

[حسام التنين]

زمان انا وودالمطامير كان عندنا جنون زي ده
وكنا في كرسي الاستضافة لو مافي زول سئلنا بنسأل ونجاوب برانا والظاهر هسي عقلنا ولا كبرنا ولا الحاصل شنو ما عارف لكن للضمان كده يا اخوي التنيين الله يعقلك.



لو كبرتوا محتاج لخبرتكم

و لو عقلتوا ... أتمني تسيطروا علي جنوني

اما بالنسبه لجنوني ... فانا اعشقه

[حسام التنين]

هههههههههههههههههههههههه

خليهو ينفخ النيران لكن المشكله

البهبب منو ؟




في البدايه بننفخ

وكان مامسكت

إمكن نحتاج نغير الحطب

[حسام التنين]

بنفخ في الفاضي ساي زولنا ده



لو بنفخ بي نفس الطريقه النفخوا بها غيري

اكيد ماحاتوقع نجاح

اتمني الطريقه تكون مختلفه

[ود المطامير]

أنفخ يا صاحبى والهبابه علي

[الملكة اسماء ( ام محمد )]

كلام جميل ....

[ام رغد]

ممكن وارد ...

لكن التحصين هنا عالي لدرجة اقاوم الضغط العالي ده

مجرد سؤال




والسكرى كمان

[ام رغد]

أنفخ يا صاحبى والهبابه علي





ومنى انا مروحة

[أبا إيثار]

لو بنفخ بي نفس الطريقه النفخوا بها غيري

اكيد ماحاتوقع نجاح

اتمني الطريقه تكون مختلفه





ياصاحبي الطريقة مختلفة وعقلانية
بس عايزة نفخ
إستعين بهبابة الزعيم
ومروحة أم الغالي

وخلي الحاج يدعو ليك .

[ود المطامير]

ومنى انا مروحة

هع هع هع

عارفها وقعت ليك فى جرح ;)

[ود المطامير]

ياصاحبي الطريقة مختلفة وعقلانية
بس عايزة نفخ
إستعين بهبابة الزعيم
ومروحة أم الغالي

وخلي الحاج يدعو ليك .

دا كلام صاح بالطريقه الصاح

[ود المطامير]

أيها الساده والسيدات
يعنى ما ذى زمان بقولو سيداتى سادتى لا لا
نحنا أول شى حتين بعداك هن
أهاا .. أيها الساده والسيدات
عند ما أقمنا ثورة إنفصال النفاج وجعله دوله ذات سياده
دا علشان حكومة المركز باعت القضيه
آدمن / زماااان رمى الحبل على القارب
الريس / بدون صلاحيات يعنى .. حامد قرضاى عديييل كدا ;)
ومعظم طاقم الإداره تم تعيينه بطريقة ( قول تم )

أيام مشكلة صاحبى أيمن هوا الجاب لينا هوا الراكوبه
المنتدى دا كان ذى نار المنقد وفاير فوران الجن اللحمر
أيامها بعض الفطاحله كتبو كلام المفروض كان يخط بماء الذهب
ويصبح دستور للمنتدى ولكن هيهات .. لأنو .. أيامها كل واحد فينا
كان عاوز يكون ذى البشير الواحد يقول خطابه والناس تصفق وتعرض
وتراجع المنتدى بسرعة رهيبه وغريبه إلى أن وصل مرحلة اللا عوده

وعلمتنا التجارب أن أى منتدى وصل نقطة اللا عوده تانى من الصعب يعود

[حسام التنين]

كلام جميل ....



جميل وجودك ياملكه

منتظرين ارائكم ...

اتمني تكون ضمن استراتيجيه و تكتيك كما عهدناكم

وارجو ان تدعمي الثوره ,, بمعرفتك و نفوزك

وانا مابفسر وانتي مابتقصري

[حسام التنين]

والسكرى كمان




محتاجين لي عقلانية ام رغد ...

دايرين برطعه مقننه لمنتدي اجمل

[حسام التنين]

ومنى انا مروحة



دايرين مكيف اسبلت مركزي

عشان نبرد بيه السخانه جوه جوف الناس

دايرين تمريرات قويه تلفت الادونا ضهرهم

دايرين دماء جديده



بي رواقه فكي الشفره لان ده العشم فيك

[حسام التنين]

ياصاحبي الطريقة مختلفة وعقلانية
بس عايزة نفخ
إستعين بهبابة الزعيم
ومروحة أم الغالي

وخلي الحاج يدعو ليك .



ياخوي ... مشكور و انا بتعلم منكم ...

النفخ مابنفع في الحالة دي لان النار البتقوم سرعه بتموت اسرع ... و انت عارف

الزعيم و ام الغالي ماقصروا ... بس اعتقد محتاجين لاشياء اكثر تطور منهم و ده العشم

الله ادي العافيه للوالد دعواته مستمره كما جنوني


فك الشفره و منتظرك

[حسام التنين]

دا كلام صاح بالطريقه الصاح



محتاجين نفوذ مطره ...

بس ياخوي العكاكير مابتنفع ...

دايرين حاجه علي نار هاديه ...

دايرين فلسفه و منطق ...

دايرين افكار جديده ....

منتظرك .... و جيب معاك عاشق و اخرون انت ادري بهم

[حسام التنين]

أنفخ يا صاحبى والهبابه علي



هبابتك محاورتك جيبها و جيب ديلك و تعالو هنا

[حسام التنين]

عذرا لتقطيع المشاركة ..


عند ما أقمنا ثورة إنفصال النفاج وجعله دوله ذات سياده


النفاج جزء لايتجزء من المنتدي ...

حيختلف من بقيت الاقسام بالقياده


المنتدى دا كان ذى نار المنقد وفاير فوران الجن اللحمر


و طالما المنقد انكسر ممكن نجيب بتجاز


أيامها بعض الفطاحله كتبو كلام المفروض كان يخط بماء الذهب


ما أظن ماء الدهب كملت و لا الفطاحله اتعدموا


وعلمتنا التجارب أن أى منتدى وصل نقطة اللا عوده تانى من الصعب يعود




تعلمت ان لا ارضي بالقليل ...

تعلمت ان لا ايئس ...

الفاتوا الله استر عليهم و كان رجعوا حبابهم

لكن سؤال .. ؟ الموجودين الان موقفهم شنو ......... عندهم .... . ؟

بلغة الارقام ..

في الاسبوعين الفاتوا انضموا للمنتدي اكثر من 7 اعضاء ...................................... 1

البوست البنكتب فيه نسبة مشاهدات .................................................. ..............2

عشان توضح ...

الساده الزوار نسبة المشاهدات للان اكثر من 2500

لو افترضنا او نتمني انهم اعضاء

ولكل عضو 100 مشاهده ,, يعني 25 عضو و اكثر

لو افترضنا المشاركين 7 يعني في 18 عضو بدون مشاركه

وين ال18 ديل و طالما انهم موجودين و متابعين يعني في اهتمام

اما النقطه 1 و 2 خليتهم لي خيالك

صديقي ... كل المطلوب ننسي الفات و نشتغل علي نار هاديه اكتر

كل البجينا مرحب بيه ... ؟

[حسام التنين]

لو كان المشرفين في الاصل من ابناء مدني ...

اصلا هم كده ياتنين

اصبر وروق يامجنون

طيب

لو كان المشرفين في الاصل من ابناء مدني الربنا ماسهل ليهم وظيفه

لكن المنتدي بدفع ليهم حوافز

تعرف ... كلهم حيتنافسوا للاشراف علي منتدي الداعية و الاعلام لان حوافزوا اعلا

لان حيكون شرط من شروط الاشراف انك ماموظف ..... مش مامشرف في منتدي منافس ... لان الجنون لاينافس

منتدي شنو ... ؟

ههههههههه .... طلعت خطاء عذرا

تنين بتفكر في شنو ؟؟؟؟

ثوره تقنيه ... !

سيبك من ده ... ورح نشوف الزول ركب الاستيكر كويس في سيارات المنتدي

تنين انت مالك ؟؟

دي مشاركة من المستقبل ياصديقي .... see you

[ام رغد]

ياصاحبي الطريقة مختلفة وعقلانية
بس عايزة نفخ
إستعين بهبابة الزعيم
ومروحة أم الغالي

وخلي الحاج يدعو ليك .





ياعمو ابو ايثار انا ام الغالية ..... ام الغالي ديك فانتولين

[ام رغد]

محتاجين نفوذ مطره ...

بس ياخوي العكاكير مابتنفع ...

دايرين حاجه علي نار هاديه ...

دايرين فلسفه و منطق ...

دايرين افكار جديده ....

منتظرك .... و جيب معاك عاشق و اخرون انت ادري بهم






الاخ عاشق البرطعة
اسمح لى ومن هذا البمبر اقول ليك سير وعين الله ترعاك

[حسام التنين]

الاخ عاشق البرطعة
اسمح لى ومن هذا البمبر اقول ليك سير وعين الله ترعاك


ربنا اسلمك من فنقلة البنبر

ويدك معانا نفنقل افكارهم

[حسام التنين]

هل يوجد بالمحل الاتي :-

1- اقتراحات علي ماسبق .

2- مقترحات لما سوف يأتي .

3- حد للجنون .

4- اسباب لعدم التنفيذ .

5- حاجات تانيه حامياكم .

[أبا إيثار]

ياعمو ابو ايثار انا ام الغالية ..... ام الغالي ديك فانتولين


يابتي العتب علي النظر وكان ماعندك وليد
إن شاءالله 7 من الوليدات أشحد ربي الكريم
ويخلي ليك رغد ويسترها دنيا وأخري ...

هي إسمها فانتولين ولا فانتو كلين ؟؟

[أبا إيثار]

ياخوي ... مشكور و انا بتعلم منكم ...

ياااخ بلاش تواضع ,,,
النفخ مابنفع في الحالة دي لان النار البتقوم سرعه بتموت اسرع ... و انت عارف

الميزة النفخ من هبابة الزعيم ومروحة أم الغالية وإيد علي إيد تجدع بعيد ؟؟

الزعيم و ام الغالية ماقصروا ... بس اعتقد محتاجين لاشياء اكثر تطور منهم و ده العشم

ياحبيب العافية درجات ويكفي إنو البداية كانت بينك ومجنونك ؟؟؟

الله ادي العافيه للوالد دعواته مستمره كما جنوني

ربي يمتعوا بالصحة والعافية يارب ويخليهو ليكم .


فك الشفره و منتظرك





فك الشفرة يالذيد أن ننسى خلافاتنا الشخصية وهنا نلتقي لنرتقي .

[أبا إيثار]

تعلمت ان لا ارضي بالقليل ...

طموح كل مجنون عاقل ,,,

تعلمت ان لا ايئس ...



محمدة من كريم ...

الفاتوا الله استر عليهم و كان رجعوا حبابهم

الله يسترنا جميعاً يارب وعوداً حميداً ...

لكن سؤال .. ؟ الموجودين الان موقفهم شنو (بتفرجو ) عندهم ( حب إستطلاع وكده ) ؟


بلغة الارقام ..

في الاسبوعين الفاتوا انضموا للمنتدي اكثر من 7 اعضاء ...................................... 1

البوست البنكتب فيه نسبة مشاهدات .................................................. ..............2

عشان توضح ...

الساده الزوار نسبة المشاهدات للان اكثر من 2500

لو افترضنا او نتمني انهم اعضاء

ولكل عضو 100 مشاهده ,, يعني 25 عضو و اكثر

لو افترضنا المشاركين 7 يعني في 18 عضو بدون مشاركه

وين ال18 ديل و طالما انهم موجودين و متابعين يعني في اهتمام

اما النقطه 1 و 2 خليتهم لي خيالك

صديقي ... كل المطلوب ننسي الفات و نشتغل علي نار هاديه اكتر

أحسن حاجة النار الهادية عشان الفهم ينجض ويذوب الشحم بتؤوده ؟؟؟؟

كل البجينا مرحب بيه ... ؟

ونشيلو في عينينا




واا أسفاه علي قلب هدمناه
فمات الناس والأنغام والأشعار والدنيا
ومابرحت دواخلنا الخيالات ؟؟؟؟

دمت بخير صديقي المجنون .

[أبا إيثار]

الاخ عاشق البرطعة
اسمح لى ومن هذا البمبر اقول ليك سير وعين الله ترعاك

سير سير ؟؟؟؟ وابقي عشرين علي جنونك !!!!!

سعااال كده ياأم الغالية ؟؟

حضرتي ثورة إكتوبر ؟؟؟؟

[حسام التنين]

فك الشفرة يالذيد أن ننسى خلافاتنا الشخصية وهنا نلتقي لنرتقي .


كلام جميل من زول اجمل ...

بس ثق بي التمريره اطول من كده بي كتير

كدي ننتظر الريسسسسس مطره

[ماجدولين]

سبحان الله فاتني كتير خلاص

ثورة بجد من مجنون عاقل ياسلام عليك وعلي افكارك

ولو في واحد في المية من الناس عارض التنفيذ بقول ليهو بالفم المليان

(قلبك ما علي المنتدى)

[ود الضو]

والله ياحبيب كلامك مريح وممتع
من الكيبورد للمستهلك مباشرة
عشان كدا وصلنا بكامل اناقته ..
دمت بخير ياخ ..

[ود الأصيل]

[
QUOTE=tininana;734617]
محتاجين نفوذ مطره ...

بس ياخوي العكاكير مابتنفع ...

دايرين حاجه علي نار هاديه ...

دايرين فلسفه و منطق ...

دايرين افكار جديده ....

منتظرك .... و جيب معاك عاشق و اخرون انت ادري بهم


[/QUOTE]
[CENTER][FONT=pt bold heading][SIZE=5]
[CENTER]سلاااااااام
ياأهل الله اللي هنا
لكن عاد يا تنين أنت و معاك
ود المطامير ديل أكبر أولاد لزينة.عارف ليه؟!
ياخ سكتنا ليكم لمن قلتو على أصحاب السمو الإدارة
الأهلية لهذه الديار و من حذا حذوهم: "إنهم يهجرونه ، و من
ثمةَ يحتفلون بإيقاد ثم إطفاء شموعه"يعني حاجة كدا قريبة جداً من
( يكتلو الكتيل و يمشو في جنازتو)!طيب دي و مشيناها و سكتنا.لاكين كمان
أخوانا الزوار النحن أصلاً معتمدين عليهم في مشاهدة و قراية بوستاتنا تقومو
تمرقوهم لينا كلهم عفاريت من الجن: يعني بعاعيت وأ شباح وعناكب عملاقة
يعني عندي بوست في الثقافي بعنوان : "[COLOR="#A52A2A"]بقايا عشق يُحْتَضَر في حطام إنسان"
في بحر أقل من شهر قارينُّو فوق ال480000 واحد! معقول ياخ بس
يكونو ديل كلهم زوالات (أولاد أم بعلُّو) و (بنات إبليس)؟!
أها عاد أكان كدي قول لي تاني لما أمشي أفتحو ،يعني
أصلي ما أقول "بسم الله" يقوموا يشتتو عن بكرة
ابيهم يخلو لي بوستي ضبانو يون!
أها شفت جنس كيف كيف؟!!
******&&&******
.

[ود المطامير]

[FONT=pt bold heading][SIZE=5][COLOR="#6600ff"]
[CENTER]سلاااااااام
ياأهل الله اللي هنا
لكن عاد يا تنين أنت ومعاك
ود المطامير ديل أكبر أولاد لزينة.
عارف ليه؟! ياخ سكتنا ليك لمن قلتو
على أصحاب السمو الإدارة وم حذا حذوهم:
"إنهم يهجرونه و يحتفلون بيقاد ثم إطفاء شموعه"
يعني حاجة كدا قريبة من( يكتلوه و يمشو في جنازتو)!
طيب دو مشيناها وسكتنا.. لاكين كمان أخوانا الزوار النحن
معتمدين عليهم في مشاهدة وقراية بوستاتنا تقومو تمرقوهم
لينا كلهم عفاريت من الجن:بعاعيت وأشباح وعناكب عملاقة
يعني عندي بوست في الثقافي بعنوان"بقايا عشق يُحْتَضَر في
حطام إنسان" في بحر أقل من شهر قارينُّو فوق 46000
واحد! معقول ياخ بس ديل كلهم زوالات (أولاد أم بعلُّو)
و(بنات إبليس)؟! أها عاد أكان كدي قول لي تاني
لما أمشي أفتحو ما أقول "بسم الله"
يقوموا يشتتو عن بكرة ابيهم
يخلو لي بوستي فاضي!
.[/QUOTE]

http://im88.gulfup.com/nV8Os8.gif (http://www.gulfup.com/?eifhtO) http://im88.gulfup.com/nV8Os8.gif (http://www.gulfup.com/?eifhtO) http://im88.gulfup.com/nV8Os8.gif (http://www.gulfup.com/?eifhtO)

وحات الله يا صاحبى ضحكتنى من قلبى جوووه ، الله يديك العافيه

عارف يا صاحبى ؟ أنا مره عملت منتدى مجانى وكتبت موضوع ترحيب

لقيت ليك الزوار ميتين ودقداقه ;)

[ود المطامير]

يا نفاخ النار

وحات الله مشتااااقين

[حسام التنين]

سبحان الله فاتني كتير خلاص

ثورة بجد من مجنون عاقل ياسلام عليك وعلي افكارك

ولو في واحد في المية من الناس عارض التنفيذ بقول ليهو بالفم المليان

(قلبك ما علي المنتدى)


مافاتك شي يا اختنا

دي هترشان مجنون وتنين

خبرك شنو و ان شاء الله الغياب لي خير





ماتغيبي و ماتكتري الطله

[ماجدولين]

مافاتك شي يا اختنا

دي هترشان مجنون وتنين

خبرك شنو و ان شاء الله الغياب لي خير





ماتغيبي و ماتكتري الطله



خبري تمام الحمدلله لكن كنا معيدين في المستشفى اختي وضعت.

وبكتر الطلة كاااان عجبك وﻻ ما عجبك

[حسام التنين]

والله ياحبيب كلامك مريح وممتع
من الكيبورد للمستهلك مباشرة
عشان كدا وصلنا بكامل اناقته ..
دمت بخير ياخ ..


انت المريح ياود الضو ...

مرورك الانيق اتحفنا

هلا بيك و مرحب بيك في الثوره بالنص

[حسام التنين]

[font=pt bold heading][size=5][color="#6600ff"]
[center]سلاااااااام
ياأهل الله اللي هنا
لكن عاد يا تنين أنت ومعاك
ود المطامير ديل أكبر أولاد لزينة.
عارف ليه؟! ياخ سكتنا ليك لمن قلتو
على أصحاب السمو الإدارة وم حذا حذوهم:
"إنهم يهجرونه و يحتفلون بيقاد ثم إطفاء شموعه"
يعني حاجة كدا قريبة من( يكتلوه و يمشو في جنازتو)!
طيب دو مشيناها وسكتنا.. لاكين كمان أخوانا الزوار النحن
معتمدين عليهم في مشاهدة وقراية بوستاتنا تقومو تمرقوهم
لينا كلهم عفاريت من الجن:بعاعيت وأشباح وعناكب عملاقة
يعني عندي بوست في الثقافي بعنوان"بقايا عشق يُحْتَضَر في
حطام إنسان" في بحر أقل من شهر قارينُّو فوق 46000
واحد! معقول ياخ بس ديل كلهم زوالات (أولاد أم بعلُّو)
و(بنات إبليس)؟! أها عاد أكان كدي قول لي تاني
لما أمشي أفتحو ما أقول "بسم الله"
يقوموا يشتتو عن بكرة ابيهم
يخلو لي بوستي فاضي!
.[/quote]


ههههههههههههههههههههههه

اخوي عابر سبيل كيفك و شرفنا مرورك

اها خليك قريب و اتحفنا بي ابداعاتك

[حسام التنين]

.

http://im88.gulfup.com/nV8Os8.gif (http://www.gulfup.com/?eifhtO) http://im88.gulfup.com/nV8Os8.gif (http://www.gulfup.com/?eifhtO) http://im88.gulfup.com/nV8Os8.gif (http://www.gulfup.com/?eifhtO)

وحات الله يا صاحبى ضحكتنى من قلبى جوووه ، الله يديك العافيه

عارف يا صاحبى ؟ أنا مره عملت منتدى مجانى وكتبت موضوع ترحيب

لقيت ليك الزوار ميتين ودقداقه ;)[/QUOTE]



ههههههههههههههه

ربنا اديم ضحكتك ياغالي

في ايادي خفيه بتشتغل في المنتديات عشان الاعلانات

كثرة المشاهده فيه شخصيات حقيقية و اخري ......

[حسام التنين]

يا نفاخ النار

وحات الله مشتااااقين



مطره ليك من شوقي كل الشوق

و الشوق لي جنونك اكتر

اظهر ياخ و متعنا بي برطعتك

[حسام التنين]

خبري تمام الحمدلله لكن كنا معيدين في المستشفى اختي وضعت.

وبكتر الطلة كاااان عجبك وﻻ ما عجبك



حمدلله ع السلامه و الف مبرووك

ان شاء الله صحتهم تمام

اها ده الدايرنوا ان طلتك تكتر

[ود الأصيل]

المطامير;734795]



.

http://im88.gulfup.com/nv8os8.gif (http://www.gulfup.com/?eifhto) http://im88.gulfup.com/nv8os8.gif (http://www.gulfup.com/?eifhto) http://im88.gulfup.com/nv8os8.gif (http://www.gulfup.com/?eifhto)


وحات الله يا صاحبى ضحكتنى من قلبى جوووه ، الله يديك العافيه

عارف يا صاحبى ؟ أنا مره عملت منتدى مجانى وكتبت موضوع ترحيب

لقيت ليك الزوار ميتين ودقداقه[/quote] ;)[/quote]


يعني دي مدينة أشباح عديل كدا!
ولا شنو يا صاحبي أيوااا ، طيب ذكرتني حاجة عجيبة ،
كدي تعال نخرم بيك شوية! مرة في الراكوبة طلب منا أحدهم
أن يسجل كل منا أجمل و أغرب ما سمع، رأى أو قرأ. بدوري لم أوفق
إلى شيء جميل أبداً. لكنني و بانحراف طفيف عن النص دلفت إلى ما يحضرني
آنذاك مما سمعت عنه و لا يخيل إلي البتة أن أراه : إنها دولة أشباح بالطريقة الصاح
( بلا أطفال).هل تتصورونها على ظهر البسيطة. إذ تخلو نفافيجها من أي شُفَّع يسرحون و
يمرحون عرايا مولاي كما خلقتني؟! الجواب ، كلا و حاشَ. ولكن الواقع يقول: بل، نــــعــــم ، إنه
كيان نادر إن لم يكن الوحيد من نوعه.. و هي ليست مدينة فاضلة بأية حال من الأحوال و لا تمت
بأية صلة إلى( يوتوبيا) أفلاطون المتوهمة.. بل لعل الجبين يندى لمجرد ذكر غرابتها.إنها مقاطعة قاحلة
و قرية جدباء عقيمة من شيء يسمى الحنان و أخواته.. إذ تنفرد بصفة أن لا تسمع فيها أية صيحات بكـاء
أو ضحكات مجلجلة لأحباب الله الأطفــــال الأبرياء . إنها دولة الفـاتيكــان. تلك التي لا ينجب أو يترعرع فيهــا
أي طفل قط، و ذلك لعــدم وجــود متزوجيــن من أساسه ! و يبلغ تعداد سكـانها نحو( 1000) نسمة فقط
أو يزيدون، كلهم من (جلاكين) الرهبــان و الراهبــات المتبتلين والمتبتلات ، ممن يحرمون أنفسهم
من نعمة الزواج .. تعليقي الخاص على ذاك الخبر كان: بأننا نقف أمام برج
ل(أشباه الثيران و العذارى) و الذين إن كانت فيهم دعكة نخوة ساااي
و لا ليهم ذرة محمدة واحدة فهي: أن فاتورة كل ما يسمى
( حليب + بامبرز+ شبس+ بنات أم لعاب)
سوف تظل ممزقة لديهم إلى أن يرث الله
الأرض و من عليها.و برضو نقول:
رب ضارة نافعة )
*********

[ود الأصيل]

[
quote=tininana;734804]


.



ههههههههههههههههههههههه

اخوي عابر سبيل كيفك و شرفنا مرورك

اها خليك قريب و اتحفنا بي ابداعاتك

[/quote][/QUOTE]



قام واحد مشاتر من خبثاء المدينة
علق و قال: ياخ و رب الكعبة ديل أروق ناس؟
اسمع يا ابن العزتين و يا عابر السبيلين ،اللخو هييي
كدي اتلفت على جاى ها.. يعني الزول لو داير يترهبن عدييل
كدا المعنى يسوى شنو؟ياخ ديل أكتر ناس مرتاحين و حيااااة الله، كدي
أول تبادي أدينا الوصفة وزح منها و ينوبك ثواب!! فرددت عليه زاجراً إذ قلت
ما نصه:أولاً في التبادي "تبزغ الكلمة دي من خشمك يا (...) خليك ساااااه. ثانياً:
ياخي لكي تترهبن ، عملياً كدا هي بسيطة جداً، عليك فقط و من حولك بالتزام
الانفصام التام على نفسك ثم الاختصاء الذهني: أوضح أكتر، يعني تمارس(عادة)التبتل
التام تبتلاً لا يغادر إربةً لرجل أبداً.. و ذلك لأجل ضمان عذرية مستدامة "بين مزدوجين"
أي ، نعم! و إلا فمن أين لفطرة الله التي فطر الناس عليها أن تتحقق بأن: تظل البيضة بيضة
حتى تفقس و يظل الحجر حجراً حتى يقذف به بعيداً في لجة الماء؟ ثم ثالثاً و هذه أظنها
ثالثة الأثافي: هل قلت أحسن ناس؟ مين قال ليك!!! ما تغرك المظاهر الكضابة اللخو دي بس
حركات بتتعمل قدام الناس و لكن لعل ما خفي أعظم.. و مال أيه يعني المايقومات العندهم
دي (أكرم الله سامعيكم) بتستقبل و تعبي و تربي من وين؟! إحنا طبعاً العارف (مايقومتو)
مستريح و العندنا في الحاج يوسف دي عارفنها بتملأ من كوش و خيران القرى المجاورة
و الحضر مع اعتذاري للبذاءة غير المقصودة (إن وجدت) و أما نظرية تمزيقهم لفاتورة
بامبرات و حاجات الشفع دي تشبه إلى حد كبير نظرية تمزيقنا نحن الغبش
المغلوبين على أمرنا لفاتورة ضروريات أهم مثل ناس سكر و قمح و
لحم و فحم و جازولين و تمباك ود عماري الجيد نظل نشرِّط فيها
ثم نعود نرتقها في كل مرة.. عملاً بنظرية ( نأكل مما نزرع
و نلبس مما ننسج و نسف مما نُمِّطْر و نجردق)
و ربك غايتو يجيبو قوي ساااه!!!
*******&&&*******

[/COLOR]

[أبا إيثار]

خبري تمام الحمدلله لكن كنا معيدين في المستشفى اختي وضعت.

وبكتر الطلة كاااان عجبك وﻻ ما عجبك


ألف حمد وسلامة يارب لإختك
وكل سنة وإنت والجميع بخير .

عجبتيني والله والهرشة عندك لكن ؟؟:mad:

[ماجدولين]

ألف حمد وسلامة يارب لإختك
وكل سنة وإنت والجميع بخير .

عجبتيني والله والهرشة عندك لكن ؟؟:mad:

يسلمك رب العباد وكل سنة وانت طيب.

تعجبك هرشة ام ايثار قول امين

[ماجدولين]

ألف حمد وسلامة يارب لإختك
وكل سنة وإنت والجميع بخير .

[SIZحE=5]عجبتيني والله والهرشة عندك لكن ؟؟[/SIZE]:mad:

يسلمك رب العباد وكل سنة وانت طيب.

تعجبك هرشة ام ايثار قول امين

[أبا إيثار]

يسلمك رب العباد وكل سنة وانت طيب.

تعجبك هرشة ام ايثار قول امين



وإنتي طيبة يارب ويخلي ليك عقابك
آمين يااارب هسي عليك الله كان بتهرش كان أنا هسي هنا
ومصاقر المجانين ديل وشى دحاشة وشى مطامير ؟؟؟؟

[ماجدولين]

وإنتي طيبة يارب ويخلي ليك عقابك
آمين يااارب هسي عليك الله كان بتهرش كان أنا هسي هنا
ومصاقر المجانين ديل وشى دحاشة وشى مطامير ؟؟؟؟

قطع شك ما معاك

واﻻ كان دحاشة ومطامير يفتشو ليك بالفتاشة

[حسام التنين]

وينك ...

قاعد ...

قاعد ولا واقف ..

هههههه كويس

الخبر ...

تمام ... طناش بس

[ماجدولين]

وينك ...

قاعد ...

قاعد ولا واقف ..

هههههه كويس

الخبر ...

تمام ... طناش بس





تنننننننن المجنون
حمدالله بسﻻمة الظهور..
مقولة:
طنش تعش تنتعش

[حسام التنين]

تنننننننن المجنون
حمدالله بسﻻمة الظهور..
مقولة:
طنش تعش تنتعش



هلا بمستشفي المجانين

نورتوا وشرفتوا

ياخ الطناش ده عندو تبعيات ايدلوجية

و حسب الخطة و الاستراتيجية المتبعة لقياس النبض

بالمناسبة الفرق بين الخطة والاستراتيجية شنو